Jeremías 31:40 - Li Santil hu

⁴⁰ Joꞌ ajcuiꞌ chixjunil li ru takꞌa li nequeꞌmukeꞌ cuiꞌ li camenak ut nequeꞌcuteꞌ cuiꞌ lix chahil, joꞌ eb ajcuiꞌ li cꞌaleba̱l li cuan cuiꞌ li nimaꞌ Cedrón, ut nacuulac ajcuiꞌ toj saꞌ li xuc li cuan cuiꞌ li oqueba̱l li nequeꞌnumeꞌ cuiꞌ li cacua̱y. Chixjunil li naꞌajej aꞌan santobresinbilak chicuu la̱in li Ka̱cuaꞌ. Ut li tenamit incꞌaꞌ chic ta̱sachekꞌ ru chi moco ta̱juqꞌuekꞌ, chan li Dios.

Q'eqchi Bible

⁴⁰ Chixjunil li ru taq'a b'arwi' neke'muqmank eb' li kamenaq ut natz'eqe'k wi' li cha, ut chixjunil li na'ajej li wank chire li nima' Sedrón toj sa' li Rokeb'aaleb' li kawaay li wank sa' xjayal releb'l saq'e, a'an q'axtesinb'ilaq cho'q re li Qaawa': maajoq'e chik taasachmanq chi moko taajuk'manq”.

Jeremías 31:40 ပူးပေါင်းရင်းမြစ်များ

Joel 3:17

La̱ex te̱nau nak la̱in li Ka̱cuaꞌ le̱ Dios ut cuanquin saꞌ lin santil naꞌaj saꞌ xbe̱n li tzu̱l Sión. Li tenamit Jerusalén ta̱santobresi̱k ut incꞌaꞌ chic teꞌcha̱lk li jalaneb xtenamit chi numta̱c saꞌ xbe̱n li tenamit Israel.

2 Samuel 15:23

Chixjunileb li tenamit li yo̱queb chi iloc re queꞌya̱bac chi cau nak co̱ li rey David rochbeneb li cristian li yo̱queb chi ochbeni̱nc re. Chixjunileb queꞌnumeꞌ jun pacꞌal li haꞌ Cedrón, ut li rey quinumeꞌ ajcuiꞌ. Eb li tenamit queꞌco̱eb chi ubej nak yo̱queb chi xic saꞌ li chaki chꞌochꞌ.

San Juan 18:1

Nak quirakeꞌ chi tijoc li Jesús, qui-el saꞌ li naꞌajej aꞌan rochbeneb lix tzolom. Co̱eb jun pacꞌal li haꞌ Cedrón xcꞌabaꞌ bar cuan cuiꞌ jun si̱r li acui̱mk.

2 Crónicas 23:15

Eb li soldados queꞌxchap lix Atalía ut queꞌxcꞌam saꞌ li oqueba̱l re li palacio li nequeꞌnumeꞌ cuiꞌ li cacua̱y. Ut aran queꞌxcamsi.

2 Reyes 11:16

Eb li soldado queꞌxchap lix Atalía ut queꞌrisi saꞌ li be li nequeꞌnumeꞌ cuiꞌ li nequeꞌxic chirix cacua̱y re teꞌoc saꞌ li palacio. Ut aran queꞌxcamsi.

Zacarías 14:20

Saꞌ eb li cutan aꞌan chixjunil li cꞌaꞌak re ru kꞌaxtesinbilak saꞌ rukꞌ li Ka̱cuaꞌ. Chiru li cocꞌ campanas li naqꞌueman chixcux li cacua̱y tzꞌi̱banbilak li a̱tin “Kꞌaxtesinbil saꞌ rukꞌ li Ka̱cuaꞌ”. Ut juntakꞌe̱tak xlokꞌaleb li ucꞌal li nequeꞌcꞌanjelac saꞌ lix templo li Ka̱cuaꞌ Dios riqꞌuin xlokꞌaleb li secꞌ li nequeꞌcꞌanjelac saꞌ li artal.

Nehemías 3:28

Li tzꞌac li cuan chixcꞌatk li queꞌxyi̱b laj Tecoa, aꞌan queꞌxyi̱b eb laj tij. Li tzꞌac li queꞌxyi̱b quiticla saꞌ li oqueba̱l li cuan nachꞌ riqꞌuin lix naꞌajeb li cacua̱y. Chixju̱nkaleb laj tij queꞌxyi̱b li tzꞌac li cuan chiru li rochocheb.

