Jeremías 32:23 - Li Santil hu

²³ Queꞌre̱chani li naꞌajej ut queꞌxyal xsahil. Abanan incꞌaꞌ queꞌxba̱nu li cꞌaꞌru caye reheb, chi moco queꞌxba̱nu li naxye saꞌ la̱ chakꞌrab. Incꞌaꞌ queꞌxba̱nu li cꞌaꞌru cataklaheb cuiꞌ. Joꞌcan nak la̱at caqꞌue chixjunil li raylal aꞌin saꞌ xbe̱neb.

Q'eqchi Bible

²³ A'ut naq eb' a'an ke'ok sa' li na'ajej ut ke'reechani, ink'a' ke'xpaab' laawaatin chi moko ke'xk'e sa' xch'ooleb' li xchaq'rab'inkileb' aab'aan: tik ink'a' ke'xb'aanu li kaye reheb'; jo'kan naq xataqla chaq li rahilal a'in sa' xb'eeneb'.

Jeremías 32:23 ပူးပေါင်းရင်းမြစ်များ

Esdras 9:7

Chalen nak toj cuanqueb li kaxeꞌto̱nil yucuaꞌ toj anakcuan yo̱co chi ma̱cobc cha̱cuu. Xban li kama̱usilal, ut xban ajcuiꞌ lix ma̱usilaleb li karey ut eb laj tij, la̱o cokꞌaxtesi̱c saꞌ rukꞌeb li rey li jalan xtenamiteb. Cochapeꞌ ut cocꞌameꞌ chi najt saꞌ jalan tenamit. Cuan queꞌcamsi̱c riqꞌuin chꞌi̱chꞌ. Queꞌrelkꞌa li cꞌaꞌru cuan ke ut quicꞌuteꞌ kaxuta̱n toj chalen anakcuan.

Lamentaciones 1:18

Li Ka̱cuaꞌ quirakoc a̱tin saꞌ kabe̱n saꞌ ti̱quilal. La̱o xkakꞌet li ra̱tin. Che̱junilex la̱ex, qꞌuehomak retal li raylal li yo̱co chixcꞌulbal. Chixjunileb li toj sa̱jeb queꞌchapeꞌ ut queꞌcꞌameꞌ chi najt, joꞌ cui̱nk, joꞌ ixk.

Santiago 2:10

Li ani naxpa̱b chixjunil li chakꞌrab, abanan cui naxkꞌet junak reheb li chakꞌrab, riqꞌuin aꞌan xkꞌet chixjunil.

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

San Juan 15:14

Cui te̱ba̱nu li cꞌaꞌru ninye e̱re, la̱exak li raro̱kex inban.

San Lucas 17:10

Joꞌcan ajcuiꞌ la̱ex. Nak ac xeba̱nu li xextakla̱c cuiꞌ, cheyehak: “La̱o aj cꞌanjel cha̱cuu. Caꞌaj cuiꞌ li joꞌ qꞌuial xoa̱takla cuiꞌ xkaba̱nu. Joꞌcan nak ma̱bantioxi chiku”, chaꞌakex, chan li Jesús reheb.

Ezequiel 20:21

Abanan eb li ralal xcꞌajoleb queꞌxkꞌetkꞌeti ajcuiꞌ ribeb chicuu. Queꞌxkꞌet lin chakꞌrab ut incꞌaꞌ queꞌxba̱nu li cꞌaꞌru quinye, usta cua̱nk xyuꞌam li ani naxba̱nu lin chakꞌrab. Queꞌxmux ru li hiloba̱l cutan. Joꞌcan nak la̱in quinye nak tincuisi lin joskꞌil saꞌ xbe̱neb nak cuanqueb saꞌ li chaki chꞌochꞌ.

Ezequiel 20:18

Nak cuanqueb saꞌ li chaki chꞌochꞌ la̱in quinye reheb li ralal xcꞌajoleb: —Me̱ba̱nu li cꞌaꞌru nequeꞌxye le̱ naꞌ e̱yucuaꞌ. Me̱ba̱nu joꞌ nequextakla cuiꞌ. Ut me̱mux e̱rib riqꞌuin xlokꞌoninquileb lix jalanil dios.

