Jeremías 32:17 - Li Santil hu

¹⁷ —At Ka̱cuaꞌ, at nimajcual Dios, kꞌaxal nim la̱ cuanquil. La̱at catyi̱ban re li choxa ut li ruchichꞌochꞌ riqꞌuin xnimal a̱cuanquil. Ma̱cꞌaꞌ chꞌaꞌaj cha̱cuu la̱at.

Q'eqchi Bible

¹⁷ «At Qaawa' Yos, laa'at aj winqob'resihom re choxach'och' rik'in xnimal aawankil ut xkawilal laawuq': maak'a' k'aru ch'a'aj xb'aanunkil chawu, at Qaawa'.

Jeremías 32:17 ပူးပေါင်းရင်းမြစ်များ

San Lucas 1:37

Riqꞌuin aꞌin nacꞌutun nak ma̱cꞌaꞌ chꞌaꞌaj chiru li Dios, chan li ángel.

Jeremías 32:27

—Abi li cꞌaꞌru tinye a̱cue. La̱in li Ka̱cuaꞌ lix Dioseb chixjunileb li cuanqueb saꞌ ruchichꞌochꞌ. Ut chicuu la̱in ma̱cꞌaꞌ chꞌaꞌaj xba̱nunquil.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

Li xHu LAJ JOB 42:2

—At Ka̱cuaꞌ, la̱in ninnau nak la̱at chixjunil nacatru xba̱nunquil. Ma̱cꞌaꞌ mukmu cha̱cuu.

San Mateo 19:26

Ut li Jesús quixcaꞌyaheb ut quixye reheb: —Chiru junak yal cui̱nk aꞌan ma̱min ta̱ru̱k, abanan chiru li Dios chixjunil naru xba̱nunquil.

Éxodo 20:11

Chiru cuakib cutan li Ka̱cuaꞌ Dios quixyi̱b li choxa, li ruchichꞌochꞌ ut li palau. Quilajxyi̱b chixjunil li cꞌaꞌak re ru cuan saꞌ ruchichꞌochꞌ joꞌ ajcuiꞌ saꞌ choxa. Ut saꞌ xcuuk li cutan quihilan. Joꞌcan nak li Ka̱cuaꞌ Dios quirosobtesi li hiloba̱l cutan ut quixsantobresi.

Jeremías 27:5

Riqꞌuin lix nimal lin cuanquil ut lin metzꞌe̱u la̱in quinyi̱b li ruchichꞌochꞌ ut eb li cristian joꞌ eb ajcuiꞌ li xul li cuanqueb saꞌ ruchichꞌochꞌ. Ut la̱in ya̱l cue cꞌaꞌru tinba̱nu riqꞌuin. La̱in ninqꞌue li cꞌaꞌak re ru re li ani nacuaj xqꞌuebal cuiꞌ.

San Lucas 18:27

Li Jesús quixye reheb: —Li cꞌaꞌru chꞌaꞌaj xba̱nunquil chiru li cui̱nk, chiru li Dios moco chꞌaꞌaj ta xba̱nunquil, chan.

2 Reyes 19:15

Quitijoc ut quixye: —At Ka̱cuaꞌ, la̱at li kaDios la̱o aj Israel. La̱at li cuancat saꞌ xyi li querubines. Caꞌaj cuiꞌ la̱at li Dios. La̱at cuan a̱cuanquil saꞌ xbe̱neb li xni̱nkal ru tenamit li cuanqueb saꞌ ruchichꞌochꞌ. La̱at catyi̱ban re li choxa ut li ruchichꞌochꞌ.

Isaías 45:12

La̱in quinyi̱ban re li ruchichꞌochꞌ ut la̱in quinyoꞌobtesin reheb li cristian li cuanqueb saꞌ ruchichꞌochꞌ. Riqꞌuin lin cuanquil quinyi̱b li choxa. La̱in yal cue saꞌ xbe̱n li sakꞌe, li po ut eb li chahim.

Apocalipsis 4:11

Ut queꞌxye re: At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.

Salmos 102:25

Najter kꞌe cutan la̱at catyi̱ban re li ruchichꞌochꞌ. Ut la̱at ajcuiꞌ catyi̱ban re li choxa riqꞌuin la̱ cuukꞌ.

Jeremías 51:15

Li Ka̱cuaꞌ quixyi̱b li ruchichꞌochꞌ riqꞌuin lix cuanquil. Quixxakab saꞌ xnaꞌaj riqꞌuin lix naꞌleb ut quixyi̱b li choxa.

