Jeremías 34:15 - Li Santil hu

¹⁵ Aꞌut la̱ex xejal le̱ cꞌaꞌux ut xeba̱nu li cꞌaꞌru nacuulac chicuu nak xerachꞌab le̱ lokꞌbil mo̱s aj hebreo le̱ rech tenamitil. Xeba̱nu li contrato cuiqꞌuin saꞌ lin templo li ninlokꞌoni̱c cuiꞌ.

Q'eqchi Bible

¹⁵ Anaqwan laa'ex xeyot' leech'ool xejal leek'a'uxl ut xeb'aanu li nawulak chiwu: xekanab' chi ach'ab'anb'il leerech tenamitul ut xek'e eerib' sa' aatin wik'in, sa' li ochoch nanimaak wi' link'ab'a'.

Jeremías 34:15 ပူးပေါင်းရင်းမြစ်များ

Jeremías 34:8

Li Ka̱cuaꞌ quia̱tinac riqꞌuin laj Jeremías nak ac xba̱nu jun li contrato laj Sedequías riqꞌuineb chixjunileb li cuanqueb Jerusalén re nak teꞌachꞌaba̱k chixjunileb li lokꞌbil mo̱s.

2 Reyes 23:3

Quixakli li rey chixcꞌatk li rokechal li templo ut quixba̱nu jun li contrato riqꞌuin li Ka̱cuaꞌ. Quixye re li Ka̱cuaꞌ nak tixba̱nu lix chakꞌrab ut chi anchal xchꞌo̱l tixba̱nu li naxtakla li Ka̱cuaꞌ. Quixye nak chi anchal xchꞌo̱l tixqꞌue xcuanquil li contrato li tzꞌi̱banbil saꞌ li hu. Ut chixjunileb li tenamit queꞌxye nak teꞌxba̱nu li cꞌaꞌru tzꞌi̱banbil saꞌ li contrato.

Nehemías 10:29

Ut chixjunileb chi junajeb xchꞌo̱l rochbeneb li nequeꞌcꞌamoc be saꞌ xya̱nkeb queꞌxba̱nu li juramento ut queꞌxye nak teꞌxba̱nu joꞌ naxye li chakꞌrab li quixqꞌue li Dios re laj Moisés laj cꞌanjel chiru. Queꞌxye nak teꞌxba̱nu chi tzꞌakal chixjunil li naxye saꞌ li chakꞌrab li quiqꞌueheꞌ reheb xban li Ka̱cuaꞌ li kaDios.

San Mateo 15:8

Li tenamit aꞌin niquineꞌxlokꞌoni caꞌaj cuiꞌ riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb.

Jeremías 32:34

Queꞌxmux ban ru lin templo li ninlokꞌoni̱c cuiꞌ nak queꞌxqꞌue lix yi̱banbil dios li kꞌaxal yibru chi saꞌ.

Isaías 58:2

Cuulaj cuulaj yo̱queb chinsicꞌbal. Nequeꞌraj xnaubal cꞌaꞌru tincuaj teꞌxba̱nu. Chanchaneb jun li tenamit li nequeꞌxba̱nu li us. Chanchan nak incꞌaꞌ xeꞌxkꞌet lin chakꞌrab. Nequeꞌxtzꞌa̱ma chicuu li chakꞌrab li ti̱c. Nequeꞌxye nak nacuulac chiruheb inlokꞌoninquil, chan li Dios.

Salmos 119:106

La̱in xinba̱nu li juramento ut xinxakab xcuanquil. Ut xinye nak junelic tinba̱nu li cꞌaꞌru naxye la̱ chakꞌrab.

Salmos 76:11

Yechiꞌihomak re li Ka̱cuaꞌ le̱ Dios li cꞌaꞌru te̱raj te̱yechiꞌi re. Ut qꞌuehomak re li cꞌaꞌru te̱yechiꞌi re. Ut chixjunilex li cuanquex chi jun sutam cꞌamomak chak le̱ mayej chiru li Ka̱cuaꞌ li tento xxucuanquil ru.

2 Reyes 14:3

Laj Amasías quixba̱nu li us chiru li Ka̱cuaꞌ. Abanan incꞌaꞌ quicuan saꞌ xya̱lal chi tzꞌakal joꞌ li rey David lix xeꞌto̱nil yucuaꞌ. Quixba̱nu ban joꞌ quixba̱nu laj Joás lix yucuaꞌ.

2 Reyes 12:2

Laj Joás quixba̱nu li us chiru li Ka̱cuaꞌ xban nak laj Joiada laj tij junelic yo̱ chixqꞌuebal xnaꞌleb.

Levítico 25:10

Te̱qꞌue xlokꞌal li xlaje roxcꞌa̱l li chihab (50) xban nak li chihab aꞌan santobresinbil ut re jun sahil chꞌo̱lejil. Saꞌ li chihab aꞌan te̱ye resil nak chixjunileb le̱ lokꞌbil mo̱s teꞌcana̱k libre re nak teꞌsukꞌi̱k riqꞌuineb li rechꞌalal. Ut te̱ye ajcuiꞌ resil nak eb li queꞌxcꞌayi xchꞌochꞌeb teꞌre̱chani cuiꞌchic.