Jeremías 32:20 - Li Santil hu

²⁰ Caba̱nu li sachba chꞌo̱lej ut li milagros aran Egipto. Ut chalen toj anakcuan yo̱cat chixba̱nunquil li sachba chꞌo̱lej arin Israel ut saꞌ chixjunil li ruchichꞌochꞌ. Joꞌcan nak naqꞌueheꞌ a̱lokꞌal toj chalen anakcuan.

Q'eqchi Bible

²⁰ Relik chi yaal naq xninqal eetalil ut sachb'ach'oolej kab'aanu chaq Ejiipt, ut chalen chaq junxil toj anaqwan yookat chi xb'aanunkil rik'ineb' laj Israel jo'wi' junsut junrub'el choxa; jo'kan naq q'axal nim laaloq'al jo' na'ilmank anaqwan.

Jeremías 32:20 ပူးပေါင်းရင်းမြစ်များ

Nehemías 9:10

Caba̱nu lix ni̱nkal ru milagro sachba chꞌo̱lej rilbal re risinquil xcuanquil laj faraón, joꞌqueb ajcuiꞌ li nequeꞌcꞌanjelac chiru, joꞌqueb ajcuiꞌ chixjunileb laj Egipto xban nak la̱at caqꞌue retal chanru nak queꞌrahobtesi̱c li kaxeꞌto̱nil yucuaꞌ xbaneb. Joꞌcan nak chalen anakcuan naꞌno saꞌ chixjunil li tenamit nak la̱at nacaba̱nu li xni̱nkal ru milagro.

Hechos 7:36

Laj Moisés, aꞌan li qui-isin reheb Egipto. Nabal li milagro ut li sachba chꞌo̱lej quixba̱nu aran Egipto ut saꞌ li Caki Palau. Chiru caꞌcꞌa̱l chihab quicꞌamoc be chiruheb saꞌ li chaki chꞌochꞌ.

Daniel 9:15

At Ka̱cuaꞌ, at kaDios, nakanau nak la̱at cat-isin reheb la̱ tenamit aran Egipto riqꞌuin xnimal la̱ cuanquil. Riqꞌuin aꞌan nanauman nak nim la̱ cuanquil toj chalen anakcuan. La̱o xoma̱cob ut incꞌaꞌ us li kayehom kaba̱nuhom.

Salmos 135:9

Ut sachba chꞌo̱lej quilajxba̱nu aran Egipto re xqꞌuebal xxiuheb laj faraón joꞌqueb ajcuiꞌ li nequeꞌcꞌanjelac chiru.

2 Samuel 7:23

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. Caꞌaj cuiꞌ aꞌan. At Ka̱cuaꞌ, la̱at xatcoloc reheb re nak teꞌoc chokꞌ a̱tenamit. Xaba̱nu li milagros, li sachba chꞌo̱lej ut li xni̱nkal ru naꞌleb re xcolbaleb, re nak naꞌno̱k ruheb la̱ tenamit. La̱at cat-isin chak reheb saꞌ xya̱nkeb li jalanil tenamit ut lix dioseb nak cacuisiheb chak Egipto. Caba̱nu chixjunil aꞌan xban xra̱baleb.

Éxodo 10:2

Chi joꞌcan la̱ex te̱ye reheb le̱ ralal e̱cꞌajol chanru xinba̱nu riqꞌuineb laj Egipto nak xincꞌutbesi lin cuanquilal chiruheb. La̱ex te̱nau nak relic chi ya̱l nak la̱in li Ka̱cuaꞌ Dios, chan.

Éxodo 9:16

Abanan la̱in incꞌaꞌ xinqꞌue li yajel aꞌan saꞌ e̱be̱n xban nak xcuaj xcꞌutbal lin cuanquil che̱ru. Ut re ajcuiꞌ nak te̱ye cuesilal saꞌ ruchichꞌochꞌ.

Isaías 63:12

¿Ma ma̱cuaꞌ ta biꞌ li Dios quitenkꞌan re laj Moisés chixba̱nunquil li sachba chꞌo̱lej riqꞌuin xnimal xcuanquil? ¿Ma ma̱cuaꞌ ta biꞌ li Dios li quijachoc ru li palau chiruheb li ralal xcꞌajol re nak ta̱qꞌuehekꞌ xlokꞌal chi junelic?

