Jeremías 32:37 - Li Santil hu

³⁷ Relic chi ya̱l la̱in tinchꞌutubeb lin tenamit saꞌ chixjunil li naꞌajej li xinjeqꞌuiheb cuiꞌ nak yo̱ injoskꞌil saꞌ xbe̱neb. Quinjeqꞌuiheb xban nak kꞌaxal quinumta lin joskꞌil saꞌ xbe̱neb. La̱in tincꞌameb cuiꞌchic saꞌ li naꞌajej aꞌin ut tinqꞌueheb chi cua̱nc saꞌ tuktu̱quil usilal.

Q'eqchi Bible

³⁷ Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Jeremías 32:37 ပူးပေါင်းရင်းမြစ်များ

Jeremías 23:3

Ut la̱in tinchꞌutubeb cuiꞌchic ruheb lin tenamit li joꞌ qꞌuial xeꞌcoleꞌ saꞌ eb li naꞌajej li xinjeqꞌui cuiꞌ ruheb. Tebincꞌam cuiꞌchic saꞌ lix naꞌajeb ut ta̱cua̱nk ralal xcꞌajoleb ut teꞌqꞌuia̱nk cuiꞌchic.

Jeremías 23:6

Nak cua̱nk saꞌ xcuanquil, eb laj Judá teꞌcua̱nk chi ma̱cꞌaꞌ chꞌaꞌajquilal. Eb laj Israel teꞌcua̱nk chi cꞌojcꞌo xchꞌo̱leb. Ut li rey aꞌan tixcꞌabaꞌin “Li Ka̱cuaꞌ aj qꞌuehol ti̱quilal”.

Ezequiel 11:17

Ye ajcuiꞌ reheb laj Israel nak la̱in tinchꞌutub cuiꞌchic ruheb li jeqꞌuinbileb ru saꞌ li jalanil tenamit ut tincꞌameb cuiꞌchic saꞌ lix tenamiteb. Ut tinqꞌue cuiꞌchic reheb li naꞌajej Israel.

Jeremías 33:16

Saꞌ eb li cutan aꞌan, eb laj Judá colbilakeb ut eb laj Jerusalén cauhakeb xchꞌo̱l riqꞌuin li Ka̱cuaꞌ ut aꞌin li teꞌxqꞌue chokꞌ xcꞌabaꞌ: Li Ka̱cuaꞌ, Aꞌan aj qꞌuehol ti̱quilal, chaꞌakeb.

Salmos 106:47

At Ka̱cuaꞌ, at nimajcual Dios, choa̱col taxak. Ut choa̱cuisi taxak saꞌ xya̱nkeb li jalaneb xtenamit. Choa̱cꞌam taxak saꞌ li kanaꞌaj re nak naru tobantioxi̱nk cha̱cuu. Chikalokꞌoni taxak a̱cuu chi sa saꞌ kachꞌo̱l.

Zacarías 14:11

Chi ya̱l kꞌaxal nabal cuiꞌchic li cristian li teꞌcua̱nk aran Jerusalén. Incꞌaꞌ chic tzꞌekta̱nanbilak li tenamit aꞌan xban li Dios ut ma̱ ani chic ta̱sachok ru. Teꞌcua̱nk chi sa saꞌ xchꞌo̱leb chi ma̱cꞌaꞌak chic cꞌoxlac.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.

Jeremías 23:8

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Ut eb laj Israel teꞌcua̱nk cuiꞌchic saꞌ lix naꞌajeb, chan li Dios.

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.

Sofonías 3:20

Saꞌ eb li cutan aꞌan, la̱in texinchꞌutub ut texincꞌam cuiꞌchic saꞌ le̱ naꞌaj ut tinqꞌue cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ. Ut tinqꞌue cuiꞌchic li cꞌaꞌru e̱re ut sa chic texcua̱nk, chan li Ka̱cuaꞌ.

