Jeremías 31:32 - Li Santil hu

³² Ma̱cuaꞌ joꞌ li contrato li quinba̱nu riqꞌuineb lix xeꞌto̱nil yucuaꞌ nak quebinchꞌilo chak chi rukꞌeb nak quicuisiheb chak saꞌ li tenamit Egipto. Usta la̱in chanchanin jun li be̱lomej chokꞌ reheb, abanan eb aꞌan queꞌxsach xcuanquil li contrato quinba̱nu riqꞌuineb junxil.

Q'eqchi Bible

³² ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 31:32 ပူးပေါင်းရင်းမြစ်များ

Deuteronomio 5:3

Moco caꞌaj cuiꞌ ta riqꞌuineb li kaxeꞌto̱nil yucuaꞌ quixba̱nu li contrato. Quixba̱nu ban ajcuiꞌ kiqꞌuin la̱o li cuanco arin anakcuan.

Deuteronomio 1:31

Ut queril chanru nak li Ka̱cuaꞌ quextenkꞌa nak cuanquex saꞌ li chaki chꞌochꞌ. Chanchan nak quexkꞌalu joꞌ jun li yucuaꞌbej naxkꞌalu li ralal. Ut quicꞌamoc be che̱ru toj chalen nak quexcꞌulun saꞌ li naꞌajej aꞌin.

Éxodo 19:5

Cui la̱ex te̱rabi li cua̱tin ut te̱ba̱nu li contrato li xkacꞌu̱b chi kibil kib, la̱exak lin tenamit raro̱quex inban. Chixjunil li ruchichꞌochꞌ cue la̱in. Abanan la̱ex li tenamit li sicꞌbil ru inban.

Ezequiel 16:8

Mokon chic la̱in quinnumeꞌ cuancat cuiꞌ ut quinqꞌue retal nak xat-ixkiloꞌ ut ac xcuulac xkꞌehil nak ta̱cua̱nk a̱be̱lom. Joꞌcan nak catintzꞌap riqꞌuin lin tꞌicr xban nak tꞌustꞌu̱cat. Quinba̱nu li contrato nak quinsumla a̱cuiqꞌuin ut la̱at chic cue.

San Juan 3:29

Junak cui̱nk xic re chi sumla̱c cuan li ixakilbej riqꞌuin. Ut li rami̱g cuan aran ut nasahoꞌ saꞌ xchꞌo̱l chirabinquil li naxye li be̱lomej. Li Cristo, aꞌan joꞌ jun li be̱lomej ut la̱in yal joꞌ jun li rami̱g. La̱in nasahoꞌ saꞌ inchꞌo̱l nak yo̱queb chi xic li cristian riqꞌuin xban nak aꞌan li tzꞌakal aj Colonel.

Oseas 3:1

Ut li Ka̱cuaꞌ quia̱tinac cuiꞌchic cuiqꞌuin ut quixye cue: —Chara cuiꞌchic li ixk aꞌan, usta yo̱ chixmuxbal ru lix sumlajic. Ra aꞌan joꞌ nak ninraheb lin tenamit Israel la̱in, usta yo̱queb chixlokꞌoninquil li yi̱banbil dios ut nacuulac chiruheb xcuaꞌbal li caxlan cua yi̱banbil riqꞌuin chaki uvas, li mayejanbil chiruheb lix dioseb, chan li Ka̱cuaꞌ.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Levítico 26:15

Cui la̱ex te̱tzꞌekta̱na lin chakꞌrab ut incꞌaꞌ te̱cꞌu̱luban ut cui incꞌaꞌ nequeqꞌue saꞌ e̱chꞌo̱l li cꞌaꞌru ninye ut cui la̱ex te̱risi xcuanquil li contrato li quinba̱nu e̱riqꞌuin,

Hebreos 8:9

Li contrato aꞌin ma̱cuaꞌ joꞌ li quinba̱nu chak reheb lix xeꞌto̱nil yucuaꞌeb nak quicuisiheb chak saꞌ li tenamit Egipto. Incꞌaꞌ queꞌxba̱nu li naxye li contrato. Xban aꞌan quebintzꞌekta̱na.

2 Corintios 11:2

La̱in kꞌaxal nequexincꞌoxla joꞌ nak li Dios nequexcꞌoxla. Ut nacuaj nak caꞌaj cuiꞌ li Cristo te̱ta̱ke. Joꞌ nak li yucuaꞌbej naxkꞌaxtesi lix rabin chi sumla̱c riqꞌuin jun chi cui̱nk, joꞌcan ajcuiꞌ nak xexinkꞌaxtesi riqꞌuin li Cristo. Aꞌan joꞌ li be̱lomej.

