Jeremías 30:21 - Li Santil hu

²¹ Saꞌ xya̱nkeb ajcuiꞌ aꞌan ta̱e̱lk chak li ta̱cꞌamok be chiruheb. Li ani ta̱takla̱nk saꞌ xbe̱neb la̱in tinsicꞌ ru saꞌ xya̱nkeb. Aꞌan ta̱a̱tinak cuiqꞌuin ut la̱in tincuabi. ¿Ma cuan ta biꞌ junak ta̱ru̱k ta̱a̱tinak cuiqꞌuin cui la̱in incꞌaꞌ tinbok?

Q'eqchi Bible

^21-22 Sa' xyanqeb' a'an taawakliiq li taajolominq reheb'; rik'ineb' a'an taa'elq li taa'awab'ejinq reheb'. Tinb'oq chink'atq ut a'an taachalq wik'in, xb'aan naq ani tixkawu xch'ool chi jilok chink'atq? Laa'exaq lintenamit ut laa'inaq leeYos”, chan li Qaawa'.

Jeremías 30:21 ပူးပေါင်းရင်းမြစ်များ

Números 16:5

Ut quixye reheb laj Coré ut eb li nequeꞌoquen chirix: —Chiru li ekꞌela cuulaj li Ka̱cuaꞌ tixcꞌut chiku ani li sicꞌbil ru ut ani li santobresinbil ut tixqꞌue li jun aꞌan chi nachꞌoc riqꞌuin. Li ani tixsicꞌ ru li Ka̱cuaꞌ tixqꞌue chi nachꞌoc riqꞌuin.

Ezequiel 37:24

Laj David laj cꞌanjel chicuu ta̱cua̱nk chokꞌ xreyeb. Jun ajcuiꞌ li ta̱ilok reheb. Ut teꞌcua̱nk saꞌ xya̱lal. Teꞌxba̱nu li cꞌaꞌru naxye saꞌ lin chakꞌrab.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

1 Juan 2:2

Li Jesucristo quicam re xtojbal rix li kama̱c. Moco caꞌaj ta cuiꞌ xban li kama̱c la̱o. Quicam aj ban cuiꞌ re xtojbal rix xma̱queb chixjunileb li cuanqueb saꞌ ruchichꞌochꞌ.

Jeremías 30:9

Teꞌcꞌanjelak ban chic chicuu la̱in lix Dioseb ut chiru li ralal laj David li tinxakab chokꞌ xreyeb.

2 Samuel 7:13

Aꞌan li ta̱yi̱ba̱nk re li templo li tineꞌxlokꞌoni cuiꞌ li tenamit. Ut la̱in tinxakaba̱nk re saꞌ xnaꞌaj lix cuanquil chi junelic.

Deuteronomio 33:5

Li Ka̱cuaꞌ, aꞌan li rey aran Jesurún nak queꞌxchꞌutub ribeb li nequeꞌcꞌamoc be rochbeneb lix te̱paleb laj Israel.—

Deuteronomio 18:18

La̱in tinqꞌue junak profeta saꞌ e̱ya̱nk joꞌ la̱at. E̱comon ajcuiꞌ la̱ex. La̱in tinqꞌue li cua̱tin re ut aꞌan tixye reheb li tenamit chixjunil li cꞌaꞌru tinye la̱in.

Génesis 49:10

La̱at, Judá, ma̱ ani ta̱ru̱k ta̱isi̱nk re saꞌ la̱ cuukꞌ li xukꞌ li retalil la̱ cuanquil joꞌ ajcuiꞌ saꞌ rukꞌeb la̱ cualal a̱cꞌajol. Ma̱ ani ta̱isi̱nk re le̱ cuanquilal toj tol-e̱lk laj e̱chal re li xukꞌ, li jun li yechiꞌinbil chak xban li Dios. Ut aꞌan chic ta̱pa̱ba̱k xbaneb chixjunileb li cuanqueb saꞌ ruchichꞌochꞌ.

Apocalipsis 19:16

Tzꞌi̱banbil xcꞌabaꞌ chiru li rakꞌ ut chiru li raꞌ. Aꞌan aꞌin lix cꞌabaꞌ: Li Rey li kꞌaxal nim xcuanquil saꞌ xbe̱neb chixjunileb li rey. Li Ka̱cuaꞌ, li kꞌaxal nim xcuanquil saꞌ xbe̱neb chixjunileb li nequeꞌtaklan.

