Jeremías 31:25 - Li Santil hu

²⁵ La̱in tinqꞌueheb xcacuilal li lublu̱queb. Ut tincꞌojob ajcuiꞌ xchꞌo̱leb li raheb saꞌ xchꞌo̱l, chan li Dios.

Q'eqchi Bible

²⁵ Xb'aan naq tink'eheb' chi uk'ak ut chi tzekank chi yo'oon li lub'luukeb' ut tawajenaqeb'”.

Jeremías 31:25 ပူးပေါင်းရင်းမြစ်များ

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

San Juan 4:14

Aꞌut li teꞌucꞌak re li haꞌ tinqꞌue la̱in, ma̱ jokꞌe chic ta̱chakik reheb. Li haꞌ li tinqꞌue la̱in jalan cuiꞌ. Aꞌan li junelic yuꞌam. Chanchan jun li yuꞌam haꞌ li cuan chi junelic. Ma̱cꞌaꞌ rosoꞌjic, chan li Jesús.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Salmos 107:9

Li Ka̱cuaꞌ naxqꞌueheb chi ucꞌac li ta̱chakik reheb. Ut naxqꞌueheb li cha̱bil tzacae̱mk reheb li teꞌtzꞌoca̱k.

Jeremías 31:14

Tinqꞌueheb li cha̱bil tzacae̱mk chixtzacaheb laj tij. Ut eb lin tenamit sa teꞌcua̱nk xban nak la̱in tinqꞌue reheb li cꞌaꞌru teꞌraj. La̱in li Ka̱cuaꞌ yo̱quin chi yehoc re aꞌin.

2 Corintios 7:6

Abanan li Dios naxcꞌojob xchꞌo̱leb li raheb saꞌ xchꞌo̱l. Ut aꞌan quixqꞌue xcacuilal kachꞌo̱l riqꞌuin lix cꞌulunic laj Tito.

Isaías 50:4

Li Ka̱cuaꞌ Dios naqꞌuehoc innaꞌleb ut naxqꞌue cua̱tin re nak tinnau xcꞌojobanquil xchꞌo̱leb li tacuajenakeb. Rajlal cutan nak nasake̱u ninxqꞌue chirabinquil li ra̱tin li naxcꞌut chicuu.

San Lucas 1:53

Li ma̱cꞌaꞌ cuan reheb naxqꞌue chi nabal cꞌaꞌru reheb. Ut eb li biom naxtaklaheb chi ma̱cꞌaꞌ cuan reheb.

Isaías 32:2

Li rey aꞌan tixtenkꞌaheb li tenamit. Chanchanak jun li naꞌajej bar naru teꞌxcol cuiꞌ ribeb li tenamit chiru li hab ut li ikꞌ. Chanchanak li rok haꞌ li nanumeꞌ saꞌ li chaki chꞌochꞌ. Chanchanak jun li sako̱nac li tixqꞌue xmu saꞌ li tikcual chꞌochꞌ.

Isaías 40:29

Aꞌan naxqꞌue xcacuilal li tacuajenak, ut naxqꞌue xmetzꞌe̱u li ma̱cꞌaꞌ xmetzꞌe̱u.

Jeremías 31:12

Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Ezequiel 34:14

La̱in tebinqꞌue chi ichajibc saꞌ li cha̱bil pachꞌayaꞌ ut saꞌ eb li tzu̱l li cuanqueb Israel tebinqꞌue chi hila̱nc. Aran teꞌcua̱rk saꞌ li cha̱bil naꞌajej. Ut tebinqꞌue chi cuaꞌac saꞌ li kꞌunil pim saꞌ eb li tzu̱l li cuanqueb Israel.

Salmos 23:3

Li Ka̱cuaꞌ Dios, aꞌan tixcꞌojob inchꞌo̱l. Tinixberesi saꞌ li be re ti̱quil chꞌo̱lej saꞌ xcꞌabaꞌ lix rahom.

Isaías 41:17

Eb li nebaꞌ li ma̱cꞌaꞌ cuan reheb nequeꞌxsicꞌ li haꞌ. Abanan ma̱ bar nequeꞌxtau. Chaki saꞌ li reheb xban chaki el. La̱in li Ka̱cuaꞌ. Tincuabi lix tijeb. Incꞌaꞌ tincanabeb xjunes xban nak la̱in lix Dioseb laj Israel.