Jeremías 31:14 - Li Santil hu

¹⁴ Tinqꞌueheb li cha̱bil tzacae̱mk chixtzacaheb laj tij. Ut eb lin tenamit sa teꞌcua̱nk xban nak la̱in tinqꞌue reheb li cꞌaꞌru teꞌraj. La̱in li Ka̱cuaꞌ yo̱quin chi yehoc re aꞌin.

Q'eqchi Bible

¹⁴ Tinch'oolaniheb' laj tij rik'in chaab'il tzekemq, ut lintenamit te'nujaq rik'in linsihom”, chan li Qaawa'.

Jeremías 31:14 ပူးပေါင်းရင်းမြစ်များ

Jeremías 31:25

La̱in tinqꞌueheb xcacuilal li lublu̱queb. Ut tincꞌojob ajcuiꞌ xchꞌo̱leb li raheb saꞌ xchꞌo̱l, chan li Dios.

1 Pedro 2:9

La̱ex sicꞌbil e̱ru xban li Dios. Sicꞌbil e̱ru chi cꞌanjelac chiru li Dios joꞌ nak nequeꞌcꞌanjelac laj tij. La̱ex lix tenamit li Dios ut santobresinbilex. La̱ex chic ralal xcꞌajol li Dios. Sicꞌbil e̱ru chixyebal resil lix nimal xcuanquilal li Dios. Li Dios quexrisi saꞌ xkꞌojyi̱nal ru li ma̱c ut anakcuan cuanquex chic saꞌ xcutan xsaken.

Jeremías 33:9

Cꞌajoꞌ nak ta̱sahokꞌ saꞌ inchꞌo̱l chirilbal li tenamit Jerusalén. Ut eb li jalan tenamit li cuanqueb saꞌ ruchichꞌochꞌ teꞌxqꞌue inlokꞌal ut teꞌxnima cuu. Nak teꞌrabi resil li us li yo̱quin chixba̱nunquil reheb, teꞌxucuak. Ut teꞌsach xchꞌo̱leb chirabinquil chanru nak xinqꞌueheb cuiꞌchic chi cua̱nc saꞌ tuktu̱quil usilal lin tenamit.

Apocalipsis 5:10

Xaqꞌueheb xcuanquil chi cꞌanjelac chiru li kaDios joꞌ aj tij, ut ta̱qꞌueheb ajcuiꞌ chi takla̱nc saꞌ ruchichꞌochꞌ.

Efesios 3:19

Ma̱ jokꞌe ta̱ru̱k takatau ru chi tzꞌakal lix rahom xban nak ma̱cꞌaꞌ rosoꞌjic ut kꞌaxal lokꞌ. Nintzꞌa̱ma chiru li Dios nak tixcꞌut che̱ru nak cꞌajoꞌ nequexra li Cristo, ut chinujak taxak le̱ chꞌo̱l riqꞌuin xnimajcual xcuanquil.

Cantares 5:1

At xsum cua̱m, la̱in nacatinra. La̱in xin-oc saꞌ lix naꞌaj li cuacui̱mk. Yo̱quin chixsicꞌbal li mirra ut li sununquil ban. Yo̱quin chixloubal li xyaꞌal cab ut yo̱quin chirucꞌbal li vino ut li leche. Cuaꞌinkex, ex kas ki̱tzꞌin, ut ucꞌankex, la̱ex li nequexkara. Tzacahomak li joꞌ qꞌuial te̱raj.

Salmos 107:9

Li Ka̱cuaꞌ naxqꞌueheb chi ucꞌac li ta̱chakik reheb. Ut naxqꞌueheb li cha̱bil tzacae̱mk reheb li teꞌtzꞌoca̱k.

Efesios 1:3

Lokꞌoninbil taxak li Dios lix Yucuaꞌ li Ka̱cuaꞌ Jesucristo. Xban nak junajo chic riqꞌuin li Cristo, li Dios naxqꞌue chak ke chixjunil li kosobtesinquil li nachal chak saꞌ choxa.

San Mateo 5:6

Us xak reheb li teꞌraj ru xba̱nunquil li ti̱quilal. Chanchan li teꞌtzꞌoca̱k ut teꞌchakik re. Us xak reheb xban nak li Dios ta̱tenkꞌa̱nk reheb chixba̱nunquil li us.

Isaías 61:6

Eb li tenamit teꞌxye nak la̱ex aj tij ut aj cꞌanjel chiru li Ka̱cuaꞌ. La̱ex textzꞌako̱nk riqꞌuin lix biomaleb li jalan tenamit ut e̱re chic lix lokꞌaleb.

Isaías 25:6

Saꞌ li tzu̱l Sión li Ka̱cuaꞌ li nimajcual Dios tixba̱nu jun li ninkꞌe re chixjunileb li xni̱nkal ru tenamit. Teꞌxtzaca li cha̱bil tzacae̱mk ut teꞌrucꞌ li cha̱bil vino.

Salmos 132:16

La̱in tincolok reheb laj tij. Ut japjo̱keb re xban xsahil xchꞌo̱leb lin tenamit li ti̱queb xchꞌo̱l.