San Mateo 27:37

Saꞌ xbe̱n li cruz queꞌxqꞌue jun retalil cꞌaꞌut nak queꞌxcamsi ut naxye: Aꞌan aꞌin li Jesús, lix Reyeb laj judío.

San Mateo 3:17

Ut qui-abi̱c xya̱b xcux li Dios toj saꞌ choxa nak quixye: —Aꞌan aꞌin li cualal raro inban. Nasahoꞌ inchꞌo̱l riqꞌuin, chan.

San Mateo 2:2

Queꞌpatzꞌoc ut queꞌxye: —¿Bar cuan lix reyeb laj judío xyoꞌla? Xochal xban nak xkil chak toj saꞌ releb sakꞌe li chahim retalil lix yoꞌlajic ut xochal chixlokꞌoninquil, chanqueb.

Jeremías 50:44

La̱in tincuisiheb laj Babilonia saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Jeremías 49:19

La̱in tincuisiheb laj Edom saꞌ lix naꞌajeb chi junpa̱t. Chanchanakin jun li cakcoj li na-el saꞌ li qꞌuicheꞌ chire li nimaꞌ Jordán chixsicꞌbal xtzacae̱mk. La̱in tinsicꞌ ru junak ut aꞌan tinqꞌue chi cꞌanjelac saꞌ li naꞌajej aꞌan. ¿Ma ma̱cuaꞌ ta biꞌ la̱in ya̱l cue? ¿Ma cuan ta biꞌ junak ta̱numta̱k chicuu la̱in? ¿Ma cuan ta biꞌ junak ta̱ru̱k tixxakab rib chicuu? chan li Dios.

Génesis 18:27

Ut laj Abraham quixye cuiꞌchic re li Ka̱cuaꞌ: —Chacuy inma̱c nak tina̱tinak cuiꞌchic a̱cuiqꞌuin chi joꞌcaꞌin. La̱at li Ka̱cuaꞌ Dios ut la̱in yal cui̱nkin.

Hebreos 1:3

Li Ralal li Dios, aꞌan nacutanobresin re lix lokꞌal li Acuabej Dios. Ut aꞌan ajcuiꞌ nacꞌutuc chiku chanru lix naꞌleb. Li Ralal li Dios, aꞌan nacu̱tun re li ruchichꞌochꞌ riqꞌuin lix cuanquilal li ra̱tin xban nak aꞌan yal re saꞌ xbe̱n li ruchichꞌochꞌ. Ut nak ac xmayeja rib re risinquil li kama̱c, li Ralal li Dios co̱ saꞌ choxa ut quicꞌojla saꞌ xnim ukꞌ li Dios Acuabej, li kꞌaxal nim xcuanquil.

Romanos 8:34

¿Ani ta̱ru̱k ta̱qꞌuehok reheb laj pa̱banel saꞌ tojba ma̱c? Ma̱ ani xban nak li Jesucristo quicam saꞌ kacꞌabaꞌ ut li Dios quixcuaclesi cuiꞌchic chi yoꞌyo saꞌ xya̱nkeb li camenak. Anakcuan aꞌan cuan saꞌ xnim ukꞌ li Dios ut yo̱ chi a̱tinac chikix chiru li Dios.

San Lucas 24:26

¿Ma incꞌaꞌ ta biꞌ tento nak tixcꞌul chixjunil li raylal aꞌin li Cristo laj Colonel li yechiꞌinbil xban li Dios re nak ta̱qꞌuehekꞌ xlokꞌal? chan reheb.

Jeremías 33:15

Saꞌ eb li cutan aꞌan, la̱in tinxakab jun li Rey. Li Rey aꞌan ta̱yoꞌla̱k saꞌ xya̱nkeb li ralal xcꞌajol laj David. Aꞌan ta̱cꞌamok xbe li tenamit saꞌ ti̱quilal ut cua̱nk xcuanquil.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.

Salmos 89:29

Junes eb li ralal xcꞌajol teꞌoc chokꞌ rey chokꞌ ru̱chil aꞌan junelic kꞌe cutan.

Nehemías 7:2

Quinxakab li cui̱tzꞌin laj Hanani ut laj Hananías re nak eb aꞌan teꞌilok re li tenamit Jerusalén. Laj Hananías aꞌan li nataklan saꞌ xbe̱neb li soldados. Quinxakab aꞌan xban nak aꞌan kꞌaxal ti̱c xchꞌo̱l chiruheb li jun chꞌol chic ut naxxucua ru li Dios.

