Jeremías 32:24 - Li Santil hu

²⁴ Qꞌue retal chanru nak yi̱banbil li takleba̱l re teꞌxchap cuiꞌ li tenamit. Xban li ple̱t ut xban li cueꞌej ut li caki yajel li tixcꞌul li tenamit aꞌin ta̱kꞌaxtesi̱k saꞌ rukꞌeb laj Babilonia. Li cꞌaꞌru caye yo̱ chi cꞌulma̱nc anakcuan joꞌ yo̱cat chirilbal.

Q'eqchi Bible

²⁴ «K'e reetal naq eb' li taqleb'aal yiib'anb'ileb' xb'aaneb' laj Kaldeha yo chi wulak sa' li tenamit; ut xb'aan li raaxiik', li we'ej ut li raxkamk taa'eechaniiq Jerusalén xb'aaneb' li xik' neke'ilok qe. At Qaawa', yo chi k'ulmank anaqwan li kaye chaq junxil, ut yookat chi rilb'al rik'in laawu.

Jeremías 32:24 ပူးပေါင်းရင်းမြစ်များ

Jeremías 33:4

Aꞌan aꞌin li ninye la̱in li Ka̱cuaꞌ, lix Dioseb laj Israel chirixeb li ochoch li cuanqueb Jerusalén ut chirixeb li palacio li cuanqueb Judá li teꞌjuqꞌuekꞌ ut teꞌsachekꞌ ru nak eb laj Babilonia teꞌcha̱lk chi pletic riqꞌuineb.

Jeremías 32:36

At Jeremías, la̱at yo̱cat chixyebal nak li tenamit aꞌin ta̱kꞌaxtesi̱k saꞌ rukꞌeb laj Babilonia xban li ple̱t, li cueꞌej ut li caki yajel. Abanan, aꞌan aꞌin li ninye la̱in li Ka̱cuaꞌ lix Dioseb laj Israel.

Deuteronomio 4:26

Cutan saken chiru li choxa ut li ruchichꞌochꞌ nak ya̱l li yo̱quin chixyebal e̱re. Cui la̱ex te̱yi̱b le̱ pechꞌbil dios, saꞌ junpa̱t ta̱sachekꞌ e̱ru. Incꞌaꞌ najt texcua̱nk saꞌ li chꞌochꞌ li oc e̱re chire̱chaninquil nak texnumekꞌ jun pacꞌal li nimaꞌ Jordán.

Zacarías 1:6

Abanan li a̱tin li quinye quicꞌulman joꞌ quinye. Quicꞌulman joꞌ quinye reheb lin profeta re teꞌxye reheb li tenamit. Queꞌxcꞌul li raylal le̱ xeꞌto̱nil yucuaꞌ joꞌ quinye. Joꞌcan nak queꞌyotꞌeꞌ xchꞌo̱l ut queꞌxjal xcꞌaꞌuxeb. Queꞌxye, “Xkacꞌul ajcuiꞌ li cꞌaꞌru quixye chak saꞌ kabe̱n li Ka̱cuaꞌ li nimajcual Dios joꞌ kacꞌulub xcꞌulbal xban li kayehom kaba̱nuhom,” chanqueb.—

Ezequiel 21:22

Nak tixkꞌehi ta̱cꞌutekꞌ chiru nak ta̱xic Jerusalén li cuan saꞌ lix nim ukꞌ. Aran tixyi̱b lix naꞌajeb re teꞌxsut rix li tenamit. Ut teꞌxyi̱b ajcuiꞌ lix cꞌanjeleba̱l ut lix takleba̱l re teꞌoc cuiꞌ saꞌ li tenamit ut teꞌxchap. Li rey tixjap re, re nak eb li soldados teꞌoc chi pletic ut teꞌxtiquib xcamsinquileb li tenamit.

Ezequiel 14:21

Aꞌan aꞌin li naxye li nimajcual Dios: Kꞌaxal ra cuiꞌchic chokꞌ reheb laj Jerusalén nak la̱in tinrakok a̱tin saꞌ xbe̱neb riqꞌuin li ca̱hib chi raylal. La̱in tintakla li ple̱t, li cueꞌej, li joskꞌ aj xul, ut li caki yajel re nak teꞌcamsi̱k li cristian ut eb li xul.

