Jeremías 30:17 - Li Santil hu

¹⁷ La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.

Q'eqchi Bible

¹⁷ Relik chi yaal naq tatink'irtasi wi' chik ut tinb'an laatiq'ilal, us ta xak'ab'a'in: «Tz'eqtaananb'il» jo' ajwi': «Maajun nak'oxlank re li tenamit Sión». Laa'in, li Qaawa', ninyehok re a'in”.

Jeremías 30:17 ပူးပေါင်းရင်းမြစ်များ

Salmos 107:20

Yal riqꞌuin ra̱tin, li Dios quixqꞌuirtesiheb ut quixcoleb chiru li ca̱mc.

Jeremías 33:6

Abanan la̱in tinqꞌuirtesiheb lin tenamit Jerusalén ut tinqꞌue xcacuilal xchꞌo̱leb. Ut tebinqꞌue cuiꞌchic chi cua̱nc saꞌ tuktu̱quil usilal. Ut ma̱cꞌaꞌ chic ta̱chꞌiꞌchꞌiꞌi̱nk reheb.

1 Pedro 2:24

Relic chi ya̱l nak li Cristo, aꞌan li quixcꞌul li raylal nak quicam chiru li cruz re xtojbal rix li kama̱c la̱o. Aꞌan aj e nak quicam re nak incꞌaꞌ chic texma̱cobk. Texcua̱nk ban saꞌ ti̱quilal. Li Cristo quixcꞌul li yoqꞌuecꞌ saꞌ kacꞌabaꞌ la̱o aj ma̱c. Ut riqꞌuin li raylal li quixcꞌul xexqꞌuirtesi̱c.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

Éxodo 15:26

Quixye reheb: —Junelic te̱rabi li cua̱tin. Te̱ba̱nu li ti̱quilal chicuu. La̱ex te̱pa̱b lin chakꞌrab. Cui te̱ba̱nu chixjunil li texintakla cuiꞌ, incꞌaꞌ tinqꞌue li yajel saꞌ e̱be̱n, li quinqꞌue saꞌ xbe̱neb laj Egipto. La̱in li Ka̱cuaꞌ Dios. La̱in li ninqꞌuirtesin e̱re, chan li Dios.

Salmos 23:3

Li Ka̱cuaꞌ Dios, aꞌan tixcꞌojob inchꞌo̱l. Tinixberesi saꞌ li be re ti̱quil chꞌo̱lej saꞌ xcꞌabaꞌ lix rahom.

Oseas 6:1

Eb li tenamit teꞌxye: —Kajalak kacꞌaꞌux ut sukꞌi̱ko cuiꞌchic riqꞌuin li Ka̱cuaꞌ. Quixtakla chak li raylal saꞌ kabe̱n, abanan anakcuan toxtenkꞌa. Coxrahobtesi, abanan anakcuan toxqꞌuirtesi.

Malaquías 4:2

Abanan chokꞌ e̱re la̱ex li nequexucua cuu, lix cꞌulunic li tintakla chanchan nak yo̱ chi e̱lc chak li sakꞌe xban li ti̱quilal li tixcꞌam chak chokꞌ e̱re. Texpiscꞌok xban xsahil le̱ chꞌo̱l joꞌ nak nequeꞌpiscꞌoc li queto̱mk nak nequeꞌel saꞌ lix corraleb.

Ezequiel 34:16

La̱in tinsiqꞌueb chak li sachenakeb li queꞌco̱eb saꞌ jalan be ut tinqꞌueheb chi sukꞌi̱c saꞌ xya̱nkeb li queto̱mk. La̱in tinban lix yocꞌolal ut tinlan. Tinqꞌue xcacuilaleb li yajeb. Ut la̱in tinsach ruheb li ni̱nkeb xtibel ut li cauheb rib. La̱in tin-ilok reheb lin carner saꞌ ti̱quilal.

Apocalipsis 22:2

Li nimaꞌ aꞌan nanumeꞌ saꞌ xyi li tenamit. Chire li nimaꞌ xcaꞌ pacꞌalil cuan li cheꞌ retalil li junelic yuꞌam. Cablaju pa̱y li ru naxqꞌue ut rajlal po nau̱chin. Lix xak nacꞌanjelac re xqꞌuebal xcacuilaleb lix ni̱nkal ru tenamit.

