Jeremías 34:20 - Li Santil hu

²⁰ La̱in tinkꞌaxtesiheb saꞌ rukꞌeb li teꞌajok xcamsinquileb. Ut eb li soꞌsol ut eb li joskꞌ aj xul saꞌ qꞌuicheꞌ teꞌxtiu lix tibeleb.

Q'eqchi Bible

²⁰ ut tinq'axtesiheb' sa' ruq'eb' li xik' neke'ilok reheb' ut te'ajoq xkamsinkileb'. Chikanaaq li xtib'eleb' cho'q xtib' eb' li so'sol ut eb' li k'iche'il xul.

Jeremías 34:20 ပူးပေါင်းရင်းမြစ်များ

Jeremías 7:33

Ut lix tibeleb li teꞌca̱mk teꞌtiꞌekꞌ xbaneb li soꞌsol ut eb li joskꞌ aj xul ut ma̱ ani ta̱seꞌbesi̱nk reheb.

Jeremías 19:7

Saꞌ li naꞌajej aꞌin la̱in tinpoꞌ ru li nequeꞌxcꞌu̱b ru xba̱nunquil eb laj Judá ut eb laj Jerusalén. Tincanabeb chi camsi̱c xbaneb li xicꞌ nequeꞌiloc reheb li yo̱queb chi sicꞌoc reheb. Ut la̱in tinqꞌue lix tibeleb chixtiuheb li xul li nequeꞌrupupic ut eb li joskꞌ aj xul li cuanqueb saꞌ qꞌuicheꞌ.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

Jeremías 11:21

Aꞌut eb li cui̱nk li cuanqueb Anatot li queꞌraj incamsinquil, queꞌxye cue nak incꞌaꞌ chic tina̱tinak saꞌ xcꞌabaꞌ li Ka̱cuaꞌ re nak incꞌaꞌ tineꞌxcamsi, chan laj Jeremías.

1 Reyes 16:4

Eb la̱ cualal a̱cꞌajol li teꞌca̱mk saꞌ tenamit teꞌtiꞌekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌtiꞌekꞌ xbaneb li soꞌsol,” chan li Ka̱cuaꞌ.—

Jeremías 22:25

Tatinkꞌaxtesi saꞌ rukꞌeb laj Babilonia li xicꞌ nequeꞌiloc a̱cue, li nacaxucuaheb ru. Tatincanab saꞌ rukꞌ laj Nabucodonosor lix reyeb.

Jeremías 21:7

Abanan la̱at, at rey, ut eb li nequeꞌtenkꞌan a̱cue, texinkꞌaxtesi saꞌ rukꞌ laj Nabucodonosor. Joꞌ qꞌuial chic li tenamit li incꞌaꞌ teꞌca̱mk xban li ple̱t malaj xban li caki yajel malaj xban li cueꞌej, tebinkꞌaxtesi ajcuiꞌ saꞌ rukꞌeb li xicꞌ nequeꞌiloc e̱re li teꞌraj e̱camsinquil. Eb aꞌan incꞌaꞌ teꞌril xtokꞌoba̱l e̱ru, chi moco teꞌxcuy e̱ma̱c. Texcamsi̱k ban chi chꞌi̱chꞌ.”

1 Reyes 14:11

Eb li ralal xcꞌajol laj Jeroboam li teꞌca̱mk saꞌ tenamit teꞌtiꞌekꞌ xbaneb li tzꞌiꞌ. Ut eb li teꞌca̱mk saꞌ cꞌaleba̱l teꞌtiꞌekꞌ xbaneb li soꞌsol xban nak joꞌcan xye li Ka̱cuaꞌ.”

1 Samuel 17:46

Anakcuan ajcuiꞌ tatxkꞌaxtesi saꞌ cuukꞌ li Ka̱cuaꞌ. La̱in tinnumta̱k saꞌ a̱be̱n ut tinset la̱ cux. Ut tinqꞌue lix tibeleb li soldados aj filisteo chixtiuheb li xul li nequeꞌrupupic, joꞌ ajcuiꞌ li joskꞌ aj xul. Ut chixjunileb li cuanqueb saꞌ ruchichꞌochꞌ teꞌxqꞌue retal nak lix Dios eb laj Israel kꞌaxal nim xcuanquil.

1 Samuel 17:44

Quim arin, chan, ut tinqꞌue la̱ tibel reheb li xul li nequeꞌrupupic li nequeꞌtiꞌoc tib ut reheb ajcuiꞌ li xul li cuanqueb saꞌ qꞌuicheꞌ, chan.

