Jeremías 30:15 - Li Santil hu

¹⁵ ¿Cꞌaꞌut nak nequejap e̱re xban li raylal li yo̱quex chixcꞌulbal? Ma̱cꞌaꞌ xbanol le̱ raylal. Xexinqꞌue chixcꞌulbal li raylal aꞌin xban nak numtajenak li ma̱c xeba̱nu. Kꞌaxal numtajenak le̱ ma̱usilal.

Q'eqchi Bible

¹⁵ K'a'ut naq nakajap aawe xb'aan laarahilal? Maak'a' chik xb'anol laatiq'ilal. Xb'aan xk'ihal laamaak ut li maa'usilal xab'aanu xinb'aanu aawe chi jo'kan.

Jeremías 30:15 ပူးပေါင်းရင်းမြစ်များ

Jeremías 30:14

Xextzꞌekta̱na̱c xbaneb li tenamit li xeꞌoquen che̱rix. Incꞌaꞌ chic nequexcꞌoxlaheb. Xban le̱ ma̱usilal ut xban ajcuiꞌ nak numtajenak li ma̱c xeba̱nu, la̱in xexinqꞌue saꞌ raylal joꞌ nequeꞌxba̱nu li xicꞌ nequeꞌiloc e̱re.

Jeremías 30:12

Li Ka̱cuaꞌ quixye reheb lix tenamit: —Li raylal li yo̱quex chixcꞌulbal chanchan jun li yocꞌol li ma̱cꞌaꞌ xbanol.

Miqueas 7:9

Xban nak xoma̱cob chiru li Ka̱cuaꞌ tento takacuy lix joskꞌil toj tixtzꞌil a̱tin chikix ut toj ta̱rakok a̱tin saꞌ xbe̱neb li xicꞌ nequeꞌiloc ke. Torisi saꞌ kꞌojyi̱n ut toxqꞌue saꞌ cutan ut riqꞌuin aꞌin takaqꞌue retal nak li Dios ti̱c xchꞌo̱l.

Miqueas 1:9

Xban li ma̱usilal li yo̱queb chixba̱nunquil laj Samaria, chanchan nak cuan jun xtochꞌolal yo̱ chi kꞌa̱c. Ma̱cꞌaꞌ xbanol. Ut xbon rib li ma̱usilal riqꞌuineb li ralal xcꞌajol laj Judá. Joꞌcan nak teꞌosokꞌ ut teꞌosokꞌ ajcuiꞌ lin tenamit li cuanqueb Jerusalén. Ma̱cꞌaꞌ xjalenquil. Cha̱lc re li rakba a̱tin saꞌ xbe̱neb chixjunileb.

Lamentaciones 4:13

Aꞌin quicꞌulman xban lix ma̱queb li profetas ut eb laj tij. Eb aꞌan queꞌma̱cob nak queꞌxqꞌueheb chi camsi̱c aran Jerusalén li cristian li ma̱cꞌaꞌeb xma̱c.

Lamentaciones 3:39

¿Cꞌaꞌut nak ta̱rahokꞌ xchꞌo̱l li cui̱nk xban li raylal li naxcꞌul, cui aꞌan ajcuiꞌ li yo̱ chi ma̱cobc?

Lamentaciones 1:5

Eb li xicꞌ nequeꞌiloc reheb, aꞌaneb chic li nequeꞌtaklan saꞌ xbe̱neb. Eb li xicꞌ nequeꞌiloc reheb us nequeꞌel riqꞌuin li cꞌaꞌru nequeꞌxba̱nu. Li Ka̱cuaꞌ quixqꞌueheb li ralal xcꞌajol laj Judá chixtojbal rix lix ma̱queb. Eb li ralal xcꞌajol queꞌchapeꞌ ut queꞌcꞌameꞌ chi najt xbaneb li xicꞌ nequeꞌiloc reheb.

Jeremías 46:11

La̱ex aj Egipto, usta texxic toj Galaad chixsicꞌbal le̱ ban, li ban ma̱cꞌaꞌ chic ta̱oc cuiꞌ. La̱ex incꞌaꞌ chic tex-usa̱k.

Jeremías 30:17

La̱in texinqꞌuirtesi ut tinban le̱ yocꞌolal, usta eb li xicꞌ nequeꞌiloc e̱re nequeꞌxye nak li tenamit Sión tzꞌekta̱nanbil ut ma̱ ani nacꞌoxlan re.

