Jeremías 31:4 - Li Santil hu

⁴ La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Q'eqchi Bible

⁴ Tatinwaklesi wi' chik, a Israel, ut tatk'ojlaaq wi' chik sa' laana'aj. Tatxajoq wi' chik xb'aan xsahil sa' laach'ool, rik'in xyaab' li wajb' ut li tzojtzoj.

Jeremías 31:4 ပူးပေါင်းရင်းမြစ်များ

Jeremías 33:7

Tebinsukꞌisi cuiꞌchic saꞌ lix tenamiteb laj Judá li queꞌcꞌameꞌ chi pre̱xil joꞌ eb ajcuiꞌ laj Israel. Tebinqꞌue cuiꞌchic chi cua̱nc saꞌ lix tenamiteb joꞌ nak queꞌcuan junxil.

Jeremías 31:13

Eb li tukꞌ ixk teꞌxajok xban xsahil xchꞌo̱leb. Sahakeb saꞌ xchꞌo̱l li chꞌajom ut eb li che̱quel cristian. La̱in tincꞌojob xchꞌo̱leb ut tinsukꞌisi lix rahil xchꞌo̱leb chokꞌ sahil chꞌo̱lejil.

Amós 5:2

Xeꞌtꞌaneꞌ laj Israel li ti̱queb xchꞌo̱l nak queꞌcuan xban nak queꞌxlokꞌoni li jalanil dios. Ut incꞌaꞌ chic teꞌcuacli̱k. Saꞌ ajcuiꞌ lix chꞌochꞌeb teꞌcana̱k chi tꞌantꞌo. Ut ma̱ ani chic ta̱cuaclesi̱nk reheb.

Hechos 15:16

Ut chirix aꞌin la̱in tincha̱lk ut tincuaclesi cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinqꞌueheb cuiꞌchic xcuanquil laj Israel,

Salmos 149:3

Cheꞌxqꞌuehak taxak xlokꞌal li Ka̱cuaꞌ riqꞌuin lix arpa ut riqꞌuin lix pandero. Cheꞌxajok re xqꞌuebal xlokꞌal lix cꞌabaꞌ.

San Lucas 15:23

Ut cꞌamomak chak li chꞌina cuacax, li chꞌolaninbil chi us. Camsihomak ut toninkꞌei̱k,

Lamentaciones 2:13

¿Cꞌaꞌ ta cuiꞌ ru tinye che̱rix la̱ex li cuanquex Jerusalén? ¿Cꞌaꞌru texinjuntakꞌe̱ta cuiꞌ? ¿Chan ta cuiꞌ ru nak tincꞌojob e̱chꞌo̱l, la̱ex li cuanquex Sión? Kꞌaxal nim li raylal cuanquex cuiꞌ. Chanchan xnimal li palau. ¿Ani ta̱ru̱k ta̱colok e̱re?

2 Reyes 19:21

Aꞌan aꞌin li quixye li Ka̱cuaꞌ Dios chirix lix reyeb laj Asiria: Li tenamit Jerusalén chanchan jun li tukꞌ ixk yo̱ cha̱seꞌenquil ut yo̱ cha̱tzꞌekta̱nanquil, at Senaquerib. Li tenamit Jerusalén narecꞌasi lix jolom cha̱hobbal nak yo̱cat chi e̱lelic chiru.

Lamentaciones 1:15

Li Ka̱cuaꞌ quirisi xmetzꞌe̱uheb li kasolda̱d li cauheb raj rib chikacolbal. Ut quixtaklaheb jun chꞌu̱tal lix soldado li xicꞌ nequeꞌiloc ke chixsachbal ruheb li sa̱j cui̱nk saꞌ kaya̱nk. Xban nak kꞌaxal yo̱ xjoskꞌil, joꞌcan nak quixtakla raylal saꞌ kabe̱n. Chanchan nak nayatzꞌeꞌ li ru li uvas re risinquil li xyaꞌal.

