Jeremías 34:10 - Li Santil hu

¹⁰ Joꞌcan nak chixjunileb li cuanqueb xcuanquil, joꞌ eb ajcuiꞌ li ma̱cꞌaꞌeb xcuanquil, queꞌxsume rachꞌabanquileb lix mo̱s, joꞌ ixk joꞌ cui̱nk. Ut queꞌxba̱nu joꞌ queꞌxye.

Q'eqchi Bible

¹⁰ Chixjunileb' li xjolomileb' li tenamit ut chixjunileb' li poyanam li ke'xk'ulub'a ru li aatin a'in, ke'xkanab' chi ach'ab'anb'il li xmuneb' ut ink'a' chik ke'xmin ruheb' chi k'anjelak chiruheb'.

Jeremías 34:10 ပူးပေါင်းရင်းမြစ်များ

Jeremías 26:16

Tojoꞌnak eb li cuanqueb xcuanquil ut eb li tenamit queꞌxye reheb laj tij ut reheb li profeta: —Incꞌaꞌ naru takateneb ca̱mc saꞌ xbe̱n li cui̱nk aꞌin. Saꞌ xcꞌabaꞌ li Ka̱cuaꞌ li kaDios x-a̱tinac kiqꞌuin, chanqueb.

Jeremías 26:10

Nak eb li cuanqueb xcuanquil saꞌ xya̱nkeb laj Judá queꞌrabi li cꞌaꞌru quicꞌulman, queꞌel saꞌ li palacio ut queꞌco̱eb saꞌ junpa̱t saꞌ li templo ut queꞌchunla saꞌ xnaꞌajeb chiru li acꞌ oqueba̱l re lix templo li Ka̱cuaꞌ.

San Marcos 6:20

Laj Herodes naxnau nak laj Juan ti̱c xchꞌo̱l ut santil cui̱nk. Joꞌcan nak naxucuac ut incꞌaꞌ naraj nak ta̱camsi̱k. Quicuulac chiru rabinquil li quixye laj Juan usta cꞌajoꞌ nak naqꞌueheꞌ chi cꞌoxlac xban li a̱tin nayeheꞌ re.

Jeremías 38:4

Ut eb li cuanqueb xcuanquil queꞌxye re li rey: —Tento ta̱ca̱mk li cui̱nk aꞌin xban li ra̱tin naxye. Yo̱ chi chꞌina̱nc xchꞌo̱leb li soldado li joꞌ qꞌuial toj cuanqueb saꞌ li tenamit. Ut yo̱ ajcuiꞌ chi chꞌina̱nc xchꞌo̱leb li tenamit xban. Li cui̱nk aꞌin incꞌaꞌ naxsicꞌ li us chokꞌ re li tenamit. Naxsicꞌ ban li incꞌaꞌ us chokꞌ reheb.—

Jeremías 36:12

Nak quirabi li cꞌaꞌru quixye laj Baruc, laj Micaías co̱ saꞌ rochoch li rey saꞌ li naꞌajej li nequeꞌcuan cuiꞌ laj tzꞌi̱b. Nabaleb li cuanqueb xcuanquil chꞌutchꞌu̱queb aran. Cuanqueb laj Elisama laj tzꞌi̱b, laj Delaía li ralal laj Semaías, laj Elnatán li ralal laj Acbor, laj Gemarías li ralal laj Safán, laj Sedequías li ralal laj Ananías, ut cuanqueb chic nabaleb li cuanqueb xcuanquil.

Isaías 29:13

Li Ka̱cuaꞌ quixye: —Li tenamit aꞌin niquineꞌxlokꞌoni yal riqꞌuin xtzꞌu̱mal reheb. Moco nequeꞌxba̱nu ta chi anchal xchꞌo̱leb. Ma̱cꞌaꞌ rajbal nak niquineꞌxlokꞌoni xban nak li cꞌaꞌru nequeꞌxba̱nu re inlokꞌoninquil, aꞌan yal jun chakꞌrab qꞌuebil xbaneb li cui̱nk.

Jeremías 34:11

Abanan mokon chic queꞌxjal xcꞌaꞌux nak queꞌxba̱nu chi joꞌcan. Queꞌxchap cuiꞌchic lix mo̱seb ut queꞌxqꞌue cuiꞌchic chi cꞌanjelac chokꞌ lokꞌbil mo̱s.

Jeremías 34:19

Eb li nequeꞌcꞌamoc be saꞌ xya̱nkeb laj Judá ut saꞌ xya̱nkeb laj Jerusalén, joꞌ eb ajcuiꞌ li cuanqueb xcuanquil ut eb laj tij ut chixjunileb li tenamit li queꞌnumeꞌ saꞌ xya̱nk li mayejanbil tib, tinkꞌaxtesiheb saꞌ rukꞌeb li xicꞌ nequeꞌiloc reheb.

Éxodo 21:2

Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic.

Levítico 25:10

Te̱qꞌue xlokꞌal li xlaje roxcꞌa̱l li chihab (50) xban nak li chihab aꞌan santobresinbil ut re jun sahil chꞌo̱lejil. Saꞌ li chihab aꞌan te̱ye resil nak chixjunileb le̱ lokꞌbil mo̱s teꞌcana̱k libre re nak teꞌsukꞌi̱k riqꞌuineb li rechꞌalal. Ut te̱ye ajcuiꞌ resil nak eb li queꞌxcꞌayi xchꞌochꞌeb teꞌre̱chani cuiꞌchic.