Jeremías 34:3 - Li Santil hu

³ At rey, la̱at incꞌaꞌ tatru̱k chi e̱lelic chiru lix reyeb laj Babilonia. Tatchapekꞌ ut tatqꞌuehekꞌ saꞌ rukꞌ. Ta̱cuil ru li rey Nabucodonosor ut tex-a̱tinak chi ribil e̱rib. Ut tatcꞌamekꞌ toj Babilonia.

Q'eqchi Bible

³ Ut laa'at ink'a' tatkole'q chiru: relik chi yaal naq tate'xchap ut tatq'axtesiiq sa' ruq'; ut naq akaq xawil rik'in aawu li awab'ej re Babilonia ut xex'aatinak cherib'il eerib', tatk'ame'q sa' li tenamit a'an.

Jeremías 34:3 ပူးပေါင်းရင်းမြစ်များ

Jeremías 32:4

La̱at yo̱cat chixyebal nak la̱in lix reyeb laj Judá incꞌaꞌ tincolekꞌ saꞌ rukꞌeb laj Babilonia. Tinkꞌaxtesi̱k ban saꞌ rukꞌ lix reyeb laj Babilonia ut toa̱tinak chi kibil kib ut takacaꞌya kib.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

Jeremías 34:21

La̱in tinkꞌaxtesi laj Sedequías lix reyeb laj Judá saꞌ rukꞌeb lix soldado lix reyeb laj Babilonia li queꞌxcanab pletic e̱riqꞌuin. Tinkꞌaxtesiheb ajcuiꞌ li nequeꞌtenkꞌan re laj Sedequías.

Ezequiel 21:25

La̱at lix reyeb laj Israel, incꞌaꞌ us la̱ naꞌleb. Xamux a̱cuib xban li ma̱usilal xaba̱nu. Xcuulac xkꞌehil nak ta̱toj rix la̱ ma̱c xban nak xnumta la̱ ma̱usilal.

Ezequiel 12:13

La̱in li Ka̱cuaꞌ tinqꞌue lin raꞌal re nak ta̱chapekꞌ. La̱in tincꞌam toj Babilonia saꞌ lix naꞌajeb laj Caldea, abanan aꞌan incꞌaꞌ ta̱ril li naꞌajej. Aran ta̱ca̱mk.

Jeremías 38:18

Abanan cui incꞌaꞌ nacakꞌaxtesi a̱cuib saꞌ rukꞌeb laj Babilonia, li tenamit aꞌin ta̱kꞌaxtesi̱k saꞌ rukꞌeb ut teꞌxcꞌat li tenamit ut la̱at moco tatcolekꞌ ta saꞌ rukꞌeb,” chan.

Jeremías 37:17

Mokon chic li rey Sedequías quixtakla xcꞌambal. Nak quicꞌameꞌ saꞌ li palacio, li rey Sedequías quia̱tinac riqꞌuin xjunes. Quixpatzꞌ re: —¿Ma cuan junak esilal xtakla chak chokꞌ cue li Ka̱cuaꞌ? chan. Ut laj Jeremías quixye re: —Li Ka̱cuaꞌ xye nak la̱at tatkꞌaxtesi̱k saꞌ rukꞌ lix reyeb laj Babilonia, chan.

Jeremías 27:22

Chixjunil aꞌin ta̱cꞌamekꞌ Babilonia ut aran ta̱cana̱k toj saꞌ li cutan nak la̱in tinqꞌueheb cuiꞌchic chi cꞌamecꞌ saꞌ xnaꞌajeb. Saꞌ li cutan aꞌan la̱in tinqꞌueheb cuiꞌchic chi cua̱nc saꞌ li naꞌajej aꞌin. La̱in li Ka̱cuaꞌ ninyehoc re aꞌin.

Jeremías 32:3

Laj Sedequías lix reyeb laj Judá quixqꞌue chi pre̱xil laj Jeremías xban li cꞌaꞌru quixye. Laj Sedequías quixye re: —¿Cꞌaꞌut nak yo̱cat chixyebal nak li Ka̱cuaꞌ tixkꞌaxtesi li tenamit aꞌin saꞌ rukꞌ lix reyeb laj Babilonia ut ta̱re̱chani?

Jeremías 32:28

Joꞌcan nak li Ka̱cuaꞌ xye chi joꞌcaꞌin: La̱in tinkꞌaxtesi li tenamit aꞌin saꞌ rukꞌeb laj Babilonia ut saꞌ rukꞌ lix reyeb toj retal teꞌre̱chani.

Jeremías 34:4

At Sedequías, chaqꞌuehak retal li yo̱quin chixyebal a̱cue. La̱at incꞌaꞌ tatcamsi̱k saꞌ li ple̱t.

Ezequiel 17:15

Abanan lix reyeb laj Judá quixkꞌetkꞌeti rib chiru lix reyeb laj Babilonia. Ut quixtaklaheb lix takl Egipto chixsicꞌbaleb li cacua̱y ut nabaleb li soldados. ¿Ma ta̱ru̱k ta biꞌ tixba̱nu li cꞌaꞌru naxcꞌoxla xba̱nunquil lix reyeb laj Judá? ¿Ma ta̱ru̱k ta biꞌ tixcol rib nak ac xkꞌet li cꞌaꞌru quixye saꞌ li contrato?

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Ezequiel 17:16

La̱in li yoꞌyo̱quil Dios ninye nak relic chi ya̱l lix reyeb laj Judá ta̱ca̱mk aran Babilonia xban nak incꞌaꞌ quixba̱nu li quixye saꞌ li contrato. Quixtzꞌekta̱na li juramento li quixba̱nu riqꞌuin lix reyeb laj Babilonia li quiqꞌuehoc re saꞌ lix cuanquil.