Jeremías 15:18

¿Cꞌaꞌut nak junelic ra cuanquin? ¿Cꞌaꞌut nak incꞌaꞌ narakeꞌ li raylal li yo̱quin chixcꞌulbal? ¿Ma chi ti̱c ma̱cꞌaꞌ xbanol? ¿Ma incꞌaꞌ ta̱ru̱k tina̱tenkꞌa? La̱in ninnau nak la̱at ma̱cuaꞌat joꞌ jun li haꞌ li na-osoꞌ.—

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Jeremías 6:13

Chixjunileb nequeꞌxrahi ru li biomal, joꞌ eb li toj sa̱jeb, joꞌ ajcuiꞌ li ac che̱queb. Eb li profeta ut eb laj tij aj balakꞌeb.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Isaías 5:2

Quixyi̱b lix corral. Quixbec ru li chꞌochꞌ ut quilajrisi li pec chi saꞌ. Quixsicꞌ li cha̱bil uvas ut quirau saꞌ li chꞌochꞌ. Ut saꞌ xyi li acui̱mk quixyi̱b jun li chꞌina cab najt xteram re xcꞌacꞌalenquil. Ut quixyi̱b jun li yatzꞌleb ut quiroybeni ta̱u̱chi̱nk li acui̱mk. Aban nak quiu̱chin, ma̱cuaꞌ chic li cha̱bil uva quiru̱chin. Aꞌ ban chic li rare qui-el.

Li xHu LAJ JOB 34:29

Cui li Dios incꞌaꞌ tixqꞌueheb chixtojbal xma̱queb, ¿ani ta biꞌ chic ta̱ru̱k ta̱ba̱nu̱nk re? Ut cui incꞌaꞌ ta̱ril li cꞌaꞌru yo̱queb chixba̱nunquil, ¿ani ta biꞌ chic ta̱ilok re? Aꞌan na-iloc reheb li tenamit joꞌ eb ajcuiꞌ li cristian,

Li xHu LAJ JOB 34:6

“¿Ma ta̱ru̱k ta biꞌ tinticꞌtiꞌik? ¿Ma cuan ta biꞌ inma̱c? Kꞌaxal ra yo̱quin chixcꞌulbal chi ma̱cꞌaꞌ inma̱c,” chan laj Job.

Esdras 9:13

Li raylal li xkacꞌul, aꞌan xban li kama̱usilal ut xban li kama̱c. Abanan la̱at incꞌaꞌ xoa̱qꞌue chixtojbal rix li kama̱c joꞌ kacꞌulub raj xcꞌulbal. Xacuy ban li kama̱c ut incꞌaꞌ xasach ku chi junaj cua.

Salmos 107:17

Queꞌyajer xban li ma̱c ut li ma̱usilal li queꞌxba̱nu.

Jeremías 30:16

Abanan ta̱cuulak xkꞌehil nak kꞌaxal ra teꞌxcꞌul eb li nequeꞌxba̱nu raylal e̱re. Teꞌchapekꞌ ut teꞌcꞌamekꞌ chi pre̱xil eb li xicꞌ nequeꞌiloc e̱re. Ta̱makꞌekꞌ chiruheb li cꞌaꞌru reheb li nequeꞌmakꞌoc li cꞌaꞌru e̱re la̱ex. Ut ta̱elkꞌa̱k ajcuiꞌ chiruheb li cꞌaꞌru reheb aꞌan li xeꞌelkꞌan re li cꞌaꞌru e̱re la̱ex.

Isaías 1:6

Ma̱cꞌaꞌ chic rusil le̱ tibel. Naticla chak le̱ raylal saꞌ le̱ rok ut toj saꞌ le̱ jolom. Chixjunil le̱ tibel cuan xtochꞌolal ut cuan xyocꞌolal. Teto̱queb chic ru le̱ tochꞌolal. Ut ma̱ ani nabanoc re chi moco naru nequeꞌxlan ru. Ut ma̱ ani naqꞌuehoc li aceite chiru le̱ ra re risinquil lix rahil.—

Lamentaciones 2:13

¿Cꞌaꞌ ta cuiꞌ ru tinye che̱rix la̱ex li cuanquex Jerusalén? ¿Cꞌaꞌru texinjuntakꞌe̱ta cuiꞌ? ¿Chan ta cuiꞌ ru nak tincꞌojob e̱chꞌo̱l, la̱ex li cuanquex Sión? Kꞌaxal nim li raylal cuanquex cuiꞌ. Chanchan xnimal li palau. ¿Ani ta̱ru̱k ta̱colok e̱re?

Nahum 3:19

La̱ex aj Nínive, xex-osoꞌ. Ma̱cꞌaꞌ chic xbanol li raylal li yo̱quex chixcꞌulbal. Chixjunileb li teꞌabi̱nk resil li te̱cꞌul, teꞌxpokꞌpokꞌi li rukꞌeb xban xsahil xchꞌo̱leb. Teꞌsahokꞌ saꞌ xchꞌo̱leb nak tex-osokꞌ xban nak kꞌaxal cuiꞌchic nabal li raylal xeba̱nu reheb.