Jeremías 32:3

Laj Sedequías lix reyeb laj Judá quixqꞌue chi pre̱xil laj Jeremías xban li cꞌaꞌru quixye. Laj Sedequías quixye re: —¿Cꞌaꞌut nak yo̱cat chixyebal nak li Ka̱cuaꞌ tixkꞌaxtesi li tenamit aꞌin saꞌ rukꞌ lix reyeb laj Babilonia ut ta̱re̱chani?

San Mateo 24:35

Li choxa ut li ruchichꞌochꞌ talajeꞌosokꞌ. Abanan li cua̱tin incꞌaꞌ ta̱cana̱k yal chi joꞌcan chi incꞌaꞌ ta ta̱cꞌulma̱nk chixjunil li cꞌaꞌak re ru xinye.

Jeremías 52:6

Saꞌ li bele̱b xbe li xca̱ po re li chihab aꞌan, quinumta li cueꞌej saꞌ li tenamit Jerusalén ut ma̱cꞌaꞌ chic xtzacae̱mkeb.

Jeremías 32:25

Usta li tenamit ta̱kꞌaxtesi̱k saꞌ rukꞌeb laj Babilonia, abanan la̱at, at Ka̱cuaꞌ, xaye cue: Lokꞌ li chꞌochꞌ ut ta̱bokeb li testigos re nak teꞌril nak ta̱toj, chancat.—

Jeremías 24:10

Tebinkꞌaxtesi saꞌ rukꞌeb li xicꞌ nequeꞌiloc reheb saꞌ li ple̱t. Tintakla cueꞌej ut yajel saꞌ xbe̱neb toj retal teꞌosokꞌ saꞌ li naꞌajej li xinqꞌue reheb aꞌan ut reheb ajcuiꞌ lix xeꞌto̱nil yucuaꞌ, chan li Ka̱cuaꞌ.

Jeremías 16:4

Jun li yajel kꞌaxal ra ta̱camsi̱nk reheb. Ma̱ ani ta̱ya̱bak chirixeb chi moco teꞌmukekꞌ. Nequeꞌtꞌanaxin saꞌ chꞌochꞌ teꞌcana̱k. Chanchanakeb li cꞌot. Teꞌcamsi̱k saꞌ li ple̱t, malaj ut xban li cueꞌej. Ut eb li xul li nequeꞌrupupic ut eb li joskꞌ aj xul teꞌxtiu lix tibeleb.

2 Samuel 20:15

Nak eb lix soldados laj Joab queꞌcuulac Abel-bet-maaca, queꞌxtu̱b li chꞌochꞌ chirix li tzꞌac li sutsu cuiꞌ li tenamit re ta̱ru̱k teꞌpletik riqꞌuineb. Ut queꞌxtiquib ajcuiꞌ xtꞌanbal li tzꞌac.

Isaías 37:33

Li Ka̱cuaꞌ Dios naxye chi joꞌcaꞌin chirix lix reyeb laj Asiria, “Li cui̱nk aꞌan incꞌaꞌ ta̱oc saꞌ li tenamit Jerusalén chi pletic chi moco riqꞌuin tzimaj, chi moco riqꞌuin chꞌi̱chꞌ, chi moco tixyi̱b lix takleba̱l re ta̱oc saꞌ li tenamit.

Jeremías 6:6

Aꞌan aꞌin li naxye li Ka̱cuaꞌ li nimajcual Dios reheb li teꞌcha̱lk chi pletic: —Yocꞌomak li cheꞌ ut yi̱bomak jun li takleba̱l re tex-oc chi pletic saꞌ li tenamit Jerusalén. Tento nak li cuanqueb Jerusalén teꞌqꞌuehekꞌ chixtojbal lix ma̱queb xban nak li tenamit aꞌan junes raylal nequeꞌxba̱nu.

Jeremías 20:5

Ut tinkꞌaxtesi saꞌ rukꞌ li rey aꞌan chixjunil lix biomal le̱ tenamit Jerusalén, joꞌ ajcuiꞌ le̱ racui̱mk ut chixjunil li cꞌaꞌak re ru terto xtzꞌak, joꞌ ajcuiꞌ li cꞌaꞌru re li rey li terto xtzꞌak. Tinkꞌaxtesi saꞌ rukꞌeb li xicꞌ nequeꞌiloc e̱re. Ut eb aꞌan teꞌxcꞌam chixjunil aran Babilonia.”

Jeremías 29:17

Li Ka̱cuaꞌ li nimajcual Dios naxye chi joꞌcaꞌin: —La̱in tintakla li ple̱t, li cueꞌej, ut li caki yajel saꞌ xbe̱neb. Tincanabeb chi ma̱cꞌaꞌ chic xcuanquileb. Chanchanakeb li higo li kꞌaynak, li incꞌaꞌ chic naru xloubal xban xkꞌaynakil.

