Jeremías 32:19 - Li Santil hu

¹⁹ Kꞌaxal lokꞌ li nacacꞌu̱b ru ut sachba chꞌo̱lej li nacaba̱nu riqꞌuin xnimal la̱ cuanquil. La̱at nacacuil chixjunil li nequeꞌxba̱nu li cristian. Ut nacaqꞌue xkꞌajca̱munquil li junju̱nk aꞌ ya̱l chanru lix yehom xba̱nuhom.

Q'eqchi Bible

¹⁹ Sachb'ach'oolej rilb'al laak'anjel ut q'axal nim laawankil chi xb'aanunkil. Kutan saqenk chawu chixjunil li xb'aanuhomeb' li poyanam, re xq'ajkamunkil li junjunq jo' chanru xk'ulub' li xyehom ut xb'aanuhom.

Jeremías 32:19 ပူးပေါင်းရင်းမြစ်များ

Jeremías 17:10

Caꞌaj cuiꞌ la̱in li Ka̱cuaꞌ li ninnaꞌoc re cꞌaꞌru cuan saꞌ lix cꞌaꞌuxeb. Ut la̱in ninqꞌue xkꞌajca̱munquil li junju̱nk aꞌ yal chanru lix yehom xba̱nuhomeb.—

San Mateo 16:27

La̱in li Cꞌajolbej tincha̱lk riqꞌuin xnimal xlokꞌal lin Yucuaꞌ cuochbeneb lix ángel. Tojoꞌnak tinqꞌue lix kꞌajca̱munquil chi xjunju̱nkaleb joꞌ chanru lix yehom xba̱nuhom.

Isaías 28:29

Chixjunil li naꞌleb aꞌin qꞌuebil re xban li nimajcual Dios. Kꞌaxal cha̱bil li naꞌleb li naxqꞌue li Dios ut chixjunil na-el chi us.

Salmos 62:12

At Ka̱cuaꞌ, la̱at li nacat-uxta̱nan u. La̱at li nacatqꞌuehoc xkꞌajca̱munquil li junju̱nk aꞌ yal chanru lix yehom xba̱nuhom.

Apocalipsis 22:12

—Qꞌuehomak retal, chan li Jesús. —La̱in chi se̱b tincha̱lk ut tincꞌam chak le̱ kꞌajca̱munquil. Tinqꞌue xkꞌajca̱munquil li junju̱nk aꞌ yal chanru lix yehom xba̱nuhom.

Jeremías 16:17

La̱in nacuil chixjunil li cꞌaꞌru nequeꞌxba̱nu. Ma̱cꞌaꞌ mukmu chicuu. Incꞌaꞌ naru teꞌxmuk lix ma̱usilaleb.

Li xHu LAJ JOB 34:21

Li Dios yo̱ chirilbal chixjunil li nequeꞌxba̱nu li cristian ut naxnau chixjunil.

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

San Juan 5:29

Li queꞌxba̱nu li us teꞌcuacli̱k cuiꞌchic ut teꞌcua̱nk xyuꞌam chi junelic. Ut eb li queꞌxba̱nu li incꞌaꞌ us teꞌcuacli̱k ajcuiꞌ re teꞌtakla̱k saꞌ li tojba ma̱c.

Jeremías 23:24

¿Ma naru ta biꞌ nequeꞌxmuk rib li cristian chicuu? ¿Ma cuan ta biꞌ junak naꞌajej li incꞌaꞌ nacuil la̱in? La̱in cuanquin yalak bar, joꞌ saꞌ choxa joꞌ saꞌ ruchichꞌochꞌ.

Isaías 40:13

¿Ma cuan ta biꞌ junak ta̱yehok re li Dios cꞌaꞌru tixba̱nu? Ut, ¿ma cuan ta biꞌ junak ta̱qꞌuehok xnaꞌleb?

Isaías 9:6

Jun li cꞌulaꞌal xyoꞌla chokꞌ ke. Li Cꞌajolbej xqꞌueheꞌ ke xban li Dios. Ut saꞌ rukꞌ aꞌan cua̱nk li cuanquilal. Ut aꞌan aꞌin li tixcꞌabaꞌin: aj ba̱nuhom sachba chꞌo̱lej, aj qꞌuehol naꞌleb, li nimajcual Dios, li Acuabej Dios chi junelic kꞌe cutan ut aj qꞌuehol tuktu̱quil usilal.

Proverbios 5:21

Li Ka̱cuaꞌ yo̱ chirilbal chanru lix naꞌleb li junju̱nk. Ut junelic yo̱ chixqꞌuebal retal cꞌaꞌru nequeꞌxba̱nu.

Efesios 1:11

La̱o aj judío sicꞌbil ku xban li Dios chokꞌ ralal xcꞌajol saꞌ xcꞌabaꞌ li Cristo. Aꞌin qui-uxman xban nak joꞌcan quiraj li Dios ut xban nak aꞌan yal re saꞌ xbe̱n chixjunil.

2 Corintios 5:10

Nakanau nak chikajunilo toxkacꞌut kib chiru li Cristo re nak aꞌan ta̱rakok a̱tin saꞌ kabe̱n. Ut li junju̱nk tixcꞌul lix kꞌajca̱munquil aꞌ yal chanru lix yehom xba̱nuhom nak xcuan saꞌ ruchichꞌochꞌ, ma us malaj incꞌaꞌ us quixba̱nu.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Eclesiastés 12:14

Li Dios ta̱rakok a̱tin saꞌ kabe̱n riqꞌuin chixjunil li cꞌaꞌru nakaba̱nu, usta chi mukmu nakaba̱nu. Ta̱rakok a̱tin saꞌ kabe̱n riqꞌuin chixjunil li nakaba̱nu, usta us, usta incꞌaꞌ us.