San Marcos 8:23

Li Jesús quixchap li rukꞌ li mutzꞌ ut quixcꞌam chire li tenamit. Ut quixchu̱ba saꞌ xnakꞌ ru li mutzꞌ. Quixqꞌue li rukꞌ saꞌ xbe̱n ut quixpatzꞌ re: —¿Ma nacat-iloc bayak anakcuan? chan re.

Oseas 11:1

Nak toj sa̱jeb chak li ralal xcꞌajol laj Israel, la̱in quinraheb. Ut nak cuanqueb chak Egipto, quinbokeb li cualal incꞌajol.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Ezequiel 23:4

Li asbej, aꞌan xAhola xcꞌabaꞌ, ut li i̱tzꞌinbej, aꞌan xAholiba xcꞌabaꞌ. La̱in xinsumla riqꞌuineb ut queꞌcuan cualal incꞌajol riqꞌuineb. Lix Ahola, aꞌan retalil li tenamit Samaria, ut lix Aholiba, aꞌan retalil li tenamit Jerusalén.

Ezequiel 20:37

La̱in texinqꞌue chi cua̱nc rubel incuanquil ut texinpuersi chixba̱nunquil li cꞌaꞌru xkaye nak xkaba̱nu li contrato.

Jeremías 34:14

Saꞌ xcuuk li chihab tento nak te̱rachꞌab le̱ lokꞌbil mo̱s aj hebreo. Cuakib chihab ajcuiꞌ teꞌcꞌanjelak che̱ru. Ut saꞌ li xcuuk chihab libre chic teꞌcana̱k. Abanan le̱ xeꞌto̱nil yucuaꞌ incꞌaꞌ queꞌabin chicuu ut incꞌaꞌ queꞌxba̱nu joꞌ quinye reheb.

Jeremías 31:1

Li Ka̱cuaꞌ quixye: —Saꞌ eb li cutan aꞌan la̱inak lix Dioseb chixjunileb lix te̱paleb laj Israel ut aꞌanakeb lin tenamit.

Jeremías 22:9

Ut teꞌchakꞌok li tenamit ut teꞌxye, “Quixsach ru xban nak queꞌxkꞌet li contrato li quixba̱nu li Dios riqꞌuineb, ut queꞌxlokꞌoni li yi̱banbil dios ut queꞌcꞌanjelac chiruheb,” chaꞌakeb.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Isaías 54:5

La̱in li Ka̱cuaꞌ li quinyoꞌobtesin e̱re. Chanchanakin le̱ be̱lom. “Nimajcual Dios” incꞌabaꞌ. La̱in li Ka̱cuaꞌ lix santil Dios laj Israel. La̱in tincolok e̱re. La̱in li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ.

Isaías 41:13

La̱in li Ka̱cuaꞌ le̱ Dios. La̱in nequexinchap riqꞌuin le̱ nim ukꞌ. La̱in ninyehoc e̱re: Mexxucuac. La̱in tintenkꞌa̱nk e̱re.

Isaías 24:5

Eb li cristian queꞌxmux ru li ruchichꞌochꞌ xban nak queꞌxkꞌet lix chakꞌrab li Dios. Queꞌxkꞌet li contrato li xakxo xcuanquil chi junelic.

Cantares 8:5

¿Ani li yo̱ chak chi cha̱lc saꞌ li chaki chꞌochꞌ kꞌalkꞌo xban li cui̱nk li narahoc re? Rubel xmu li cheꞌ mansana xincuajsi a̱cuu. Saꞌ li naꞌajej aꞌan quiticla xraylal la̱ naꞌ. Saꞌ li naꞌajej aꞌan catyoꞌla.

Salmos 73:23

Usta la̱in incꞌaꞌ xintau ru, abanan junelic cuanquin a̱cuiqꞌuin ut la̱at xina̱tenkꞌa. Chanchan nak xina̱chap chiru lin nim ukꞌ re nak incꞌaꞌ tintꞌanekꞌ.

1 Reyes 8:9

Ma̱cꞌaꞌ cuan chi saꞌ li Lokꞌlaj Ca̱x aꞌan. Caꞌaj cuiꞌ li cuib pere̱l chi pec li tzꞌi̱banbil cuiꞌ li chakꞌrab. Laj Moisés quixqꞌueheb saꞌ li Lokꞌlaj Ca̱x aran Horeb nak li Dios quixba̱nu li contrato riqꞌuineb li ralal xcꞌajol laj Israel nak queꞌel chak saꞌ li tenamit Egipto.

