Jeremías 31:10 - Li Santil hu

¹⁰ Ex tenamit, abihomak ra̱tin li Dios ut yehomak resil reheb li tenamit li cuanqueb chire li palau. Li jun li quijeqꞌuin reheb laj Israel tixchꞌutub cuiꞌchic ruheb ut aꞌan ta̱ilok reheb joꞌ nak laj ilol xul naril lix carner.

Q'eqchi Bible

¹⁰ “Ex xninqal ru tenamit, ab'ihomaq li raatin li Qaawa' ut yehomaq resil toj chi najt, sa'atqeb' li na'ajej wankeb' chire li palaw: «Li xcha'cha'ink reheb' laj Israel, tixch'utub'eb' wi' chik ut taarileb' jo' naq laj k'aak'alenel ketomq narileb' li xkarneer».

Jeremías 31:10 ပူးပေါင်းရင်းမြစ်များ

Isaías 40:11

Li Ka̱cuaꞌ ta̱rileb li ralal xcꞌajol chi cha̱bil joꞌ nak li pastor narileb lix carner. Tixchꞌutubeb lix cocꞌ carner ut tixcꞌam saꞌ xbe̱n xtel. Ut saꞌ tu̱lanil tixberesiheb lix naꞌeb li cocꞌ carner.

Ezequiel 34:12

Joꞌ nak laj ilol xul naxnau ru lix carner li jeqꞌuinbileb ru, joꞌcan ajcuiꞌ nak tebinnau ru lin carner la̱in ut tebincol saꞌ eb li naꞌajej li cuanqueb cuiꞌ chak li queꞌjeqꞌui̱c cuiꞌ ruheb saꞌ li cutan li kꞌojyi̱n ru xban li raylal.

Isaías 66:19

La̱in tebinqꞌue retalil. Cuanqueb li tebincanab chi e̱lelic. Ut tebintakla saꞌ eb li xni̱nkal ru tenamit li incꞌaꞌ queꞌrabi resil lin lokꞌal ut lin cuanquil. Tintaklaheb saꞌ eb li tenamit Tarsis, Fut ut Lud cuanqueb cuiꞌ li nequeꞌxnau xchꞌeꞌbal li tzimaj. Ut tintaklaheb Tubal ut Javán ut saꞌ eb li najtil tenamit li cuanqueb chire li palau saꞌ eb li naꞌajej li ma̱ jun sut queꞌrabi resil lin cuanquil ut lin lokꞌal. Ut teꞌxchꞌolob xya̱lal inlokꞌal ut incuanquil chiruheb li jalan xtenamiteb.

Deuteronomio 30:4

Usta kꞌaxal najt quextakla li Ka̱cuaꞌ, abanan toj aran tixchꞌutub chak e̱ru li Ka̱cuaꞌ le̱ Dios ut texcꞌam cuiꞌchic saꞌ le̱ naꞌaj.

San Juan 11:52

Ut ma̱cuaꞌ caꞌaj cuiꞌ saꞌ xcꞌabaꞌeb aꞌan nak ta̱ca̱mk li Jesús. Re aj ban cuiꞌ nak junajakeb chic ru chixjunileb li ralal xcꞌajol li cuanqueb saꞌ chixjunil li ruchichꞌochꞌ.

San Juan 10:27

Eb li cualal incꞌajol nequeꞌrabi li cꞌaꞌru ninye. La̱in ninnauheb ru ut eb aꞌan nequeꞌxba̱nu li cꞌaꞌru ninye.

Sofonías 3:19

Saꞌ eb li cutan aꞌan la̱in tinqꞌueheb chixtojbaleb xma̱c li queꞌrahobtesin e̱re. Abanan la̱ex texincol ut texincꞌam cuiꞌchic saꞌ le̱ naꞌaj, la̱ex li quecꞌul raylal ut quex-isi̱c saꞌ le̱ tenamit. Ut ta̱qꞌuehekꞌ cuiꞌchic le̱ lokꞌal ut naꞌno̱k chic e̱ru yalak bar saꞌ ruchichꞌochꞌ.

