Jeremías 30:10 - Li Santil hu

¹⁰ Li Ka̱cuaꞌ quixye: —Mexxucuac la̱ex li ralal xcꞌajol laj Jacob laj cꞌanjel chicuu. Mexxucuac la̱ex aj Israel. La̱in tincolok e̱re saꞌ li najtil tenamit. La̱in tincolok reheb le̱ ralal e̱cꞌajol saꞌ li naꞌajej li queꞌcꞌameꞌ cuiꞌ. Eb li ralal xcꞌajol laj Jacob teꞌcua̱nk cuiꞌchic saꞌ tuktu̱quil usilal ut incꞌaꞌ chic teꞌxucuak.

Q'eqchi Bible

¹⁰ “Ab'an laa'at, a Jakob, aj k'anjelat chiwu, matxiwak -chan li Qaawa'-; mich'inank laach'ool, a Israel, xb'aan naq we'kin laa'in. Tinchalq chakolb'al laa'at jo'wi' eb' laawalal aak'ajol, tatwisi chaq sa' li najtil tenamit katintaqla wi' chi tawasiik, ut tatwanq wi' chik sa' tuqtuukilal, sa' sahilal, chi maajun chik taaxib'esinq aawe.

Jeremías 30:10 ပူးပေါင်းရင်းမြစ်များ

Oseas 2:18

Saꞌ eb li cutan aꞌan la̱in tinba̱nu jun li contrato riqꞌuineb li joskꞌ aj xul li cuanqueb saꞌ qꞌuicheꞌ ut riqꞌuineb li xul li nequeꞌrupupic chiru choxa joꞌ ajcuiꞌ riqꞌuineb li xul li nequeꞌxjucuqui ribeb chiru chꞌochꞌ. Tinba̱nu li contrato riqꞌuineb re nak incꞌaꞌ chic teꞌxchꞌiꞌchꞌiꞌi li tenamit. Ut tincuisi saꞌ ruchichꞌochꞌ li tzimaj ut li chꞌi̱chꞌ re pletic ut eb lin tenamit cua̱nkeb chic saꞌ tuktu̱quil usilal.

Jeremías 29:14

Nak tine̱sicꞌ tine̱tau. La̱in texinqꞌue chi sukꞌi̱c saꞌ le̱ naꞌaj. La̱in texinchꞌutub saꞌ chixjunileb li naꞌajej li xinjeqꞌui cuiꞌ e̱ru. Texcuisi chak saꞌ li naꞌajej li xexcꞌameꞌ cuiꞌ, chan li Ka̱cuaꞌ.

Isaías 43:5

Mexxucuac. La̱in cua̱nkin e̱riqꞌuin. La̱in tinqꞌueheb chi sukꞌi̱c saꞌ lix naꞌajeb le̱ ralal e̱cꞌajol li cuanqueb chak saꞌ li este ut li cuanqueb chak saꞌ li oeste.

Isaías 44:2

La̱in li Ka̱cuaꞌ Dios. La̱in quinyoꞌobtesin e̱re. Chalen saꞌ le̱ yoꞌlajic la̱in xintenkꞌan e̱re. Mexxucuac, la̱ex aj cꞌanjel chicuu. La̱ex sicꞌbil e̱ru ut raro̱quex inban.

Isaías 35:9

Aran ma̱cꞌaꞌak li joskꞌ aj xul ut ma̱cꞌaꞌak li cakcoj. Eb li colbileb teꞌnumekꞌ saꞌ li be aꞌan chi ma̱cꞌaꞌ xcꞌaꞌuxeb.

San Juan 12:15

Mexxucuac la̱ex li cuanquex Sión xban nak yo̱ chak chi cha̱lc le̱ rey. Chirix jun ral bu̱r yo̱ chak chi cha̱lc. (Zac. 9:9)

Jeremías 33:16

Saꞌ eb li cutan aꞌan, eb laj Judá colbilakeb ut eb laj Jerusalén cauhakeb xchꞌo̱l riqꞌuin li Ka̱cuaꞌ ut aꞌin li teꞌxqꞌue chokꞌ xcꞌabaꞌ: Li Ka̱cuaꞌ, Aꞌan aj qꞌuehol ti̱quilal, chaꞌakeb.

