Jeremías 34:18 - Li Santil hu

¹⁸ Eb li cui̱nk aꞌin queꞌxkꞌet li contrato li quinba̱nu riqꞌuineb. Incꞌaꞌ queꞌxba̱nu joꞌ naxye saꞌ li contrato. Joꞌcan nak la̱in tinba̱nu reheb joꞌ queꞌxba̱nu re li chꞌina ba̱c li queꞌxjach saꞌ xyi nak queꞌxba̱nu li contrato ut mokon queꞌnumeꞌ saꞌ xyi.

Q'eqchi Bible

^18-19 Eb' li neke'jolomink re Judá ut Jerusalén, eb' laj ilol re li rochoch li awab'ej, eb' laj tij jo'wi' chixjunileb' li poyanam xe'xk'ojob' jun li sumwank chiwu: xe'xkamsi jun li saaj wakax, xe'xjach sa' xyi ut xe'nume'k sa' xyanq li wiib' jachal. Ab'an xe'q'etok aatin ut xe'xsach xwankil li sumwank xe'xk'ulub'a chiwu. Jo'kan naq tink'eheb' chi oso'k jo'qeb' li saaj wakax

Jeremías 34:18 ပူးပေါင်းရင်းမြစ်များ

Génesis 15:10

Ut laj Abram quixcꞌameb li xul li quipatzꞌeꞌ re xban li Dios. Quixcamsi ut quixjach saꞌ xyiheb li xul ut quixpacꞌabeb. Li mucuy ut li paloma incꞌaꞌ quixjacheb.

Oseas 8:1

Ya̱basi li trompeta xban nak yo̱queb chi cha̱lc chi pletic li xicꞌ nequeꞌiloc reheb lin tenamit. Chanchaneb li cꞌuch nak yo̱queb chi cha̱lc. Xban nak lin tenamit xeꞌxtzꞌekta̱na li contrato quinba̱nu riqꞌuineb, joꞌcan nak teꞌxcꞌul li raylal. Xeꞌxtzꞌekta̱na li chakꞌrab xinqꞌue reheb.

Oseas 6:7

Joꞌ quixba̱nu laj Adán nak quixkꞌet li cua̱tin, joꞌcan ajcuiꞌ queꞌxba̱nu lin tenamit nak quineꞌxtzꞌekta̱na.

Salmos 50:1

Li nimajcual Dios, li kꞌaxal nim xcuanquil chiru chixjunil, aꞌan li yo̱ chi a̱tinac riqꞌuineb chixjunileb li cuanqueb saꞌ ruchichꞌochꞌ. Naa̱tinac riqꞌuineb chixjunileb jun sut rubel choxa.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Josué 7:11

Eb laj Israel xeꞌma̱cob ut xeꞌxkꞌet li contrato li xinba̱nu riqꞌuineb nak xinye reheb nak incꞌaꞌ teꞌxxoc li cꞌaꞌak re ru ac kꞌaxtesinbil re ta̱sachekꞌ. Eb aꞌan xeꞌrelkꞌa li cꞌaꞌru incꞌaꞌ raj xeꞌxchꞌeꞌ ut xeꞌticꞌtiꞌic. Ut li cꞌaꞌru xeꞌxxoc, xeꞌxqꞌue saꞌ xya̱nk li cꞌaꞌruheb re.

Deuteronomio 17:2

Ma̱re cua̱nk junak cui̱nk malaj ixk saꞌ eb li tenamit li tixqꞌue e̱re li Ka̱cuaꞌ li tixkꞌet li contrato ut ta̱ma̱cobk chiru li Ka̱cuaꞌ

Romanos 2:8

Aban riqꞌuin xjoskꞌil li Dios tixqꞌueheb chixtojbal xma̱queb li nequeꞌxnimobresi rib ut incꞌaꞌ nequeꞌraj xpa̱banquil lix ya̱lal. Eb aꞌan caꞌaj cuiꞌ li incꞌaꞌ us nequeꞌxcꞌoxla.

Génesis 15:8

Ut laj Abram quichakꞌoc ut quixye: —Ka̱cuaꞌ Dios, ¿chanru nak tinnau chi tzꞌakal nak tincue̱chani li chꞌochꞌ? ¿Cꞌaꞌru li retalil ta̱qꞌue? chan.