Jeremías 34:11 - Li Santil hu

¹¹ Abanan mokon chic queꞌxjal xcꞌaꞌux nak queꞌxba̱nu chi joꞌcan. Queꞌxchap cuiꞌchic lix mo̱seb ut queꞌxqꞌue cuiꞌchic chi cꞌanjelac chokꞌ lokꞌbil mo̱s.

Q'eqchi Bible

¹¹ Ab'anan, ra wi' chik ke'reek'a naq jo'kan ke'xb'aanu, ut ke'roksiheb' wi' chik cho'q xmuneb' li winq ut li ixq aj Judá li ak xkanab'ahomeb' chi ach'ab'anb'il.

Jeremías 34:11 ပူးပေါင်းရင်းမြစ်များ

Eclesiastés 8:11

Ut xban nak incꞌaꞌ nequeꞌxcꞌul chi ticto xtojbal rix li ma̱usilal li nequeꞌxba̱nu, joꞌcan nak kꞌaxal cuiꞌchic nequeꞌraj xba̱nunquil li ma̱usilal li jun chꞌol chic.

Proverbios 26:11

Eb li ma̱cꞌaꞌeb xnaꞌleb junelic yo̱queb chixba̱nunquil li incꞌaꞌ us. Chanchaneb li tzꞌiꞌ li nequeꞌxlou xcaꞌ sut lix xaꞌau.

Sofonías 1:6

Eb li queꞌxcanab inlokꞌoninquil tinsacheb ru joꞌqueb ajcuiꞌ li ma̱ jun cua niquineꞌxlokꞌoni chi moco niquineꞌxcꞌoxla, chan li Dios.

Oseas 7:16

Niquineꞌxtzꞌekta̱na ut nequeꞌxic riqꞌuin li jalanil dios. Chanchaneb li yocos aj tzimaj ma̱cꞌaꞌ na-oc cuiꞌ. Joꞌcan nak teꞌcamsi̱k riqꞌuin chꞌi̱chꞌ li nequeꞌcꞌamoc be saꞌ xya̱nkeb yal xban nak nequeꞌxnimobresi ribeb riqꞌuin li cꞌaꞌru nequeꞌxye. Ut xban aꞌan teꞌseꞌe̱k xbaneb laj Egipto.

Oseas 6:4

Abanan li Ka̱cuaꞌ naxye: —¿Cꞌaꞌru tinba̱nu e̱riqꞌuin la̱ex ralal xcꞌajol laj Efraín? Ut, ¿cꞌaꞌru tinba̱nu e̱riqꞌuin la̱ex ralal xcꞌajol laj Judá? Le̱ cha̱bilal chanchan li chok chiru li ekꞌela, li nacꞌameꞌ saꞌ junpa̱t xban li ikꞌ, ut chanchan li xchuꞌque li nacuan ekꞌela, li nasach saꞌ junpa̱t.

Jeremías 37:5

Eb lix soldado lix reyeb laj Babilonia ac queꞌxsut li tenamit Jerusalén. Abanan queꞌe̱lelic nak queꞌrabi resil nak eb lix soldado laj faraón queꞌel aran Egipto ut yo̱queb chi xic Jerusalén chi pletic riqꞌuineb.

Jeremías 34:21

La̱in tinkꞌaxtesi laj Sedequías lix reyeb laj Judá saꞌ rukꞌeb lix soldado lix reyeb laj Babilonia li queꞌxcanab pletic e̱riqꞌuin. Tinkꞌaxtesiheb ajcuiꞌ li nequeꞌtenkꞌan re laj Sedequías.

Salmos 125:5

Abanan eb li nequeꞌba̱nun ma̱usilal, la̱at ta̱tzꞌekta̱naheb rochbeneb li incꞌaꞌ useb xnaꞌleb. Chicua̱nk taxak li tuktu̱quil usilal riqꞌuineb laj Israel.

Salmos 36:3

Junes saꞌ yibru a̱tin nequeꞌa̱tinac ut aj ticꞌtiꞌeb. Incꞌaꞌ chic us lix naꞌlebeb. Junes ma̱usilal chic nequeꞌxba̱nu.

1 Samuel 26:21

Ut laj Saúl quixye re: —At David, at cualal, sukꞌin chak cuiqꞌuin. Ma̱cꞌaꞌ tinba̱nu a̱cue xban nak incꞌaꞌ xina̱camsi anakcuan. Ma̱cꞌaꞌ innaꞌleb. Incꞌaꞌ us li xinba̱nu, chan laj Saúl.

1 Samuel 24:19

Cui junak cui̱nk naxchap li xicꞌ na-iloc re, ¿ma tixcanab ta biꞌ chi yoꞌyo chi incꞌaꞌ tixcamsi? Li Ka̱cuaꞌ Dios taxak chi qꞌuehoc re̱kaj li usilal xaba̱nu cue anakcuan.

Éxodo 9:28

Ta̱ya̱ba xcꞌabaꞌ li Ka̱cuaꞌ Dios. Tzꞌakal li xkacꞌul riqꞌuin li sakbach ut li ca̱k. Texincanab chi xic. Incꞌaꞌ chic nacuaj nak texba̱yk arin, chan.

Éxodo 8:15

Ut laj faraón nak quiril nak qui-usa li tenamit, quixcacuubresi cuiꞌchic xchꞌo̱l. Ut incꞌaꞌ qui-abin, joꞌ quixye li Ka̱cuaꞌ Dios.

Éxodo 8:8

Tojoꞌnak laj faraón quixbok laj Moisés ut laj Aarón. Quixye reheb: —Te̱tzꞌa̱ma chiru li Ka̱cuaꞌ Dios nak ta̱risi chixjunil li amoch cuiqꞌuin joꞌ ajcuiꞌ riqꞌuineb lin tenamit. Ut la̱in tincanabeb chi xic laj Israel re nak teꞌxic chi mayejac chiru li Dios, chan.

Jeremías 34:10

Joꞌcan nak chixjunileb li cuanqueb xcuanquil, joꞌ eb ajcuiꞌ li ma̱cꞌaꞌeb xcuanquil, queꞌxsume rachꞌabanquileb lix mo̱s, joꞌ ixk joꞌ cui̱nk. Ut queꞌxba̱nu joꞌ queꞌxye.

Jeremías 34:12

Ut li Ka̱cuaꞌ quia̱tinac cuiꞌchic riqꞌuin laj Jeremías ut quixye:

Jeremías 34:16

Abanan anakcuan xejal cuiꞌchic le̱ naꞌleb ut xekꞌet li contrato li xeba̱nu cuiqꞌuin. Xechap cuiꞌchic le̱ lokꞌbil mo̱s, joꞌ ixk, joꞌ cui̱nk, usta ac xerachꞌab junxil. Ut xepuersiheb cuiꞌchic chi cꞌanjelac chokꞌ lokꞌbil mo̱s.