Jeremías 31:19 - Li Santil hu

¹⁹ Nak ac xatkatzꞌekta̱na xkacꞌoxla nak incꞌaꞌ us xkaba̱nu ut xkajal kacꞌaꞌux. Nak ac xoa̱qꞌue chixtojbal kama̱c, xkatacuasi kib xban xrahil kachꞌo̱l. Xuta̱nal xkacꞌul xban li ma̱usilal xkaba̱nu saꞌ kasa̱jilal.”

Q'eqchi Bible

¹⁹ Xatintz'eqtaana, at Qaawa', ab'an xinyot' linch'ool xinjal link'a'uxl; ut naq nink'e reetal linmaak, ninten li re linch'ool, ninxutaanak ut nasachk linna'leb' xb'aaneb' li maak xinb'aanu sa' linsaajilal».

Jeremías 31:19 ပူးပေါင်းရင်းမြစ်များ

Ezequiel 36:31

Nak ta̱julticokꞌ e̱re li incꞌaꞌ us xeba̱nu, texxuta̱na̱k xban le̱ ma̱usilal ut xban le̱ ma̱c.

Jeremías 3:25

Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Ezequiel 21:12

At ralal cui̱nk, chatya̱bak chi cau xban nak eb lin tenamit, aꞌaneb li teꞌsachekꞌ ruheb xban li chꞌi̱chꞌ aꞌan. Chixjunileb li tenamit, joꞌ eb ajcuiꞌ li cuanqueb xcuanquil teꞌsachekꞌ ruheb. Joꞌcan nak ten re la̱ chꞌo̱l xban li raylal li cha̱lc re.

San Lucas 18:13

Abanan laj titzꞌol toj najt quixqꞌue chak rib ut quixxulub lix jolom. Yo̱ chixtenbal li re xchꞌo̱l chi rukꞌ xban xrahil xchꞌo̱l ut quixye: “At inDios, la̱in aj ma̱c. Chacuuxta̱na taxak cuu,” chan.

Deuteronomio 30:2

Nak la̱ex joꞌ eb ajcuiꞌ le̱ ralal e̱cꞌajol te̱jal e̱cꞌaꞌux ut texsukꞌi̱k riqꞌuin li Ka̱cuaꞌ le̱ Dios, chi anchal e̱chꞌo̱l ut chi anchal e̱metzꞌe̱u te̱ba̱nu li cꞌaꞌru naraj aꞌan joꞌ yo̱quin chixyebal e̱re anakcuan.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Salmos 25:7

Incꞌaꞌ taxak chinak saꞌ a̱chꞌo̱l li ma̱c ut li ma̱usilal li quinba̱nu chak saꞌ insa̱jilal. Chinjulticokꞌ taxak a̱cue, at Ka̱cuaꞌ, xban nak junelic nacatrahoc ut junelic cha̱bilat.

Esdras 9:6

Ut quinye: —At Ka̱cuaꞌ, at inDios, sachso innaꞌleb ut ninxuta̱nac chixtaksinquil li cuiloba̱l cha̱cuu xban nak kꞌaxal numtajenak li kama̱usilal. At Ka̱cuaꞌ, xban nak kꞌaxal nabal li kama̱c chanchan nak ac xcuulac toj saꞌ choxa.

2 Timoteo 2:25

Ut saꞌ tu̱lanil chixchꞌolobak xya̱lal reheb li nequeꞌcuechꞌin rix lix ya̱lal. Ma̱re chan nak li Dios ta̱tenkꞌa̱nk reheb chixyotꞌbal xchꞌo̱leb, chixjalbal xcꞌaꞌuxeb re teꞌxnau ru li ya̱l.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

San Lucas 15:30

Abanan anakcuan xcꞌulun la̱ cualal aꞌin li quisachoc re la̱ jun cablal riqꞌuineb li ixk li nequeꞌxcꞌayi rib ut la̱at xatakla xcamsinquil chokꞌ re li chꞌina cuacax li chꞌolaninbil chi us, chan li asbej.

Ezequiel 36:26

La̱in tinacꞌobresi le̱ ra̱m ut tinjal le̱ cꞌaꞌux. Tinkꞌunobresi le̱ ra̱m ut tincuisi li cacuil chꞌo̱lej li cuan e̱riqꞌuin, li chanchan pec.

Ezequiel 23:3

Chalen saꞌ xcaꞌchꞌinaleb aꞌaneb xcomoneb li ixk li nequeꞌxcꞌayi ribeb. Saꞌ xsa̱jilal queꞌxqꞌue rib chi batzꞌune̱c aran Egipto ut riqꞌuin aꞌan queꞌxmux ribeb li cuib chi tukꞌ ixk.

Ezequiel 6:9

Ut li joꞌ qꞌuial chic li incꞌaꞌ teꞌcamsi̱k tinjulticokꞌ reheb nak cua̱nkeb chi pre̱xil saꞌ jalan tenamit. Ta̱julticokꞌ reheb nak quirahoꞌ inchꞌo̱l chirixeb. Ta̱julticokꞌ reheb chanru nak xinqꞌueheb chi cꞌuluc raylal xban nak incꞌaꞌ xeꞌcuan saꞌ ti̱quilal chicuu ut xban ajcuiꞌ nak xineꞌxtzꞌekta̱na xban xlokꞌoninquil li jalanil dios. Aꞌaneb ajcuiꞌ teꞌecꞌa̱nk re nak incꞌaꞌ us xeꞌxba̱nu ut teꞌxuta̱na̱k xban lix ma̱usilaleb.

Jeremías 32:30

Eb laj Israel ut eb laj Judá junes ma̱usilal nequeꞌxba̱nu chicuu chalen chak saꞌ xsa̱jilaleb. Ut nequeꞌxchikꞌ injoskꞌil riqꞌuin li jalanil dios li nequeꞌxyi̱b.

Jeremías 22:21

La̱in quinyal inkꞌe chixqꞌuebal e̱naꞌleb nak toj sa cuanquex. Abanan la̱ex incꞌaꞌ queraj rabinquil li cꞌaꞌru quinye. Joꞌcan le̱ naꞌleb chalen saꞌ e̱sa̱jilal. Incꞌaꞌ quex-abin chicuu.

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Li xHu LAJ JOB 20:11

Toj sa̱jak ut toj cauhak rib nak ta̱ca̱mk.

Li xHu LAJ JOB 13:26

¿Cꞌaꞌut nak nacaqꞌue raylal saꞌ inbe̱n ut nacaye nak cuan inma̱c? Ut toj yo̱cat chixqꞌuebal saꞌ inbe̱n li ma̱c quinba̱nu chak saꞌ insa̱jilal.

Salmos 119:67

Nak toj ma̱jiꞌ nincꞌul li raylal, la̱in quinba̱nu li cꞌaꞌru quicuaj injunes. Abanan anakcuan ninba̱nu chic li cꞌaꞌru naxye la̱ cua̱tin.

Ezequiel 21:17

La̱in tinpokꞌpokꞌi li cuukꞌ ut ta̱cube̱k lin joskꞌil. La̱in li nimajcual Dios ninyehoc re aꞌin.