San Lucas 12:32

Mexxucuac ex cualal incꞌajol. Usta incꞌaꞌ qꞌuihex, abanan le̱ yucuaꞌ cuan saꞌ choxa cꞌojcꞌo xchꞌo̱l chixqꞌuebal e̱re lix nimajcual cuanquilal.

Zacarías 9:16

Saꞌ eb li cutan aꞌan li Ka̱cuaꞌ Dios tixcoleb lix tenamit joꞌ nak narileb lix queto̱mk junak laj ilol xul. Nak cua̱nkeb cuiꞌchic saꞌ li naꞌajej li ta̱qꞌuehekꞌ reheb xban li Ka̱cuaꞌ, teꞌqꞌuehekꞌ xlokꞌal. Chanchanakeb chic li terto̱quil pec li naqꞌueheꞌ chiru junak corona.

Sofonías 2:11

Kꞌaxal ra tixba̱nu li Ka̱cuaꞌ reheb. Tixsach ruheb chixjunileb li yi̱banbil dios li cuanqueb saꞌ ruchichꞌochꞌ re nak aꞌan chic teꞌxlokꞌoni nak teꞌxcuikꞌib rib chiru saꞌ ruchichꞌochꞌ yalak bar cua̱nkeb.

Miqueas 5:4

Ut li Acuabej li ta̱yoꞌla̱k, aꞌan chic xakxo̱k xcuanquil saꞌ xbe̱n lix tenamit ut aꞌan ajcuiꞌ ta̱ilok reheb riqꞌuin lix nimajcual xcuanquilal li Dios. Aꞌan ta̱takla̱nk saꞌ xbe̱neb saꞌ xcꞌabaꞌ li nimajcual Dios. Ut li ralal xcꞌajol cauhakeb xchꞌo̱l riqꞌuin xban nak kꞌaxal nim xcuanquil saꞌ xbe̱n chixjunil li ruchichꞌochꞌ.

Miqueas 4:6

Quixye li Ka̱cuaꞌ chi joꞌcaꞌin: —Ta̱cuulak xkꞌehil nak la̱in tinchꞌutubeb li cualal incꞌajol li quebinqꞌue chixtojbal rix lix ma̱queb nak queꞌchapeꞌ ut queꞌcꞌameꞌ xbaneb li xicꞌ nequeꞌiloc reheb.

Miqueas 2:12

Chi ya̱l la̱in texinxoc cuiꞌchic la̱ex aj Israel ut tinchꞌutub cuiꞌchic e̱ru li joꞌ qꞌuialex chic li xexcoleꞌ. Chanchanakex li carner li cuanqueb aran Bosra nak texinqꞌue cuiꞌchic saꞌ li naꞌajej li quinqꞌue e̱re junxil. Ut texqꞌuia̱nk toj retal ta̱nujak cuiꞌchic li naꞌajej, chan li Ka̱cuaꞌ.

Ezequiel 37:24

Laj David laj cꞌanjel chicuu ta̱cua̱nk chokꞌ xreyeb. Jun ajcuiꞌ li ta̱ilok reheb. Ut teꞌcua̱nk saꞌ xya̱lal. Teꞌxba̱nu li cꞌaꞌru naxye saꞌ lin chakꞌrab.

Ezequiel 20:34

Riqꞌuin xnimal incuanquil ut riqꞌuin lin joskꞌil la̱in texcuisi saꞌ eb li tenamit li quexinjeqꞌui cuiꞌ ut tinchꞌutub cuiꞌchic e̱ru.

Ezequiel 11:16

Joꞌcan nak ta̱ye reheb laj Israel la̱ cuech tenamitil li queꞌcꞌameꞌ chi najt li cꞌaꞌru yo̱quin chixyebal. La̱in quintaklan reheb chi najt ut quinjeqꞌuiheb saꞌ xya̱nkeb li jalanil tenamit. Abanan la̱in tincua̱nk riqꞌuineb nak cua̱nkeb aran.

