Jeremías 30:19 - Li Santil hu

¹⁹ Ut eb li tenamit teꞌbicha̱nk re bantioxi̱nc ut teꞌbicha̱nk xban xsahileb xchꞌo̱l. Tebinqꞌue cuiꞌchic chi qꞌuia̱nc toj retal teꞌnabalokꞌ. Tinqꞌue cuiꞌchic xlokꞌaleb ut incꞌaꞌ chic teꞌtzꞌekta̱na̱k.

Q'eqchi Bible

¹⁹ Ut aran taa'ab'iiq li b'ichank re b'anyoxink ut li japok e xb'aan li sahil ch'oolejil. Teb'ink'e wi' chik chi k'ihank toj reetal te'naab'alo'q; maajoq'e chik te'tz'eqtaanaaq, xb'aan naq tink'e wi' chik xloq'aleb'.

Jeremías 30:19 ပူးပေါင်းရင်းမြစ်များ

Jeremías 33:22

La̱in tinqꞌue chi qꞌuia̱nc li ralal xcꞌajol laj David ut tinqꞌueheb chi qꞌuia̱nc li ralal xcꞌajol laj Leví. Chanchanakeb xqꞌuial li chahim ut chanchanakeb xqꞌuial li samaib li cuan chire li palau. Incꞌaꞌ ta̱ru̱k rajlanquileb, chan li Dios.

Isaías 51:11

Eb li colbileb a̱ban teꞌsukꞌi̱k cuiꞌchic Sión chi sa saꞌ xchꞌo̱leb. Yo̱keb chi bicha̱nc ut yo̱keb chixjapbal reheb xban xsahileb xchꞌo̱l. Sahak saꞌ xchꞌo̱leb chi junelic. Incꞌaꞌ chic ta̱rahokꞌ saꞌ xchꞌo̱leb. Chi moco teꞌya̱bak chic.

Isaías 60:22

Usta incꞌaꞌ qꞌuihex, abanan texnabalokꞌ toj retal texcuulak jun nimla tenamit ut ta̱cua̱nk e̱cuanquil. La̱in li Ka̱cuaꞌ. La̱in tinba̱nu chixjunil aꞌin saꞌ junpa̱t nak ta̱cuulak xkꞌehil, chan li Dios.

Isaías 35:10

Eb li colbileb xban li Ka̱cuaꞌ sahak saꞌ xchꞌo̱leb nak teꞌsukꞌi̱k Sión. Junelic sahak saꞌ xchꞌo̱leb ut yo̱keb chi bicha̱nc. Incꞌaꞌ chic teꞌrahokꞌ saꞌ xchꞌo̱leb chi moco teꞌya̱bak chic xban raylal.

Ezequiel 36:37

Ut tincuabi li cꞌaꞌru teꞌxtzꞌa̱ma chicuu eb li ralal xcꞌajol laj Israel. Tinqꞌueheb cuiꞌchic chi qꞌuia̱nc joꞌ xqꞌuial li queto̱mk.

Zacarías 10:8

La̱in tebinbok cuiqꞌuin ut tinchꞌutub ruheb xban nak ac xebincol. Ut kꞌaxal cuiꞌchic nabalakeb joꞌ nak queꞌcuan chak junxil.

Jeremías 31:4

La̱in tinyi̱b cuiꞌchic le̱ tenamit, la̱ex aj Israel. Ut texinqꞌue cuiꞌchic chi cua̱nc saꞌ le̱ tenamit. Te̱chap cuiꞌchic le̱ cuajb ut texxic chi xajoc xban xsahil e̱chꞌo̱l.

Zacarías 12:8

Saꞌ eb li cutan aꞌan li Ka̱cuaꞌ tixcoleb li cuanqueb Jerusalén. Eb li ma̱cꞌaꞌeb xcuanquil saꞌ xya̱nkeb, cauhakeb chic ribeb joꞌ laj David. Eb li ralal xcꞌajol laj David chanchanakeb li Dios ut chanchanakeb lix ángel li Ka̱cuaꞌ li nacꞌamoc be chiruheb.

Zacarías 8:19

—Li ayu̱n li nequeba̱nu rajlal chihab saꞌ xca̱ li po, saꞌ roꞌ li po, saꞌ xcuuk li po ut saꞌ xlaje li po ta̱sukꞌisi̱k chokꞌ ninkꞌe re sahil chꞌo̱lejil chokꞌ e̱re la̱ex li ralal xcꞌajol laj Judá. Joꞌcan nak qꞌuehomak e̱chꞌo̱l chi cua̱nc saꞌ xya̱lal ut saꞌ tuktu̱quil usilal, chan li Ka̱cuaꞌ.

