Jeremías 31:15 - Li Santil hu

¹⁵ Aꞌan aꞌin li quixye li Ka̱cuaꞌ: —Qui-abi̱c li ya̱bac saꞌ li tenamit Ramá xban li nimla rahil chꞌo̱lej, ut li yotꞌba chꞌo̱lej li queꞌxcꞌul. Aꞌaneb li ralal xcꞌajol lix Raquel li yo̱queb chi ya̱bac chirixeb lix cocꞌal. Ut incꞌaꞌ chic nacꞌojla xchꞌo̱leb xban nak ac camenakeb chic li ralal xcꞌajoleb.

Q'eqchi Bible

¹⁵ Li Qaawa' kixye chi jo'ka'in: “Ki'ab'iik jun xyaab' kuxej aran Ramá, yaab'ak ut tz'uyink chi numtajenaq: a' lix Rakel li yo chi yaab'ak chirixeb' li xkok'al, ut ink'a' naraj q'unb'esiik xb'aan naq maak'a'eb' chik li xkok'al”.

Jeremías 31:15 ပူးပေါင်းရင်းမြစ်များ

Jeremías 40:1

Li Ka̱cuaꞌ quia̱tinac cuiꞌchic riqꞌuin laj Jeremías nak ac x-achꞌaba̱c aran Ramá xban laj Nabuzaradán li nataklan saꞌ xbe̱neb li soldado. Bacꞌbo riqꞌuin cadena nak queꞌxtau saꞌ xya̱nkeb chixjunileb laj Jerusalén ut eb laj Judá li yo̱queb chi cꞌamecꞌ chi pre̱xil aran Babilonia.

Salmos 77:2

Nak cuanquin saꞌ raylal quintijoc chiru li Dios. Quinnumsi li kꞌojyi̱n chi tijoc ut incꞌaꞌ ajcuiꞌ nacꞌojla inchꞌo̱l.

Génesis 35:19

Joꞌcaꞌin nak quicam lix Raquel ut quimukeꞌ saꞌ li be li naxic Efrata. Anakcuan Belén nayeman re li tenamit aꞌan.

Jeremías 10:20

Xeꞌpoꞌi̱c li katenamit. Chanchan nak xpoꞌeꞌ li kamuheba̱l. Ut queꞌtꞌupeꞌ li laso li chapcho̱queb cuiꞌ. Eb li kalal kacꞌajol xoeꞌxcanab kajunes. Xeꞌsacheꞌ ruheb. Ma̱ ani chic ta̱ru̱k ta̱xakaba̱nk re li kamuheba̱l. Ma̱ ani ta̱ru̱k ta̱yi̱ba̱nk re li katenamit.

Isaías 22:4

Joꞌcan nak la̱in ninye: —Canabomakin injunes. Oc cue chi ya̱bac xban xrahil inchꞌo̱l. Ut ma̱ ani tixbay rib chixcꞌojobanquil inchꞌo̱l xban nak lin tenamit teꞌsachekꞌ ru.—

Génesis 42:13

Eb aꞌan queꞌxye re: —La̱o cablajuho chikajunil. Ralalo jun chi cui̱nk aj Canaán. Li i̱tzꞌinbej xcana chak riqꞌuin li kayucuaꞌ. Ut li jun chic ma̱ ani chic saꞌ kaya̱nk, chanqueb re laj José.

Génesis 37:35

Ut chixjunileb li ralal xcꞌajol queꞌoc chixcꞌojobanquil xchꞌo̱l lix yucuaꞌeb. Abanan laj Jacob incꞌaꞌ quixcꞌojob xchꞌo̱l ut quixye: —La̱in incꞌaꞌ ta̱cꞌojla̱k inchꞌo̱l chalen nak tinca̱mk ut tintau li cualal li ac camenak, chan. Ut li yucuaꞌbej junelic naya̱bac chirix laj José.

Lamentaciones 5:7

Queꞌma̱cob li kaxeꞌto̱nil yucuaꞌ ut anakcuan camenakeb chic. Abanan la̱o yo̱co chixcꞌulbal li raylal xban li ma̱c queꞌxba̱nu eb aꞌan.

Génesis 42:36

Ut laj Jacob quixye reheb: —Anakcuan cꞌajoꞌ yo̱quex chak chixba̱nunquil cue. Ma̱ ani chic li cualal laj José. Ut anakcuan incꞌaꞌ chic xsukꞌi chak laj Simeón. Ut toj te̱raj cuiꞌchic xmakꞌbal laj Benjamín chicuu. ¿Cꞌaꞌut nak chixjunil natꞌaneꞌ saꞌ inbe̱n? chan laj Jacob reheb.

Ezequiel 2:10

Quixte li hu chicuu ut tzꞌi̱banbil ru li hu xcaꞌ pacꞌalil. Saꞌ li hu aꞌan tzꞌi̱banbil retalil chixjunil li ya̱bac ut li raylal li ta̱cha̱lk saꞌ xbe̱neb laj Israel.

Salmos 37:36

Abanan li jun aꞌan quisacheꞌ. Nak quinnumeꞌ aran, ma̱ ani chic xban nak ac xsacheꞌ.

Li xHu LAJ JOB 7:21

¿Ma incꞌaꞌ naru ta̱cuy inma̱c? ¿Ma incꞌaꞌ ta̱cuy li ma̱usilal xinba̱nu? Chi se̱b nincam ut tinsukꞌi̱k cuiꞌchic chꞌochꞌ. Ta̱cuaj raj chic rilbal cuu, abanan incꞌaꞌ chic ta̱cuil cuu xban nak acak xincam, chan laj Job.

1 Samuel 7:17

Ut chirix aꞌan nasukꞌi Ramá xban nak aran cuan li rochoch. Toj aran narakoc chak a̱tin saꞌ xbe̱neb li tenamit Israel. Ut quixyi̱b jun li artal re xlokꞌoninquil li Ka̱cuaꞌ saꞌ li tenamit aꞌan.

Josué 18:25

Quiqꞌueheꞌ ajcuiꞌ reheb li tenamit Gabaón, Ramá, Beerot,

Génesis 5:24

Tzꞌakal re ru lix yuꞌam, ut saꞌ jun li cutan ma̱ ani chic saꞌ ruchichꞌochꞌ xban nak quicꞌameꞌ chi yoꞌyo xban li Dios.

Jueces 4:5

Lix Débora rajlal naxic chi chunla̱c rubel jun to̱n li palmera chi rakoc a̱tin. Li naꞌajej aꞌan “Palmera re lix Débora” nequeꞌxye re. Li cheꞌ aꞌan cuan saꞌ lix naꞌajeb li ralal xcꞌajol laj Efraín li tzu̱l ru li cuan saꞌ xyi li tenamit Ramá ut Bet-el. Ut eb laj Israel rajlal nequeꞌxic riqꞌuin re teꞌxyi̱b ru lix chꞌaꞌajquilaleb.

Isaías 10:29

Queꞌnumeꞌ saꞌ li tzu̱l ut queꞌxyi̱b lix muheba̱leb aran Geba. Cꞌajoꞌ nak teꞌxucuak li cuanqueb Ramá. Ut li cuanqueb aran Gabaa saꞌ lix tenamit laj Saúl queꞌe̱lelic.