Jeremías 32:29 - Li Santil hu

²⁹ Eb laj Babilonia teꞌcha̱lk chi pletic saꞌ li tenamit aꞌin ut teꞌre̱chani. Teꞌxcꞌat li tenamit ut teꞌxcꞌat ajcuiꞌ eb li cab li queꞌxlokꞌoni cuiꞌ lix dios Baal nak queꞌxcꞌat lix pomeb chiru. Ut queꞌxhoy li vino chiruheb li jalanil dios. Joꞌcan nak queꞌxchikꞌ injoskꞌil.

Q'eqchi Bible

²⁹ Eb' laj Kaldeha li yookeb' chi yalok rik'in Jerusalén te'ok chisa', te'xk'e xxamlel ut taa'oso'q rochb'eeneb' li ochoch nak'atmank wi' pom chiru laj Bahal ut na'uk'mank b'iin sa' xk'ab'a'eb' li jalanil yos yal re xchiq'b'al linjosq'il.

Jeremías 32:29 ပူးပေါင်းရင်းမြစ်များ

Jeremías 21:10

La̱in incꞌaꞌ chic tinba̱nu usilal re li tenamit aꞌin. Raylal ban tinqꞌue saꞌ xbe̱n. Ac xinye nak joꞌcan tinba̱nu reheb. Tinkꞌaxtesiheb saꞌ rukꞌ lix reyeb laj Babilonia ut eb aꞌan teꞌxcꞌat li tenamit, chan li Ka̱cuaꞌ.

Jeremías 19:13

Joꞌcan ajcuiꞌ li rochocheb laj Jerusalén ut eb li rochoch lix reyeb laj Judá muxbil chic ruheb. Chanchaneb li naꞌajej Tofet xban nak queꞌxcꞌat lix pomeb ut queꞌxmayeja li vino chiruheb li chahim ut chiruheb ajcuiꞌ li yi̱banbil dios,” chan li Dios re laj Jeremías.

Jeremías 52:13

Laj Nabuzaradán quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat chixjunileb li cab li cuanqueb Jerusalén. Chixjunileb li ni̱nki cab quixcꞌateb.

2 Crónicas 36:19

Ut queꞌxcꞌat lix templo li Dios. Queꞌxjucꞌ li tzꞌac li sutsu cuiꞌ li tenamit Jerusalén. Queꞌxcꞌat li rochoch li rey ut queꞌxpoꞌ chixjunil li cꞌaꞌru raro xbaneb laj Judá.

Jeremías 44:25

Li Ka̱cuaꞌ li nimajcual Dios, lix Dioseb laj Israel, naxye: —La̱ex cui̱nk ut la̱ex ixk, la̱ex nequeye, “La̱o takaba̱nu li cꞌaꞌru xkaye. Takacꞌat li pom ut takamayeja li kavino chiru li kanaꞌ po,” chanquex. Ut yo̱quex chixba̱nunquil li cꞌaꞌru xeye. Joꞌcan nak anakcuan, ba̱nuhomak li cꞌaꞌru xeye.

Jeremías 39:8

Ut eb laj Babilonia queꞌxcꞌat li rochoch li rey joꞌ eb ajcuiꞌ li rochocheb li tenamit. Ut queꞌxjucꞌ chixjunil li tzꞌac li sutsu cuiꞌ Jerusalén.

Jeremías 7:18

Eb li cocꞌal nequeꞌxcꞌam chak li siꞌ. Ut eb li cui̱nk nequeꞌxloch li xam. Ut eb li ixk nequeꞌxyi̱b li caxlan cua re xlokꞌoninquil li jalanil dios li nequeꞌxye re “Reina re li choxa”. Nequeꞌxmayeja li vino chiruheb li jalanil dios re xqꞌuebal injoskꞌil.

San Mateo 22:7

Ut li rey nak quirabi aꞌan, cꞌajoꞌ nak quijoskꞌoꞌ. Quixtaklaheb lix soldado chixcamsinquil li queꞌcamsin reheb lix mo̱s. Ut quixtakla xcꞌatbal lix tenamiteb.

Lamentaciones 4:11

Quirisi xjoskꞌil li Ka̱cuaꞌ saꞌ xbe̱neb li cuanqueb Jerusalén. Quixtakla xam saꞌ li tenamit ut quilajeꞌsacheꞌ chixjunil. Joꞌ ajcuiꞌ lix cimiento li cab, queꞌosoꞌ xban xam.

Jeremías 17:27

Abanan cui la̱ex incꞌaꞌ te̱ba̱nu li cꞌaꞌru ninye ut cui incꞌaꞌ nequeqꞌue xlokꞌal li hiloba̱l cutan, ut cui nequerocsi le̱ ri̱k saꞌ li hiloba̱l cutan saꞌ eb li oqueba̱l re Jerusalén, la̱in tinsach ruheb li oqueba̱l ut eb li palacio li cuanqueb Jerusalén. Tincꞌateb ut ma̱ ani ta̱ru̱k ta̱chupuk re li xam li tinsach cuiꞌ,” chan li Dios.