Esdras 2:2

Ut li nequeꞌcꞌamoc be saꞌ xya̱nkeb, aꞌaneb laj Zorobabel, laj Jesúa, laj Nehemías, laj Seraías, laj Reelaías, laj Mardoqueo, laj Bilsán, laj Mispar, laj Bigvai, laj Rehum, ut laj Baana. Aꞌaneb aꞌin lix qꞌuialeb li cui̱nk aj Israel.

Génesis 18:32

Toj quixtzꞌa̱ma cuiꞌchic xcuybal laj Abraham ut quixye re li Ka̱cuaꞌ: —Ba̱nu usilal, at Ka̱cuaꞌ, matjoskꞌoꞌ cuiqꞌuin. Caꞌaj chic anakcuan tinpatzꞌok a̱cue ut incꞌaꞌ chic tatinchꞌiꞌchꞌiꞌi. ¿Cꞌaꞌru ta̱ba̱nu cui laje̱b (10) ajcuiꞌ li ti̱queb xchꞌo̱l li cuanqueb saꞌ li tenamit? chan. Ut li Ka̱cuaꞌ quixye re laj Abraham: —Saꞌ xcꞌabaꞌeb li laje̱b li ti̱queb xchꞌo̱l, incꞌaꞌ tinsach ru li tenamit, chan li Ka̱cuaꞌ.

Génesis 18:30

Laj Abraham quixye cuiꞌchic re li Ka̱cuaꞌ: —Chacuy inma̱c. Us cui incꞌaꞌ tatjoskꞌokꞌ cuiqꞌuin xban nak tinpatzꞌok cuiꞌchic a̱cue. Ma̱re caꞌaj cuiꞌ laje̱b xcaꞌcꞌa̱l (30) cuanqueb. ¿Ma ta̱sacheb ru li tenamit? chan. Ut li Ka̱cuaꞌ quixye re, —Saꞌ xcꞌabaꞌeb li laje̱b xcaꞌcꞌa̱l (30) li ti̱queb xchꞌo̱l, la̱in tincuy xma̱queb li tenamit, chan.

Números 16:40

Quixba̱nu laj Eleazar joꞌ quixye li Ka̱cuaꞌ re laj Moisés. Aꞌan jun retalil chiruheb laj Israel nak juneseb li ralal xcꞌajol laj Aarón naru nequeꞌxcꞌat li pom chiru li Ka̱cuaꞌ. Jalan incꞌaꞌ naru ma̱re anchal tixcꞌul joꞌ queꞌxcꞌul laj Coré ut eb li queꞌoquen chirix.

Éxodo 3:5

Li Ka̱cuaꞌ Dios quixye: —Matjiloc chak arin. Ta̱cuisi la̱ xa̱b cha̱cuok xban nak li naꞌajej cuancat cuiꞌ aꞌan santil naꞌajej.—

Deuteronomio 17:15

Naru te̱xakab le̱ rey, abanan li rey li te̱xakab, tento nak li Ka̱cuaꞌ le̱ Dios ta̱sicꞌok ru saꞌ e̱ya̱nk. Incꞌaꞌ naru te̱xakab junak chi takla̱nc saꞌ e̱be̱n cui ma̱cuaꞌ e̱rech tenamitil.

Salmos 65:4

Us xak reheb li sicꞌbileb ru a̱ban chokꞌ a̱cualal a̱cꞌajol re teꞌcua̱nk a̱cuiqꞌuin saꞌ la̱ santil ochoch. Ut chisahokꞌ taxak li kachꞌo̱l riqꞌuin li kosobtesinquil li ta̱qꞌue ke nak cua̱nko saꞌ la̱ santil ochoch.

Oseas 1:11

Saꞌ eb li cutan aꞌan teꞌxjunaji ribeb li ralal xcꞌajol laj Judá riqꞌuineb li ralal xcꞌajol laj Israel. Teꞌjunajokꞌ ru ut teꞌxsicꞌ ru junak re ta̱takla̱nk saꞌ xbe̱neb. Ta̱cua̱nk cuiꞌchic xcuanquil. Saꞌ li ru takꞌa Jezreel, li quisacheꞌ cuiꞌ xcuanquileb laj Israel, aran ajcuiꞌ ta̱qꞌuehekꞌ cuiꞌchic xcuanquileb.