Jeremías 3:9 - Li Santil hu

⁹ Xban nak eb laj Israel queꞌxlokꞌoni li jalanil dios, joꞌcan nak eb laj Judá incꞌaꞌ queꞌxcꞌoxla nak ma̱c li yo̱queb chixba̱nunquil. Queꞌxmux ru lix chꞌochꞌeb riqꞌuin li queꞌxba̱nu. Ut quineꞌxtzꞌekta̱na nak queꞌxlokꞌoni li dios yi̱banbil riqꞌuin pec ut cheꞌ.

Q'eqchi Bible

⁹ Maak'a' xxutaan chi xmuxb'al rib'; ut kixtz'ajni ru chixjunil li tenamit naq ki'ok chi xloq'oninkil ru li yos yiib'anb'il rik'in pek ut che'.

Jeremías 3:9 ပူးပေါင်းရင်းမြစ်များ

Jeremías 2:27

Nequeye “At inyucuaꞌ” re li yal cheꞌ. Ut nequeye ajcuiꞌ re li pec “La̱at nacatqꞌuehoc re inyuꞌam”. Niquine̱tzꞌekta̱na, abanan nak cuanquex saꞌ raylal nequetzꞌa̱ma chicuu nak texintenkꞌa.

Jeremías 3:2

Ilomakeb li tzu̱l. ¿Ma cuan ta biꞌ junak naꞌajej li incꞌaꞌ xelokꞌoniheb cuiꞌ li jalanil dios? Xecꞌojob e̱rib chire li be roybeninquileb li te̱lokꞌoniheb. Chanchanex laj árabe li naroybeni ani tixchap saꞌ li chaki chꞌochꞌ. La̱ex xemux ru li naꞌajej xban nak xelokꞌoniheb li jalanil dios.

Isaías 57:6

Nequexoc li pec li ti̱c ru ut nequelokꞌoniheb. Nequemayeja li vino chiruheb ut nequemayeja le̱ trigo chiru. ¿Ma incꞌaꞌ ta biꞌ texinqꞌue chixtojbal le̱ ma̱c riqꞌuin aꞌin?

Jeremías 10:8

Eb li nequeꞌlokꞌonin re li dios cheꞌ to̱nteb ut ma̱cꞌaꞌ nequeꞌoc cuiꞌ xban nak nequeꞌxpatzꞌ xnaꞌleb riqꞌuineb li yi̱banbil dios.

Jeremías 2:7

La̱in quincꞌamoc reheb saꞌ li naꞌajej li na-el cuiꞌ nabal li acui̱mk re nak teꞌxtzaca li ru li cheꞌ ut li ru li cha̱bil acui̱mk li na-el aran. Abanan eb aꞌan incꞌaꞌ us queꞌxba̱nu. Queꞌxmux ban ru li naꞌajej li quinqꞌue reheb.

Habacuc 2:19

Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume.

Oseas 4:12

Lin tenamit yo̱queb chixtzꞌa̱manquil xnaꞌlebeb chiru li pechꞌbil dios cheꞌ. ¿Ma ta̱qꞌuehekꞌ ta biꞌ xnaꞌlebeb xban li yal cheꞌ? Lin tenamit chanchan li ixakilbej nayumbe̱tac xban nak xineꞌxtzꞌekta̱na ut yo̱queb xsicꞌbal jalan chic xdioseb.

Ezequiel 23:10

Eb aꞌan queꞌxmux ru lix Ahola ut queꞌxmakꞌ chiru li ralal xcꞌajol, ut lix Ahola queꞌxcamsi riqꞌuin chꞌi̱chꞌ. Ut eb li ixk yalak bar queꞌrabi resil li cꞌaꞌru quixcꞌul. Riqꞌuin aꞌan quicꞌuteꞌ xxuta̱n.

Ezequiel 16:17

Cachap ajcuiꞌ li cha̱bil oro ut plata li quinqꞌue chokꞌ xsahob a̱cuu. Ut cayi̱beb la̱ dios cui̱nk ut calokꞌoniheb. Riqꞌuineb aꞌan camux ru la̱ sumlajic.

San Mateo 5:32

Abanan la̱in ninye e̱re lix ya̱lal aꞌan. Li ani naxjach rib riqꞌuin li rixakil chi incꞌaꞌ xmux ru xsumlajic li ixakilbej, aꞌ li be̱lomej cuan xma̱c nak li ixk aꞌan tixmux ru xsumlajic. Ut li ani ta̱cꞌamok re li ixk, li ac xcanaba̱c xban xbe̱lom, li cui̱nk aꞌan naxmux ru li sumsu.

Jeremías 16:18

Nak toj ma̱jiꞌ nequeꞌsukꞌi saꞌ lix naꞌajeb, la̱in tinqꞌueheb chixtojbal lix ma̱usilaleb. Caꞌ sut xqꞌuial li raylal li tinqꞌue saꞌ xbe̱neb re xtojbal rix li ma̱c queꞌxba̱nu nak queꞌxmux ru lin naꞌaj riqꞌuin xlokꞌoninquil li yi̱banbil dios. Saꞌ chixjunil li naꞌajej li quinqꞌue reheb queꞌxqꞌue li yi̱banbil dios li xicꞌ nacuil, chan li Dios.

Ezequiel 23:3

Chalen saꞌ xcaꞌchꞌinaleb aꞌaneb xcomoneb li ixk li nequeꞌxcꞌayi ribeb. Saꞌ xsa̱jilal queꞌxqꞌue rib chi batzꞌune̱c aran Egipto ut riqꞌuin aꞌan queꞌxmux ribeb li cuib chi tukꞌ ixk.

Ezequiel 23:21

Ut lix Aholiba quiraj cua̱nc joꞌ nak quicuan aran Egipto saꞌ xsa̱jilal nak quixqꞌue rib chi batzꞌune̱c xbaneb li cui̱nk.

Oseas 2:2

Ex cualal incꞌajol, chekꞌusak le̱ naꞌ. Yehomak re xcanabak xba̱nunquil li yibru naꞌleb xban nak aꞌan ma̱cuaꞌ chic cuixakil ut la̱in ma̱cuaꞌin chic xbe̱lom. Xcanabak xcꞌayinquil rib ut xcanabak xmuxbal ru lix sumlajic.

Isaías 57:3

Quimkex la̱ex li nequeba̱nu li ma̱usilal, la̱ex li chanchanex li ralal xcꞌajol laj tu̱l. Chanchanex li ralal xcꞌajol li nequeꞌxmux xsumlajic malaj ut eb li ixk li nequeꞌxcꞌayi ribeb.

Joel 1:19

At Ka̱cuaꞌ, a̱cuiqꞌuin yo̱quin chixtzꞌa̱manquil katenkꞌanquil. La̱at nacanau nak li xam xcꞌat chixjunil li pim ut xeꞌcꞌat ajcuiꞌ chixjunil li cheꞌ saꞌ eb li cꞌaleba̱l.