Jeremías 33:11 - Li Santil hu

¹¹ Ta̱abima̱nk cuiꞌchic xya̱b xcuxeb li yo̱queb chixjapbal reheb xban xsahil xchꞌo̱leb. Ta̱abima̱nk nak yo̱keb chi sahokꞌ saꞌ xchꞌo̱leb li yo̱queb chi ninkꞌei̱c saꞌ li sumla̱c. Ta̱abi̱k ajcuiꞌ xya̱b xcuxeb nak yo̱keb chixlokꞌoninquil li Dios ut nequeꞌxye: Lokꞌoninbil taxak li Ka̱cuaꞌ li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic. Ta̱abi̱k ajcuiꞌ xya̱b xcuxeb nak yo̱keb chixcꞌambal lix mayejeb re bantioxi̱nc saꞌ lix templo li Ka̱cuaꞌ. Tebinqꞌue cuiꞌchic chi sukꞌi̱c saꞌ lix naꞌajeb eb li queꞌcꞌameꞌ chi pre̱xil ut teꞌcua̱nk cuiꞌchic joꞌ nak queꞌcuan junxil.

Q'eqchi Bible

¹¹ li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Jeremías 33:11 ပူးပေါင်းရင်းမြစ်များ

1 Crónicas 16:34

Chexbantioxi̱nk chiru li Ka̱cuaꞌ xban nak aꞌan cha̱bil ut junelic na-uxta̱nan u.

Salmos 107:22

Cheꞌxqꞌuehak taxak lix mayejeb re xbantioxinquil chiru li Ka̱cuaꞌ. Cheꞌbicha̱nk taxak xban xsahil xchꞌo̱leb ut teꞌxye taxak resil li usilal li quilajxba̱nu li Ka̱cuaꞌ reheb.

Salmos 107:1

Chexbantioxi̱nk chiru li Ka̱cuaꞌ xban nak aꞌan cha̱bil ut junelic naruxta̱na ku.

Salmos 106:1

Lokꞌoninbil taxak ru li Ka̱cuaꞌ li nimajcual Dios. Chexbantioxi̱nk chiru xban nak aꞌan cha̱bil ut junelic naruxta̱na ku.

Hebreos 13:15

Joꞌcan ut junelic chikalokꞌonihak li Dios saꞌ xcꞌabaꞌ li Jesucristo, ut chikanima̱k ru. Cui takaba̱nu chi joꞌcan, aꞌan li kamayej chiru li Dios.

Isaías 51:11

Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

2 Crónicas 29:31

Ut li rey Ezequías quixye reheb: —La̱ex ac xesantobresi e̱rib chiru li Ka̱cuaꞌ. Anakcuan naru te̱cꞌam saꞌ li templo li xul re te̱mayeja joꞌ ajcuiꞌ li mayej re bantioxi̱nc chiru li Ka̱cuaꞌ, chan. Ut li qꞌuila tenamit li chꞌutchꞌu̱queb aran queꞌxqꞌue li xul re teꞌxmayeja joꞌ ajcuiꞌ li mayej re bantioxi̱nc chiru li Dios. Ut eb li qui-ala saꞌ xchꞌo̱leb queꞌxcꞌat lix mayej chiru li Ka̱cuaꞌ.

2 Crónicas 5:13

Yo̱queb chixchꞌeꞌbal lix cuajbeb ut yo̱queb chi bicha̱nc chi junaj xya̱b lix cuxeb re xqꞌuebal xlokꞌal li Ka̱cuaꞌ. Queꞌxbicha xlokꞌal ut queꞌxye: Kꞌaxal cha̱bil li Ka̱cuaꞌ ut nim li ruxta̱n saꞌ kabe̱n junelic, chanqueb. Ut quinujac li templo riqꞌuin xlokꞌal li Dios. Chanchan li chok.