Jeremías 29:18

Junelic tintakla li ple̱t, li cueꞌej ut li caki yajel saꞌ xbe̱neb. Chixjunileb li cuanqueb saꞌ ruchichꞌochꞌ teꞌsachk xchꞌo̱l chirilbaleb. Teꞌhobekꞌ ut teꞌseꞌe̱k. Yalak bar tebintakla, teꞌetzꞌu̱k ut teꞌmajecua̱k.

Jeremías 32:5

Tinixcꞌam toj Babilonia ut aran tincana̱k toj nak li Ka̱cuaꞌ tixba̱nu li cꞌaꞌru ta̱raj riqꞌuineb. Cui topletik riqꞌuineb laj Babilonia, incꞌaꞌ tonumta̱k saꞌ xbe̱neb, chancat.—

Jeremías 32:28

Joꞌcan nak li Ka̱cuaꞌ xye chi joꞌcaꞌin: La̱in tinkꞌaxtesi li tenamit aꞌin saꞌ rukꞌeb laj Babilonia ut saꞌ rukꞌ lix reyeb toj retal teꞌre̱chani.

Jeremías 34:17

Joꞌcan nak la̱in li Ka̱cuaꞌ ninye e̱re chi joꞌcaꞌin: La̱ex incꞌaꞌ xex-abin chicuu. Incꞌaꞌ xerachꞌab le̱ mo̱s, le̱ rech tenamitil. Joꞌcan nak la̱in texincanab e̱junes re nak texcamsi̱k saꞌ li ple̱t malaj ut texca̱mk xban cueꞌej malaj ut xban caki yajel. Xicꞌ chic tex-ilekꞌ xbaneb chixjunileb li xni̱nkal ru tenamit li cuanqueb saꞌ ruchichꞌochꞌ.

Jeremías 52:4

Yo̱ xbele chihab roquic chokꞌ xreyeb laj Israel laj Sedequías, saꞌ li laje̱b xbe li po re lix laje po re li chihab aꞌan, nak quichal laj Nabucodonosor rochbeneb chixjunileb lix soldado chi pletic riqꞌuineb li cuanqueb Jerusalén. Ut chi xjun sutam li tenamit queꞌxyi̱b li naꞌajej najt xteram re xcꞌacꞌalenquil li tenamit.

Ezequiel 26:8

Teꞌxcamsiheb chi chꞌi̱chꞌ li cuanqueb saꞌ li cocꞌ cꞌaleba̱l. Teꞌxyi̱b lix naꞌajeb re teꞌxcol cuiꞌ ribeb. Teꞌxyi̱b lix takleba̱l re teꞌoc saꞌ le̱ tenamit ut cua̱nk xchꞌi̱chꞌeb re xcolbal re xchꞌo̱leb.

Habacuc 1:10

Teꞌxrahobtesiheb li acuabej ut teꞌxtzꞌekta̱naheb li nequeꞌcꞌamoc be saꞌ li tenamit. Nak nequeꞌril li cab li nequeꞌxcol cuiꞌ ribeb li tenamit, nequeꞌxseꞌe. Nequeꞌxtu̱b li chꞌochꞌ ut saꞌ xbe̱n aꞌan nequeꞌtakeꞌ re nak ta̱ru̱k teꞌoc saꞌ li tenamit re teꞌre̱chani.

Ezequiel 4:2

Chirix aꞌan, ta̱yi̱b jun retalil li tzꞌac li sutsu cuiꞌ li tenamit ut ta̱yi̱b jun retalil li pletic. Ta̱yi̱b retalil li rok haꞌ ut retalil lix naꞌajeb li soldados ut ta̱yi̱b ajcuiꞌ retalil li ni̱nki cheꞌ li teꞌxtꞌan cuiꞌ li oqueba̱l re li tenamit.

Ezequiel 21:27

Ta̱osokꞌ chixjunil. La̱in tinpoꞌ ru chixjunil. Ut incꞌaꞌ chic ta̱yi̱ba̱k toj saꞌ li cutan nak ta̱cha̱lk li jun li quinqꞌue xcuanquil chi rakoc a̱tin. Saꞌ li cutan aꞌan la̱in tinkꞌaxtesi saꞌ rukꞌ li cꞌanjel aꞌan.