Jeremías 31:21

Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Jeremías 18:13

Joꞌcan nak li Ka̱cuaꞌ naxye: —Patzꞌomak saꞌ eb li xni̱nkal ru tenamit ma quicꞌulman na jun sutak chi joꞌcaꞌin. Abanan eb laj Israel queꞌxba̱nu chi joꞌcan. Kꞌaxal yibru queꞌxba̱nu.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Salmos 69:35

Chilokꞌoni̱k taxak li Ka̱cuaꞌ Dios xban nak aꞌan ta̱colok re li tenamit Sión. Aꞌan ta̱yi̱ba̱nk cuiꞌchic reheb li tenamit li cuanqueb Judá. Ut li ralal xcꞌajol teꞌre̱chani cuiꞌchic ut teꞌcua̱nk aran.

Salmos 51:18

Chacuuxta̱na taxak ru li tenamit Sión riqꞌuin xnimal la̱ rahom. Ut chacuaclesi ta li tzꞌac aran Jerusalén.

Jueces 11:34

Laj Jefté quisukꞌi Mizpa saꞌ li rochoch. Ut lix rabin qui-el chak chixcꞌulbal lix yucuaꞌ. Yo̱ chi xajoc ut yo̱ chixchꞌeꞌbal lix pandero li cuan saꞌ rukꞌ. Jun ajcuiꞌ lix rabin laj Jefté. Ma̱ jun chic xcocꞌal cuan.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Jeremías 14:17

At Jeremías, ta̱ye reheb li tenamit chi joꞌcaꞌin, “Chi kꞌek chi cutan tinya̱bak chirixeb lin tenamit xban nak kꞌaxal ra cuanqueb. Incꞌaꞌ tincanab ya̱bac xban nak rahobtesinbileb.

Isaías 37:22

Li cuanqueb saꞌ li tenamit Jerusalén chanchan jun li tukꞌ ixk yo̱ cha̱seꞌenquil ut yo̱ cha̱hobbal, at Senaquerib. Li cuanqueb saꞌ tenamit Jerusalén nequeꞌrecꞌasi lix jolomeb cha̱hobbal nak yo̱cat chi e̱lelic.

Salmos 30:11

Lix rahil inchꞌo̱l xasukꞌisi chokꞌ sahil chꞌo̱lejil. Ninxajoc xban xsahil inchꞌo̱l. Xacuisi lix rahil inchꞌo̱l ut kꞌaxal cuiꞌchic li sahil chꞌo̱lejil xaqꞌue cue.

Isaías 30:32

Nak li Ka̱cuaꞌ tixqꞌue li junju̱nk chi raylal saꞌ xbe̱neb laj Asiria, eb laj Israel yo̱keb chixchꞌeꞌbaleb lix pandero ut lix arpa. Li Ka̱cuaꞌ, aꞌan li ta̱pletik riqꞌuineb laj Asiria.

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 31:38

Ta̱cuulak xkꞌehil nak li tenamit aꞌin ta̱yi̱ba̱k chokꞌ cue. Naticla chak cuan cuiꞌ li cab li najt xteram re laj Hananeel ut nacuulac cuan cuiꞌ li puerta li cuan saꞌ xuc.

Jeremías 46:11

La̱ex aj Egipto, usta texxic toj Galaad chixsicꞌbal le̱ ban, li ban ma̱cꞌaꞌ chic ta̱oc cuiꞌ. La̱ex incꞌaꞌ chic tex-usa̱k.

Isaías 14:1

Li Ka̱cuaꞌ ta̱ril xtokꞌoba̱l ruheb laj Israel, li ralal xcꞌajol laj Jacob. Tixsicꞌ cuiꞌchic ruheb ut tixcꞌameb cuiꞌchic saꞌ lix naꞌajeb. Ut eb li jalaneb xtenamiteb teꞌcha̱lk chi cua̱nc aran rochbeneb.