Jeremías 31:36 - Li Santil hu

³⁶ Cui li sakꞌe ut eb li chahim ut li po ma̱cꞌaꞌakeb chic, ma̱cꞌaꞌakeb ajcuiꞌ chic lin tenamit Israel.

Q'eqchi Bible

³⁶ “Wi sa' junaq kutan li saq'e, li po ut eb' li chahim ink'a' chik te'ab'inq chiwu, sa' ajwi' li kutan a'an moko intenamitaq ta chik laj Israel -chan li Qaawa'-.

Jeremías 31:36 ပူးပေါင်းရင်းမြစ်များ

Salmos 148:6

Ut quixxakabeb saꞌ xnaꞌajeb chi junaj cua. Aran teꞌcua̱nk chi junelic kꞌe cutan xban nak joꞌcan yebil xban li Dios.

Jeremías 46:28

Mexxucuac la̱ex li ralal xcꞌajol laj Jacob laj cꞌanjel chicuu. La̱in tincua̱nk e̱riqꞌuin. La̱in tinsach ruheb chixjunileb li xni̱nkal ru tenamit li texinjeqꞌui cuiꞌ, abanan la̱in incꞌaꞌ texinsach chi junaj cua. Tento nak texinqꞌue chixtojbal e̱ma̱c, abanan saꞌ ti̱quilal tinba̱nu, chan li Ka̱cuaꞌ.

Salmos 119:89

At nimajcual Dios, la̱ cua̱tin cuan chi junelic ut xakxo xcuanquil joꞌ nak cuan li choxa saꞌ xnaꞌaj.

Salmos 102:28

Joꞌcan ajcuiꞌ li kalal kacꞌajol la̱o laj cꞌanjel cha̱cuu. Teꞌcua̱nk junelic xban nak la̱at tat-ilok reheb. La̱at tatcolok reheb ut tatcua̱nk riqꞌuineb, chanquin re li Dios.

Salmos 72:17

Chicua̱nk ta xyuꞌam li rey chi junelic ut naꞌno̱k taxak ru chi junelic joꞌ najtil ta̱cua̱nk li sakꞌe saꞌ xbe̱n li ruchichꞌochꞌ. Cheꞌosobtesi̱k taxak chixjunileb li tenamit xban aꞌan. Ut chixjunileb taxak li tenamit teꞌyehok re: Us xak re aꞌan.

Salmos 72:5

Chixucua̱k ta a̱cuu chi junelic kꞌe cutan. Ut eb li ralal xcꞌajol li teꞌcua̱nk teꞌxxucua a̱cuu joꞌ najtil ta̱cua̱nk li sakꞌe ut li po saꞌ xbe̱n li ruchichꞌochꞌ.

Deuteronomio 32:26

Ut xinye nak tinjeqꞌuiheb yalak bar. Ut incꞌaꞌ chic teꞌpatzꞌekꞌ xcꞌabaꞌeb.

Li xHu LAJ JOB 38:33

¿Ma nacanau ta biꞌ chanru lix chakꞌrabeb li cuanqueb saꞌ choxa? Ut, ¿ma la̱at ta biꞌ nacatqꞌuehoc re li chakꞌrab saꞌ ruchichꞌochꞌ?

Isaías 65:9

La̱in tinqꞌueheb chi ta̱mc li ralal xcꞌajol laj Jacob ut laj Judá. Eb aꞌan teꞌcua̱nk saꞌ eb lin tzu̱l li quinqꞌue reheb. Li sicꞌbil ruheb inban teꞌcua̱nk saꞌ li naꞌajej li teꞌre̱chani. Aran teꞌcua̱nk li nequeꞌcꞌanjelac chicuu.