Ezequiel 20:8

Abanan queꞌxkꞌetkꞌeti ribeb ut incꞌaꞌ queꞌabin chicuu. Incꞌaꞌ queꞌrisi saꞌ xya̱nkeb li jalanil dios li queꞌcuulac chiruheb xlokꞌoninquil, chi moco queꞌxtzꞌekta̱na lix jalanil dioseb laj Egipto. Joꞌcan nak quinye nak tinqꞌueheb chixtojbal lix ma̱queb aran Egipto toj retal nak tincuisi lin joskꞌil saꞌ xbe̱neb.

Lamentaciones 1:8

Kꞌaxal cuiꞌchic numtajenak li ma̱c queꞌxba̱nu eb laj Jerusalén. Xban li ma̱usilal queꞌxba̱nu incꞌaꞌ chic nequeꞌqꞌueheꞌ xlokꞌal. Eb li queꞌqꞌuehoc xlokꞌaleb laj Jerusalén junxil, anakcuan nequeꞌxtzꞌekta̱na xban nak xeꞌxqꞌue retal li ma̱usilal queꞌxba̱nu. Joꞌcan nak yo̱queb chi ya̱bac ut nequeꞌxuta̱na̱c eb laj Jerusalén.

Nehemías 9:15

Ut nak queꞌtzꞌoca, saꞌ choxa quichal chak li cua caqꞌue chixcuaꞌeb. Ut nak ta̱chakik reheb, cacuisi li haꞌ saꞌ li sako̱nac ut caqꞌue reheb. Caye ajcuiꞌ reheb nak teꞌoc saꞌ li naꞌajej li cayechiꞌi reheb riqꞌuin juramento.

Josué 23:16

Cui incꞌaꞌ te̱ba̱nu li naxye saꞌ li contrato li quixba̱nu li Dios e̱riqꞌuin, malaj ut cui te̱lokꞌoni li jalanil dios ut texcꞌanjelak chiruheb, ta̱cha̱lk xjoskꞌil li Dios saꞌ e̱be̱n, ut saꞌ junpa̱t tex-isi̱k saꞌ li cha̱bil naꞌajej aꞌin li quixqꞌue e̱re li Dios, chan laj Josué.

Salmos 78:10

Incꞌaꞌ queꞌxba̱nu li queꞌxyechiꞌi re li Dios nak queꞌxba̱nu li contrato riqꞌuin. Ut queꞌxkꞌet li ra̱tin.

Jeremías 2:7

La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.

Jeremías 26:4

Ta̱ye reheb: Aꞌan aꞌin li naxye li Ka̱cuaꞌ. Cui incꞌaꞌ tex-abi̱nk chicuu ut cui incꞌaꞌ te̱ba̱nu li cꞌaꞌru naxye lin chakꞌrab li quinqꞌue e̱re, la̱in texinqꞌue chixtojbal le̱ ma̱c.

Jeremías 44:10

Toj chalen anakcuan la̱ex incꞌaꞌ quecubsi e̱rib chi moco niquine̱lokꞌoni. Ut incꞌaꞌ nequeba̱nu li cꞌaꞌru naxye saꞌ lin chakꞌrab li quinqꞌue e̱re la̱ex ut reheb ajcuiꞌ le̱ xeꞌto̱nil yucuaꞌ.

Josué 21:43

Joꞌcaꞌin nak li Ka̱cuaꞌ quixqꞌueheb lix chꞌochꞌ laj Israel, joꞌ quixyechiꞌi chak reheb lix xeꞌto̱nil yucuaꞌ riqꞌuin juramento. Queꞌxcꞌul chokꞌ reheb ut queꞌcuan aran.

Jeremías 7:26

Abanan eb aꞌan incꞌaꞌ queꞌraj rabinquil li cꞌaꞌru quinye reheb. Queꞌxcacuubresi ban xchꞌo̱leb chixba̱nunquil li ma̱usilal. Kꞌaxal nabal li ma̱usilal queꞌxba̱nu chiru li queꞌxba̱nu lix xeꞌto̱nil yucuaꞌeb.