Jeremías 31:5 - Li Santil hu

⁵ Te̱rau cuiꞌchic le̱ uvas saꞌ eb li tzu̱l li cuanqueb Samaria. Eb laj acuinel teꞌa̱uk ut teꞌxyal xsahil li ru li racui̱mkeb.

Q'eqchi Bible

⁵ Tat-awq wi' chik uub' sa'eb' li xtzuulul Samaria, ut eb' li te'awq uub' te'xyal ajwi' xsahil.

Jeremías 31:5 ပူးပေါင်းရင်းမြစ်များ

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Deuteronomio 28:30

Usta tzꞌa̱manbilak junak xkaꞌal e̱ban, abanan jalan ta̱cꞌamok re. Texcablak, abanan incꞌaꞌ texcua̱nk saꞌ li cab li te̱yi̱b. Te̱rau le̱ racui̱mk uvas, abanan incꞌaꞌ te̱yal xsahil li ru li tixqꞌue.

Miqueas 4:4

Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios.

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.

Abdías 1:19

Eb laj Israel li cuanqueb aran Neguev, aꞌaneb li teꞌe̱chani̱nk re li tzu̱l saꞌ lix naꞌajeb laj Esaú. Ut eb laj Israel li cuanqueb saꞌ li ru takꞌa Sefela, aꞌaneb li teꞌe̱chani̱nk re lix chꞌochꞌeb laj filisteo. Ut aꞌaneb ajcuiꞌ li teꞌe̱chani̱nk re lix chꞌochꞌeb laj Efraín ut lix chꞌochꞌeb laj Samaria. Ut eb li ralal xcꞌajol laj Benjamín, aꞌaneb li teꞌe̱chani̱nk re li naꞌajej Galaad.

Ezequiel 36:8

Ut teꞌtuxmek cuiꞌchic li cheꞌ li cuanqueb saꞌ li tzu̱l Israel ut teꞌu̱chi̱nk. Ut eb laj Israel teꞌxtzaca li ru xban nak chi se̱b teꞌsukꞌi̱k cuiꞌchic saꞌ lix tenamiteb.

1 Samuel 21:5

Laj David quixye re: —Chalen cabajer eb li cui̱nk incꞌaꞌ xeꞌcuan riqꞌuin ixk. Junelic nequeꞌxra rib nak nequeꞌel chixba̱nunquil junak taklanquil. Kꞌaxal cuiꞌchic teꞌxra rib nak yo̱queb chixba̱nunquil li taklanquil aꞌin, chan.

Deuteronomio 20:6

¿Ma cuan junak saꞌ e̱ya̱nk xrau lix uvas ut toj ma̱jiꞌ naxyal xsahil? Cui cuan, li jun aꞌan ta̱sukꞌi̱k saꞌ rochoch re nak tixyal xsahil xban nak ma̱re ta̱camsi̱k saꞌ li ple̱t ut ma̱re jalan chic ta̱yalok xsahil.

Salmos 107:37

Queꞌrau li acui̱mk saꞌ li cꞌaleba̱l ut queꞌrau li uvas. Ut nabal li ruheb li racui̱mk li queꞌxxoc.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Ezequiel 28:26

Ut aran teꞌcua̱nk laj Israel chi ma̱cꞌaꞌak xcꞌaꞌuxeb. Teꞌcablak cuiꞌchic ut teꞌrau lix uvas. Ut ma̱ ani chic ta̱chꞌiꞌchꞌiꞌi̱nk reheb xban nak la̱in tinqꞌueheb chixtojbal lix ma̱queb chixjunileb li tenamit li cuanqueb chixjun sutam li queꞌrahobtesin reheb lin tenamit. Ut eb aꞌan teꞌxqꞌue retal nak la̱in li Ka̱cuaꞌ lix Dioseb.—

Miqueas 1:6

Joꞌcan nak quixye li Ka̱cuaꞌ: —La̱in tinsach ru chixjunil li cꞌaꞌru cuan reheb laj Samaria ut tincanab li naꞌajej aꞌan chokꞌ xnaꞌaj li acui̱mk uvas. Tinjucꞌ li tzꞌac li sutsu cuiꞌ li tenamit joꞌqueb ajcuiꞌ li rochocheb ut li pec li ta̱e̱lk saꞌ li cimiento tincuteb saꞌ takꞌa.