Ezequiel 32:4

Ut tatincut saꞌ chꞌochꞌ ut aran tatincanab chi camenak re nak eb li soꞌsol ut eb li joskꞌ aj xul teꞌxtiu la̱ tibel re nak teꞌnujak xsaꞌeb.

Ezequiel 29:5

La̱in tatincanab saꞌ li chaki chꞌochꞌ a̱cuochbeneb chixjunileb li car li cuanqueb saꞌ eb li nimaꞌ. Tatcana̱k chi tꞌantꞌo saꞌ chꞌochꞌ ut incꞌaꞌ tatmukekꞌ. Ut eb li joskꞌ aj xul ut eb li soꞌsol teꞌxtiu le̱ tibel.

Jeremías 49:37

Tincanabeb laj Elam chi sachecꞌ ruheb xbaneb li xicꞌ nequeꞌiloc reheb, li teꞌajok xcamsinquileb. Xban nak xnumta lin joskꞌil saꞌ xbe̱neb, la̱in tintakla xcamsinquileb chi chꞌi̱chꞌ toj retal nak teꞌosokꞌ chixjunileb, chan li Ka̱cuaꞌ.

Jeremías 44:30

Aꞌan aꞌin li retalil li tinqꞌue. La̱in tinkꞌaxtesi laj faraón Hofra xcꞌabaꞌ, lix reyeb laj Egipto, saꞌ rukꞌeb li xicꞌ nequeꞌiloc re, li teꞌajok xcamsinquil. Tinba̱nu riqꞌuin laj Hofra joꞌ quinba̱nu riqꞌuin laj Sedequías lix reyeb laj Judá nak quinkꞌaxtesi saꞌ rukꞌ laj Nabucodonosor lix reyeb laj Babilonia nak yo̱ chixsicꞌbal re tixcamsi, chan li Ka̱cuaꞌ.

Jeremías 38:16

Ut li rey Sedequías quixba̱nu li juramento saꞌ mukmu riqꞌuin laj Jeremías, ut quixye re: —Saꞌ xcꞌabaꞌ li yoꞌyo̱quil Dios, li naqꞌuehoc kayuꞌam, la̱in incꞌaꞌ tatincamsi, chi moco tatinkꞌaxtesi saꞌ rukꞌeb li cui̱nk li teꞌajok a̱camsinquil, chan.

Jeremías 4:30

La̱ex aj Jerusalén, raylal ta̱cha̱lk saꞌ e̱be̱n. ¿Cꞌaꞌut nak nequetikib e̱rib riqꞌuin li caki akꞌ? ¿Cꞌaꞌut nak nequerocsi li oro chokꞌ xsahob e̱ru? ¿Cꞌaꞌut nak nequebon li xnakꞌ e̱ru? Ma̱cꞌaꞌ rajbal nak nequeyi̱b e̱rib chi chꞌinaꞌus. Eb li queꞌrahoc e̱re xextzꞌekta̱na ut teꞌraj e̱camsinquil.

Deuteronomio 28:26

Eb laj xicꞌanel xul ut eb li joskꞌ aj xul teꞌxtiu le̱ tibel nak camenakex chic ut ma̱ ani ta̱chikꞌok reheb.

Salmos 79:2

Queꞌxcamsiheb li nequeꞌcꞌanjelac cha̱cuu ut queꞌxqꞌue lix tibeleb chixtiuheb li soꞌsol ut li joskꞌ aj xul.

Jeremías 12:9

Li tenamit li sicꞌbil ru inban chanchaneb li xul li chꞌinaꞌus saꞌ rix, li nequeꞌrupupic, li quisuteꞌ xbaneb li cꞌuch li teꞌajok xcamsinquil. Bokomakeb chixjunileb li joskꞌ aj xul li cuanqueb saꞌ qꞌuicheꞌ re teꞌcha̱lk chixtiubal lix tibeb.

Ezequiel 23:28

Aꞌan aꞌin li naxye li Ka̱cuaꞌ li nimajcual Dios: La̱in oc cue che̱kꞌaxtesinquil saꞌ rukꞌeb li xicꞌ nequerileb. Texincanab saꞌ rukꞌeb li incꞌaꞌ chic nequerajeb.

Jeremías 39:6

Ut lix reyeb laj Babilonia quixcamsi li ralal laj Sedequías. Laj Sedequías yo̱ chi rilbal nak queꞌcamsi̱c. Ut queꞌcamsi̱c ajcuiꞌ eb li cuanqueb xcuanquil aran Judá.