Jeremías 31:12 - Li Santil hu

¹² Japjo̱keb re xban xsahil xchꞌo̱leb nak yo̱keb chi cha̱lc saꞌ li tzu̱l Sión. Teꞌsahokꞌ saꞌ xchꞌo̱leb xban li usilal tinba̱nu reheb. La̱in li Ka̱cuaꞌ. Tinqꞌueheb lix trigo, li acꞌ vino ut li aceite, joꞌ eb ajcuiꞌ lix carner, ut eb lix queto̱mk. Kꞌaxal us cua̱nkeb. Chanchanakeb li acui̱mk li natꞌakresi̱c chi us. Ma̱cꞌaꞌak chic rahil chꞌo̱lej.

Q'eqchi Bible

¹² “Te'chalje'q rik'in b'ichank sa' xb'een li tzuul Sión; jun chalikaqeb' wan wi' li xsimaatan li Qaawa', chi xyalb'al xsahil li triiw, li b'iin ut li aseeyt, ut te'k'ojlaaq xch'ool rik'in li raleb' li karneer ut li wakax. Chanchanaqeb' jun li xna'aj awimq t'aqresinb'il chi us, ut maajoq'e chik te'wiib'anq xch'ool.

Jeremías 31:12 ပူးပေါင်းရင်းမြစ်များ

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Joel 3:18

Saꞌ eb li cutan aꞌan cha̱bilak chic li chꞌochꞌ. Ta̱e̱lk chi nabal li ru li racui̱mkeb laj Judá. Lix qꞌuial lix vino ut lix leche chanchanak chic lix qꞌuial li haꞌ li na-el saꞌ eb li tzu̱l. Ut nabal li haꞌ ta̱cua̱nk saꞌ eb li rok haꞌ saꞌ li naꞌajej Judá. Saꞌ lin santil templo ta̱e̱lk chak li yuꞌam haꞌ re tixtꞌakresi chixjunil li ru takꞌa Sitim.

Isaías 58:11

La̱in tinberesi̱nk e̱re ut tintenkꞌa̱nk e̱re. Chanchan nak naxqꞌue li hab saꞌ li tikcual chꞌochꞌ. Tinqꞌue e̱cacuilal. Chanchanakex li acui̱mk saꞌ li cha̱bil chꞌochꞌ li incꞌaꞌ napaltoꞌ cuiꞌ li haꞌ. Chanchanakex li yuꞌam haꞌ li incꞌaꞌ nachakic.

San Juan 16:22

Joꞌcan ajcuiꞌ la̱ex. Anakcuan ra saꞌ e̱chꞌo̱l. Abanan nak te̱ril cuiꞌchic cuu, ta̱sahokꞌ saꞌ e̱chꞌo̱l. Ut ma̱ ani ta̱isi̱nk che̱ru lix sahil e̱chꞌo̱l.

Ezequiel 17:23

Tincuau aran Israel saꞌ li tzu̱l li kꞌaxal najt xteram. Cha̱bilak li chacalteꞌ aꞌan ut nabalak li rukꞌ ut ta̱u̱chi̱nk ajcuiꞌ. Qꞌuila pa̱y ru li xul li nequeꞌrupupic teꞌxyi̱b lix soqueb saꞌ li rukꞌ li cheꞌ ut teꞌxcol ribeb saꞌ lix mu.

Isaías 65:19

Joꞌcan ajcuiꞌ la̱in ta̱sahokꞌ saꞌ inchꞌo̱l riqꞌuin li Jerusalén ut ta̱sahokꞌ saꞌ inchꞌo̱l xbaneb li cualal incꞌajol. Ma̱cꞌaꞌak chic li ya̱bac chi moco teꞌxjap chic reheb xban raylal.

Isaías 60:20

Li sakꞌe incꞌaꞌ chic ta̱oc chi moco li po chi kꞌek, xban nak la̱in li Ka̱cuaꞌ, la̱inak le̱ cutan saken chi junelic. Ut ma̱cꞌaꞌak chic rahil chꞌo̱lej.

