Jeremías 31:28 - Li Santil hu

²⁸ Chanru nak xebinqꞌue saꞌ raylal ut xeꞌcuisi saꞌ lix naꞌajeb, ut xinrahobtesiheb ut xebinsach, joꞌcan ajcuiꞌ nak tebincuaclesi cuiꞌchic ut tintenkꞌaheb chixyi̱banquil lix tenamiteb re nak teꞌcua̱nk aran.

Q'eqchi Bible

²⁸ Jo' naq xink'e inch'ool chi sachok, chi juk'uk, chi mich'ok, chi isink ut chi rahob'tesink, jo'kan ajwi' naq yo'oon wanqin chi waklesink ut chi xaqab'ank -chan li Qaawa'-.

Jeremías 31:28 ပူးပေါင်းရင်းမြစ်များ

Jeremías 24:6

La̱in tin-ilok reheb ut tincꞌameb cuiꞌchic chak arin saꞌ lix naꞌajeb. Tintenkꞌaheb ut incꞌaꞌ tinsacheb. Tebinqꞌue cuiꞌchic saꞌ lix naꞌajeb ut incꞌaꞌ chic tincuisiheb.

Jeremías 1:10

Abi li tinye a̱cue. Anakcuan xinqꞌue a̱cuanquil saꞌ xbe̱neb li xni̱nkal ru tenamit ut saꞌ xbe̱neb li cuanqueb xcuanquil. Cua̱nk a̱cuanquil chixpoꞌbaleb li tenamit ut chixsachbaleb, chirisinquileb ut chi numta̱c saꞌ xbe̱neb. Ut cua̱nk ajcuiꞌ a̱cuanquil re xcuaclesinquileb cuiꞌchic ut re xqꞌuebal xcacuilal xchꞌo̱leb, chan li Dios cue.

Jeremías 45:4

Li Ka̱cuaꞌ quixye: —Ye re chi joꞌcaꞌin: La̱in tinjucꞌ li cꞌaꞌru quinxakab ut tincuisiheb li cristian li quinqꞌueheb chi cua̱nc saꞌ chixjunil li naꞌajej aꞌin.

Jeremías 44:27

La̱in tinba̱nu̱nk re nak incꞌaꞌ us tex-e̱lk. Ta̱sachekꞌ e̱ru. Eb laj judío li cuanqueb Egipto teꞌca̱mk. Teꞌcamsi̱k riqꞌuin chꞌi̱chꞌ saꞌ li ple̱t malaj ut xban cueꞌej.

Hechos 15:16

Ut chirix aꞌin la̱in tincha̱lk ut tincuaclesi cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinqꞌueheb cuiꞌchic xcuanquil laj Israel,

Daniel 9:14

At Ka̱cuaꞌ, la̱at xaba̱nu joꞌ xaye. Xatakla chak li raylal saꞌ kabe̱n, xban nak la̱o incꞌaꞌ xkaba̱nu li cꞌaꞌru xaye ke. La̱at, at Ka̱cuaꞌ, chixjunil nacaba̱nu saꞌ ti̱quilal.

Jeremías 32:41

Ta̱sahokꞌ saꞌ inchꞌo̱l chixba̱nunquil usilal reheb. Ut tinqꞌueheb chi cua̱nc saꞌ li naꞌajej aꞌin. Relic chi ya̱l tinba̱nu aꞌin chi anchal inchꞌo̱l ut chi anchal inmetzꞌe̱u.

Amós 9:11

Li Ka̱cuaꞌ naxye: —Ta̱cuulak xkꞌehil nak la̱in tincuaclesi̱k cuiꞌchic lix tenamit laj David, li tꞌanenak anakcuan. Tinyi̱b cuiꞌchic li tzꞌac li sutsu cuiꞌ ut tinyi̱b cuiꞌchic li juqꞌuinbil. Tinyi̱b chi chꞌinaꞌus joꞌ nak quicuan junxil.

Daniel 9:25

Abi li yo̱quin chixyebal a̱cue ut qꞌue retal lix ya̱lal. Chalen nak xqꞌueheꞌ li chakꞌrab xban li Dios nak ta̱yi̱ba̱k cuiꞌchic li tenamit Jerusalén, toj retal ta̱cꞌulu̱nk li Mesías, li tzꞌakal rey, ta̱numekꞌ cuukub xama̱n ut cuib xca̱cꞌa̱l xama̱n. Ta̱yi̱ba̱k cuiꞌchic li tenamit Jerusalén joꞌqueb ajcuiꞌ li tzꞌac usta kꞌaxal nabal li raylal yo̱k xcꞌulbal saꞌ eb li cutan aꞌan.