2 Reyes 25:9

Nak quicuulac laj Nabuzaradán Jerusalén quixcꞌat lix templo li Ka̱cuaꞌ ut quixcꞌat ajcuiꞌ li rochoch li rey. Ut quixcꞌat ajcuiꞌ li rochocheb chixjunileb li cuanqueb xcuanquil. Chixjunileb li cab li cuanqueb Jerusalén quilajxcꞌat.

Hechos 10:9

Cuulajak chic ac cuulaqueb na re saꞌ li tenamit Jope nak laj Pedro quitakeꞌ saꞌ xcaꞌ tasal li cab chi tijoc. Caꞌchꞌin na chic ma̱ cuaꞌleb.

Hebreos 3:16

¿Aniheb li queꞌkꞌetoc chak re li ra̱tin li Dios li quixye reheb? Aꞌaneb chixjunileb li queꞌel chak Egipto nak laj Moisés quicꞌamoc be chiruheb.

Nehemías 8:16

Joꞌcan nak co̱eb chixjunileb li tenamit ut queꞌxsicꞌ rukꞌeb li cheꞌ re teꞌxyi̱b lix cocꞌ muheba̱leb. Cuan queꞌxyi̱b lix cocꞌ muheba̱leb saꞌ li neba̱l li cuan saꞌ xbe̱n li rochocheb. Ut cuan queꞌxyi̱b saꞌ li neba̱l re li rochocheb. Ut queꞌxyi̱b ajcuiꞌ saꞌ li neba̱l re lix templo li Dios. Ut queꞌxyi̱b ajcuiꞌ saꞌ li neba̱l li cuan cuiꞌ li oqueba̱l bar nequeꞌnumeꞌ cuiꞌ li nequeꞌbelan haꞌ ut queꞌxyi̱b ajcuiꞌ cuan cuiꞌ li oqueba̱l Efraín xcꞌabaꞌ.

Jeremías 11:17

La̱in li nimajcual Dios. La̱in quinsicꞌoc ruheb ut la̱in ajcuiꞌ xinyehoc reheb nak teꞌxcꞌul li raylal aꞌin xban nak eb laj Judá ut eb laj Israel xeꞌxchikꞌ injoskꞌil riqꞌuin xcꞌatbal li pom chiru li yi̱banbil dios Baal, chan li Dios.

Jeremías 32:3

Laj Sedequías lix reyeb laj Judá quixqꞌue chi pre̱xil laj Jeremías xban li cꞌaꞌru quixye. Laj Sedequías quixye re: —¿Cꞌaꞌut nak yo̱cat chixyebal nak li Ka̱cuaꞌ tixkꞌaxtesi li tenamit aꞌin saꞌ rukꞌ lix reyeb laj Babilonia ut ta̱re̱chani?

Jeremías 34:2

—La̱in li Ka̱cuaꞌ lix Dioseb laj Israel ninye a̱cue nak tatxic chixyebal re laj Sedequías lix reyeb laj Judá chi joꞌcaꞌin: La̱in li Ka̱cuaꞌ tinkꞌaxtesi li tenamit aꞌin saꞌ rukꞌ lix reyeb laj Babilonia ut aꞌan tixcꞌat li tenamit.

Isaías 22:1

Aꞌan aꞌin resil li cꞌaꞌru ta̱cꞌulma̱nk saꞌ li ru takꞌa li quicꞌutbesi̱c cuiꞌ li visión chicuu xban li Dios. ¿Cꞌaꞌru xecꞌul anakcuan? ¿Cꞌaꞌut nak che̱junilex yo̱quex chi takecꞌ saꞌ xbe̱n le̱ rochoch xban le̱ xiu?

Jeremías 7:17

¿Ma incꞌaꞌ nacacuil cꞌaꞌru yo̱queb saꞌ eb li tenamit li cuanqueb Judá? ¿Ma incꞌaꞌ nacacuil cꞌaꞌru yo̱queb saꞌ eb li be aran Jerusalén?

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 52:12

Yo̱ chic bele̱laju chihab roquic laj Nabucodonosor chokꞌ xreyeb laj Babilonia. Laje̱b cutan chic xticlajic li roꞌ po re li chihab aꞌan nak laj Nabuzaradán quicuulac Jerusalén. Aꞌan li nataklan saꞌ xbe̱neb li soldado li nequeꞌcꞌacꞌalen re li rey aran Babilonia.

Ezequiel 23:47

Teꞌcuti̱k chi pec xbaneb li tenamit ut teꞌnumsi̱k chi chꞌi̱chꞌ saꞌ xsaꞌeb. Teꞌcamsi̱k li ralal xcꞌajoleb ut teꞌcꞌatekꞌ li rochocheb.