Apocalipsis 18:23

Incꞌaꞌ chic ta̱ilma̱nk junak xam saꞌ li tenamit aꞌan. Ut incꞌaꞌ ajcuiꞌ ta̱abi̱k xya̱b xcuxeb li nequeꞌsahoꞌ saꞌ xchꞌo̱leb saꞌ junak sumla̱c. Teꞌxcꞌul chi joꞌcan xban nak eb laj cꞌay li queꞌcuan saꞌ li tenamit aꞌan queꞌxnimobresi ribeb, ut riqꞌuin li tu̱lac queꞌxba̱nu, queꞌxbalakꞌi chixjunileb li tenamit.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

1 Crónicas 16:8

—Cheqꞌuehak xlokꞌal li Ka̱cuaꞌ. Cheya̱ba lix cꞌabaꞌ. Yehomak resil reheb chixjunileb li tenamit li cꞌaꞌru quilajxba̱nu.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Sofonías 3:14

Bichankex la̱ex li cuanquex Sión. Japomak e̱re xban xsahil e̱chꞌo̱l, la̱ex aj Israel. Ut chinumta̱k taxak xsahil e̱chꞌo̱l, la̱ex li cuanquex Jerusalén.

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Jeremías 7:34

La̱in tincuisi li sahil chꞌo̱lej saꞌ eb li tenamit li cuanqueb Judá joꞌ ajcuiꞌ saꞌ li tenamit Jerusalén. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱leb. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk chic sumla̱c. Eb li tenamit teꞌcana̱k chi ma̱cꞌaꞌ chic cuan chi saꞌ joꞌ li chaki chꞌochꞌ.—

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Salmos 116:17

La̱in tinya̱ba lix cꞌabaꞌ li nimajcual Dios ut tinmayejak re xbantioxinquil chiru.

2 Crónicas 7:3

Nak eb laj Israel queꞌril nak quicube chak saꞌ choxa li xam ut lix lokꞌal li Dios quinujac saꞌ li templo chixjunileb queꞌxcuikꞌib ribeb ut queꞌxxulub lix jolom saꞌ chꞌochꞌ ut queꞌxnima ru li Ka̱cuaꞌ ut queꞌxqꞌue xlokꞌal. Queꞌxye: —Kꞌaxal cha̱bil li Ka̱cuaꞌ ut kꞌaxal nim li ruxta̱n saꞌ kabe̱n junelic, chanqueb.

Zacarías 10:7

Cauhakeb rib chi pletic li ralal xcꞌajoleb laj Efraín. Ta̱sahokꞌ saꞌ xchꞌo̱leb joꞌ nak nasahoꞌ saꞌ xchꞌo̱leb nak nequeꞌrucꞌ li vino. Nak teꞌxqꞌue retal li usilal xinba̱nu reheb, ta̱sahokꞌ ajcuiꞌ saꞌ xchꞌo̱leb li ralal xcꞌajol. Ta̱sahokꞌ saꞌ xchꞌo̱leb cuiqꞌuin la̱in li Ka̱cuaꞌ.

Zacarías 9:17

Cꞌajoꞌ lix rahom ut li rusilal li Dios saꞌ xbe̱neb lix tenamit. Nabalak li ru li trigo ut lix yaꞌal li uvas ta̱cua̱nk. Sahak saꞌ xchꞌo̱leb li sa̱j cui̱nk ut li sa̱j ixk.

Jonás 2:9

Abanan la̱in tinqꞌue a̱lokꞌal ut tinmayejak cha̱cuu. Tinba̱nu li cꞌaꞌru quinyechiꞌi a̱cue. Li colba-ib junes a̱cuiqꞌuin la̱at nachal chak, at Ka̱cuaꞌ, chan laj Jonás.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Jeremías 25:10

Incꞌaꞌ chic ta̱abima̱nk li bich re sahil chꞌo̱lej. Incꞌaꞌ chic ta̱abima̱nk li bich re sumla̱c, chi moco ta̱abi̱k chic xya̱b li queꞌec, ut incꞌaꞌ chic lochlo̱keb li candil.

Jeremías 16:9

Li Ka̱cuaꞌ li nimajcual Dios, lix Dioseb laj Israel quixye: —La̱in tincuisi li sahil chꞌo̱lejil saꞌ li tenamit aꞌin. Incꞌaꞌ chic ta̱abi̱k xbicheb li tenamit nak saheb saꞌ xchꞌo̱l. Ma̱cꞌaꞌak chic li ninkꞌe saꞌ eb li tenamit chi moco ta̱cua̱nk sumla̱c. Eb li cuanqueb anakcuan teꞌril nak tinba̱nu aꞌin.