Ezequiel 5:10

Eb li yucuaꞌbej teꞌxtiu li ralal xcꞌajoleb. Ut eb li alal cꞌajolbej teꞌxtiu lix yucuaꞌeb. La̱in tinrakok a̱tin saꞌ e̱be̱n. Tinjeqꞌui ruheb saꞌ jalan tenamit li joꞌ qꞌuial teꞌcana̱k. Chanchan cutbileb saꞌ ikꞌ tinba̱nu reheb.

Ezequiel 5:2

Jun jachal la̱ cuismal ta̱cꞌat saꞌ xyi li tenamit nak ac xrakeꞌ li ple̱t. Ut li jun jachal chic ta̱seti chi chꞌi̱chꞌ chixjun sutam li tenamit. Ut li jun jachal chic ta̱cut saꞌ ikꞌ ut ta̱cꞌamekꞌ yalak bar. Ut la̱in tincua̱linaheb li tenamit riqꞌuin chꞌi̱chꞌ.

Jeremías 50:19

La̱in tinqꞌueheb cuiꞌchic laj Israel saꞌ lix naꞌajeb. Chanchanakeb li carner li nequeꞌichajib aran Carmelo ut Basán. Ut teꞌxtzaca ajcuiꞌ li ru li acui̱mk li na-el saꞌ lix naꞌajeb li ralal xcꞌajol laj Efraín ut Galaad toj retal ta̱cꞌojla̱k xchꞌo̱leb.

Jeremías 50:17

Eb laj Israel chanchaneb li queto̱mk li queꞌxjeqꞌui ribeb nak li cakcoj quichal chira̱linanquileb. Li xbe̱n li quichal chi sachoc reheb, aꞌan lix reyeb laj Asiria. Ut li xcab li quichal chi sachoc reheb, aꞌan laj Nabucodonosor lix reyeb laj Babilonia.

Jeremías 25:22

ut chixjunileb li rey li cuanqueb Tiro; ut chixjunileb li rey li cuanqueb Sidón; ut chixjunileb li rey li cuanqueb chire li palau.

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 54:7

Junpa̱t ajcuiꞌ xexincanab e̱junes. Anakcuan tincuuxta̱na e̱ru ut texincꞌam cuiꞌchic cuiqꞌuin.

Isaías 42:10

Bichahomak junak acꞌ bich re xlokꞌoninquil li Ka̱cuaꞌ. Che̱junilex la̱ex li cuanquex saꞌ ruchichꞌochꞌ bichankex re xqꞌuebal xlokꞌal. Che̱junilex la̱ex li nequexxic chiru li palau saꞌ le̱ jucub chelokꞌoni taxak li Ka̱cuaꞌ. Chixjunil li cuan saꞌ li palau cheꞌxlokꞌoni taxak. Chexbicha̱nk re xqꞌuebal xlokꞌal li Ka̱cuaꞌ la̱ex li cuanquex saꞌ najtil tenamit.

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Isaías 41:1

Li Dios naxye: —Ex tenamit li cuanquex chire li palau, cherabihak li oc cue chixyebal. Cauresihomak e̱rib ut xaklinkex chicuu. A̱tinankex re xcolbal e̱rib ut kacꞌu̱bak ru saꞌ comonil saꞌ li rakleb a̱tin.

Isaías 27:12

Saꞌ li cutan aꞌan li Ka̱cuaꞌ tixchꞌutubeb lix tenamit. Naticla chak cuan cuiꞌ li nimaꞌ Éufrates. Nacuulac toj saꞌ lix nuba̱leb laj Egipto. Li junju̱nk chi aj Israel teꞌchꞌutuba̱k joꞌ nak naxocman ru li trigo.

Isaías 24:14

Eb li incꞌaꞌ teꞌsachekꞌ teꞌbicha̱nk xban xsahil xchꞌo̱leb ut eb li cuanqueb chire li palau teꞌxye nak kꞌaxal nim xcuanquil li Ka̱cuaꞌ.

