Jeremías 31:21 - Li Santil hu

²¹ Qꞌuehomak retalil li be li quexnumeꞌ cuiꞌ nak quexco̱ex. Qꞌuehomak retal chi us. Sukꞌinkex cuiꞌchic saꞌ le̱ naꞌaj, ex tukꞌ ixk aj Israel.

Q'eqchi Bible

²¹ “At Israel, k'e reetalil laab'e re naq sa' junpaat taataw; jultikaq aawe, k'e reetal chi us li b'e xatnume'k wi'. Sutq'in chaq, a Israel, kim wi' chik sa'eb' laatenamit, sa' laana'aj a'in.

Jeremías 31:21 ပူးပေါင်းရင်းမြစ်များ

Jeremías 50:5

Teꞌxpatzꞌ bar cuan li be li naxic Sión ut aran teꞌxic. Ut teꞌxye, “Cha̱lkex ut takacꞌam cuiꞌchic kib saꞌ usilal riqꞌuin li Ka̱cuaꞌ. Takaba̱nu jun li contrato riqꞌuin li Ka̱cuaꞌ chi junelic re nak incꞌaꞌ ta̱sachk saꞌ kachꞌo̱l,” chaꞌakeb.

Isaías 62:10

Numenkex saꞌ li oqueba̱l re li tenamit. Yi̱bomak li be. Ti̱cobresihomak ru le̱ be chiruheb lin tenamit. Isihomak li pec saꞌ li be. Ut taksihomak li bandera re nak eb li tenamit teꞌril.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Hageo 1:5

Li nimajcual Dios quixye reheb: —Checꞌoxla chi us li cꞌaꞌru yo̱quex chixba̱nunquil.

Ezequiel 40:4

Li cui̱nk quixye cue: —At ralal cui̱nk, il chi us li cꞌaꞌru tincꞌut cha̱cuu, ut abi chi us li cꞌaꞌru tinye a̱cue. Ta̱qꞌue retal li cꞌaꞌru tincꞌut cha̱cuu. Aꞌan aj e nak xatcꞌameꞌ chak arin xban li Dios. Ta̱ye reheb li ralal xcꞌajol laj Israel chixjunil li cꞌaꞌru ta̱cuil, chan cue.

Jeremías 51:50

La̱ex li joꞌ qꞌuialex xexcoleꞌ saꞌ li ple̱t, me̱xakab e̱rib. Usta najt cuanquex, checꞌoxla li Dios ut checꞌoxla ajcuiꞌ li tenamit Jerusalén.

Jeremías 31:4

La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Isaías 57:14

Ut ta̱abima̱nk nak li Ka̱cuaꞌ tixye: —Chisukꞌi̱k cuiqꞌuin lin tenamit. Yi̱bomak li be ut ti̱cobresihomak ru. Ut isihomak chixjunil li cꞌaꞌru naramoc re lix beheb lin tenamit.—

Salmos 84:5

Us xak reheb li nequeꞌxtau xcacuilal xchꞌo̱l a̱cuiqꞌuin ut junelic nequeꞌxqꞌue xchꞌo̱l chixba̱nunquil li cꞌaꞌru nacacuaj la̱at.

Zacarías 10:9

Usta ac xinjeqꞌuiheb ru saꞌ eb li tenamit, ut usta cuanqueb chak saꞌ li najtil tenamit, toj aran tineꞌxcꞌoxla chak. Teꞌsukꞌi̱k chak ut teꞌcua̱nk cuiꞌchic saꞌ lix naꞌajeb rochbeneb li ralal xcꞌajol.

Jeremías 51:6

Elenkex Babilonia. Colomak e̱rib. Me̱qꞌue e̱rib chi sachecꞌ xban lix ma̱queb laj Babilonia. Xcuulac xkꞌehil nak li Ka̱cuaꞌ tixqꞌue re̱kaj reheb joꞌ xcꞌulubeb xcꞌulbal.

Proverbios 24:32

Li cꞌaꞌru quicuil chak saꞌ li naꞌajej aꞌan quicana saꞌ inchꞌo̱l ut riqꞌuin aꞌan quintau innaꞌleb.

Salmos 62:10

Me̱cꞌojob e̱chꞌo̱l saꞌ xbe̱n li pletic. Ut me̱cꞌoxla nak yal riqꞌuin elkꞌac te̱tau li tzꞌakal biomal. Usta cuan cꞌaꞌru e̱re, abanan me̱cꞌojob e̱chꞌo̱l saꞌ xbe̱n.

2 Crónicas 20:3

Cꞌajoꞌ nak qui-oc xxiu laj Josafat. Quixcubsi rib ut quixpatzꞌ xnaꞌleb riqꞌuin li Ka̱cuaꞌ ut quixye nak teꞌxba̱nu lix ayu̱n saꞌ chixjunil li naꞌajej Judá.

2 Crónicas 11:16

Abanan eb laj Israel, li toj yo̱queb chixqꞌuebal xchꞌo̱l chixlokꞌoninquil li Dios, queꞌchal saꞌ chixjunil li naꞌajej Israel ut queꞌco̱eb Jerusalén chixqꞌuebal lix cꞌatbil mayej chiru li Ka̱cuaꞌ lix Dioseb lix xeꞌto̱nil yucuaꞌ.

1 Crónicas 29:3

Usta ac xchꞌutla chixjunil li cꞌaꞌak re ru aꞌin, la̱in tinqꞌue lin oro ut lin plata li xocxo inban, xban nak kꞌaxal cuan jun inrahom saꞌ xbe̱n lix templo li Ka̱cuaꞌ lin Dios.

Deuteronomio 32:46

Tojoꞌnak quixye reheb: —Qꞌuehomak retal chixjunil li xinye e̱re chiru li cutan aꞌin ut cheba̱nuhak. Ut te̱ye reheb le̱ ralal e̱cꞌajol nak teꞌxba̱nu chixjunil li naxye saꞌ li chakꞌrab aꞌin.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

Jeremías 46:11

La̱ex aj Egipto, usta texxic toj Galaad chixsicꞌbal le̱ ban, li ban ma̱cꞌaꞌ chic ta̱oc cuiꞌ. La̱ex incꞌaꞌ chic tex-usa̱k.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.