Jeremías 23:8

Teꞌxpatzꞌ ban li naꞌajej li cuan saꞌ li norte ut eb li naꞌajej li queꞌjeqꞌui̱c cuiꞌ ruheb nak teꞌxba̱nu li juramento saꞌ incꞌabaꞌ la̱in. Ut eb laj Israel teꞌcua̱nk cuiꞌchic saꞌ lix naꞌajeb, chan li Dios.

Jeremías 23:3

Ut la̱in tinchꞌutubeb cuiꞌchic ruheb lin tenamit li joꞌ qꞌuial xeꞌcoleꞌ saꞌ eb li naꞌajej li xinjeqꞌui cuiꞌ ruheb. Tebincꞌam cuiꞌchic saꞌ lix naꞌajeb ut ta̱cua̱nk ralal xcꞌajoleb ut teꞌqꞌuia̱nk cuiꞌchic.

Jeremías 3:18

Saꞌ eb li cutan aꞌan, eb laj Judá teꞌxjunaji ribeb riqꞌuineb laj Israel saꞌ li naꞌajej li cuan saꞌ li norte. Ut cuotz teꞌxic saꞌ li naꞌajej li quinqꞌue reheb le̱ xeꞌto̱nil yucuaꞌ.

Zacarías 3:10

Nak ta̱cuulak xkꞌehil aꞌan, sa chic texcua̱nk chi ribil e̱rib. Ut naru textzaca̱nk saꞌ comonil saꞌ xmu li cheꞌ olivos ut saꞌ xmu li cheꞌ higo, chan li Ka̱cuaꞌ li nimajcual Dios.

Ezequiel 38:11

Ut ta̱ye, “La̱in tinxic chi pletic riqꞌuin jun li tenamit incꞌaꞌ cau rib. Li tenamit aꞌan cuanqueb chi ma̱cꞌaꞌ xcꞌaꞌuxeb ut cꞌojcꞌo xchꞌo̱leb. Moco sutsu̱queb ta saꞌ tzꞌac lix tenamit ut ma̱cꞌaꞌ xpuertil.”

Ezequiel 16:52

Anakcuan tento nak xuta̱nal ta̱cꞌul. Kꞌaxal yibru li ma̱usilal xaba̱nu la̱at chiru li ma̱usilal li queꞌxba̱nu eb aꞌan. Eb aꞌan chanchan ma̱cꞌaꞌ xma̱queb cha̱cuu la̱at xban nak numtajenak la̱ ma̱usilal. Joꞌcan nak xuta̱nal tat-e̱lk.

Jeremías 30:3

Ta̱cuulak xkꞌehil nak la̱in tinqꞌueheb cuiꞌchic chi sukꞌi̱c saꞌ lix naꞌajeb lin tenamit li cuanqueb chi pre̱xil. Tinqꞌueheb chi sukꞌi̱c saꞌ li naꞌajej li quinqꞌue reheb lix xeꞌto̱nil yucuaꞌeb re nak teꞌcua̱nk aran, chan li Dios.

Jeremías 23:6

Nak cua̱nk saꞌ xcuanquil, eb laj Judá teꞌcua̱nk chi ma̱cꞌaꞌ chꞌaꞌajquilal. Eb laj Israel teꞌcua̱nk chi cꞌojcꞌo xchꞌo̱leb. Ut li rey aꞌan tixcꞌabaꞌin “Li Ka̱cuaꞌ aj qꞌuehol ti̱quilal”.

Isaías 54:4

Mexxucuac xban nak incꞌaꞌ texxuta̱na̱k. Incꞌaꞌ ta̱cꞌutekꞌ e̱xuta̱n. Ta̱sachk saꞌ e̱chꞌo̱l li xuta̱n li xecꞌul saꞌ e̱sa̱jilal. Incꞌaꞌ chic ta̱julticokꞌ e̱re li raylal li xecꞌul nak xexcanaba̱c xban li Dios. Chanchan nak la̱ex chic xma̱lcaꞌan.

Isaías 46:13

La̱in chi se̱b texincol. Cuulac re xkꞌehil nak texcolekꞌ. Chi se̱b tinnumta̱k saꞌ xbe̱neb li xicꞌ nequeꞌiloc cue. La̱in tincolok re Sión ut la̱in tinqꞌue xlokꞌaleb laj Israel.—

Isaías 46:11

La̱in xinsicꞌ ru jun li cui̱nk saꞌ li oriente. Saꞌ najtil tenamit ta̱cha̱lk. Chanchan jun li soꞌsol nak tixsach ruheb li xicꞌ nequeꞌiloc e̱re. Li cꞌaꞌru xinye, aꞌan li ta̱cꞌulma̱nk. Li cꞌaꞌru xincꞌu̱b ru, aꞌan li tinba̱nu.

