Jeremías 31:2 - Li Santil hu

² Quixye ajcuiꞌ li Ka̱cuaꞌ: —Eb li incꞌaꞌ teꞌcamsi̱k saꞌ li ple̱t tincuil xtokꞌoba̱l ruheb nak cua̱nkeb saꞌ li chaki chꞌochꞌ. La̱in tinqꞌueheb laj Israel chi hila̱nc chiru li raylal li yo̱queb chixcꞌulbal.

Q'eqchi Bible

² Jo'ka'in kixye li Qaawa': “Sa' li chaqich'och' kiwil xtoq'ob'aal ru li tenamit li kikole'k chiru li kamk. Naq laj Israel yo xsik'b'al jun li na'ajej taahilanq wi',

Jeremías 31:2 ပူးပေါင်းရင်းမြစ်များ

Salmos 95:11

La̱in quinjoskꞌoꞌ riqꞌuineb ut quinye reheb nak incꞌaꞌ ta̱ru̱k teꞌoc saꞌ li naꞌajej li quinqꞌue raj reheb re teꞌhila̱nk, chan li Dios.

Números 10:33

Joꞌcan nak queꞌel laj Israel saꞌ li tzu̱l Sinaí lix tzu̱l li Ka̱cuaꞌ. Oxib cutan queꞌbe̱c. Ut li Lokꞌlaj Ca̱x li xocxo cuiꞌ li contrato yo̱ chi xic chiruheb ut yo̱ chixsicꞌbal li naꞌajej bar teꞌhila̱nk cuiꞌ.

San Mateo 11:28

Joꞌcan ut cha̱lkex cuiqꞌuin che̱junilex li lublu̱quex ut li tacuajenakex ut la̱in texinqꞌue chi hila̱nc.

Deuteronomio 1:33

Ut li Ka̱cuaꞌ yo̱ chi cꞌamoc be che̱ru riqꞌuin li xam chi kꞌojyi̱n ut li chok chi cutan. Quixcꞌut che̱ru bar te̱yi̱b cuiꞌ le̱ muheba̱l ut quixcꞌut che̱ru bar cuan li be te̱cꞌam nak texxic.

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Salmos 78:52

Abanan eb laj Israel quirisiheb Egipto ut quixcꞌameb saꞌ li chaki chꞌochꞌ. Quixberesiheb joꞌ nequeꞌberesi̱c li carner.

Deuteronomio 12:9

Toj ma̱jiꞌ nequexcuulac saꞌ li naꞌajej li tixqꞌue e̱re li Ka̱cuaꞌ li texcua̱nk cuiꞌ saꞌ tuktu̱quil usilal.

Deuteronomio 8:16

Nak cuanquex saꞌ li chaki chꞌochꞌ quixqꞌue li maná re te̱cuaꞌ, li incꞌaꞌ naubil ru xbaneb le̱ xeꞌto̱nil yucuaꞌ. Quixtakla li raylal saꞌ e̱be̱n re te̱cubsi e̱rib ut re xyalbal e̱rix re nak us tex-e̱lk mokon nak cua̱nkex saꞌ li naꞌajej aꞌan.

Deuteronomio 2:7

Li Ka̱cuaꞌ le̱ Dios quexrosobtesi riqꞌuin chixjunil li cꞌaꞌru queba̱nu. Aꞌan qui-iloc e̱re chiru li caꞌcꞌa̱l chihab nak yo̱quex chi numecꞌ saꞌ li chaki chꞌochꞌ. Ut quicuan e̱riqꞌuin ut ma̱cꞌaꞌ quipaltoꞌ che̱ru.

Deuteronomio 1:30

Li Ka̱cuaꞌ le̱ Dios, aꞌan ta̱cꞌamok be che̱ru. Aꞌan ta̱tenkꞌa̱nk e̱re chi pletic, joꞌ nak quextenkꞌa nak cuanquex Egipto. La̱ex queqꞌue retal cꞌaꞌru quixba̱nu.

Números 14:20

Li Ka̱cuaꞌ quixye re laj Moisés: —La̱in tincuyeb xma̱c joꞌ xatzꞌa̱ma chicuu.

Éxodo 33:14

Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan.

Éxodo 1:22

Tojoꞌnak laj faraón quixtakla resil saꞌ chixjunil lix tenamit nak ta̱cutekꞌ saꞌ nimaꞌ li jarubeb li cocꞌ te̱lom li teꞌyoꞌla̱k saꞌ xya̱nkeb li ixk aj hebreo. Chixjunileb li cocꞌ xkaꞌal teꞌcanaba̱k chi qꞌui̱c.

Éxodo 1:16

Quixye reheb: —Nak te̱rileb li ixk aj hebreo, cui te̱lom lix cꞌulaꞌaleb teꞌyoꞌla̱k te̱camsiheb. Ut cui ixk lix cꞌulaꞌaleb te̱canabeb chi qꞌui̱c, chan.

Éxodo 12:37

Ut chixjunileb laj Israel queꞌel saꞌ li tenamit Ramesés ut queꞌco̱eb saꞌ li tenamit Sucot. Cuakib ciento mil (600,000) chi cui̱nk queꞌco̱eb chi rok. Eb li ixk joꞌ ajcuiꞌ eb li cocꞌal ma̱cꞌaꞌeb saꞌ ajl.

Éxodo 5:21

Ut queꞌxye reheb, —Li Ka̱cuaꞌ Dios taxak chiqꞌuehok re̱kaj li cꞌaꞌru yo̱quex la̱ex. E̱ma̱c la̱ex nak laj faraón joꞌ ajcuiꞌ li nequeꞌtaklan kꞌaxal cuiꞌchic yo̱queb xjoskꞌil saꞌ kabe̱n. Teꞌraj ajcuiꞌ kacamsinquil, chanqueb re laj Moisés.

Éxodo 2:23

Ac xnumeꞌ chic nabal cutan nak quicam lix reyeb laj Egipto. Eb laj Israel japjo̱queb re xban li raylal yo̱queb chixcꞌulbal joꞌ rahobtesinbil mo̱s. Li Dios quirabi nak yo̱queb chi kꞌoko̱nc.

Josué 1:13

—Chijulticokꞌ e̱re li cꞌaꞌru quixye chak e̱re laj Moisés laj cꞌanjel chiru li Dios nak quixye, “Li Ka̱cuaꞌ le̱ Dios tixqꞌue le̱ naꞌaj re texhila̱nk cuiꞌ”, chan.

Oseas 11:4

Saꞌ kꞌunil ut riqꞌuin rahoc xebincꞌam cuiqꞌuin. Saꞌ cha̱bilal xebinberesi. La̱in xcuisi li i̱k saꞌ xbe̱neb ut xebinqꞌue chi cuaꞌac saꞌ xya̱lal.

Ezequiel 20:35

La̱in texincꞌam saꞌ li chaki chꞌochꞌ li cuan nachꞌ riqꞌuineb li jalan tenamit. Ut aran tinrakok a̱tin saꞌ e̱be̱n.