2 Reyes 23:12

Ut quixjucꞌ ajcuiꞌ eb li artal li queꞌcuan saꞌ xbe̱n cab nachꞌ riqꞌuin li naꞌajej li quicuan cuiꞌ laj Acaz, li queꞌyi̱ba̱c xbaneb lix reyeb laj Judá. Ut quixtakla ajcuiꞌ xjucꞌbal li cuib chi artal li queꞌyi̱ba̱c xban laj Manasés li queꞌcuan saꞌ li cuib chi neba̱l re lix templo li Ka̱cuaꞌ. Queꞌrisi aran ut queꞌxjor ut li xcꞌaj quicuteꞌ saꞌ li nimaꞌ Cedrón.

2 Reyes 23:6

Quixtakla ajcuiꞌ risinquil saꞌ lix templo li Ka̱cuaꞌ lix jalam u̱ch lix Asera. Queꞌrisi Jerusalén ut queꞌxcꞌam toj saꞌ li ru takꞌa re Cedrón ut aran queꞌxcꞌat. Ut lix chahil queꞌxcut saꞌ xbe̱neb lix mukleba̱l li tenamit.

Ezequiel 48:35

Chixjunil li tzꞌac li sutsu̱k cuiꞌ li tenamit, aꞌan bele̱b kilómetro xnimal. Ut chalen saꞌ li cutan aꞌan, lix cꞌabaꞌ li tenamit aꞌan Jehová-sama. Chi jalbil ru naraj naxye “Li Ka̱cuaꞌ cuan arin.”

Ezequiel 39:29

Ut ma̱ jaruj chic tincanabeb xjuneseb xban nak tinqꞌue lin musikꞌ reheb li ralal xcꞌajol laj Israel, chan li nimajcual Dios.

Ezequiel 37:25

Teꞌcua̱nk saꞌ li chꞌochꞌ li quinqꞌue re laj Jacob laj cꞌanjel chicuu, li queꞌcuan cuiꞌ lix xeꞌto̱nil yucuaꞌeb. Eb aꞌan ut chixjunileb li ralal xcꞌajol li teꞌcua̱nk mokon teꞌcua̱nk saꞌ li naꞌajej aꞌan chi junelic. Ut li rey David ta̱takla̱nk saꞌ xbe̱neb chi junelic.

Ezequiel 37:2

Quinixqꞌue chixsutinquil li ru takꞌa ut quinqꞌue retal nak kꞌaxal nabal li bak cuan aran ut chakiheb chi us.

Jeremías 32:36

At Jeremías, la̱at yo̱cat chixyebal nak li tenamit aꞌin ta̱kꞌaxtesi̱k saꞌ rukꞌeb laj Babilonia xban li ple̱t, li cueꞌej ut li caki yajel. Abanan, aꞌan aꞌin li ninye la̱in li Ka̱cuaꞌ lix Dioseb laj Israel.

Jeremías 18:7

La̱in naru ninsach ru junak li tenamit saꞌ junpa̱t joꞌ ajcuiꞌ li cuanqueb xcuanquil. Naru tincuisiheb saꞌ xnaꞌajeb, tinjucꞌ ut tinsacheb.

Jeremías 8:2

Nequeꞌtꞌanaxin teꞌcana̱k saꞌ chꞌochꞌ chiru li sakꞌe ut li po joꞌ ajcuiꞌ chiru li chahim li queꞌxra ut queꞌxlokꞌoniheb. Teꞌcanaba̱k lix bakeleb chiruheb li queꞌxsicꞌ cuiꞌ xnaꞌlebeb. Ut ma̱ ani ta̱xocok reheb, chi moco teꞌmukekꞌ. Chanchanakeb chic li cꞌot tzꞌektzꞌo saꞌ chꞌochꞌ.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Salmos 48:9

At kaDios, nak cuanco saꞌ la̱ cuochoch, nanak saꞌ kachꞌo̱l nak junelic nacacuuxta̱na ku. Ma̱ jokꞌe nasach saꞌ kachꞌo̱l nak nocoa̱ra.

Zacarías 14:11

Chi ya̱l kꞌaxal nabal cuiꞌchic li cristian li teꞌcua̱nk aran Jerusalén. Incꞌaꞌ chic tzꞌekta̱nanbilak li tenamit aꞌan xban li Dios ut ma̱ ani chic ta̱sachok ru. Teꞌcua̱nk chi sa saꞌ xchꞌo̱leb chi ma̱cꞌaꞌak chic cꞌoxlac.