Jeremías 33:13 - Li Santil hu

¹³ Eb laj ilol xul teꞌrajla cuiꞌchic lix queto̱mkeb saꞌ eb li tenamit li tzu̱l ru, ut saꞌ eb li tenamit li cuanqueb Sefela, ut saꞌ eb li tenamit li cuanqueb Neguev, joꞌ ajcuiꞌ saꞌ lix naꞌajeb li ralal xcꞌajol laj Benjamín ut saꞌ lix naꞌajeb li cuanqueb chi xjun sutam Jerusalén, ut saꞌ eb li tenamit li cuanqueb Judá.

Q'eqchi Bible

¹³ Sa'eb' li tenamit wankeb' chaq chi tzuul jo' ajwi' li wankeb' chiru taq'a, sa' xteepal Nejeb ut sa' xteepal Benjamín, sa'eb' li na'ajej chi xsutam Jerusalén ut sa'atqeb' li xtenamitul Judá, te'ilmanq wi' chik eb' laj ilol ketomq chi rajlankileb' li xkarneer”, chan li Qaawa'.

Jeremías 33:13 ပူးပေါင်းရင်းမြစ်များ

Levítico 27:32

Li junju̱nk saꞌ xlaje̱tkil li queto̱mk, usta cuacax usta carner, re li Ka̱cuaꞌ. Nak yo̱ rajlanquileb li xul, li junju̱nk saꞌ xlaje̱tkil re li Ka̱cuaꞌ.

San Lucas 15:4

—¿Ma cuan junak cui̱nk saꞌ e̱ya̱nk cua̱nk ta oꞌcꞌa̱lak (100) xcarner, cui ta̱sachk junak saꞌ xya̱nkeb aꞌan, ma incꞌaꞌ raj tixcanab li bele̱laju roꞌcꞌa̱l (99) saꞌ cꞌaleba̱l ut ta̱xic chixsicꞌbal li quisach toj retal tixtau chak? chan.

Jeremías 17:26

Eb li cristian telajeꞌcha̱lk saꞌ eb li tenamit li cuanqueb Judá ut saꞌ eb li cocꞌ cꞌaleba̱l li cuanqueb chi xjun sutam Jerusalén. Telajeꞌcha̱lk saꞌ lix naꞌajeb li ralal xcꞌajol laj Benjamín ut aran Sefela li tzu̱l ru. Ut telajeꞌcha̱lk saꞌ li naꞌajej Neguev. Teꞌxcꞌam chak lix mayej saꞌ lin templo ut teꞌxcꞌat lix xuleb. Ut teꞌxmayeja chicuu li ru li racui̱mkeb, ut teꞌxcꞌat li incienso, ut teꞌmayejak re bantioxi̱nc saꞌ lin templo.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Jeremías 32:44

Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Ezequiel 20:37

La̱in texinqꞌue chi cua̱nc rubel incuanquil ut texinpuersi chixba̱nunquil li cꞌaꞌru xkaye nak xkaba̱nu li contrato.

Abdías 1:20

Eb laj Israel li queꞌchapeꞌ ut queꞌcꞌameꞌ chi najt, aꞌaneb li teꞌe̱chani̱nk re lix chꞌochꞌeb laj cananeo. Ta̱cuulak toj saꞌ li tenamit Sarepta. Ut eb laj Jerusalén li queꞌchapeꞌ, li cuanqueb aran Sefarad, aꞌaneb li teꞌe̱chani̱nk reheb li tenamit li cuanqueb Neguev.