Deuteronomio 31:16

Ut li Ka̱cuaꞌ quixye re laj Moisés: —La̱at tatxic chi hila̱nc a̱cuochbeneb la̱ xeꞌto̱nil yucuaꞌ. Chi se̱b li tenamit aꞌin teꞌxtiquib xlokꞌoninquileb li jalanil dios saꞌ li naꞌajej li teꞌxic cuiꞌ. Chanchanakeb chic li ixk li nequeꞌxcꞌayi ribeb. Tineꞌxtzꞌekta̱na ut teꞌxkꞌet li contrato li quinba̱nu riqꞌuineb.

Deuteronomio 29:1

Aꞌan aꞌin li contrato li quixye li Dios re laj Moisés re tixba̱nu riqꞌuineb laj Israel nak cuanqueb saꞌ li naꞌajej Moab. Aꞌan aꞌin lix comon li contrato li quixba̱nu li Dios riqꞌuineb saꞌ li tzu̱l Horeb.

Deuteronomio 29:21

Li Ka̱cuaꞌ ta̱risi li cui̱nk aꞌan saꞌ e̱ya̱nk la̱ex aj Israel ut tixtakla li raylal saꞌ xbe̱n joꞌ naxye saꞌ lix contrato li Dios, li tzꞌi̱banbil saꞌ li hu aꞌin.

Deuteronomio 5:2

Li Ka̱cuaꞌ li kaDios quixba̱nu jun li contrato kiqꞌuin saꞌ li tzu̱l Horeb.

Jeremías 11:4

Aꞌan li contrato li quinba̱nu riqꞌuineb le̱ xeꞌto̱nil yucuaꞌ nak quicuisiheb aran Egipto saꞌ li naꞌajej li chanchan horno li lochlo xamlel. La̱in quinye reheb, “Chex-abi̱nk chicuu ut te̱ba̱nu chixjunil li cꞌaꞌru ninye e̱re. Cui te̱ba̱nu aꞌan, la̱exak lin tenamit ut la̱inak le̱ Dios.

Jeremías 34:13

—La̱in li Ka̱cuaꞌ lix Dioseb laj Israel. La̱in quinba̱nu jun li contrato riqꞌuineb le̱ xeꞌto̱nil yucuaꞌ nak quicuisiheb saꞌ li naꞌajej Egipto li queꞌcuan cuiꞌ chak chokꞌ rahobtesinbil mo̱s. Quinye reheb:

Éxodo 32:8

Saꞌ junpa̱t queꞌxkꞌet li cua̱tin. Ut queꞌxyi̱b jun cuacax oro chokꞌ xdioseb. Yo̱queb chi mayejac chiru ut yo̱queb chixlokꞌoninquil. Yo̱queb chixyebal, “Li cuacax aꞌin, aꞌan li kadios, la̱o aj Israel. Li dios aꞌin, aꞌan li qui-isin chak ke saꞌ li tenamit Egipto”, chanqueb.

Deuteronomio 29:24

Ut chixjunileb li cuanqueb saꞌ li xni̱nkal ru tenamit teꞌxye: ¿Cꞌaꞌut nak quixba̱nu li Ka̱cuaꞌ chi joꞌcan re lix naꞌajeb laj Israel? ¿Cꞌaꞌru xya̱lal nak quinumta lix joskꞌil saꞌ xbe̱neb?

Deuteronomio 31:20

La̱in tincꞌameb saꞌ li naꞌajej li kꞌaxal cha̱bil li na-el cuiꞌ chi us li acui̱mk joꞌ quinyechiꞌi reheb lix xeꞌto̱nil yucuaꞌeb. Ta̱cua̱nk chixjunil li tzacae̱mk li teꞌraj ut teꞌcua̱nk aran chi saheb saꞌ xchꞌo̱l. Abanan eb aꞌan teꞌxjal xnaꞌlebeb ut teꞌxlokꞌoniheb li jalanil dios. Tineꞌxtzꞌekta̱na ut teꞌrisi xcuanquil lin contrato.

Salmos 78:37

Incꞌaꞌ ti̱queb xchꞌo̱l chiru li Dios ut incꞌaꞌ nequeꞌxba̱nu li cꞌaꞌru queꞌxyechiꞌi xba̱nunquil saꞌ li contrato.

Jeremías 11:3

Ta̱ye reheb: Joꞌcaꞌin xye li Ka̱cuaꞌ lix Dioseb laj Israel. Tzꞌekta̱nanbil li ani incꞌaꞌ naxba̱nu li cꞌaꞌru naxye saꞌ li contrato aꞌin.

Hechos 23:19

Ut li coronel quixchap chi rukꞌ. Quixcꞌam xjunes ut quixpatzꞌ re: —¿Cꞌaꞌru ta̱cuaj xyebal cue? chan re.