Nehemías 12:43

Nabaleb li xul xkamayeja saꞌ li cutan aꞌan. Cꞌajoꞌ nak quisahoꞌ saꞌ kachꞌo̱l xban nak li Dios quixqꞌue jun sahil chꞌo̱lejil ke. Eb li ixk ut eb li cocꞌal queꞌsahoꞌ ajcuiꞌ saꞌ xchꞌo̱leb. Ut toj chi najt qui-abi̱c chak nak cꞌajoꞌ xsahil saꞌ kachꞌo̱l Jerusalén.

Nehemías 8:12

Ut chixjunileb li tenamit queꞌxninkꞌei ru li cutan. Queꞌco̱eb chi cuaꞌac ut chi ucꞌac ut queꞌxqꞌue ajcuiꞌ xcuaheb li ma̱cꞌaꞌ cuan reheb. Ut cꞌajoꞌ nak queꞌsahoꞌ saꞌ xchꞌo̱leb xban nak queꞌxtau ru li a̱tin li quiyeheꞌ saꞌ xxiqueb.

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

2 Crónicas 20:21

Nak quirakeꞌ chi a̱tinac riqꞌuineb li tenamit, cuanqueb li queꞌxakaba̱c xban laj Josafat chi bicha̱nc re xqꞌuebal xlokꞌal li Ka̱cuaꞌ. Tikto̱queb riqꞌuin li akꞌej li kꞌaxtesinbil re li Ka̱cuaꞌ. Aꞌaneb li yo̱queb chi cꞌamoc be nak queꞌco̱eb chiruheb li soldados ut yo̱queb chixyebal, “Cheqꞌuehak taxak xlokꞌal li nimajcual Dios xban nak aꞌan cha̱bil ut kꞌaxal nim li ruxta̱n saꞌ kabe̱n junelic.”

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Jeremías 17:26

Eb li cristian telajeꞌcha̱lk saꞌ eb li tenamit li cuanqueb Judá ut saꞌ eb li cocꞌ cꞌaleba̱l li cuanqueb chi xjun sutam Jerusalén. Telajeꞌcha̱lk saꞌ lix naꞌajeb li ralal xcꞌajol laj Benjamín ut aran Sefela li tzu̱l ru. Ut telajeꞌcha̱lk saꞌ li naꞌajej Neguev. Teꞌxcꞌam chak lix mayej saꞌ lin templo ut teꞌxcꞌat lix xuleb. Ut teꞌxmayeja chicuu li ru li racui̱mkeb, ut teꞌxcꞌat li incienso, ut teꞌmayejak re bantioxi̱nc saꞌ lin templo.

Jeremías 30:19

Ut eb li tenamit teꞌbicha̱nk re bantioxi̱nc ut teꞌbicha̱nk xban xsahileb xchꞌo̱l. Tebinqꞌue cuiꞌchic chi qꞌuia̱nc toj retal teꞌnabalokꞌ. Tinqꞌue cuiꞌchic xlokꞌaleb ut incꞌaꞌ chic teꞌtzꞌekta̱na̱k.

Jeremías 32:44

Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Nahum 1:7

Li Ka̱cuaꞌ Dios, aꞌan cha̱bil. Naxqꞌue xcacuil xchꞌo̱leb li cuanqueb saꞌ raylal. Ut aꞌan naxnau aniheb li cauheb xchꞌo̱l riqꞌuin.

Salmos 85:7

At nimajcual Dios, chacꞌut taxak chiku nak junelic nocoa̱ra ut choa̱col taxak.

Salmos 147:13

Li Ka̱cuaꞌ, aꞌan naqꞌuehoc e̱cacuilal re nak te̱col e̱rib chiruheb li xicꞌ nequeꞌiloc e̱re ut aꞌan na-osobtesin e̱re la̱ex li cuanquex Jerusalén.

Isaías 52:8

¡Abihomak! Eb li nequeꞌcꞌacꞌalen re li tenamit yo̱queb chi bicha̱nc xban xsahil xchꞌo̱leb. Chixjunileb teꞌril riqꞌuin xnakꞌ ruheb nak li Ka̱cuaꞌ tixcꞌameb cuiꞌchic saꞌ lix tenamiteb Sión.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.