Apocalipsis 21:4

Ma̱cꞌaꞌak chic rahil chꞌo̱lej. Ma̱cꞌaꞌak chic li ca̱mc chi moco li ya̱bac chi moco li yotꞌecꞌ, chi moco li raylal xban nak chixjunil li cꞌaꞌak re ru aꞌan, ac xelajeꞌnumeꞌ.—

Apocalipsis 7:17

Ut li Jun li chanchan carner li cꞌojcꞌo aran saꞌ xyiheb li cꞌojariba̱l, aꞌan ta̱ilok reheb joꞌ jun li cha̱bil pastor narileb lix carner. Ut aꞌan ta̱qꞌuehok re lix yuꞌameb chi junelic. Incꞌaꞌ chic teꞌya̱bak xban nak li Dios ta̱cꞌojoba̱nk xchꞌo̱leb.—

Romanos 2:4

¿Ma ta̱tzꞌekta̱na lix nimal ruxta̱n li Dios? ¿Ma ta̱tzꞌekta̱na lix cuyum ut lix kꞌunil xchꞌo̱l? ¿Ma incꞌaꞌ nacaqꞌue retal nak xban lix nimal rusilal li Dios naraj nak ta̱yotꞌ a̱chꞌo̱l ta̱jal a̱cꞌaꞌux?

Oseas 3:5

Abanan ta̱cuulak xkꞌehil nak eb laj Israel teꞌsukꞌi̱k cuiꞌchic riqꞌuin li Ka̱cuaꞌ lix Dioseb ut teꞌxsicꞌ junak reheb li ralal xcꞌajol laj David chokꞌ xreyeb. Ut saꞌ rosoꞌjiqueb li cutan, teꞌxxucua ru li Ka̱cuaꞌ ut teꞌxcꞌu̱luban cuiꞌchic li usilal li tixba̱nu reheb.

Salmos 130:4

Abanan la̱at nacacuy nacasach li kama̱c. Joꞌcan nak tento nak takaqꞌue a̱lokꞌal.

Ezequiel 20:40

Abanan mokon che̱junilex la̱ex aj Israel tine̱lokꞌoni saꞌ lin santil naꞌajej saꞌ li tzu̱l Sión li cuan aran Israel. Ta̱sahokꞌ inchꞌo̱l e̱riqꞌuin xban nak che̱junilex texcꞌanjelak chicuu. La̱in tinye e̱re nak te̱cꞌam le̱ mayej chicuu ut la̱in tincꞌul. Te̱cꞌam chak cue li xbe̱n ru le̱ racui̱mk ut li cꞌaꞌru lokꞌ che̱ru.

Isaías 51:11

Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

Isaías 1:30

Chanchanakex chic li ni̱nki ji li yo̱ chi tꞌanecꞌ lix xak. Chanchanakex lix naꞌaj li utzꞌuꞌuj li incꞌaꞌ tꞌakresinbil.

Jeremías 31:4

La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Jeremías 3:14

Jalomak e̱cꞌaꞌux, ex cualal incꞌajol, li xekꞌetkꞌeti e̱rib chicuu xban nak la̱in le̱ Dios. Ut la̱in tinsicꞌ ru junak saꞌ li junju̱nk chi tenamit ut tinsicꞌ ajcuiꞌ ruheb cuibak saꞌ li junju̱nk xte̱paleb laj Israel re tincꞌameb aran Sión.

Jeremías 31:6

Ta̱cuulak xkꞌehil nak eb li yo̱queb chi cꞌacꞌale̱nc saꞌ eb li tzu̱l li cuanqueb aran Efraín teꞌxjap re chixyebal, “¡Quimkex! Toxic Sión chixlokꞌoninquil li Ka̱cuaꞌ li kaDios,” chaꞌakeb.

Jeremías 31:7

Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”

Jeremías 31:24

Eb li cristian cuotz teꞌcua̱nk saꞌ li naꞌajej Judá ut saꞌ eb li tenamit. Teꞌcua̱nk laj acuinel ut teꞌcua̱nk ajcuiꞌ laj ilol xul.

