Jeremías 34:22 - Li Santil hu

²² La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Q'eqchi Bible

²² Laa'in tinsutq'isiheb' chaq wi' chik ut te'chalq chi xsachb'al Jerusalén; te'reechani ut te'xk'e xxamlel. Ut nakirirnak te'kanaaq chixjunileb' li tenamit sa' xteepal Judá ut maajun chik poyanam taawanq chisa'”, chan li Qaawa'.

Jeremías 34:22 ပူးပေါင်းရင်းမြစ်များ

Jeremías 9:11

Li Ka̱cuaꞌ quixye: —La̱in tinsach ru li tenamit Jerusalén. Jucꞌbil chic ta̱cana̱k chixjunil. Ta̱cana̱k chokꞌ xnaꞌajeb laj xoj. Chanchan chaki chꞌochꞌ teꞌcana̱k eb li tenamit li cuanqueb Judá. Ma̱ ani chic ta̱ru̱k ta̱cua̱nk saꞌ li naꞌajej aꞌan, chan li Ka̱cuaꞌ.

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 52:13

Laj Nabuzaradán quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat chixjunileb li cab li cuanqueb Jerusalén. Chixjunileb li ni̱nki cab quixcꞌateb.

Jeremías 52:7

Queꞌxhop li tzꞌac li sutsu cuiꞌ li tenamit ut queꞌe̱lelic chi kꞌek chixjunileb li soldado aj Israel. Queꞌel saꞌ li oqueba̱l li cuan saꞌ xyi li cuib chi tzꞌac chixcꞌatk lix naꞌaj li rutzꞌuꞌuj li rey, usta cuanqueb lix soldado laj Babilonia chi xjun sutam li tenamit. Queꞌco̱eb saꞌ li be li naxic Arabá.

Jeremías 44:22

Li Dios incꞌaꞌ chic quixcuy rilbal li ma̱c ut li ma̱usilal xeba̱nu. Incꞌaꞌ chic quixcuy rilbal lix yibal ru le̱ naꞌleb. Joꞌcan nak quixsach ru le̱ naꞌaj. Ma̱cꞌaꞌ chic cuan chi saꞌ anakcuan ut majecuanbil chic.

Jeremías 33:10

Li Ka̱cuaꞌ quixye: —La̱ex nequeye nak li naꞌajej aꞌin ma̱cꞌaꞌ cuan chi saꞌ, chi moco li cristian, chi moco li xul. Abanan saꞌ eb li tenamit li cuanqueb Judá ut saꞌ eb li be li cuanqueb Jerusalén, usta ma̱cꞌaꞌeb cristian ut ma̱cꞌaꞌeb xul, ta̱abima̱nk cuiꞌchic li japoc e.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Zacarías 7:14

Chanchan xeꞌcꞌameꞌ xban li ikꞌ li naxsuti rib nak quinjeqꞌui ruheb yalak bar saꞌ eb li jalan tenamit bar incꞌaꞌ nequeꞌxnau. Ut lix naꞌajeb li queꞌel cuiꞌ xcana chi ma̱cꞌaꞌ chic cuan chi saꞌ. Xcana joꞌ jun chaki chꞌochꞌ ut ma̱ ani chic naru nacuan aran. Kꞌaxal cha̱bil raj li chꞌochꞌ, abanan quicanaba̱c joꞌ jun chaki chꞌochꞌ.—

Zacarías 1:12

Ut lix ángel li Ka̱cuaꞌ quixye: —At nimajcual Dios, laje̱b xca̱cꞌa̱l chihab yo̱ a̱joskꞌil saꞌ xbe̱neb li tenamit Jerusalén ut Judá. ¿Joꞌ najtil chic ta̱cua̱nk la̱ joskꞌil saꞌ xbe̱neb? Ut, ¿jokꞌe ta̱cuuxta̱na ruheb? chan li ángel.

Miqueas 7:13

Ut xban li ma̱usilal li yo̱quex chixba̱nunquil la̱ex aj Israel, le̱ chꞌochꞌ incꞌaꞌ chic us ta̱cana̱k. Ma̱cꞌaꞌ chic ta̱e̱lk chiru.

Amós 3:6

Cui ta̱ecꞌa̱nk li trompeta saꞌ tenamit, ¿ma incꞌaꞌ ta biꞌ teꞌxucuak li tenamit chirabinquil? Ut, ¿ma ta̱cha̱lk ta biꞌ li raylal saꞌ xbe̱n junak li tenamit cui li Dios incꞌaꞌ tixcanabeb re teꞌxcꞌul?

