Jeremías 32:10 - Li Santil hu

¹⁰ Xinbis li plata saꞌ li bisleb. Xintzꞌi̱ba li hu ut xinqꞌue sello chiru ut xincꞌut chiruheb li testigo.

Jeremías 32:10 ပူးပေါင်းရင်းမြစ်များ

Jeremías 32:44

Eb li chꞌochꞌ teꞌlokꞌma̱nk riqꞌuin tumin ut ta̱yi̱ba̱k xhuhileb. Ut teꞌxqꞌue li sello chiru li hu. Ut cua̱nkeb li testigos. Aꞌin ta̱cꞌulma̱nk saꞌ lix naꞌajeb li ralal xcꞌajol laj Benjamín li cuanqueb chi xjun sutam Jerusalén, joꞌ ajcuiꞌ saꞌ eb li tenamit Judá ut saꞌ eb li tenamit li cuanqueb saꞌ eb li naꞌajej li tzu̱l ru ut saꞌ eb li tenamit li cuanqueb Sefela ut saꞌ eb li tenamit li cuanqueb Neguev. Ta̱uxma̱nk chi joꞌcan xban nak la̱in tinsukꞌisiheb cuiꞌchic saꞌ xnaꞌajeb li queꞌcꞌameꞌ chi pre̱xil, chan li Ka̱cuaꞌ.

Jeremías 32:12

Ut xinqꞌue li hu aꞌin re laj Baruc, li ralal laj Nerías, li ri laj Maasías, chiru laj Hanameel li ralal li cuican, ut chiruheb li testigo li queꞌxtzꞌi̱ba xcꞌabaꞌeb saꞌ lix huhul li chꞌochꞌ ut chiruheb ajcuiꞌ chixjunileb laj judío li cuanqueb saꞌ li neba̱l re li cab li cuanquin cuiꞌ chi pre̱xil.

Jeremías 32:25

Usta li tenamit ta̱kꞌaxtesi̱k saꞌ rukꞌeb laj Babilonia, abanan la̱at, at Ka̱cuaꞌ, xaye cue: Lokꞌ li chꞌochꞌ ut ta̱bokeb li testigos re nak teꞌril nak ta̱toj, chancat.—

Isaías 44:5

Cuanqueb li teꞌxye, “La̱in rehin li Ka̱cuaꞌ.” Ut cuanqueb cuiꞌchic li teꞌxye, “La̱in rehin laj Jacob.” Ut cuanqueb li teꞌxtzꞌi̱ba chiruheb xtel “La̱in rehin li Ka̱cuaꞌ” ut teꞌxye nak aꞌan xcomoneb laj Israel.—

Li xHu LAJ JOB 14:17

Ta̱sachk saꞌ a̱chꞌo̱l chixjunil li ma̱c ninba̱nu. Ut ta̱cuisi chixjunil li incꞌaꞌ us ninba̱nu.

Deuteronomio 32:34

Li Ka̱cuaꞌ naxnau cꞌaꞌru queꞌxba̱nu li xicꞌ nequeꞌiloc reheb laj Israel. Cuan saꞌ xchꞌo̱l li cꞌaꞌru queꞌxba̱nu.

Apocalipsis 9:4

Queꞌyeheꞌ reheb nak incꞌaꞌ teꞌxchꞌeꞌ li pim chi moco li acui̱mk saꞌ ruchichꞌochꞌ, chi moco junak cheꞌ. Caꞌaj cuiꞌ eb li cristian li ma̱cꞌaꞌ retalileb saꞌ xpe̱quemeb xban li Dios, caꞌaj cuiꞌ eb aꞌan li teꞌtiꞌekꞌ.

Apocalipsis 7:2

Ut quicuil jun chic li ángel yo̱ chak chi cha̱lc na-el cuiꞌ chak li sakꞌe. Cuan chak lix sello li yoꞌyo̱quil Dios riqꞌuin. Ut quia̱tinac chi cau xya̱b xcux riqꞌuineb li ca̱hib chi ángel li ac qꞌuebileb xcuanquil re xba̱nunquil raylal reheb li cuanqueb saꞌ ruchichꞌochꞌ, joꞌqueb ajcuiꞌ li cuanqueb saꞌ li palau.

Efesios 4:30

Me̱ba̱nu chic li incꞌaꞌ us re nak incꞌaꞌ ta̱rahokꞌ xchꞌo̱l li Santil Musikꞌej e̱ban. Li Dios quixqꞌue e̱re li Santil Musikꞌej chokꞌ e̱retalil nak rehex chic aꞌan toj saꞌ li cutan nak tixtzꞌakobresi le̱ colbal.

