Jeremías 33:17 - Li Santil hu

¹⁷ La̱in li Ka̱cuaꞌ ninyehoc re nak junelic cua̱nk jun reheb li ralal xcꞌajol laj David ta̱oc chokꞌ xreyeb laj Israel.

Q'eqchi Bible

¹⁷ “Laa'in, li Qaawa', ninye naq junelik taawanq junaq ralal laj David li taak'ojlaaq chi awab'ejink sa' xb'eeneb' laj Israel.

Jeremías 33:17 ပူးပေါင်းရင်းမြစ်များ

1 Reyes 2:4

Cui tatcua̱nk saꞌ ti̱quilal chiru li Dios, li Dios tixba̱nu chixjunil li cꞌaꞌru quixyechiꞌi cue. Aꞌan quixye cue, “Cui eb la̱ cualal a̱cꞌajol teꞌcua̱nk saꞌ ti̱quilal chicuu ut cui teꞌxba̱nu li cꞌaꞌru ninye chi anchaleb xchꞌo̱l ut chi anchaleb li ra̱m, junelic eb la̱ cualal a̱cꞌajol teꞌoc chokꞌ xreyeb laj Israel.”

Isaías 9:7

Ta̱nima̱k lix nimajcual cuanquilal ut li tuktu̱quil usilal ma̱cꞌaꞌak rosoꞌjic. Ta̱cꞌojla̱k saꞌ xcꞌojariba̱l laj David ut tixxakab lix cuanquil saꞌ xya̱lal ut saꞌ ti̱quilal chalen anakcuan ut chi junelic. Li nimajcual Dios tixba̱nu chi joꞌcaꞌin xban nak joꞌcan quiraj.

1 Reyes 8:25

Joꞌcan ut at Ka̱cuaꞌ, at kaDios la̱o aj Israel, chaba̱nu taxak li cꞌaꞌru cayechiꞌi chak re laj David lin yucuaꞌ nak caye chi joꞌcaꞌin, “Junelic ta̱cua̱nk junak reheb la̱ cualal a̱cꞌajol li teꞌoc saꞌ li cuanquilal. Abanan tento nak teꞌcua̱nk saꞌ xya̱lal chicuu ut teꞌcua̱nk saꞌ ti̱quilal.”

Jeremías 35:19

Joꞌcan nak la̱in li Ka̱cuaꞌ, lix Dioseb laj Israel, ninye e̱re nak junelic ta̱cua̱nk junak li cui̱nk saꞌ xya̱nkeb li ralal xcꞌajol laj Jonadab, li ralal laj Recab, li ta̱cꞌanjelak chicuu, chan.

1 Crónicas 17:27

Ut anakcuan la̱at xacuaj rosobtesinquil li cualal incꞌajol. Ut xaye nak xakxo̱k xcuanquileb chi junelic cha̱cuu. La̱at, at Ka̱cuaꞌ, xacuosobtesiheb ut osobtesinbilakeb a̱ban chi junelic, chan laj David.

2 Samuel 3:29

Chicana̱k ta li ma̱c aꞌin saꞌ xbe̱n laj Joab ut saꞌ xbe̱neb li ralal xcꞌajol. Saꞌ xya̱nkeb li ralal xcꞌajol junelic ta̱cua̱nk li raylal. Ta̱cua̱nk li xox li naxyaꞌali rib, ut li saklep rix. Ta̱cua̱nk li ye̱k rok. Ta̱cua̱nk li teꞌcamsi̱k saꞌ ple̱t, malaj ut incꞌaꞌ ta̱tzꞌaklok lix tzacae̱mkeb, chan laj David.

Jeremías 17:25

Cui te̱ba̱nu li cꞌaꞌru ninye, eb li rey li ralal xcꞌajol laj David, ut eb li cuanqueb xcuanquil teꞌnumekꞌ saꞌ eb li oqueba̱l re Jerusalén saꞌ eb lix carruaje ut chirix cacua̱y rochbeneb laj Judá ut rochbeneb laj Jerusalén. Ut junelic cua̱nk cristian saꞌ li tenamit Jerusalén.

2 Samuel 7:12

Nak ta̱cuulak xkꞌehil nak tatca̱mk, tatxic chi hila̱nc saꞌ xya̱nkeb la̱ xeꞌto̱nil yucuaꞌ. La̱in tinqꞌue chokꞌ a̱cue̱kaj jun reheb la̱ cualal. Ut tinxakab saꞌ xnaꞌaj lix cuanquilal.

2 Samuel 7:13

Aꞌan li ta̱yi̱ba̱nk re li templo li tineꞌxlokꞌoni cuiꞌ li tenamit. Ut la̱in tinxakaba̱nk re saꞌ xnaꞌaj lix cuanquil chi junelic.

2 Reyes 11:2

Abanan lix Josaba lix rabin li rey Joram quixcol laj Joás li ralal laj Ocozías. Quirisi saꞌ xya̱nkeb li ralal laj Ocozías li oqueb re chi camsi̱c. Quixcꞌam laj Joás rochben li ixk li na-iloc re ut quixmukeb saꞌ jun li cuariba̱l re nak incꞌaꞌ teꞌtaꞌekꞌ xban lix Atalía. Joꞌcaꞌin nak lix Josaba li ranab laj Ocozías quixcol laj Joás re nak incꞌaꞌ ta̱camsi̱k.

Salmos 132:12

Cui eb la̱ cualal a̱cꞌajol teꞌxba̱nu li contrato li xinba̱nu e̱riqꞌuin, ut cui teꞌxba̱nu li cꞌaꞌru tincꞌut chiruheb, li ralal xcꞌajol eb aꞌan teꞌoc ajcuiꞌ junelic chokꞌ rey mokon saꞌ la̱ naꞌaj la̱at, chan li Ka̱cuaꞌ.