Jeremías 31:25

La̱in tinqꞌueheb xcacuilal li lublu̱queb. Ut tincꞌojob ajcuiꞌ xchꞌo̱leb li raheb saꞌ xchꞌo̱l, chan li Dios.

Jeremías 32:15

Ba̱nu chi joꞌcan xban nak li Ka̱cuaꞌ li nimajcual Dios, lix Dioseb laj Israel naxye chi joꞌcaꞌin: Ta̱cuulak xkꞌehil nak ta̱lokꞌma̱nk cuiꞌchic li ochoch, li cꞌaleba̱l ut lix naꞌaj li acui̱mk uvas saꞌ li naꞌajej aꞌin, chan.

Jeremías 33:12

Li nimajcual Dios quixye: Saꞌ chixjunil li naꞌajej aꞌin li ma̱cꞌaꞌ nayoꞌla chi saꞌ anakcuan, chi moco cristian chi moco xul, ta̱cua̱nk cuiꞌchic li pachꞌayaꞌ li teꞌxqꞌue cuiꞌ chi cuaꞌac lix queto̱mkeb laj ilol xul.

Jeremías 33:13

Eb laj ilol xul teꞌrajla cuiꞌchic lix queto̱mkeb saꞌ eb li tenamit li tzu̱l ru, ut saꞌ eb li tenamit li cuanqueb Sefela, ut saꞌ eb li tenamit li cuanqueb Neguev, joꞌ ajcuiꞌ saꞌ lix naꞌajeb li ralal xcꞌajol laj Benjamín ut saꞌ lix naꞌajeb li cuanqueb chi xjun sutam Jerusalén, ut saꞌ eb li tenamit li cuanqueb Judá.

Ezequiel 34:14

La̱in tebinqꞌue chi ichajibc saꞌ li cha̱bil pachꞌayaꞌ ut saꞌ eb li tzu̱l li cuanqueb Israel tebinqꞌue chi hila̱nc. Aran teꞌcua̱rk saꞌ li cha̱bil naꞌajej. Ut tebinqꞌue chi cuaꞌac saꞌ li kꞌunil pim saꞌ eb li tzu̱l li cuanqueb Israel.

Hageo 2:19

Qꞌuehomak retal chi us. ¿Ma cuan ta biꞌ ru le̱ racui̱mk xocxo e̱ban? ¿Ma cuan ta biꞌ ru li uvas? ¿Ma cuan ta biꞌ ru li xto̱nal li higo? Ut, ¿ma cuan ta biꞌ ru li granado? Ut, ¿ma x-atzꞌumac ta biꞌ li cheꞌ olivo? Usta ma̱cꞌaꞌ chixjunil aꞌan, abanan chalen anakcuan texcuosobtesi, chan li Ka̱cuaꞌ.

Isaías 52:8

¡Abihomak! Eb li nequeꞌcꞌacꞌalen re li tenamit yo̱queb chi bicha̱nc xban xsahil xchꞌo̱leb. Chixjunileb teꞌril riqꞌuin xnakꞌ ruheb nak li Ka̱cuaꞌ tixcꞌameb cuiꞌchic saꞌ lix tenamiteb Sión.

Ezequiel 36:30

Ut tebinqꞌue chi u̱chi̱nc chi nabal eb li cheꞌ ut tebinqꞌue ajcuiꞌ chi u̱chi̱nc chi nabal li acui̱mk saꞌ li cꞌaleba̱l. Incꞌaꞌ chic tinqꞌue li cueꞌej saꞌ e̱be̱n re nak incꞌaꞌ xuta̱nal te̱cꞌul chiruheb li xni̱nkal ru tenamit.

Zacarías 8:12

—La̱in tinqꞌueheb chi cua̱nc saꞌ tuktu̱quil usilal. Ut ta̱u̱chi̱nk cuiꞌchic li racui̱mkeb saꞌ li chꞌochꞌ aꞌan ut ta̱u̱chi̱nk ajcuiꞌ li uvas. Ut lix chuꞌque ta̱tꞌakresi̱nk re li racui̱mkeb. Chixjunil aꞌin tinqꞌue reheb li tenamit Israel, li joꞌ qꞌuial chic teꞌcana̱k.