Nehemías 9:6

Ut laj Esdras quitijoc ut quixye: —At Ka̱cuaꞌ, caꞌaj cuiꞌ la̱at li Dios. Ma̱ ani chic junak Dios. Caꞌaj cuiꞌ la̱at. La̱at catyi̱ban re li choxa joꞌ ajcuiꞌ chixjunil li cuan chiru. La̱at catyi̱ban re li ruchichꞌochꞌ ut chixjunil li cuan chiru. La̱at catyi̱ban re li palau joꞌ ajcuiꞌ chixjunil li cuan chi saꞌ. La̱at nacaqꞌue xyuꞌameb chixjunil li cꞌaꞌru cuan. Joꞌcan nak chixjunileb li cuanqueb saꞌ choxa nacateꞌxlokꞌoni.

Isaías 42:5

Li Ka̱cuaꞌ li quiyi̱ban re li choxa ut quixhel ru, li quiyi̱ban re li ruchichꞌochꞌ ut chixjunil li cuan chiru, li quiyoꞌobtesin reheb li tenamit ut quixqꞌue xyuꞌameb naxye chi joꞌcaꞌin re laj cꞌanjel chiru:

Daniel 2:22

Aꞌan naxcꞌutbesi chiku li incꞌaꞌ nakatau ru ut li chꞌaꞌaj xtaubal ru. Aꞌan naxnau chixjunil li cꞌaꞌak re ru incꞌaꞌ nakanau la̱o. Chixjunil cutan saken chiru aꞌan.

Jeremías 51:19

Moco joꞌcan ta li Ka̱cuaꞌ lix Dios laj Jacob. Li Ka̱cuaꞌ, aꞌan li quiyi̱ban re chixjunil li cꞌaꞌru cuan. Ut aꞌan li quisicꞌoc ruheb laj Israel chokꞌ xtenamit. “Li Ka̱cuaꞌ li Nimajcual Dios” xcꞌabaꞌ.

Jeremías 1:6

Ut la̱in quinchakꞌoc ut quinye: —At inDios, ¿cꞌaꞌru tinba̱nu? La̱in incꞌaꞌ ninnau a̱tinac xban nak toj sa̱jin, chanquin.

Jeremías 14:13

Ut laj Jeremías quixye: —At nimajcual Dios, la̱at nacanau nak eb li profetas yo̱queb chixyebal reheb li tenamit nak incꞌaꞌ ta̱cua̱nk li ple̱t chi moco ta̱cua̱nk li cueꞌej. Yo̱queb chixyebal nak ta̱qꞌue reheb li tuktu̱quil usilal, chan.

Hechos 17:24

Ut aꞌan ajcuiꞌ li Dios, li quiyi̱ban re li ruchichꞌochꞌ ut chixjunil li cꞌaꞌak re ru cuan. Aꞌan laj e̱chal re li choxa ut li ruchichꞌochꞌ. Aꞌan incꞌaꞌ nacuan saꞌ junak cab yi̱banbil xban cui̱nk.

Hechos 15:18

Ut li Ka̱cuaꞌ Dios li quiyehoc chak re aꞌin, aꞌan ajcuiꞌ li ta̱ba̱nu̱nk re. (Amós 9:11-12)

Hechos 14:15

—Ex tenamit, ¿cꞌaꞌut nak nequeba̱nu chi joꞌcan? La̱o yal cui̱nko joꞌ la̱ex. Juntakꞌe̱to e̱riqꞌuin. Aꞌan aj e nak xochal arin saꞌ e̱ya̱nk chixyebal e̱re nak te̱canab li joꞌ ma̱joꞌil naꞌleb. Sicꞌomak ban li yoꞌyo̱quil Dios li quiyi̱ban re li choxa, li ruchichꞌochꞌ, li palau ut chixjunil li cꞌaꞌru cuan.

Zacarías 12:1

Li Ka̱cuaꞌ li kꞌaxal nim xcuanquil li quiyi̱ban re li choxa ut quixakaban re li ruchichꞌochꞌ saꞌ xnaꞌaj, li quiqꞌuehoc xmusikꞌ li cui̱nk, aꞌan li xyehoc re aꞌin chirix li tenamit Israel:

Isaías 44:24

Aꞌan aꞌin li quixye li Ka̱cuaꞌ: —La̱in li Ka̱cuaꞌ laj Colol e̱re. La̱in quinyoꞌobtesin e̱re nak toj ma̱jiꞌ nequexyoꞌla. La̱in li Ka̱cuaꞌ. La̱in quinyi̱ban re chixjunil li cꞌaꞌru cuan. La̱in quinyi̱b li choxa ut quinhel ru. Ma̱ ani quitenkꞌan cue nak quinyi̱b li ruchichꞌochꞌ.