Isaías 30:26

Li po ta̱lemtzꞌu̱nk joꞌ li sakꞌe. Ut li sakꞌe kꞌaxal cuiꞌchic ta̱lemtzꞌu̱nk. Cuukub sut xtikcual chiru li naxqꞌue rajlal cutan. Chixjunil aꞌin ta̱cꞌulma̱nk saꞌ eb li cutan nak li Ka̱cuaꞌ tixcꞌameb cuiꞌchic saꞌ usilal lix tenamit ut tixqꞌueheb cuiꞌchic chi cua̱nc saꞌ lix naꞌajeb.

Jeremías 30:13

Ma̱ ani na-oquen che̱rix. Ma̱ ani nabanoc e̱re. Ut ma̱cꞌaꞌ junak ban ta̱banok re le̱ raylal.

Jeremías 8:22

¿Ma ma̱cꞌaꞌ li ban aran Galaad? ¿Ma ma̱cꞌaꞌ junak aj banonel naru toxqꞌuirtesi? ¿Cꞌaꞌut nak incꞌaꞌ xo-usa? chan laj Jeremías.

Jeremías 3:22

La̱ex cualal incꞌajol li xekꞌetkꞌeti e̱rib, jalomak e̱cꞌaꞌux. La̱in texinqꞌuirtesi, chan li Ka̱cuaꞌ. Ut eb laj Israel queꞌxye: —La̱o tosukꞌi̱k a̱cuiqꞌuin xban nak la̱at li Ka̱cuaꞌ. La̱at li kaDios.

Salmos 12:5

Abanan li Ka̱cuaꞌ Dios quixye: —Anakcuan tebintenkꞌa li rahobtesinbileb xban nak yo̱ chi yotꞌecꞌ xchꞌo̱leb xban li raylal nequeꞌxcꞌul. Tebincol joꞌ yo̱queb chiroybeninquil.—

Isaías 11:12

Tixcuaclesi jun etalil chiruheb li jalan tenamit re xcꞌutbal chiruheb nak tixchꞌutubeb cuiꞌchic lix tenamit. Tixchꞌutubeb chixjunileb li ralal xcꞌajol laj Judá ut eb li ralal xcꞌajol laj Israel li cuanqueb yalak bar saꞌ ruchichꞌochꞌ ut tixcꞌameb cuiꞌchic saꞌ xtenamiteb.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Ezequiel 35:12

Ut la̱ex te̱nau nak la̱in xcuabi li cꞌaꞌru xeye nak xetzꞌekta̱naheb li tzu̱l li cuanqueb Israel. La̱ex xeye nak xeꞌsacheꞌ ruheb ut la̱ex chic tex-e̱chani̱nk reheb.

Ezequiel 36:20

Nak queꞌcuulac saꞌ eb li tenamit yalak bar, chixjunileb li tenamit queꞌxye nak aꞌaneb lin tenamit la̱in li Dios, ut queꞌisi̱c saꞌ li naꞌajej li quiqꞌueheꞌ reheb, chanqueb. Xma̱c eb aꞌan nak quimuxeꞌ ru lin santil cꞌabaꞌ.

Lamentaciones 2:15

Chixjunileb li nequeꞌnumeꞌ, nequeꞌxpokꞌpokꞌi li rukꞌeb nak nequexril. Nequeꞌseꞌec ut nequexhob la̱ex li cuanquex Jerusalén. Ut nequeꞌxye: —¿Ma aꞌin ta biꞌ li tenamit li kꞌaxal chꞌinaꞌus nayeheꞌ re? ¿Ma aꞌin ta biꞌ li tenamit li ta̱qꞌuehekꞌ xlokꞌal xbaneb chixjunileb li cuanqueb saꞌ ruchichꞌochꞌ? chanqueb.

Salmos 142:4

Chaqꞌue taxak retal. Ma̱ ani cuan arin re tinixcol. Ma̱ ani natenkꞌan cue. Ma̱ ani nacꞌoxlan cue.