Salmos 34:15

Li Ka̱cuaꞌ aꞌan naril li cꞌaꞌru nequeꞌxcꞌul li ti̱queb xchꞌo̱l ut naxtenkꞌaheb. Aꞌan narabi nak nequeꞌxtzꞌa̱ma xtenkꞌanquil chiru.

2 Crónicas 16:9

Li nimajcual Dios junelic yo̱ chixqꞌuebal retal li cꞌaꞌru yo̱queb chixcꞌulbal li cuanqueb saꞌ ruchichꞌochꞌ re nak tixqꞌue xcacuilal xchꞌo̱leb li ani ti̱queb xchꞌo̱l chiru. Abanan anakcuan la̱at incꞌaꞌ us xaba̱nu. Joꞌcan nak chalen anakcuan junelic ta̱cua̱nk li pletic saꞌ le̱ tenamit, chan li profeta Hanani.

1 Reyes 8:32

la̱at ta̱cuabi toj saꞌ choxa li cꞌaꞌru teꞌxtzꞌa̱ma cha̱cuu. Tatrakok a̱tin saꞌ xbe̱neb ut ta̱qꞌueheb chixtojbal xma̱c li cuanqueb xma̱queb. Ta̱coleb rix li ma̱cꞌaꞌeb xma̱c saꞌ xcꞌabaꞌ la̱ ti̱quilal.

Éxodo 15:11

Ma̱cꞌaꞌ chic junak dios joꞌ la̱at, at Ka̱cuaꞌ. Ma̱ ani chic junak cuan xti̱quilal joꞌ la̱ ti̱quilal la̱at. Ma̱ ani chic junak nim xcuanquil joꞌ la̱ nimajcual cuanquilal la̱at. Ma̱ ani chic junak naru ta̱ba̱nu̱nk re li sachba chꞌo̱lej xaba̱nu la̱at.

Li xHu LAJ JOB 34:11

Li Dios naxqꞌue xkꞌajca̱munquil li junju̱nk aꞌ yal chanru lix yehom xba̱nuhom. Naxqꞌue xkꞌajca̱munquil joꞌ xcꞌulubeb.

Proverbios 8:14

La̱in ninnau cꞌoxlac chi us. La̱in ninqꞌuehoc naꞌleb ut la̱in ninxakaban reheb saꞌ xcuanquil. Ut la̱in ajcuiꞌ ninqꞌuehoc se̱bal chꞌo̱lej.

Jeremías 21:14

La̱in texinqꞌue chixtojbal e̱ma̱c aꞌ yal chanru le̱ yehom e̱ba̱nuhom. La̱in tinsach e̱ru. Chanchan nak tinloch xxamlel li qꞌuicheꞌ ut tixsach chixjunil, chan li Ka̱cuaꞌ Dios.

Daniel 2:45

La̱at xacuil chanru nak li pec qui-el saꞌ li u̱l chi ma̱ ani xcutuc re. Xacuil ajcuiꞌ chanru nak quimuchꞌeꞌ li jalam u̱ch yi̱banbil riqꞌuin hierro, bronce, saklun, plata ut oro. At rey, li nimajcual Dios yo̱ chixyebal a̱cue cꞌaꞌru ta̱cꞌulma̱nk saꞌ eb li cutan cha̱lel. La̱in xinye a̱cue cꞌaꞌru la̱ matcꞌ ut xinye ajcuiꞌ a̱cue cꞌaꞌru lix ya̱lal, chan laj Daniel.

Salmos 92:6

Li ani ma̱cꞌaꞌ xnaꞌleb incꞌaꞌ naxtau ru li naꞌleb aꞌin.

Salmos 111:2

Kꞌaxal lokꞌ chixjunil li naxba̱nu li Ka̱cuaꞌ. Chixjunileb li nequeꞌrahoc re li Dios nequeꞌxqꞌue xchꞌo̱l chixtaubal ru li cꞌaꞌru naxba̱nu.

Isaías 59:18

Tixqꞌue re̱kaj reheb li queꞌxba̱nu li ma̱usilal aꞌ yal chanru lix yehom xba̱nuhomeb. Tixqꞌueheb chixtojbal xma̱queb li xicꞌ nequeꞌiloc re usta kꞌaxal najt cuanqueb saꞌ jalan tenamit.

Jeremías 25:14

Nabaleb li xni̱nkal ru tenamit ut eb li rey teꞌnumta̱k saꞌ xbe̱neb ut teꞌcana̱k rubel xcuanquileb. La̱in tinqꞌueheb chixtojbal xma̱queb aꞌ yal chanru lix yehom xba̱nuhomeb,” chan li Ka̱cuaꞌ.

Zacarías 9:1

Li Ka̱cuaꞌ quixye re laj Zacarías li raylal li teꞌxcꞌul li tenamit Hadrac ut li tenamit Damasco. Li Ka̱cuaꞌ naxnau cꞌaꞌru nequeꞌxba̱nu chixjunileb laj Israel ut naxnau ajcuiꞌ cꞌaꞌru nequeꞌxba̱nu li jalan tenamit.