Jeremías 33:12 - Li Santil hu

¹² Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Q'eqchi Bible

¹² Li Nimajwal Yos kixye chi jo'ka'in: “Sa' li na'ajej a'in li maak'a'eb' wi' li poyanam ut eb' li xul, sa'atqeb' chixjunil li tenamit, taawanq wi' chik li pim b'arwi' eb' laj ilol ketomq te'xk'am li xketomqeb'.

Jeremías 33:12 ပူးပေါင်းရင်းမြစ်များ

Isaías 65:10

Lix queto̱mkeb li cualal incꞌajol li nequeꞌsicꞌoc cue teꞌcua̱nk saꞌ li ru takꞌa Sarón. Ut eb lix cuacax teꞌichajibk saꞌ li ru takꞌa Acor.

Jeremías 51:62

Ut ta̱ye, “At Ka̱cuaꞌ, la̱at caye nak ta̱sach ru li naꞌajej aꞌin. Ma̱cꞌaꞌ chic cristian ta̱cana̱k saꞌ li naꞌajej aꞌin, chi moco eb li xul. Ta̱cana̱k chokꞌ chaki chꞌochꞌ chi junaj cua.”

Jeremías 36:29

Ut ta̱ye re laj Joacim lix reyeb laj Judá: Joꞌcaꞌin xye a̱cue li Ka̱cuaꞌ Dios. La̱at xacꞌat li hu ut xaye: ¿cꞌaꞌut nak quixtzꞌi̱ba nak relic chi ya̱l lix reyeb laj Babilonia ta̱cha̱lk ut tixsach li tenamit aꞌin ut tixcamsiheb li cristian joꞌqueb ajcuiꞌ li xul?

Jeremías 31:24

Eb li cristian cuotz teꞌcua̱nk saꞌ li naꞌajej Judá ut saꞌ eb li tenamit. Teꞌcua̱nk laj acuinel ut teꞌcua̱nk ajcuiꞌ laj ilol xul.

Jeremías 17:26

Eb li cristian telajeꞌcha̱lk saꞌ eb li tenamit li cuanqueb Judá ut saꞌ eb li cocꞌ cꞌaleba̱l li cuanqueb chi xjun sutam Jerusalén. Telajeꞌcha̱lk saꞌ lix naꞌajeb li ralal xcꞌajol laj Benjamín ut aran Sefela li tzu̱l ru. Ut telajeꞌcha̱lk saꞌ li naꞌajej Neguev. Teꞌxcꞌam chak lix mayej saꞌ lin templo ut teꞌxcꞌat lix xuleb. Ut teꞌxmayeja chicuu li ru li racui̱mkeb, ut teꞌxcꞌat li incienso, ut teꞌmayejak re bantioxi̱nc saꞌ lin templo.

Cantares 1:7

At cui̱nk, la̱in nacatinra. Ye cue bar nacacꞌam la̱ queto̱mk re teꞌcuaꞌak. ¿Bar nacaqꞌueheb chi hila̱nc cuaꞌleb? ¿Cꞌaꞌut nak tento nak tinbeni cuib cha̱sicꞌbal saꞌ lix naꞌajeb lix queto̱mkeb laj ilol xul?

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Jeremías 50:6

Eb lin tenamit chanchaneb li carner li queꞌbalakꞌi̱c xbaneb laj ilol reheb ut queꞌxchaꞌchaꞌi ribeb yalak bar saꞌ xya̱nkeb li cocꞌ bol ut eb li tzu̱l. Quisach chiruheb lix naꞌajeb li teꞌhila̱nk raj cuiꞌ.

Hageo 1:4

—¿Ma xkꞌehil ta biꞌ chokꞌ e̱re la̱ex nak texcua̱nk saꞌ cha̱bil cab ut lix templo li Ka̱cuaꞌ incꞌaꞌ nequecꞌoxla xyi̱banquil?

Ezequiel 36:35

Ut teꞌxye, “Li naꞌajej aꞌin poꞌbil nak queꞌcuan ut ma̱cꞌaꞌ cuan chi saꞌ. Abanan anakcuan cha̱bil chic. Chanchan li naꞌajej Edén. Eb li tenamit poꞌbil nak queꞌcuan ut ma̱cꞌaꞌ cristian. Abanan cauresinbil chic li tenamit ut nabal li cristian cuanqueb.”