Salmos 72:10

Eb li jalan chic rey teꞌxqꞌue xma̱tan lix reyeb laj Israel. Teꞌxcꞌam chak xma̱taneb lix reyeb laj Tarsis ut li tenamit li cuanqueb chire li palau. Ut joꞌcan ajcuiꞌ teꞌxba̱nu eb lix reyeb laj Sabá ut eb laj Seba.

Deuteronomio 32:26

Ut xinye nak tinjeqꞌuiheb yalak bar. Ut incꞌaꞌ chic teꞌpatzꞌekꞌ xcꞌabaꞌeb.

Génesis 10:5

Eb li ralal xcꞌajol laj Jafet queꞌtam chire li palau. Jalan jala̱nk lix tenamiteb joꞌ eb ajcuiꞌ li ra̱tinoba̱l jalan jala̱nk saꞌ li junju̱nk chi tenamit.

Levítico 26:33

La̱in tinjeqꞌui e̱ru saꞌ xya̱nkeb li xni̱nkal ru tenamit. Ut tebinqꞌue li xicꞌ nequeꞌiloc e̱re che̱ra̱linanquil riqꞌuin chꞌi̱chꞌ. Tinsach ru le̱ naꞌaj ut juqꞌuinbilakeb chic le̱ tenamit.

Salmos 23:1

Li Ka̱cuaꞌ Dios, aꞌan li nacꞌacꞌalen cue; ma̱cꞌaꞌ ta̱paltok cue.

Proverbios 27:23

Chanauhak rilbaleb la̱ carner. Ut chaqꞌuehak a̱chꞌo̱l chirilbaleb la̱ queto̱mk,

Isaías 40:1

Li Ka̱cuaꞌ le̱ Dios quixye: —Checꞌojobakeb xchꞌo̱l lin tenamit. Ut cheqꞌuehak xcacuileb xchꞌo̱l.

Isaías 48:20

Elenkex saꞌ li naꞌajej Babilonia. Chex-e̱lelik chiruheb laj Caldea. Japomak e̱re xban xsahil e̱chꞌo̱l. Yehomak resil reheb chixjunileb li cuanqueb saꞌ ruchichꞌochꞌ nak sukꞌi̱c e̱re saꞌ le̱ naꞌaj. Yehomak resil chi joꞌcaꞌin, “Aꞌ li Ka̱cuaꞌ xcoloc ke la̱o li ralal xcꞌajol laj Jacob, aj cꞌanjel chiru li Ka̱cuaꞌ,” chaꞌakex.—

Jeremías 3:15

La̱in tinxakabeb li ani teꞌilok e̱re. Eb aꞌan cua̱nkeb xnaꞌleb chi cꞌamoc be che̱ru joꞌ li nacuaj la̱in, chan li Dios.

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Daniel 11:18

Mokon chic li rey li cuan saꞌ li norte tixyal xkꞌe chi numta̱c saꞌ xbe̱neb li tenamit cuanqueb chire li nimla palau ut ta̱re̱chani nabal. Abanan jun cui̱nk nim xcuanquil tixcuy pletic riqꞌuin ut tixcut xxuta̱n li rey li cuan saꞌ li norte nak ta̱numta̱k saꞌ xbe̱neb.

Zacarías 2:6

Li Ka̱cuaꞌ quixye reheb lix tenamit: —Abihomak la̱ex aj Israel. La̱in xinjeqꞌuin e̱ru saꞌ chixjunil li ruchichꞌochꞌ. Anakcuan tex-e̱lk saꞌ li naꞌajej li cuan saꞌ li norte.

Salmos 147:2

Li Ka̱cuaꞌ yo̱ chixyi̱banquil cuiꞌchic lix tenamit Jerusalén, ut tixcꞌameb cuiꞌchic aran laj Israel, li cuanqueb yalak bar saꞌ jalan tenamit.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.