Isaías 33:24

Ma̱ ani chic tixye “yajin”. Ut li Ka̱cuaꞌ tixcuy tixsach lix ma̱queb li cuanqueb Jerusalén. Ma̱ ani chic ta̱yaje̱rk xban nak cuybil chic lix ma̱queb li cuanqueb Jerusalén.

Isaías 56:8

Li Ka̱cuaꞌ Dios li nachꞌutuban reheb laj Israel li cuanqueb chak yalak bar saꞌ eb li tenamit ut naxcꞌameb cuiꞌchic saꞌ xtenamiteb naxye chi joꞌcaꞌin: —Toj cuanqueb ajcuiꞌ li tincꞌameb chi cua̱nc saꞌ xya̱nkeb laj Israel.—

Isaías 58:8

Cui te̱ba̱nu chixjunil aꞌin, la̱in tin-osobtesi̱nk e̱re ut ta̱qꞌuehekꞌ e̱lokꞌal joꞌ nak nasake̱u li cutan. La̱in texinqꞌuirtesi saꞌ junpa̱t. Saꞌ ti̱quilal tincꞌamok be che̱ru ut lin lokꞌal junelic cua̱nk e̱riqꞌuin.

Isaías 60:15

Usta tzꞌekta̱nanbilex nak quexcuan ut usta xicꞌ quex-ileꞌ ut ma̱ ani quinumeꞌ saꞌ le̱ tenamit, abanan la̱in tinqꞌue e̱lokꞌal ut chixjunileb teꞌsahokꞌ saꞌ xchꞌo̱leb e̱riqꞌuin chi junelic.

Jeremías 17:14

At Ka̱cuaꞌ, china̱qꞌuirtesi re nak tincacuu̱k. Ut china̱col re nak tincolekꞌ xban nak caꞌaj cuiꞌ la̱at nacatinlokꞌoni.

Oseas 11:3

La̱in xincꞌutuc be̱c chiruheb li ralal xcꞌajol laj Efraín. Chanchan nak xinchꞌiloheb nak xincꞌut lix ya̱lal chiruheb. Ut incꞌaꞌ xeꞌxqꞌue retal nak la̱in nin-iloc reheb.

Li xHu LAJ JOB 5:18

Cui li Dios naxqꞌue junak raylal saꞌ kabe̱n, aꞌan ajcuiꞌ ta̱tenkꞌa̱nk ke chixcuybal. Cui aꞌan naqꞌuehoc ke chi cꞌuluc raylal, aꞌan ajcuiꞌ ta̱cꞌojoba̱nk re li kachꞌo̱l.

Isaías 54:6

La̱ex aj Israel, chanchanex jun li ixk li xsumla nak toj sa̱j ut ra saꞌ xchꞌo̱l xban nak quicanaba̱c xban lix be̱lom. La̱in li Ka̱cuaꞌ texinbok cuiꞌchic cuiqꞌuin joꞌ li be̱lomej li naxcꞌam cuiꞌchic saꞌ usilal li rixakil.

Isaías 57:18

Usta ac ninnau chanru lix naꞌlebeb, abanan la̱in tinqꞌuirtesiheb. La̱in tinberesiheb ut tincꞌojob xchꞌo̱leb.

Isaías 57:19

Eb laj Israel li queꞌya̱bac xban li raylal tineꞌxlokꞌoni cuiꞌchic. Tuktu̱quil usilal ta̱cua̱nk riqꞌuineb chixjunileb, joꞌ li nachꞌ cuanqueb, ut joꞌ li najt cuanqueb. La̱in tinqꞌuirtesi̱nk reheb, chan li Ka̱cuaꞌ.

Jeremías 10:20

Xeꞌpoꞌi̱c li katenamit. Chanchan nak xpoꞌeꞌ li kamuheba̱l. Ut queꞌtꞌupeꞌ li laso li chapcho̱queb cuiꞌ. Eb li kalal kacꞌajol xoeꞌxcanab kajunes. Xeꞌsacheꞌ ruheb. Ma̱ ani chic ta̱ru̱k ta̱xakaba̱nk re li kamuheba̱l. Ma̱ ani ta̱ru̱k ta̱yi̱ba̱nk re li katenamit.