1 Crónicas 17:21

Ma̱ jun chic tenamit cuan saꞌ ruchichꞌochꞌ joꞌ la̱ tenamit Israel. At Ka̱cuaꞌ, la̱at catcoloc reheb re nak teꞌoc chokꞌ a̱tenamit. La̱at caba̱nu milagros ut sachba chꞌo̱lej nak cacuisiheb li jalanil tenamit saꞌ lix naꞌajeb la̱ tenamit li cacoleb nak cacuisiheb chak Egipto. Caba̱nu aꞌan re xcꞌutbesinquil nak la̱at kꞌaxal nim la̱ cuanquil.

Deuteronomio 7:19

Riqꞌuin xnakꞌ e̱ru la̱ex xeril li sachba chꞌo̱lej ut li milagro li quixba̱nu li Ka̱cuaꞌ riqꞌuin xnimal xcuanquil nak quexrisi saꞌ li raylal li cuanquex cuiꞌ. Ut joꞌcan ajcuiꞌ tixba̱nu li Ka̱cuaꞌ le̱ Dios riqꞌuineb li tenamit aꞌin li yo̱queb chixqꞌuebal e̱xiu.

Deuteronomio 6:22

Riqꞌuin xnakꞌ ku xkil li sachba chꞌo̱lej ut li milagros li quixba̱nu li Ka̱cuaꞌ. Xkil li xni̱nkal ru raylal li quixtakla li Ka̱cuaꞌ saꞌ xbe̱neb laj Egipto ut saꞌ xbe̱n laj faraón rochbeneb li ralal xcꞌajol.

Deuteronomio 4:34

¿Ma cuan ta biꞌ junak Dios quixsicꞌ ta ru junak tenamit saꞌ xya̱nkeb li jun chꞌol chic? Li Dios quixcꞌutbesi nabal li retalil nak quexrisi chak saꞌ li naꞌajej Egipto. Quixba̱nu riqꞌuin milagro ut sachba chꞌo̱lej ut riqꞌuin pletic. Riqꞌuin xnimal xcuanquil quixba̱nu li cꞌaꞌak re ru xiu xiu rilbal. La̱ex queril nak li Ka̱cuaꞌ le̱ Dios quixba̱nu li sachba chꞌo̱lej nak quexrisi chak saꞌ li naꞌajej Egipto.

Éxodo 7:3

La̱in tincacuubresi xchꞌo̱l laj faraón. Nabal incuanquilal tincꞌutbesi saꞌ li tenamit Egipto.

Éxodo 3:20

La̱in tincꞌut lin cuanquil chiruheb laj Egipto. Tinrahobtesiheb ut riqꞌuin aꞌan texcanab chi e̱lc.

Isaías 63:14

Ut lix musikꞌ li Dios qui-iloc reheb. Chanchaneb li queto̱mk li yo̱queb chi ichajibc saꞌ li ru takꞌa. Quixberesiheb lix tenamit chi joꞌcan re nak ta̱qꞌuehekꞌ xlokꞌal lix santil cꞌabaꞌ.

Jeremías 13:11

Joꞌ nak li cui̱nk naxbacꞌ lix cꞌa̱mal xsaꞌ chi xsaꞌ, joꞌcan ajcuiꞌ raj nak xcuaj nak cauhakeb xchꞌo̱l lin tenamit cuiqꞌuin. Aꞌaneb raj lin tenamit. Aꞌaneb raj li teꞌqꞌuehok inlokꞌal ut teꞌxnima raj cuu. Abanan eb aꞌan incꞌaꞌ queꞌraj. Queꞌxkꞌet ban li cua̱tin.

Deuteronomio 11:3

ut li milagros li quixba̱nu. La̱ex queril cꞌaꞌru quixba̱nu re lix reyeb laj Egipto ut reheb chixjunileb lix tenamit.

Nehemías 9:11

La̱at cajach li palau chi ribil re nak chaki li chꞌochꞌ teꞌnumekꞌ cuiꞌ laj Israel saꞌ xyi li palau. Ut eb li yo̱queb chi ta̱ke̱nc reheb re teꞌxchap, casach ruheb saꞌ li haꞌ. Chanchan nak nacuteꞌ junak nimla pec saꞌ xchamal li haꞌ nak queꞌosoꞌ.

Daniel 6:28

Ut kꞌaxal cuiꞌchic quiqꞌueheꞌ xcuanquil laj Daniel nak laj Darío cuan chokꞌ rey ut quiqꞌueheꞌ ajcuiꞌ xcuanquil nak laj Ciro aj Persia qui-oc chokꞌ rey.