Jeremías 30:20 - Li Santil hu

²⁰ Eb li ralal xcꞌajol teꞌcua̱nk joꞌ nak queꞌcuan najter. Ut tinxakab saꞌ xnaꞌaj lix tenamiteb. Chixjunileb li teꞌrahobtesi̱nk reheb tinqꞌueheb chixtojbal xma̱c.

Q'eqchi Bible

²⁰ Eb' li ralal xk'ajol laj Israel te'wanq jo' chaq junxil, xaqxooq chi kaw li xkomonileb' chi paab'ank; ut laa'in tinrahob'tesiheb' li te'rahob'tesinq reheb'.

Jeremías 30:20 ပူးပေါင်းရင်းမြစ်များ

Jeremías 32:39

La̱in tinqꞌue saꞌ xchꞌo̱leb nak caꞌaj cuiꞌ la̱in tineꞌxlokꞌoni chi junaj xchꞌo̱leb. Ut junelic teꞌxxucua cuu re nak us teꞌe̱lk joꞌ eb ajcuiꞌ li ralal xcꞌajol li teꞌcua̱nk mokon.

Jeremías 2:3

La̱ex aj Israel santil tenamit nak quexcuan chicuu. Chanchanex li xbe̱n ru li acui̱mk li kꞌaxal cha̱bil nak cuanquex chicuu. Chixjunileb li nequeꞌxba̱nu raylal e̱re la̱in quinqꞌue raylal saꞌ xbe̱neb xban nak cuanqueb xma̱c, chan li Ka̱cuaꞌ.

Isaías 51:22

Aꞌan aꞌin li naxye li Ka̱cuaꞌ le̱ Dios, li Ka̱cuaꞌ li nacoloc reheb lix tenamit: —La̱in xexcuisi saꞌ li raylal li cuanquex cuiꞌ. Xnumeꞌ lin joskꞌil. Incꞌaꞌ chic te̱cꞌul li raylal.

Isaías 49:26

La̱in tinqꞌueheb chixcamsinquil ribeb chi ribileb rib li queꞌrahobtesin a̱cue. Chanchan nak teꞌcala̱k xban li camsi̱nc xeꞌxba̱nu. Ut chixjunileb li tenamit teꞌxnau nak la̱in li Ka̱cuaꞌ, li nacoloc a̱cue. Teꞌxnau nak la̱in lix Dios laj Jacob ut cau cuib.—

Salmos 102:28

Joꞌcan ajcuiꞌ li kalal kacꞌajol la̱o laj cꞌanjel cha̱cuu. Teꞌcua̱nk junelic xban nak la̱at tat-ilok reheb. La̱at tatcolok reheb ut tatcua̱nk riqꞌuineb, chanquin re li Dios.

Salmos 102:18

Ta̱tzꞌi̱bama̱nk retalil chi junelic kꞌe cutan nak li Dios quixsume lix tijeb laj Israel re nak teꞌxnau ajcuiꞌ li ralal xcꞌajol li toj teꞌyoꞌla̱k mokon ut teꞌxqꞌue xlokꞌal li Ka̱cuaꞌ.

Jeremías 30:16

Abanan ta̱cuulak xkꞌehil nak kꞌaxal ra teꞌxcꞌul eb li nequeꞌxba̱nu raylal e̱re. Teꞌchapekꞌ ut teꞌcꞌamekꞌ chi pre̱xil eb li xicꞌ nequeꞌiloc e̱re. Ta̱makꞌekꞌ chiruheb li cꞌaꞌru reheb li nequeꞌmakꞌoc li cꞌaꞌru e̱re la̱ex. Ut ta̱elkꞌa̱k ajcuiꞌ chiruheb li cꞌaꞌru reheb aꞌan li xeꞌelkꞌan re li cꞌaꞌru e̱re la̱ex.

Isaías 54:14

Xban nak ti̱c e̱chꞌo̱l xakxo̱k e̱cuanquil saꞌ xnaꞌaj. Incꞌaꞌ texrahobtesi̱k chi moco texxucuak xbaneb li xicꞌ nequeꞌiloc e̱re.

Zacarías 8:5

Nabalakeb li cocꞌal teꞌbatzꞌu̱nk saꞌ eb li be.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.

Lamentaciones 5:21

At Ka̱cuaꞌ, choa̱cꞌul cuiꞌchic a̱cuiqꞌuin ut la̱o chosukꞌi̱k ta cuiꞌchic a̱cuiqꞌuin. Ut ta̱qꞌue taxak kalokꞌal joꞌ nak cocuan chak junxil.

Zacarías 10:6

La̱in tinqꞌue xcacuil xchꞌo̱leb li ralal xcꞌajol laj Judá. Ut tincoleb ajcuiꞌ li ralal xcꞌajol laj José. Tebinqꞌue cuiꞌchic chi sukꞌi̱c saꞌ lix naꞌajeb. La̱in tincuuxta̱na ruheb. Chanchan nak ma̱ jun sut xintzꞌekta̱naheb xban nak la̱in li Ka̱cuaꞌ lix Dioseb. Ut tincuabi li cꞌaꞌru teꞌxtzꞌa̱ma chicuu.