Ezequiel 37:26

La̱in tinba̱nu jun li contrato riqꞌuineb chi junelic re nak teꞌcua̱nk saꞌ tuktu̱quil usilal. Tinxakabeb saꞌ xnaꞌajeb ut tebinqꞌue chi qꞌuia̱nc. Ut tinqꞌue lin templo chi cua̱nc saꞌ lix naꞌajeb chi junelic.

Isaías 12:1

Saꞌ eb li cutan aꞌan eb laj Israel teꞌxye: —Tinbicha a̱lokꞌal, at Ka̱cuaꞌ, xban nak usta xatjoskꞌoꞌ kiqꞌuin, abanan xnumeꞌ la̱ joskꞌil ut xacꞌojob li kachꞌo̱l.

Nehemías 8:12

Ut chixjunileb li tenamit queꞌxninkꞌei ru li cutan. Queꞌco̱eb chi cuaꞌac ut chi ucꞌac ut queꞌxqꞌue ajcuiꞌ xcuaheb li ma̱cꞌaꞌ cuan reheb. Ut cꞌajoꞌ nak queꞌsahoꞌ saꞌ xchꞌo̱leb xban nak queꞌxtau ru li a̱tin li quiyeheꞌ saꞌ xxiqueb.

Esdras 6:22

Cuukub cutan queꞌninkꞌei̱c chi sa saꞌ xchꞌo̱leb ut queꞌxcuaꞌ li caxlan cua li ma̱cꞌaꞌ xchꞌamal, joꞌ nequeꞌxcuaꞌ saꞌ li ninkꞌe aꞌan. Cꞌajoꞌ xsahil xchꞌo̱leb xban nak li Ka̱cuaꞌ quixjal xcꞌaꞌux lix reyeb laj Persia ut aꞌan quixtenkꞌaheb chixyi̱banquil lix templo li Ka̱cuaꞌ, lix Dioseb laj Israel.

1 Pedro 1:7

Tento nak ta̱yalekꞌ rix le̱ pa̱ba̱l re nak ta̱cꞌutu̱nk ma tzꞌakal re ru. Li pa̱ba̱l kꞌaxal cuiꞌchic lokꞌ chiru li oro li na-osoꞌ. Li oro nanumsi̱c saꞌ xam re rilbal ma cha̱bil. Joꞌcan ajcuiꞌ nak tento xyalbal rix le̱ pa̱ba̱l ma tzꞌakal re ru. Cui tzꞌakal re ru le̱ pa̱ba̱l, tex-oxlokꞌi̱k ut ta̱nima̱k e̱ru ut ta̱qꞌuehekꞌ e̱lokꞌal nak tixcꞌutbesi cuiꞌchic rib li Jesucristo.

Isaías 60:19

Incꞌaꞌ chic tento nak li sakꞌe ta̱cutanobresi̱nk e̱re chi cutan chi moco li po chi kꞌek xban nak la̱in li Ka̱cuaꞌ tincutanobresi̱nk e̱re junelic ut la̱in li Dios tinqꞌue e̱lokꞌal.

Isaías 52:9

Jap a̱cue xban xsahil a̱chꞌo̱l ut bichan re xlokꞌoninquil li Ka̱cuaꞌ, la̱at tenamit Jerusalén, li juqꞌuinbil a̱cuu. Sahak saꞌ a̱chꞌo̱l xban nak li Ka̱cuaꞌ tixcoleb lix tenamit ut tixcꞌojob xchꞌo̱leb. Tixcoleb lix tenamit Jerusalén.

Zacarías 2:4

Ut quixye re: —Ayu saꞌ junpa̱t chixtaubal li cui̱nk li xic re chi bisoc ut ta̱ye re nak teꞌta̱mk cuiꞌchic li cristian saꞌ li tenamit Jerusalén. Xban xqꞌuial li tenamit ut xban xqꞌuialeb lix queto̱mk incꞌaꞌ chic ta̱cua̱nk li tzꞌac li sutsu cuiꞌ li tenamit.

Jeremías 31:27

—Abihomak li tinye e̱re, chan li Ka̱cuaꞌ. Ta̱cuulak xkꞌehil nak la̱in tebinqꞌue cuiꞌchic chi ta̱mc li cristian joꞌ ajcuiꞌ li queto̱mk saꞌ li naꞌajej Israel ut saꞌ li naꞌajej Judá.

Isaías 51:3

Li Ka̱cuaꞌ tixcꞌojob xchꞌo̱leb li tenamit Sión ut ta̱ril xtokꞌoba̱l ruheb xban nak poꞌbil chixjunil li tenamit. Tixsukꞌisi li chaki chꞌochꞌ chokꞌ cha̱bil naꞌajej chanchan li Edén. Li chꞌochꞌ li ma̱cꞌaꞌ na-oc cuiꞌ tixsukꞌisi chokꞌ xnaꞌaj li acui̱mk. Saꞌ li naꞌajej aꞌan ta̱cua̱nk li sahil chꞌo̱lejil ut li bicha̱nc ut li bantioxi̱nc.

