Jeremías 34:7 - Li Santil hu

⁷ Aꞌan quicꞌulman nak lix soldados lix reyeb laj Babilonia yo̱queb chi pletic riqꞌuineb li cuanqueb Jerusalén, ut riqꞌuineb ajcuiꞌ li cuib chi tenamit Laquis ut Azeca. Aꞌaneb li cuib chi tenamit li cauheb rib chi pletic li toj ma̱jiꞌ queꞌe̱chani̱c.

Q'eqchi Bible

⁷ naq eb' laj puub' re li awab'ej re Babilonia yookeb' chaq chi yalok rik'in Jerusalén ut rik'in Lakix ut Aseká, a'aneb' li kawub'resinb'il tenamit sa' xteepal Judá li toj maji' neke'sachmank.

Jeremías 34:7 ပူးပေါင်းရင်းမြစ်များ

Josué 10:3

Joꞌcan nak laj Adonisedec lix rey eb laj Jerusalén quixtakla xbokbaleb laj Hoham li rey re li tenamit Hebrón, ut laj Piream li rey re li tenamit Jarmut, ut laj Jafía li rey re li tenamit Laquis joꞌ ajcuiꞌ laj Debir li rey re li tenamit Eglón.

Jeremías 4:5

Laj Jeremías quixye: —Ya̱basihomak li trompeta yalak bar saꞌ li naꞌajej aꞌin. Japomak e̱re chi cau ut te̱ye reheb li tenamit Judá ut Jerusalén nak teꞌxic saꞌ eb li tenamit li ac cauresinbileb re teꞌxcol cuiꞌ ribeb.

Josué 15:35

Jarmut, Adulam, Soco, Azeca,

Miqueas 1:13

La̱ex li cuanquex Laquis, qꞌuehomak le̱ cacua̱y li nequeꞌa̱linac chi cau chixquelonquil li carruaje. Te̱yal e̱lelic re te̱col e̱rib chiru li raylal cha̱lc re saꞌ e̱be̱n xban nak la̱ex quexcꞌamoc xbeheb laj Jerusalén chintzꞌekta̱nanquil ut chixlokꞌoninquil jalanil dios joꞌ queꞌxba̱nu laj Israel.

Jeremías 34:1

Laj Nabucodonosor, lix reyeb laj Babilonia, ut eb lix qꞌuila soldados, joꞌ eb ajcuiꞌ lix solda̱deb li xni̱nkal ru tenamit li cuanqueb rubel xcuanquil laj Nabucodonosor queꞌpletic riqꞌuineb laj Jerusalén joꞌ eb ajcuiꞌ li cuanqueb chi xjun sutam. Nak yo̱queb chi pletic, li Ka̱cuaꞌ quia̱tinac riqꞌuin laj Jeremías ut quixye re:

Jeremías 11:12

Eb li tenamit li cuanqueb Judá ut eb li cuanqueb Jerusalén teꞌxic riqꞌuineb li yi̱banbil dios li nequeꞌxcꞌat pom chiru. Teꞌxtzꞌa̱ma xtenkꞌanquil chiruheb, abanan incꞌaꞌ teꞌtenkꞌa̱k xbaneb lix dioseb nak cuanqueb saꞌ raylal.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

2 Crónicas 27:4

Quixyi̱beb li tenamit saꞌ eb li tzu̱l aran Judá. Ut saꞌ eb li qꞌuicheꞌ quixyi̱b li cab li najt xteram re xcolbaleb rib.

2 Reyes 19:8

Nak quisukꞌi saꞌ xtenamit laj Rabsaces, quirabi resil nak li rey ma̱ ani Laquis. Co̱ ut quixtau li rey nak yo̱ chi pletic riqꞌuineb laj Libna.

Josué 15:39

Laquis, Boscat, Eglón,

Josué 12:11

li rey re Jarmut, ut li rey re Laquis,

Deuteronomio 28:52

Teꞌpletik riqꞌuin chixjunileb li tenamit li cuanqueb saꞌ li naꞌajej li tixqꞌue e̱re li Ka̱cuaꞌ le̱ Dios. Ut eb li tzꞌac li najt xteram li cꞌojcꞌo̱k cuiꞌ le̱ chꞌo̱l telajeꞌtꞌanekꞌ chixjunileb.

Josué 10:5

Joꞌcan nak queꞌxchꞌutub ribeb li o̱b chi rey reheb laj amorreo li cuanqueb saꞌ eb li tenamit Jerusalén, Hebrón, Jarmut, Laquis ut Eglón. Queꞌxchꞌutubeb lix soldado ut queꞌco̱eb chi pletic riqꞌuineb laj Gabaón. Aran queꞌxqꞌue lix muheba̱leb nachꞌ riqꞌuin li tenamit Gabaón re teꞌoc chi pletic riqꞌuineb.

2 Reyes 14:19

Eb li tenamit queꞌxcꞌu̱b ru chanru nak teꞌxcamsi laj Amasías aran Jerusalén. Laj Amasías quie̱lelic chiruheb. Abanan queꞌxta̱ke toj saꞌ li tenamit Laquis ut aran queꞌxcamsi.

Isaías 36:2

Tojoꞌnak lix reyeb laj Asiria quixtakla laj Rabsaces, li nim xcuanquil, chi a̱tinac riqꞌuin li rey Ezequías. Qui-el saꞌ li tenamit Laquis ut co̱ Jerusalén rochbeneb lix qꞌuila soldados. Queꞌxyi̱b lix muheba̱leb cuan cuiꞌ li rok haꞌ li nanumeꞌ cuiꞌ li haꞌ li na-el saꞌ li nimla pila li naxic saꞌ li tenamit. Li pila aꞌan cuan chire li be li nequeꞌpuchꞌuc cuiꞌ.