Lamentaciones 1:1

Tokꞌob xak ru li tenamit Jerusalén. Ma̱cꞌaꞌ chic cuan chi saꞌ. Nimla tenamit nak quicuan, abanan anakcuan chanchan aj chic jun xma̱lcaꞌan xcana. Junxil li tenamit Jerusalén kꞌaxal nim saꞌ xya̱nkeb chixjunileb li tenamit ut aꞌan nataklan saꞌ xbe̱neb. Abanan anakcuan aꞌan chic li natakla̱c.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Jeremías 32:29

Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Jeremías 4:7

Yo̱ chi cha̱lc li ta̱sachok re le̱ tenamit. Chanchan jun li cakcoj ac x-el saꞌ xnaꞌaj. Laj sachonel ta̱cha̱lk chixsachbal li naꞌajej Judá. Eb li tenamit teꞌsachekꞌ ruheb ut ma̱cꞌaꞌ chic cristian ta̱cana̱k chi saꞌ.

Isaías 64:10

La̱ santil tenamit xsacheꞌ ru. Sión ma̱cꞌaꞌ chic cuan chi saꞌ. Li tenamit Jerusalén chanchan chic chaki chꞌochꞌ.

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Isaías 24:12

Jucꞌbil chic chixjunil li cuan saꞌ li tenamit ut jucꞌbil li puerta li cuan saꞌ li oqueba̱l.

Isaías 13:3

Li Ka̱cuaꞌ quixsicꞌ ruheb li cha̱bil soldado li cauheb rib re nak teꞌxic chi pletic re xqꞌuebal chixtojbal xma̱queb li tenamit li yo̱ xjoskꞌil saꞌ xbe̱neb. Quixsicꞌ ruheb li teꞌsahokꞌ xchꞌo̱l chixqꞌuebal xlokꞌal.

Isaías 6:11

Ut la̱in quinpatzꞌ re, —¿Joꞌ najtil teꞌxcꞌul chi joꞌcaꞌin, at Ka̱cuaꞌ?— Li Dios quixye cue: —Toj retal teꞌsachekꞌ chixjunileb li tenamit. Ma̱ jun chic ta̱cana̱k saꞌ rochocheb ut lix chꞌochꞌeb ta̱cana̱k chi ma̱cꞌaꞌ chic cuan.

2 Crónicas 36:17

Xban lix ma̱usilaleb laj Judá, li Ka̱cuaꞌ quixcanab lix reyeb laj Babilonia chi numta̱c saꞌ xbe̱neb. Queꞌxcamsiheb chi chꞌi̱chꞌ saꞌ li templo li toj sa̱jeb. Incꞌaꞌ queꞌril xtokꞌoba̱l ruheb li sa̱j cui̱nk ut li sa̱j ixk, chi moco queꞌril xtokꞌoba̱l ruheb li ti̱xeb ut eb li incꞌaꞌ nequeꞌbe̱c. Quixkꞌaxtesiheb ban chixjunileb saꞌ rukꞌ lix reyeb laj Babilonia.

2 Samuel 16:11

Ut laj David quixye re laj Abisai ut reheb ajcuiꞌ li nequeꞌcꞌanjelac chiru: —Cui li tzꞌakal cualal ta̱raj incamsinquil, ¿ma tojaꞌ ta chic li cui̱nk aꞌin, li xcomoneb li ralal xcꞌajol laj Benjamín? Canabomak chinmajecuanquil xban nak li Ka̱cuaꞌ xyehoc re nak tixba̱nu chi joꞌcan.

2 Reyes 25:6

Nak ac xeꞌxchap li rey Sedequías queꞌxcꞌam aran Ribla riqꞌuin lix reyeb laj Babilonia. Ut aran quirakeꞌ a̱tin saꞌ xbe̱n.

Jeremías 34:2

—La̱in li Ka̱cuaꞌ lix Dioseb laj Israel ninye a̱cue nak tatxic chixyebal re laj Sedequías lix reyeb laj Judá chi joꞌcaꞌin: La̱in li Ka̱cuaꞌ tinkꞌaxtesi li tenamit aꞌin saꞌ rukꞌ lix reyeb laj Babilonia ut aꞌan tixcꞌat li tenamit.

Jeremías 50:13

Xban nak yo̱ injoskꞌil saꞌ xbe̱neb ma̱ ani ta̱cana̱k Babilonia. Ta̱canaba̱k chi juqꞌuinbil chixjunil ut chixjunileb li teꞌnumekꞌ aran teꞌsach xchꞌo̱leb chirilbal ut teꞌxhob xban li raylal xcꞌul.

Ezequiel 13:22

La̱ex xeqꞌue xrahil xchꞌo̱leb li ti̱queb xchꞌo̱l riqꞌuin li ticꞌtiꞌ xeye. La̱in incꞌaꞌ nacuaj nak teꞌxcꞌul li raylal. La̱ex xeqꞌueheb chi cacuu̱c xchꞌo̱leb li incꞌaꞌ useb xnaꞌleb. Ut incꞌaꞌ xeꞌxcanab xba̱nunquil li ma̱usilal e̱ma̱c la̱ex.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

Jeremías 2:15

Chanchan nak nequeꞌxjap re li cakcoj xban xjoskꞌileb nak queꞌchal li jalan tenamit chixrahobtesinquileb laj Israel. Queꞌxsach ru li racui̱mkeb ut queꞌxcꞌat lix tenamiteb. Quicana chi ma̱cꞌaꞌ cuan chi saꞌ.