Joel 3:20

Ta̱nima̱nk cuiꞌchic li tenamit Jerusalén ut ta̱cana̱k chokꞌ nimla tenamit chi junelic. Ut eb laj Judá teꞌcua̱nk cuiꞌchic saꞌ lix naꞌajeb ut ma̱ ani chic ta̱isi̱nk reheb.

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Jeremías 31:10

Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Jeremías 30:18

Ut quixye cuiꞌchic li Ka̱cuaꞌ: —La̱in tincꞌameb cuiꞌchic lin tenamit saꞌ li naꞌajej li quinqꞌue re laj Jacob. Tincuil xtokꞌoba̱l ru lix tenamiteb. Ta̱yi̱ba̱k cuiꞌchic li tenamit saꞌ xbe̱n li quipoꞌeꞌ najter. Ut li palacio ta̱xakaba̱k cuiꞌchic saꞌ lix naꞌaj joꞌ nak quicuan junxil.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Ezequiel 36:24

La̱in texcuisi saꞌ li xni̱nkal tenamit li cuanquex cuiꞌ. Texcuisi saꞌ chixjunileb li tenamit ut texincꞌam cuiꞌchic saꞌ le̱ naꞌaj.

Jeremías 16:14

Li Ka̱cuaꞌ quixye: —Ta̱cuulak xkꞌehil nak eb laj Israel teꞌxba̱nu li juramento saꞌ incꞌabaꞌ la̱in li yoꞌyo̱quil Dios, abanan incꞌaꞌ chic teꞌxpatzꞌ li naꞌajej Egipto li queꞌisi̱c cuiꞌ.

Jeremías 16:15

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Relic chi ya̱l la̱in tinqꞌueheb cuiꞌchic chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌ.

Jeremías 21:5

La̱in tinpletik e̱riqꞌuin riqꞌuin lin cuanquil ut riqꞌuin lin metzꞌe̱u xban nak xeqꞌue injoskꞌil. Cau tinpletik e̱riqꞌuin xban nak xnumta lin joskꞌil saꞌ e̱be̱n.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Ezequiel 28:25

Li Ka̱cuaꞌ Dios quixye: —La̱in tinchꞌutub cuiꞌchic ruheb laj Israel li quinjeqꞌui ruheb. Ut tincꞌut lin santilal chiruheb chixjunileb li xni̱nkal ru tenamit. Eb laj Israel teꞌcua̱nk cuiꞌchic saꞌ lix naꞌajeb li quinqꞌue re laj Jacob laj cꞌanjel chicuu.

Jeremías 12:14

Aꞌan aꞌin li naxye li Ka̱cuaꞌ chirixeb li jalaneb xtenamit li incꞌaꞌ useb xnaꞌleb li cuanqueb chi nachꞌ riqꞌuineb laj Israel. Aꞌaneb li queꞌpoꞌoc ru lix tenamiteb laj Israel. —Eb li tenamit aꞌan teꞌcuisi saꞌ lix naꞌajeb ut tincuisiheb ajcuiꞌ li ralal xcꞌajol laj Judá saꞌ xya̱nkeb.

Ezequiel 20:34

Riqꞌuin xnimal incuanquil ut riqꞌuin lin joskꞌil la̱in texcuisi saꞌ eb li tenamit li quexinjeqꞌui cuiꞌ ut tinchꞌutub cuiꞌchic e̱ru.

Ezequiel 28:26

Ut aran teꞌcua̱nk laj Israel chi ma̱cꞌaꞌak xcꞌaꞌuxeb. Teꞌcablak cuiꞌchic ut teꞌrau lix uvas. Ut ma̱ ani chic ta̱chꞌiꞌchꞌiꞌi̱nk reheb xban nak la̱in tinqꞌueheb chixtojbal lix ma̱queb chixjunileb li tenamit li cuanqueb chixjun sutam li queꞌrahobtesin reheb lin tenamit. Ut eb aꞌan teꞌxqꞌue retal nak la̱in li Ka̱cuaꞌ lix Dioseb.—