Génesis 15:1

Chanchan matqꞌuec yo̱ laj Abram nak li Dios quixcꞌutbesi rib chiru saꞌ visión. Li Dios quixye re: —Matxucuac, Abram, xban nak la̱in tin-ilok a̱cue. Kꞌaxal numtajenak la̱ kꞌajca̱munquil tinqꞌue, chan li Dios.

Isaías 49:25

Li Ka̱cuaꞌ naxye: —Aꞌan aꞌin li ta̱cꞌulma̱nk. Eb li cuanqueb chi pre̱xil teꞌmakꞌekꞌ chiruheb li soldado. Ut li cꞌaꞌru quire̱chani li kꞌaxal joskꞌ ta̱makꞌekꞌ chiru. La̱in tinpletik riqꞌuineb li nequeꞌpletic a̱cuiqꞌuin ut la̱in tincolok reheb la̱ tenamit.

Isaías 14:3

Ex aj Israel, li Ka̱cuaꞌ texqꞌue chi hila̱nc chiru li cacuil cꞌanjel ut li xiu ut li raylal li yo̱quex chixcꞌulbal.

Isaías 44:1

—Cherabihak la̱ex aj Israel ralal xcꞌajolex laj Jacob laj cꞌanjel chicuu. La̱ex li sicꞌbil e̱ru inban.

Jeremías 23:4

Ut la̱in tinxakabeb cuiꞌchic laj ilol reheb. Ut incꞌaꞌ chic teꞌxucuak chi moco teꞌsachekꞌ ruheb, chan.

Jeremías 29:11

Caꞌaj cuiꞌ la̱in ninnau cꞌaꞌru xincꞌu̱b ru xba̱nunquil chokꞌ e̱re. Xincꞌu̱b ru e̱tenkꞌanquil. Ma̱cuaꞌ raylal tinba̱nu e̱re. Usilal ban tinba̱nu e̱re, joꞌ yo̱quex chiroybeninquil.

Jeremías 30:7

Ta̱cuulak xkꞌehil nak teꞌxcꞌul junak li nimla raylal. Ma̱cꞌaꞌ naru najuntakꞌe̱taman cuiꞌ li raylal aꞌan. Kꞌaxal ra teꞌxcꞌul li ralal xcꞌajol laj Jacob. Abanan eb aꞌan teꞌcolekꞌ chiru li raylal.

Joel 2:21

La̱ex aj Judá, mexxucuac. Chisahokꞌ ban saꞌ e̱chꞌo̱l, xban nak nabal li sachba chꞌo̱lej tixba̱nu li Ka̱cuaꞌ.

Isaías 49:12

Cuan li teꞌcha̱lk chak saꞌ najtil tenamit. Teꞌcha̱lk saꞌ li norte ut saꞌ li oeste ut teꞌcha̱lk ajcuiꞌ saꞌ li naꞌajej Sinim.

Daniel 12:1

Ut quixye ajcuiꞌ li ángel re laj Daniel: —Saꞌ eb li cutan aꞌan ta̱cha̱lk li ángel Miguel li na-iloc reheb la̱ tenamit Israel. Nabal li raylal ta̱cꞌulma̱nk saꞌ eb li cutan aꞌan. Ma̱ jun cua quicꞌulman chi joꞌcan chalen chak saꞌ xticlajic li ruchichꞌochꞌ toj chalen anakcuan. Abanan lix tenamit li Dios teꞌcolekꞌ, li joꞌ qꞌuialeb tzꞌi̱banbil xcꞌabaꞌeb saꞌ li hu.

Oseas 2:20

La̱in texincꞌam cuiꞌchic cuiqꞌuin saꞌ cha̱bilal. Ut la̱ex te̱nau nak la̱in li Ka̱cuaꞌ.

Oseas 6:11

Ac xinxakab li cutan nak texinqꞌue chixtojbal rix le̱ ma̱c la̱ex aj Judá. Abanan ta̱cuulak xkꞌehil nak texcuosobtesi cuiꞌchic.

Miqueas 4:9

¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re.