Jeremías 33:5 - Li Santil hu

⁵ Eb li ochoch teꞌnujak riqꞌuineb li camenak li tincanabeb chi camsi̱c xban nak yo̱ injoskꞌil saꞌ xbe̱neb. La̱in tincanabeb xjunes li tenamit aꞌin xban li ma̱usilal nequeꞌxba̱nu.

Jeremías 33:5 ပူးပေါင်းရင်းမြစ်များ

Isaías 8:17

Usta quixmuk rib li Ka̱cuaꞌ chiruheb li ralal xcꞌajol laj Jacob, abanan la̱in cau inchꞌo̱l ut cꞌojcꞌo inchꞌo̱l riqꞌuin.

Jeremías 32:5

Tinixcꞌam toj Babilonia ut aran tincana̱k toj nak li Ka̱cuaꞌ tixba̱nu li cꞌaꞌru ta̱raj riqꞌuineb. Cui topletik riqꞌuineb laj Babilonia, incꞌaꞌ tonumta̱k saꞌ xbe̱neb, chancat.—

Jeremías 21:10

La̱in incꞌaꞌ chic tinba̱nu usilal re li tenamit aꞌin. Raylal ban tinqꞌue saꞌ xbe̱n. Ac xinye nak joꞌcan tinba̱nu reheb. Tinkꞌaxtesiheb saꞌ rukꞌ lix reyeb laj Babilonia ut eb aꞌan teꞌxcꞌat li tenamit, chan li Ka̱cuaꞌ.

Miqueas 3:4

Te̱ya̱ba raj chic xcꞌabaꞌ li Ka̱cuaꞌ, abanan aꞌan incꞌaꞌ chic texsume. Xmukbal ban chic rib tixba̱nu che̱ru saꞌ eb li cutan aꞌan, xban nak numtajenak li ma̱usilal ac xeba̱nu.

Isaías 64:7

Ma̱ ani chic naya̱ban la̱ cꞌabaꞌ ut ma̱ ani chic naxsicꞌ xtenkꞌanquil a̱cuiqꞌuin. Joꞌcan nak xoa̱canab kajunes. Xoa̱canab chi sachecꞌ xban li kama̱c.

Deuteronomio 31:17

Saꞌ li cutan aꞌan la̱in tinjoskꞌokꞌ saꞌ xbe̱neb ut tintzꞌekta̱naheb. Tincanabeb xjuneseb ut teꞌsachekꞌ ruheb. Nabal li raylal ut li chꞌaꞌajquilal ta̱cha̱lk saꞌ xbe̱neb. Ut eb aꞌan teꞌxye: —Yo̱co chixcꞌulbal li raylal aꞌin xban nak li Ka̱cuaꞌ li kaDios xoxcanab kajunes, chaꞌkeb.

Ezequiel 39:29

Ut ma̱ jaruj chic tincanabeb xjuneseb xban nak tinqꞌue lin musikꞌ reheb li ralal xcꞌajol laj Israel, chan li nimajcual Dios.

Jeremías 18:17

Chanchan nak nachal li tikcual ikꞌ nak tinjeqꞌuiheb laj Israel nak teꞌe̱lelik chiruheb li xicꞌ nequeꞌiloc reheb. Tintzꞌekta̱naheb ut incꞌaꞌ tintenkꞌaheb nak ta̱cha̱lk li raylal saꞌ xbe̱neb.

Deuteronomio 32:20

Li Ka̱cuaꞌ quixye: —La̱in incꞌaꞌ chic tincuileb chi moco tincuabiheb. Toj tincuil cꞌaꞌru teꞌxcꞌul xban nak incꞌaꞌ useb xnaꞌleb. Queꞌxkꞌetkꞌeti ribeb chicuu ut ma̱cꞌaꞌeb xpa̱ba̱l.

Jeremías 42:18

Ut li Ka̱cuaꞌ li nimajcual Dios, lix Dioseb laj Israel, quixye ajcuiꞌ: —Joꞌ nak xincꞌutbesi lin joskꞌil chiruheb li cuanqueb Jerusalén nak xinqꞌueheb chixtojbal xma̱c, joꞌcan ajcuiꞌ nak texinqꞌue chixtojbal e̱ma̱c la̱ex cui texxic Egipto. Xucuajelak e̱rilbal. Texhobekꞌ ut ta̱patzꞌekꞌ le̱ cꞌabaꞌ nak eb li tenamit teꞌmajecua̱nk. Ut incꞌaꞌ chic texsukꞌi̱k saꞌ li naꞌajej aꞌin, chan li Ka̱cuaꞌ.

Lamentaciones 2:7

Quixtzꞌekta̱na lix artal li Ka̱cuaꞌ ut quixtzꞌekta̱na ajcuiꞌ li templo. Quixcanabeb saꞌ rukꞌeb li xicꞌ nequeꞌiloc re, re nak teꞌxjuqꞌui li rochoch li rey. Ut japjo̱queb re saꞌ li templo. Chanchan nak yo̱queb chi ninkꞌei̱c.

Deuteronomio 31:18

Ut la̱in incꞌaꞌ tincuabi lix tijeb saꞌ li cutan aꞌan. Tinmuk ban cuib chiruheb xban li ma̱usilal teꞌxba̱nu nak teꞌxlokꞌoniheb li jalanil Dios.