Jeremías 34:2 - Li Santil hu

² —La̱in li Ka̱cuaꞌ lix Dioseb laj Israel ninye a̱cue nak tatxic chixyebal re laj Sedequías lix reyeb laj Judá chi joꞌcaꞌin: La̱in li Ka̱cuaꞌ tinkꞌaxtesi li tenamit aꞌin saꞌ rukꞌ lix reyeb laj Babilonia ut aꞌan tixcꞌat li tenamit.

Q'eqchi Bible

² “Laa'in, li Qaawa' ut xYos laj Israel, nakatintaqla chi xyeeb'al re laj Sedesías, awab'ej re Judá: «Jo'ka'in xye li Qaawa': Laa'in tinq'axtesi li tenamit a'in sa' ruq' li awab'ej re Babilonia re naq tixk'at.

Jeremías 34:2 ပူးပေါင်းရင်းမြစ်များ

Jeremías 21:10

La̱in incꞌaꞌ chic tinba̱nu usilal re li tenamit aꞌin. Raylal ban tinqꞌue saꞌ xbe̱n. Ac xinye nak joꞌcan tinba̱nu reheb. Tinkꞌaxtesiheb saꞌ rukꞌ lix reyeb laj Babilonia ut eb aꞌan teꞌxcꞌat li tenamit, chan li Ka̱cuaꞌ.

Jeremías 34:22

La̱in tintaklaheb cuiꞌchic laj Babilonia saꞌ li tenamit aꞌin chi pletic e̱riqꞌuin. Teꞌnumta̱k saꞌ e̱be̱n ut teꞌxcꞌat li tenamit. La̱in tinsach ruheb li tenamit li cuanqueb Judá re nak ma̱ ani chic ta̱ru̱k ta̱cua̱nk aran, chan li Dios.

Jeremías 32:3

Laj Sedequías lix reyeb laj Judá quixqꞌue chi pre̱xil laj Jeremías xban li cꞌaꞌru quixye. Laj Sedequías quixye re: —¿Cꞌaꞌut nak yo̱cat chixyebal nak li Ka̱cuaꞌ tixkꞌaxtesi li tenamit aꞌin saꞌ rukꞌ lix reyeb laj Babilonia ut ta̱re̱chani?

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 38:23

Chixjunileb la̱ cuixakil ut eb la̱ cocꞌal teꞌkꞌaxtesi̱k saꞌ rukꞌeb laj Babilonia. Ut la̱at incꞌaꞌ tatru̱k chi e̱lelic chiruheb. Tatchapekꞌ ban xban lix reyeb laj Babilonia ut li tenamit aꞌin ta̱cꞌatekꞌ, chan laj Jeremías.

Jeremías 21:4

Li Ka̱cuaꞌ lix Dioseb laj Israel xye chi joꞌcaꞌin, “La̱in tinqꞌueheb chi oc saꞌ le̱ tenamit laj Babilonia li yo̱queb chixsutbal le̱ tenamit. Li chꞌi̱chꞌ li cuan saꞌ e̱rukꞌ re texpletik cuiꞌ riqꞌuineb laj Babilonia ma̱cꞌaꞌ ta̱oc cuiꞌ che̱ru. La̱ex incꞌaꞌ texru̱k chixsumenquileb.

2 Reyes 25:1

Yo̱ chic bele̱b chihab roquic chokꞌ xreyeb laj Judá laj Sedequías. Saꞌ li laje̱b xbe li xlaje li po re li chihab aꞌan nak co̱ laj Nabucodonosor lix reyeb laj Babilonia rochbeneb chixjunileb lix soldados chi pletic riqꞌuin li tenamit Jerusalén. Queꞌxyi̱b lix muheba̱leb chire li tenamit ut queꞌxyi̱b lix takleba̱l chi xjun sutam.

Jeremías 27:22

Chixjunil aꞌin ta̱cꞌamekꞌ Babilonia ut aran ta̱cana̱k toj saꞌ li cutan nak la̱in tinqꞌueheb cuiꞌchic chi cꞌamecꞌ saꞌ xnaꞌajeb. Saꞌ li cutan aꞌan la̱in tinqꞌueheb cuiꞌchic chi cua̱nc saꞌ li naꞌajej aꞌin. La̱in li Ka̱cuaꞌ ninyehoc re aꞌin.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.