Jeremías 33:2 - Li Santil hu

² Li Ka̱cuaꞌ li quiyi̱ban re li ruchichꞌochꞌ ut quixxakab saꞌ xnaꞌaj, li nimajcual Dios xcꞌabaꞌ, quixye re laj Jeremías:

Q'eqchi Bible

² “Jo'ka'in xye li Qaawa', li kixk'uub' li ruuchich'och', kixyiib' ut kixk'ojob' chi junajwa sa' xna'aj; li xk'ab'a' a'an Qaawa':

Jeremías 33:2 ပူးပေါင်းရင်းမြစ်များ

Isaías 37:26

¿Ma incꞌaꞌ ta biꞌ nacanau nak la̱in li Ka̱cuaꞌ? La̱in quincꞌoxlan re chixjunil li ta̱cꞌulma̱nk. Najter kꞌe cutan la̱in quincꞌu̱b chak ru chanru ta̱uxma̱nk. Ut anakcuan la̱in xatincanab chixsachbal ruheb li tenamit li cauheb rib chi pletic. Tu̱btu aj chic xacanabeb nak xapoꞌeb.

Éxodo 15:3

Li Dios numtajenak xcuanquil saꞌ xbe̱neb li xicꞌ nequeꞌiloc ke. Ka̱cuaꞌ Dios xcꞌabaꞌ.

Éxodo 6:3

La̱in quincꞌutbesi chiruheb laj Abraham, laj Isaac joꞌ ajcuiꞌ laj Jacob nak la̱in li nimajcual Dios. Aban incꞌaꞌ quincꞌutbesi chiruheb nak la̱in li Dios li nacoloc.

Apocalipsis 21:10

Riqꞌuin xcuanquil li Santil Musikꞌej, xinixcꞌam saꞌ xbe̱n jun li nimla tzu̱l najt xteram ut quixcꞌut chicuu li santil tenamit Jerusalén, yo̱ chak chi cubec saꞌ choxa riqꞌuin li Dios.

Isaías 62:7

Meꞌhilan chixtzꞌa̱manquil chiru li Dios toj retal nak tixyi̱b cuiꞌchic li tenamit Jerusalén re nak chixjunileb li cuanqueb saꞌ ruchichꞌochꞌ teꞌxqꞌue xlokꞌal.

Isaías 43:21

Li tenamit aꞌin quinsicꞌ ruheb re teꞌxqꞌue inlokꞌal.

Isaías 43:1

Anakcuan ut joꞌcaꞌin naxye e̱re li nimajcual Dios, li quiyoꞌobtesin e̱re la̱ex aj Israel, li ralal xcꞌajolex laj Jacob: —Mexxucuac xban nak La̱in xincoloc e̱re ut la̱in xinqꞌuehoc e̱cꞌabaꞌ. La̱ex cuehex chic.

Isaías 14:32

¿Cꞌaꞌru ta̱yehekꞌ reheb laj filisteo li nequeꞌchal kiqꞌuin? Takaye reheb nak li Ka̱cuaꞌ quixxakab saꞌ xnaꞌaj li tenamit Sión ut eb lix tenamit, li rahobtesinbileb, teꞌcolekꞌ aran.

Salmos 102:16

Nak li Ka̱cuaꞌ tixyi̱b cuiꞌchic lix tenamit Sión, tixcꞌutbesi lix lokꞌal chiruheb.

Salmos 87:5

Ut ta̱yehekꞌ chirix li katenamit Sión: Chixjunileb li tenamit aꞌan, saꞌ li tenamit Sión queꞌxtau li rusilal li Dios. Ut li nimajcual Dios quixakaban re saꞌ xnaꞌaj li tenamit Sión.

Apocalipsis 21:2

Ut quicuil nak yo̱ chak chi cubec saꞌ choxa cuan cuiꞌ li Dios li santil tenamit, li Acꞌ Jerusalén. Cꞌajoꞌ xchꞌinaꞌusal. Chanchan jun li ixakilbej tikibanbil chi cha̱bil xban nak oc re chi sumla̱c.

Hebreos 11:16

Aban queꞌroybeni jun naꞌajej kꞌaxal cha̱bil, aꞌ li santil choxa. Joꞌcan nak li Dios incꞌaꞌ naxuta̱nac chixyebal nak aꞌan lix Dioseb xban nak quixcꞌu̱b jun li naꞌajej chokꞌ reheb.

Hebreos 11:10

Laj Abraham incꞌaꞌ quixyi̱b cha̱bil ochoch, xban nak yo̱ chiroybeninquil jun xnaꞌaj saꞌ li santil choxa. Li naꞌajej aꞌan yi̱banbil xban li Ka̱cuaꞌ Dios ut ta̱cua̱nk chi junelic.

Amós 9:6

Li Ka̱cuaꞌ quixyi̱b lix naꞌaj saꞌ choxa ut quixyi̱b ajcuiꞌ lix sahob ru li choxa. Aꞌan li nachꞌutuban ru li haꞌ li cuan saꞌ li palau ut riqꞌuin aꞌan naxtꞌakresi li ruchichꞌochꞌ. Ka̱cuaꞌ lix cꞌabaꞌ.

Amós 5:8

Li Ka̱cuaꞌ, aꞌan li quiyi̱ban re li qꞌuila chahim joꞌ li chahim Pléyades ut li chahim Orión. Aꞌan naxsukꞌisi li kꞌojyi̱n chokꞌ cutan ut naxsukꞌisi ajcuiꞌ li cutan chokꞌ kꞌojyi̱n. Aꞌan naxchꞌutub li haꞌ li cuan saꞌ eb li palau ut naxqꞌue li hab saꞌ xbe̱n li ruchichꞌochꞌ. Aꞌan Ka̱cuaꞌ lix cꞌabaꞌ.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

Jeremías 10:16

Abanan li Ka̱cuaꞌ lix Dios laj Jacob ma̱cuaꞌ joꞌcan tixcꞌul. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan quisicꞌoc ruheb laj Israel chokꞌ xtenamit. Li Ka̱cuaꞌ “Nimajcual Dios” xcꞌabaꞌ.

Jeremías 16:21

Li Dios quixye: —Joꞌcan nak la̱in tincꞌutbesi lin cuanquil chiruheb ut teꞌxqꞌue retal nak nim incuanquil. Ut teꞌxqꞌue ajcuiꞌ retal nak “Ka̱cuaꞌ Dios” incꞌabaꞌ.—

Jeremías 51:19

Moco joꞌcan ta li Ka̱cuaꞌ lix Dios laj Jacob. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan li quisicꞌoc ruheb laj Israel chokꞌ xtenamit. “Li Ka̱cuaꞌ li Nimajcual Dios” xcꞌabaꞌ.

Isaías 42:8

La̱in li Ka̱cuaꞌ. “Nimajcual Dios” incꞌabaꞌ. La̱in incꞌaꞌ nacuaj te̱qꞌue lin lokꞌal re jalan chic, chi moco naru te̱lokꞌoni li yi̱banbil dios xban nak caꞌaj cuiꞌ la̱in li tzꞌakal Dios.