Jeremías 31:20 - Li Santil hu

²⁰ Li Dios quixye: —¿Ma ma̱cuaꞌeb ta biꞌ cualal incꞌajol li ralal xcꞌajol laj Efraín? Aꞌaneb li kꞌaxal raro̱queb inban. Aꞌaneb li nequeꞌqꞌuehoc xsahil inchꞌo̱l. Usta ninkꞌuseb, abanan junelic cuanqueb saꞌ inchꞌo̱l. Nayotꞌeꞌ inchꞌo̱l xbaneb. Joꞌcan nak nacuuxta̱na ruheb, chan li Dios.

Q'eqchi Bible

²⁰ “Laj Efraín a'an jun alalb'ej jwal loq' cho'q we laa'in, a'an li walal q'axal raaro inb'aan. Us ta ninq'us chi kaw, ab'an junelik wank sa' inch'ool; namayok li waanm chirix, nawil xtoq'ob'aal ru ut jwal ninra -chan li Qaawa'-.

Jeremías 31:20 ပူးပေါင်းရင်းမြစ်များ

Isaías 55:7

Ut eb li incꞌaꞌ useb xnaꞌleb cheꞌxcanabak xba̱nunquil li ma̱usilal. Cheꞌxjal lix cꞌaꞌuxeb ut cheꞌcha̱lk riqꞌuin li Ka̱cuaꞌ ut ta̱uxta̱na̱k ruheb xban. Cheꞌcha̱lk riqꞌuin li kaDios li kꞌaxal nim xcuyum chixcuybal li ma̱c.

Isaías 63:15

At Ka̱cuaꞌ, li cuancat saꞌ li santil choxa, qꞌue chak retal li cꞌaꞌru yo̱co chixcꞌulbal toj saꞌ li lokꞌlaj naꞌajej li cuancat cuiꞌ. ¿Ma incꞌaꞌ narahoꞌ a̱chꞌo̱l chikilbal? ¿Cꞌaꞌut nak incꞌaꞌ nacaqꞌue a̱chꞌo̱l chikatenkꞌanquil riqꞌuin la̱ cuanquil? ¿Ma incꞌaꞌ ta̱ru̱k ta̱cuuxta̱na ku?

Salmos 103:13

Li Ka̱cuaꞌ naxtokꞌoba ruheb li nequeꞌxucuan ru joꞌ nak naxtokꞌoba ruheb li ralal xcꞌajol junak yucuaꞌbej.

Oseas 14:4

Ut li Ka̱cuaꞌ texsume ut tixye e̱re: —La̱in tincuisi chixjunil le̱ ma̱usilal. Ut yal xban li cuusilal, texinra xban nak incꞌaꞌ chic yo̱ injoskꞌil saꞌ e̱be̱n.

Jueces 10:16

Ut queꞌrisi eb li jalanil dios saꞌ xya̱nkeb ut queꞌxlokꞌoni li Ka̱cuaꞌ. Ut li Dios quirahoꞌ xchꞌo̱l chirilbal li raylal li cuanqueb cuiꞌ.

Filipenses 1:8

Li Dios naxnau nak cꞌajoꞌ nequexinra. Ut li rahoc aꞌin, aꞌan qꞌuebil cue xban li Cristo.

San Lucas 15:24

xban nak li cualal aꞌin chanchan camenak nak xcuan chak. Aꞌut anakcuan xsukꞌi cuiꞌchic chi yoꞌyo. Sachenak nak xcuan ut xtauman cuiꞌchic, chan. Ut queꞌoc chi ninkꞌei̱c.

Jeremías 48:36

Nayotꞌeꞌ inchꞌo̱l chirixeb li cuanqueb Moab ut chirixeb li cuanqueb Kir-hares. Lix rahil inchꞌo̱l, aꞌan chanchan nak nachꞌeꞌman jun li bich saꞌ li xo̱lb re rahil chꞌo̱lejil xban nak ma̱cꞌaꞌ chic xbiomaleb laj Moab.

Isaías 16:11

Narahoꞌ inchꞌo̱l xban li raylal li queꞌxcꞌul laj Moab. Nayotꞌeꞌ inchꞌo̱l xban li raylal li queꞌxcꞌul laj Kir-hareset.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Jeremías 3:19

La̱ex aj Israel, la̱in xcuaj nak xexincꞌul chokꞌ cualal incꞌajol. Xinqꞌue e̱re jun li cha̱bil naꞌajej. Aꞌan li kꞌaxal cha̱bil chiru chixjunil li naꞌajej li cuan saꞌ ruchichꞌochꞌ. La̱in xcuaj nak te̱ye “At inyucuaꞌ” cue. Incꞌaꞌ xcuaj nak tine̱tzꞌekta̱na.

Cantares 5:4

Li cui̱nk li ninra quixchꞌic chak li rukꞌ saꞌ xhopolal li puerta re nak tixte. Ut cꞌajoꞌ nak quiyotꞌeꞌ inchꞌo̱l.

Proverbios 3:12

Li Ka̱cuaꞌ naxkꞌus li ani naxra. Chanchan jun li yucuaꞌbej naxkꞌus li ralal xcꞌajol xban nak naxraheb.