Isaías 27:6

Saꞌ eb li cutan teꞌcha̱lk eb laj Israel li ralal xcꞌajol laj Jacob teꞌnabalokꞌ saꞌ ruchichꞌochꞌ ut teꞌcua̱nk yalak bar. Us teꞌe̱lk riqꞌuin li cꞌaꞌru teꞌxba̱nu. Chanchanakeb li cheꞌ li naxchap xxeꞌ chi us ut nabal li ru naxqꞌue.

Salmos 53:6

Riqꞌuin ta li Dios li cuan Sión chicha̱lk lix colbaleb laj Israel. Li Ka̱cuaꞌ Dios taxak chicolok reheb li ralal xcꞌajol saꞌ rukꞌeb li nequeꞌnumta saꞌ xbe̱neb. Cheꞌsahokꞌ taxak xchꞌo̱leb laj Israel, li ralal xcꞌajol laj Jacob nak li Dios tixcꞌameb cuiꞌchic saꞌ xtenamiteb.

Nehemías 8:17

Chixjunileb li queꞌsukꞌi cuiꞌchic Jerusalén queꞌxyi̱b lix cocꞌ muheba̱leb ut aran queꞌcuan chi saꞌ nak yo̱queb chi ninkꞌei̱c. Chalen saꞌ eb li cutan nak quicuan laj Josué li ralal laj Nun, ma̱ jun sut queꞌxba̱nu chi joꞌcan. Ut cꞌajoꞌ nak queꞌsahoꞌ saꞌ xchꞌo̱leb laj Israel.

San Juan 17:22

La̱in xinqꞌueheb lix lokꞌal joꞌ nak xaqꞌue inlokꞌal la̱in re nak junajak ruheb joꞌ nak junaj ku la̱o.

Isaías 60:9

Eb li ni̱nki jucub yo̱queb chi cha̱lc chiru li palau. Li jucub re Tarsis, aꞌan eb li yo̱queb chak chi cꞌamoc be. Yo̱queb chixcꞌambaleb chak chi najt le̱ ralal e̱cꞌajol. Yo̱queb chixcꞌambal chak li oro ut li plata re xqꞌuebal xlokꞌal li Ka̱cuaꞌ le̱ Dios Santo la̱ex aj Israel, li naqꞌuehoc le̱ lokꞌal.

Isaías 55:5

Chaqꞌuehak retal. Ta̱bokeb li tenamit li incꞌaꞌ xanauheb chak ru. Ut eb li tenamit, li incꞌaꞌ xeꞌxnau a̱cuu teꞌxic a̱cuiqꞌuin saꞌ a̱nil saꞌ incꞌabaꞌ la̱in, li Dios Santo, lix Dioseb laj Israel li ninqꞌuehoc a̱lokꞌal.—

Jeremías 17:26

Eb li cristian telajeꞌcha̱lk saꞌ eb li tenamit li cuanqueb Judá ut saꞌ eb li cocꞌ cꞌaleba̱l li cuanqueb chi xjun sutam Jerusalén. Telajeꞌcha̱lk saꞌ lix naꞌajeb li ralal xcꞌajol laj Benjamín ut aran Sefela li tzu̱l ru. Ut telajeꞌcha̱lk saꞌ li naꞌajej Neguev. Teꞌxcꞌam chak lix mayej saꞌ lin templo ut teꞌxcꞌat lix xuleb. Ut teꞌxmayeja chicuu li ru li racui̱mkeb, ut teꞌxcꞌat li incienso, ut teꞌmayejak re bantioxi̱nc saꞌ lin templo.

Ezequiel 37:10

Ut quinba̱nu joꞌ quixye cue li Ka̱cuaꞌ. Ut li musikꞌej qui-oc riqꞌuineb li camenak ut queꞌcuacli cuiꞌchic chi yoꞌyo. Xban nak kꞌaxal nabaleb, chanchan jun tu̱b chi soldado nak queꞌxakli.

Isaías 26:15

At Ka̱cuaꞌ, la̱at xatqꞌuehoc re chi nima̱nc li katenamit ut a̱cꞌulub nak ta̱qꞌuehekꞌ a̱lokꞌal. Ut xanimobresi lix nuba̱l li kanaꞌaj.

Jeremías 3:16

Saꞌ eb li cutan aꞌan nak acak xextam ut nak acak xeꞌtam le̱ ralal e̱cꞌajol incꞌaꞌ chic tex-a̱tinak chirix lin Lokꞌlaj Ca̱x, chi moco te̱cꞌoxla, chi moco ta̱cꞌanjelak che̱ru, chi moco te̱yi̱b jalan chic.