Jeremías 3:8 - Li Santil hu

⁸ Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Q'eqchi Bible

⁸ kixk'e reetal naq kintz'eqtaana laj Israel, laj q'etol aatin, ut kinjach wib' rik'in, xb'aan chixjunil li maa'usilal kixb'aanu. Ab'an laj Judá, laj b'alaq', ink'a' kixutaanak ut ki'ok ajwi' a'an chi xb'aanunkil li maa'usilal.

Jeremías 3:8 ပူးပေါင်းရင်းမြစ်များ

Deuteronomio 24:1

Cui junak cui̱nk tixcꞌam junak rixakil ut ta̱sumla̱k riqꞌuin, abanan nak ac xsumla riqꞌuin incꞌaꞌ nacuulac chiru xban nak tixqꞌue retal nak incꞌaꞌ us xnaꞌleb, naru tixyi̱b junak li hu re tixjach rib riqꞌuin. Tixqꞌue li hu re li ixk ut ta̱risi saꞌ li rochoch.

Oseas 3:4

Joꞌcaꞌin xinba̱nu riqꞌuin re xcꞌutbal chiruheb laj Israel nak najt teꞌcua̱nk chi ma̱cꞌaꞌ lix reyeb, chi moco teꞌcua̱nk aj cꞌamol be chiruheb. Incꞌaꞌ chic teꞌmayejak chiruheb lix dioseb, chi moco ta̱cua̱nk lix dioseb pec, chi moco ta̱cua̱nk li cꞌaꞌak re ru re acuasi̱nc, chi moco teꞌcua̱nk lix yi̱banbil dios re ta̱colok reheb.

Isaías 50:1

Aꞌan aꞌin li naxye li Ka̱cuaꞌ: —Ma̱re la̱ex xecꞌoxla nak la̱in xintzꞌekta̱na lin tenamit Israel joꞌ nak naxtzꞌekta̱na rixakil junak li cui̱nk li naxjach rib. Cui joꞌcan xinba̱nu, ¿bar cuan li hu re jachoc ib? Malaj ut xecꞌoxla nak la̱in xexincꞌayi xban xtojbal incꞌas. ¿Ma incꞌaꞌ ta biꞌ nequenau nak xban le̱ ma̱c nak xexcꞌameꞌ chi najt? ¿Ma ma̱cuaꞌ ta biꞌ xban nak xekꞌetkꞌeti e̱rib nak xexcꞌameꞌ chi najt?

Ezequiel 23:9

Joꞌcan nak la̱in xinkꞌaxtesi saꞌ rukꞌeb li cui̱nk laj Asiria li cuanqueb riqꞌuin xban nak quiraj cua̱nc riqꞌuineb.

Ezequiel 16:47

La̱at catzol a̱cuib riqꞌuineb ut caba̱nu li incꞌaꞌ us li queꞌxba̱nu eb aꞌan. Abanan la̱ ma̱usilal la̱at quinumta chiru li ma̱usilal li queꞌxba̱nu eb aꞌan.

Jeremías 3:1

Li Ka̱cuaꞌ quixye: —Cui junak cui̱nk naxjach rib riqꞌuin li rixakil ut li ixk nasumla riqꞌuin jalan chic cui̱nk, ¿ma ta̱sukꞌi̱k cuiꞌchic li xbe̱n cui̱nk riqꞌuin li ixk? Aꞌan nimla ma̱c chiruheb li tenamit. Abanan la̱ex aj Israel, chanchanex li ixk li nequeꞌxcꞌayi ribeb xban nak xelokꞌoniheb li jalanil dios. Ut anakcuan te̱raj cuiꞌchic sukꞌi̱c cuiqꞌuin, chan.

Deuteronomio 24:3

Abanan cui li cui̱nk li ta̱cꞌamok re xcaꞌ sut xicꞌ cuiꞌchic naril ut tixyi̱b cuiꞌchic lix hu re tixjach rib riqꞌuin ut ta̱risi saꞌ li rochoch, malaj ut ta̱ca̱mk li cui̱nk aꞌan li quicꞌamoc cuiꞌchic re li ixk,

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 33:24

—¿Ma incꞌaꞌ nacaqꞌue retal nak eb li tenamit aꞌin yo̱queb chixyebal nak la̱in quintzꞌekta̱naheb li ralal xcꞌajol laj Judá ut eb li ralal xcꞌajol laj Israel, li cuib xte̱paleb li tenamit li quinsicꞌ ruheb? Joꞌcan nak xicꞌ chic nequeꞌrileb lin tenamit ut incꞌaꞌ chic nequeꞌxqꞌue xcuanquileb chokꞌ nimla tenamit.

Ezequiel 16:46

La̱ cuas ut eb lix coꞌ, aꞌaneb li tenamit Samaria li cuan saꞌ li norte. Ut la̱ cui̱tzꞌin ut eb lix coꞌ, aꞌaneb li tenamit Sodoma li cuan sa li sur.

Ezequiel 16:51

Moco qꞌui ta li ma̱c queꞌxba̱nu eb laj Samaria chiru li ma̱c li caba̱nu la̱at. Kꞌaxal nabal la̱ ma̱usilal chiru lix ma̱usilaleb aꞌan. Riqꞌuin aꞌan chanchan nak ti̱queb xchꞌo̱leb cha̱cuu la̱at xban nak kꞌaxal yibru li caba̱nu la̱at.

2 Crónicas 21:11

Ut quixyi̱b ajcuiꞌ eb li naꞌajej li najt xteram saꞌ eb li tzu̱l aran Judá. Ut quicꞌamoc be chiruheb li tenamit li cuanqueb Jerusalén ut Judá chixtzꞌekta̱nanquil li Ka̱cuaꞌ ut chixlokꞌoninquil li jalanil dios.

Jeremías 5:7

Li Ka̱cuaꞌ quixye: —¿Chanru nak tincuy tinsach le̱ ma̱c? Eb le̱ ralal e̱cꞌajol xineꞌxtzꞌekta̱na ut xeꞌxba̱nu li juramento saꞌ xcꞌabaꞌeb li jalanil dios li moco dioseb ta. La̱in quinqꞌuehoc re li cꞌaꞌru queꞌraj. Abanan eb aꞌan xeꞌxlokꞌoniheb li jalanil dios. Chanchan nak queꞌxmux ru lix sumlajiqueb ut queꞌco̱eb riqꞌuineb li ixk li nequeꞌxcꞌayi ribeb.

Ezequiel 23:44

Eb li cui̱nk aꞌin queꞌchal riqꞌuineb lix Ahola ut lix Aholiba. Joꞌ nak nequeꞌxic riqꞌuineb li ixk li nequeꞌxcꞌayi ribeb, joꞌcan queꞌxba̱nu riqꞌuineb li cuib chi ixk aꞌin li incꞌaꞌ useb xnaꞌleb.