Efesios 1:13

Ut joꞌcan ajcuiꞌ la̱ex li ma̱cuaꞌex aj judío. Nak xerabi lix ya̱lal li colba-ib, la̱ex xepa̱b li Cristo ut xecꞌul li Santil Musikꞌej, li quiyechiꞌi̱c e̱re chokꞌ retalil nak la̱ex chic li ralal xcꞌajol.

2 Corintios 1:22

Ut li Dios quixtakla chak li Santil Musikꞌej chi cua̱nc kiqꞌuin chokꞌ retalil nak reho chic. Xban nak li Santil Musikꞌej cuan kiqꞌuin, nakanau chi ya̱l nak takacꞌul chixjunil li quixyechiꞌi ke.

San Juan 6:27

Mixic e̱chꞌo̱l caꞌaj cuiꞌ riqꞌuin xsicꞌbal li tzacae̱mk li na-osoꞌ. Cheqꞌuehak ban e̱chꞌo̱l chixsicꞌbal li tzacae̱mk li incꞌaꞌ nalaj na-osoꞌ. Aꞌan li junelic yuꞌam li ninqꞌue la̱in li Cꞌajolbej. Aꞌan aj e nak quixqꞌue incuanquil ut quinixtakla chak li Yucuaꞌbej, chan li Jesús.

San Juan 3:33

Abanan li ani naxpa̱b li cꞌaꞌru naxye, riqꞌuin aꞌan naxcꞌut nak naxpa̱b nak tzꞌakal ya̱l li cꞌaꞌru yebil xban li Dios.

Daniel 8:26

Lix ya̱lal li xcꞌutbesi̱c cha̱cuu chirix li cꞌaꞌru ta̱cꞌulma̱nk chiru li oxib chihab riqꞌuin media, aꞌan tzꞌakal ya̱l. Ut la̱at ta̱cꞌu̱la saꞌ a̱chꞌo̱l ut ma̱ ani aj e ta̱serakꞌi xban nak toj mokon ta̱cꞌulma̱nk, chan cue li ángel.

Isaías 30:8

Li Ka̱cuaꞌ quixye cue nak tintzꞌi̱ba retalil saꞌ jun li hu chanru lix naꞌlebeb laj Israel. Li hu aꞌan cua̱nk junelic ut aꞌanak retalil chanru lix naꞌlebeb.

Cantares 8:6

Junelic taxak cua̱nkin saꞌ a̱chꞌo̱l. Chanchan taxak tzꞌi̱banbilak lin cꞌabaꞌ chiru la̱ tel. La̱ rahom xnumta saꞌ inbe̱n. Incꞌaꞌ naru nincol cuib chiru. Chanchan li ca̱mc. Li rahoc chanchan jun li nimla xam.

Josué 18:9

Queꞌco̱eb ut eb li cui̱nk aꞌin ut queꞌxbis chak li naꞌajej chi cuukub jachal ut queꞌxtzꞌi̱ba retalileb li tenamit saꞌ jun li hu. Ut chirix aꞌan queꞌsukꞌi cuiꞌchic riqꞌuin laj Josué saꞌ lix muheba̱leb aran Silo.

San Mateo 27:66

Ut co̱eb ut queꞌxtzꞌap chi us li mukleba̱l ut queꞌxqꞌue retalil li pec ut queꞌxcanab li soldado aran chixcꞌacꞌalenquil li mukleba̱l.

Génesis 23:16

Nak quirabi joꞌ nimal xtzꞌak li chꞌochꞌ, laj Abraham qui-oc chixbisbal li plata. Quixbis ca̱hib ciento bisoc li plata joꞌ nequeꞌbisoc laj cꞌay. Ut quixqꞌue li plata re laj Efrón chiruheb laj hititas.

Génesis 23:20

Li chꞌochꞌ ut li ochoch pec ac kꞌaxtesinbil chic saꞌ rukꞌ laj Abraham xbaneb laj hititas. Li naꞌajej aꞌan re chic laj Abraham ut ta̱cꞌanjelak chiru re xmukbaleb lix camenak.

Li xHu LIX RUT 4:1

Ut laj Booz co̱ ut quicꞌojla saꞌ li oqueba̱l re li tenamit bar cꞌaynakeb cuiꞌ chixchꞌutubanquil ribeb li cristian. Saꞌ ajcuiꞌ li ho̱nal aꞌan quinumeꞌ li rechꞌalal, ut laj Booz quixbok riqꞌuin ut quixye re: —Quim arin. Chunlan chincꞌatk, chan. Ut li rechꞌalal quicꞌojla chixcꞌatk.