Jeremías 32:5 - Li Santil hu

⁵ Tinixcꞌam toj Babilonia ut aran tincana̱k toj nak li Ka̱cuaꞌ tixba̱nu li cꞌaꞌru ta̱raj riqꞌuineb. Cui topletik riqꞌuineb laj Babilonia, incꞌaꞌ tonumta̱k saꞌ xbe̱neb, chancat.—

Q'eqchi Bible

⁵ Laj Nabukodonosor tixk'am laj Sedesías toj Babilonia, b'arwi' twanq toja' re naq laa'in tinraqoq aatin sa' xb'een. Us ta laa'ex texyaloq rik'ineb' laj Kaldeha, moko us ta tex'elq», chan li Qaawa'”.

Jeremías 32:5 ပူးပေါင်းရင်းမြစ်များ

Ezequiel 17:15

Abanan lix reyeb laj Judá quixkꞌetkꞌeti rib chiru lix reyeb laj Babilonia. Ut quixtaklaheb lix takl Egipto chixsicꞌbaleb li cacua̱y ut nabaleb li soldados. ¿Ma ta̱ru̱k ta biꞌ tixba̱nu li cꞌaꞌru naxcꞌoxla xba̱nunquil lix reyeb laj Judá? ¿Ma ta̱ru̱k ta biꞌ tixcol rib nak ac xkꞌet li cꞌaꞌru quixye saꞌ li contrato?

Jeremías 39:7

Chirix aꞌan queꞌrisi li xnakꞌ ru laj Sedequías ut queꞌxbacꞌ riqꞌuin cadena re teꞌxcꞌam Babilonia.

Jeremías 33:5

Eb li ochoch teꞌnujak riqꞌuineb li camenak li tincanabeb chi camsi̱c xban nak yo̱ injoskꞌil saꞌ xbe̱neb. La̱in tincanabeb xjunes li tenamit aꞌin xban li ma̱usilal nequeꞌxba̱nu.

Jeremías 27:22

Chixjunil aꞌin ta̱cꞌamekꞌ Babilonia ut aran ta̱cana̱k toj saꞌ li cutan nak la̱in tinqꞌueheb cuiꞌchic chi cꞌamecꞌ saꞌ xnaꞌajeb. Saꞌ li cutan aꞌan la̱in tinqꞌueheb cuiꞌchic chi cua̱nc saꞌ li naꞌajej aꞌin. La̱in li Ka̱cuaꞌ ninyehoc re aꞌin.

Ezequiel 12:13

La̱in li Ka̱cuaꞌ tinqꞌue lin raꞌal re nak ta̱chapekꞌ. La̱in tincꞌam toj Babilonia saꞌ lix naꞌajeb laj Caldea, abanan aꞌan incꞌaꞌ ta̱ril li naꞌajej. Aran ta̱ca̱mk.

Jeremías 37:10

Usta la̱ex texnumta̱k saꞌ xbe̱neb ut junes li tochꞌoleb saꞌ li ple̱t teꞌcana̱k saꞌ lix muheba̱l, abanan eb aꞌan teꞌcha̱lk ut teꞌxqꞌue xxamlel li tenamit, chan li Dios.

Jeremías 2:37

Cꞌajoꞌak le̱ xuta̱n nak tex-e̱lk chak riqꞌuineb laj Egipto xban nak incꞌaꞌ textenkꞌa. La̱in li Ka̱cuaꞌ xintzꞌekta̱naheb laj Egipto li nequecꞌojob cuiꞌ e̱chꞌo̱l. Incꞌaꞌ us tex-e̱lk riqꞌuineb aꞌan.—

Proverbios 21:30

Chiru li Ka̱cuaꞌ ma̱cꞌaꞌ na-oc cuiꞌ li naꞌleb re li ruchichꞌochꞌ.

2 Crónicas 24:20

Ut lix musikꞌ li Dios quichal riqꞌuin laj Zacarías li ralal laj Joiada laj tij. Ut laj Zacarías quixakli saꞌ jun li naꞌajej najt xteram ut quixye reheb li tenamit: —Joꞌcaꞌin xye e̱re li Ka̱cuaꞌ. “¿Cꞌaꞌut nak incꞌaꞌ nequeba̱nu li cꞌaꞌru naxye lix chakꞌrab li Ka̱cuaꞌ? Incꞌaꞌ us tex-e̱lk. Xetzꞌekta̱na li Ka̱cuaꞌ. Joꞌcan nak li Ka̱cuaꞌ xextzꞌekta̱na ajcuiꞌ la̱ex,” chan.

2 Crónicas 13:12

Cheqꞌuehak retal. Li Dios cuan kiqꞌuin. Aꞌan yo̱ chi cꞌamoc kabe. Ut eb laj tij oqueb re chixya̱basinquil lix trompe̱teb re takatiquib pletic e̱riqꞌuin. Joꞌcan ut, ex ralal xcꞌajol laj Israel, mexpletic riqꞌuin li Ka̱cuaꞌ lix Dioseb le̱ xeꞌto̱nil yucuaꞌ xban nak incꞌaꞌ texnumta̱k saꞌ kabe̱n, chan laj Abías.

Números 14:41

Ut laj Moisés quixye reheb: —¿Cꞌaꞌut nak yo̱quex chixkꞌetbal li cꞌaꞌru xye li Dios? Cui tex-oc saꞌ li naꞌajej aꞌan, incꞌaꞌ us tex-e̱lk.

Jeremías 32:6

Quixye laj Jeremías: —Li Ka̱cuaꞌ quixye cue:

Jeremías 32:24

Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Jeremías 39:5

Abanan eb lix soldado laj Babilonia queꞌxta̱keheb toj retal coxeꞌxtauheb saꞌ li ru takꞌa li cuan nachꞌ riqꞌuin li tenamit Jericó. Queꞌxchap laj Sedequías ut queꞌxcꞌam riqꞌuin laj Nabucodonosor lix reyeb laj Babilonia saꞌ li tenamit Ribla saꞌ li naꞌajej Hamat. Ut aran queꞌxrak a̱tin saꞌ xbe̱n.

Lamentaciones 1:14

Li Ka̱cuaꞌ yo̱ chak chixqꞌuebal retal li ma̱c li xkaba̱nu. Chanchan nak quixchꞌutubeb li kama̱c ut quixbacꞌ chiru li kacux. Chanchan li yugo li kꞌaxal a̱l xcꞌambal. Yo̱ chi osocꞌ li kametzꞌe̱u. Li Ka̱cuaꞌ coxkꞌaxtesi saꞌ rukꞌeb li xicꞌ nequeꞌiloc ke ut la̱o incꞌaꞌ chic nakacuy xcolbal kib chiruheb.

Ezequiel 12:12

Li nataklan saꞌ xbe̱neb tixpako li cꞌaꞌru re. Nak oc re li kꞌojyi̱n, ta̱e̱lk saꞌ lix hopolal li tzꞌac li teꞌxhop. Tixtzꞌap li ru re nak incꞌaꞌ ta̱ril li naꞌajej nak ta̱e̱lk.

Jeremías 39:4

Nak laj Sedequías lix reyeb laj Judá ut eb lix soldados queꞌrileb lix soldados li xicꞌ nequeꞌiloc reheb, queꞌe̱lelic chiruheb. Chiru kꞌojyi̱n queꞌel saꞌ xnaꞌaj li racui̱mk li rey saꞌ li oqueba̱l li cuan saꞌ xyi li cuib chi tzꞌac ut queꞌco̱eb saꞌ li be li naxic Arabá.