Ezequiel 11:13

Ut nak la̱in yo̱quin chixyebal resil li raylal li ta̱cha̱lk saꞌ xbe̱neb, laj Pelatías li ralal laj Benaía quicam. Ut la̱in quinhupub cuib saꞌ chꞌochꞌ ut quinjap cue ut quinye: —At nimajcual Dios, ¿ma ta̱sacheb ru chi junaj cua eb li ralal xcꞌajol laj Israel li joꞌ qꞌuial chic queꞌcoleꞌ?—

Ezequiel 9:8

La̱in quincana injunes nak yo̱queb chi camsi̱nc. Quinhupub cuib saꞌ chꞌochꞌ ut quinjap cue chixyebal: —At Ka̱cuaꞌ, at nimajcual Dios, ¿ma ta̱choy xsachbal ruheb laj Israel li joꞌ qꞌuial chic xeꞌcana xban nak yo̱ a̱joskꞌil saꞌ xbe̱neb laj Jerusalén? chanquin.

Jeremías 4:10

Laj Jeremías quixye: —At Ka̱cuaꞌ, at nimajcual Dios, relic chi ya̱l la̱at xabalakꞌiheb li tenamit. Xaye nak ta̱cua̱nk li tuktu̱quil usilal, abanan ca̱mc yo̱ chi cha̱lc saꞌ kabe̱n.

San Marcos 10:27

Li Jesús quirileb ut quixye reheb: —Li cui̱nk incꞌaꞌ naru tixba̱nu aꞌan, aban li Dios ma̱cꞌaꞌ chꞌaꞌaj chiru. Aꞌan naru tixba̱nu chixjunil.—

2 Reyes 3:18

Moco chꞌaꞌaj ta chiru li Ka̱cuaꞌ xba̱nunquil aꞌin. Ut tixkꞌaxtesiheb ajcuiꞌ laj Moab saꞌ e̱rukꞌ.

Salmos 136:12

Corisi chak riqꞌuin xnimal xcuanquil xban nak kꞌaxal nim li ruxta̱n saꞌ kabe̱n junelic.

Isaías 59:1

Incꞌaꞌ te̱cꞌoxla nak li Ka̱cuaꞌ ma̱cꞌaꞌ chic xcuanquil re texcol. Chi moco te̱cꞌoxla nak incꞌaꞌ ta̱rabi nak te̱tzꞌa̱ma e̱tenkꞌanquil.

Jeremías 21:2

—Ba̱nu usilal, tattijok chiru li Ka̱cuaꞌ ut ta̱patzꞌ re cꞌaꞌru us takaba̱nu xban nak laj Nabucodonosor lix reyeb laj Babilonia yo̱ chi pletic kiqꞌuin. Ma̱re li Ka̱cuaꞌ tixba̱nu junak milagro re nak laj Nabucodonosor tixcanab pletic kiqꞌuin, chanqueb.

Jeremías 33:3

—Chatzꞌa̱ma a̱tenkꞌanquil cue ut la̱in tatinsume. Ut tincꞌutbesi cha̱cuu li xni̱nkal ru naꞌleb li incꞌaꞌ nacanau ut tinchꞌolob xya̱lal cha̱cuu li cꞌaꞌru chꞌaꞌaj xtaubal ru.

Daniel 6:20

Nak yo̱ chi nachꞌoc aran, chi ra saꞌ xchꞌo̱l, li rey quixbok laj Daniel ut quixye re: —At Daniel, la̱at aj cꞌanjel chiru li yoꞌyo̱quil Dios. ¿Ma xatxcol la̱ Dios li junelic nacacꞌanjela ru? ¿Ma xatxcol chiruheb li cakcoj? chan re.

Zacarías 8:6

Ut li Ka̱cuaꞌ quixye ajcuiꞌ: —La̱ex li joꞌ qꞌuial chic texcana̱k, te̱cꞌoxla nak incꞌaꞌ ta̱ru̱k xba̱nunquil li sachba chꞌo̱lej aꞌin. Abanan chicuu la̱in ma̱cꞌaꞌ chꞌaꞌaj xba̱nunquil.

Números 11:23

Ut li Ka̱cuaꞌ quichakꞌoc ut quixye re laj Moisés: —¿Ma nacacꞌoxla la̱at nak ma̱cꞌaꞌ incuanquil chixba̱nunquil aꞌin? Anakcuan ta̱cuil ma ta̱uxma̱nk tana li cꞌaꞌru xinye malaj ut incꞌaꞌ, chan li Ka̱cuaꞌ.