Salmos 147:2

Li Ka̱cuaꞌ yo̱ chixyi̱banquil cuiꞌchic lix tenamit Jerusalén, ut tixcꞌameb cuiꞌchic aran laj Israel, li cuanqueb yalak bar saꞌ jalan tenamit.

Salmos 69:35

Chilokꞌoni̱k taxak li Ka̱cuaꞌ Dios xban nak aꞌan ta̱colok re li tenamit Sión. Aꞌan ta̱yi̱ba̱nk cuiꞌchic reheb li tenamit li cuanqueb Judá. Ut li ralal xcꞌajol teꞌre̱chani cuiꞌchic ut teꞌcua̱nk aran.

Salmos 102:16

Nak li Ka̱cuaꞌ tixyi̱b cuiꞌchic lix tenamit Sión, tixcꞌutbesi lix lokꞌal chiruheb.

Deuteronomio 30:9

Ut li Ka̱cuaꞌ le̱ Dios texrosobtesi re nak us tex-e̱lk riqꞌuin chixjunil li cꞌaꞌru te̱ba̱nu. Teꞌnabalokꞌ le̱ ralal e̱cꞌajol ut teꞌta̱mk le̱ queto̱mk. Ut nabalak ajcuiꞌ li ru le̱ racui̱mk. Li Ka̱cuaꞌ ta̱sahokꞌ saꞌ xchꞌo̱l e̱riqꞌuin ut texrosobtesi joꞌ quixba̱nu reheb le̱ xeꞌto̱nil yucuaꞌ.

Li xHu LAJ JOB 29:2

—Us raj tinsukꞌi̱k ta cuiꞌchic saꞌ eb li cutan xeꞌnumeꞌ nak li Dios toj yo̱ chi iloc cue,

Jeremías 1:12

Ut li Ka̱cuaꞌ quixye cue: —Ya̱l nak aꞌan li xacuil. Ut ya̱l ajcuiꞌ nak ta̱uxma̱nk li cꞌaꞌru xinye.—

Jeremías 32:42

Aꞌan aꞌin li naxye li Ka̱cuaꞌ: Joꞌ nak quinqꞌue li nimla raylal aꞌin saꞌ xbe̱neb li tenamit, joꞌcan ajcuiꞌ nak la̱in tinba̱nu chixjunil li usilal aꞌin reheb joꞌ xinyechiꞌi reheb.

Jeremías 42:10

Cui texcana̱k saꞌ li naꞌajej aꞌin ut texcua̱nk saꞌ xya̱lal, la̱in texintenkꞌa ut incꞌaꞌ tinba̱nu raylal e̱re. Texincanab chi cua̱nc saꞌ li naꞌajej aꞌin ut incꞌaꞌ texinqꞌue chi isi̱c. Narahoꞌ inchꞌo̱l xban li raylal li xinba̱nu e̱re.

Ezequiel 19:12

Abanan cuan li queꞌjoskꞌoꞌ riqꞌuin ut queꞌxmichꞌ lix xeꞌ ut queꞌxcut saꞌ chꞌochꞌ. Ut li ru quichakic xban li tikcual ikꞌ li xchal saꞌ li este. Quitokeꞌ li rukꞌ ut queꞌchakic ut queꞌcꞌateꞌ.

Ezequiel 36:10

La̱in tebinqꞌue cuiꞌchic chi ta̱mc laj Israel. Ta̱tenamitokꞌ cuiꞌchic li naꞌajej. Ut teꞌxyi̱b cuiꞌchic li tenamit li queꞌjuqꞌui̱c junxil.

Amós 9:14

Ut tincꞌameb cuiꞌchic lin tenamit Israel saꞌ lix naꞌajeb. Ut teꞌxyi̱b cuiꞌchic lix tenamiteb li qui-osoꞌ ut aran teꞌcua̱nk. Teꞌa̱uk cuiꞌchic uvas ut teꞌrucꞌ lix yaꞌal. Teꞌrau cuiꞌchic li racui̱mk ut teꞌxtzaca li ru li naxqꞌue.

Zacarías 8:14

Quixye ajcuiꞌ li Ka̱cuaꞌ li nimajcual Dios: —La̱in quincꞌoxla xqꞌuebaleb chixtojbal lix ma̱queb le̱ xeꞌto̱nil yucuaꞌ nak queꞌxchikꞌ injoskꞌil ut incꞌaꞌ quinjal incꞌaꞌux riqꞌuin li quincꞌoxla xba̱nunquil.

Zacarías 8:15

Abanan anakcuan saꞌ eb li cutan aꞌin, xincꞌoxla nak texcuosobtesi cuiꞌchic la̱ex aj Jerusalén, joꞌ ajcuiꞌ che̱junilex la̱ex aj Judá. Joꞌcan nak mexxucuac.