1 Reyes 3:26

Abanan li tzꞌakal naꞌbej cꞌajoꞌ nak quirahoꞌ xchꞌo̱l xban nak quixra lix cꞌulaꞌal. Quixye: —At rey, nintzꞌa̱ma cha̱cuu nak incꞌaꞌ ta̱camsi li cꞌulaꞌal. Qꞌue re li ixk aꞌan, chan. Abanan li ixk jun chic quixye re: —Incꞌaꞌ. Ma̱qꞌue cue, chi moco ta̱qꞌue re aꞌan. Jach saꞌ xyi li cꞌulaꞌal, chan.

Deuteronomio 32:36

Li Ka̱cuaꞌ ta̱rakok a̱tin saꞌ xbe̱neb lix tenamit. Abanan, xban nak naxraheb ta̱ril xtokꞌoba̱l ruheb nak tixqꞌue retal nak ma̱cꞌaꞌ chic xmetzꞌe̱uheb. Ta̱ruxta̱na ruheb nak ta̱ril nak ma̱cꞌaꞌeb xmetzꞌe̱uheb li nequeꞌcꞌanjelac chiru.

Génesis 43:30

Joꞌcan nak qui-el laj José saꞌ xya̱nkeb xban nak oc raj re chi ya̱bac. Cꞌajoꞌ nak quisahoꞌ saꞌ xchꞌo̱l chi rilbal laj Benjamín xban nak kꞌaxal naxra li ri̱tzꞌin. Laj José co̱ jun pacꞌal xjunes ut aran quiya̱bac.

San Lucas 15:32

Abanan tento nak toninkꞌei̱k anakcuan ut ta̱sahokꞌ saꞌ kachꞌo̱l xban nak la̱ cui̱tzꞌin chanchan camenak nak xcuan; abanan xsukꞌi cuiꞌchic chi yoꞌyo. Quisach ut xtauman cuiꞌchic, chan li yucuaꞌbej.

Jeremías 3:12

Ayu ut ta̱ye reheb li tenamit li cuanqueb saꞌ li norte: Joꞌcaꞌin xye e̱re li Ka̱cuaꞌ Dios. Sukꞌinkex cuiqꞌuin, la̱ex aj Israel, usta xine̱tzꞌekta̱na. Incꞌaꞌ chic tincꞌut lin joskꞌil che̱ru. Texincꞌul ban saꞌ usilal xban nak la̱in nin-uxta̱nan u ut nim lin cuyum.

Jeremías 33:26

la̱in xintzꞌekta̱na ajcuiꞌ raj li ralal xcꞌajol laj Jacob ut eb li ralal xcꞌajol laj David laj cꞌanjel chicuu. Ut incꞌaꞌ raj quebinxakab chi takla̱nc eb li ralal xcꞌajol laj Abraham ut laj Isaac ut laj Jacob. Abanan la̱in incꞌaꞌ tintzꞌekta̱naheb. Tincuuxta̱na ban ruheb ut tebinqꞌue cuiꞌchic chi sukꞌi̱c saꞌ lix naꞌajeb li queꞌcꞌameꞌ cuiꞌ chi pre̱xil, chan li Ka̱cuaꞌ.

Ezequiel 33:11

Ta̱ye reheb nak li Ka̱cuaꞌ xye chi joꞌcaꞌin: Yoꞌyo̱quin la̱in li nimajcual Dios. La̱in incꞌaꞌ nacuaj nak texca̱mk saꞌ le̱ ma̱c. Nacuaj ban nak te̱jal e̱naꞌleb ut te̱canab xba̱nunquil li ma̱usilal ut ta̱cua̱nk e̱yuꞌam. Ex aj Israel, canabomak xba̱nunquil li ma̱usilal. ¿Cꞌaꞌut nak te̱qꞌue e̱rib chi ca̱mc xban le̱ ma̱c?

Levítico 26:44

Usta xetzꞌekta̱na lin chakꞌrab ut usta cuanquex saꞌ xtenamiteb li xicꞌ nequeꞌiloc e̱re, abanan la̱in incꞌaꞌ texintzꞌekta̱na, chi moco texsachk saꞌ inchꞌo̱l. Incꞌaꞌ tinsach e̱ru xban nak toj cuan saꞌ inchꞌo̱l li contrato quinba̱nu riqꞌuineb le̱ xeꞌto̱nil yucuaꞌ. La̱in li Ka̱cuaꞌ le̱ Dios.

Isaías 30:18

Abanan li Ka̱cuaꞌ yo̱ chiroybeninquil re ta̱ruxta̱na e̱ru. Naraj xcꞌutbesinquil che̱ru nak aꞌan naxtokꞌoba e̱ru. Li Ka̱cuaꞌ li nimajcual Dios aꞌan ti̱c xchꞌo̱l. Us xak reheb li nequeꞌxcꞌojob xchꞌo̱l riqꞌuin li Ka̱cuaꞌ.

Lamentaciones 3:22

Xban nak junelic naruxta̱na ku li Ka̱cuaꞌ, joꞌcan nak incꞌaꞌ xo-osoꞌ. Junelic naril xtokꞌoba̱l ku.