Salmos 132:9

Junelic ta cheꞌcua̱nk saꞌ ti̱quilal laj tij ut cheꞌxjap ta reheb la̱ tenamit xban xsahil xchꞌo̱leb.

Salmos 65:4

Us xak reheb li sicꞌbileb ru a̱ban chokꞌ a̱cualal a̱cꞌajol re teꞌcua̱nk a̱cuiqꞌuin saꞌ la̱ santil ochoch. Ut chisahokꞌ taxak li kachꞌo̱l riqꞌuin li kosobtesinquil li ta̱qꞌue ke nak cua̱nko saꞌ la̱ santil ochoch.

Salmos 63:5

Cꞌojcꞌo̱k inchꞌo̱l a̱cuiqꞌuin joꞌ junak ac xrakeꞌ chixcuaꞌbal li cha̱bil tzacae̱mk. Ut chi sa saꞌ inchꞌo̱l tinqꞌue a̱lokꞌal.

Salmos 36:8

La̱at nacatqꞌuehoc ke chi tzꞌakal li cꞌaꞌru nakaj xban nak la̱at aj e̱chal re chixjunil li cꞌaꞌru cuan. Lix sahilal li kachꞌo̱l li nacaqꞌue la̱at, chanchan jun li nimaꞌ li incꞌaꞌ nachakic.

Nehemías 10:39

Chixjunileb laj Israel joꞌqueb ajcuiꞌ laj levitas tento nak teꞌxcꞌam li trigo ut li vino ut li aceite saꞌ li cab li xocxo cuiꞌ li secꞌ li nacꞌanjelac saꞌ li templo. Saꞌ ajcuiꞌ li cab aꞌan cuanqueb xnaꞌajeb laj tij li nequeꞌcꞌanjelac saꞌ li templo, joꞌqueb ajcuiꞌ li nequeꞌcꞌacꞌalen re li oqueba̱l, ut eb laj bichanel. Ut kaye nak incꞌaꞌ takacanab lix templo li kaDios. Junelic ban takachꞌolani chi us.

2 Crónicas 6:41

At Ka̱cuaꞌ, at kaDios, cha̱lkat chi cua̱nc saꞌ la̱ naꞌaj li tathila̱nk cuiꞌ a̱cuochben la̱ Lokꞌlaj Ca̱x li nahilan cuiꞌ la̱ cuanquil. Junelic ta cheꞌcua̱nk saꞌ ti̱quilal laj tij, ut cheꞌsahokꞌ ta saꞌ xchꞌo̱leb li ti̱queb xchꞌo̱l cha̱cuu.

Salmos 17:15

Aban la̱in xban nak ti̱c inchꞌo̱l, tincuil a̱cuu chi tzꞌakal. Ut ta̱sahokꞌ inchꞌo̱l chi cua̱nc a̱cuiqꞌuin saꞌ choxa.

Salmos 90:14

Ta̱cꞌut taxak chiku chi junpa̱t nak nocoa̱ra re nak tobicha̱nk xban xsahil kachꞌo̱l joꞌ najtil chic tocua̱nk saꞌ ruchichꞌochꞌ.

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Hageo 2:19

Qꞌuehomak retal chi us. ¿Ma cuan ta biꞌ ru le̱ racui̱mk xocxo e̱ban? ¿Ma cuan ta biꞌ ru li uvas? ¿Ma cuan ta biꞌ ru li xto̱nal li higo? Ut, ¿ma cuan ta biꞌ ru li granado? Ut, ¿ma x-atzꞌumac ta biꞌ li cheꞌ olivo? Usta ma̱cꞌaꞌ chixjunil aꞌan, abanan chalen anakcuan texcuosobtesi, chan li Ka̱cuaꞌ.

Deuteronomio 33:23

Laj Moisés quixye chirixeb li ralal xcꞌajol laj Neftalí: Eb li ralal xcꞌajol laj Neftalí numtajenak li rosobtesinquileb xban li Ka̱cuaꞌ. Nabal li usilal quixba̱nu reheb. Reheb li naꞌajej li cuan saꞌ li roqueba̱l li sakꞌe joꞌ ajcuiꞌ li cuan saꞌ li sur nacuulac toj cuan cuiꞌ li palau Galilea.

Salmos 63:2

Nacuaj cuiꞌchic rilbal la̱ cuanquilal ut la̱ lokꞌal joꞌ nak quicuil chak junxil saꞌ la̱ santil tabernáculo.

Salmos 63:6

Nak ac yocyo̱quin saꞌ incuarib, nacatjulticoꞌ cue ut chixjunil li kꞌojyi̱n nacatincꞌoxla.

Salmos 85:13

Li ti̱quilal li naxba̱nu li Ka̱cuaꞌ, aꞌan tixcꞌut chiku chanru nak tocua̱nk saꞌ ti̱quilal.

Ezequiel 34:14

La̱in tebinqꞌue chi ichajibc saꞌ li cha̱bil pachꞌayaꞌ ut saꞌ eb li tzu̱l li cuanqueb Israel tebinqꞌue chi hila̱nc. Aran teꞌcua̱rk saꞌ li cha̱bil naꞌajej. Ut tebinqꞌue chi cuaꞌac saꞌ li kꞌunil pim saꞌ eb li tzu̱l li cuanqueb Israel.