Jeremías 3:6 - Li Santil hu

⁶ Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Q'eqchi Bible

⁶ Naq toj wank chi awab'ejil laj Josías, li Qaawa' kixye we: “Ma xak'e reetal li xb'aanu laj Israel, laj q'etol aatin? Xkoho sa' xb'eeneb' chixjunil li tzuul jo'wi' rub'elatq li ninqi che' re xmuxb'al rib' aran.

Jeremías 3:6 ပူးပေါင်းရင်းမြစ်များ

Ezequiel 23:11

Usta lix Aholiba li ri̱tzꞌin quiril chixjunil li quixcꞌul lix Ahola, abanan kꞌaxal cuiꞌchic yibru quixba̱nu chiru li quixba̱nu lix Ahola. Kꞌaxal cuiꞌchic numtajenak li ma̱usilal li quixba̱nu.

Ezequiel 20:28

La̱in quincꞌameb saꞌ li cha̱bil naꞌajej li quinyechiꞌi reheb. Nak queꞌril li tzu̱l li najt xteram ut eb li cheꞌ li ni̱nk xmu, queꞌxqꞌue xmayejeb aran. Queꞌxchikꞌ injoskꞌil nak queꞌxqꞌue lix cꞌatbil mayej ut queꞌxqꞌue li vino chokꞌ xmayej ut queꞌxqꞌue ajcuiꞌ li sununquil pom.

Ezequiel 16:31

Saꞌ chixjunileb li be cayi̱b li naꞌajej li najt xteram re ta̱lokꞌoni cuiꞌ li jalanil dios. Cayi̱beb li artal saꞌ eb li naꞌajej li cuanqueb cuiꞌ nabal li cristian re ta̱ba̱nu li ma̱usilal. Abanan incꞌaꞌ cacꞌul la̱ tojbal joꞌ nequeꞌxba̱nu li ixk li nequeꞌxcꞌayi ribeb.

Jeremías 17:2

Jultic reheb le̱ ralal e̱cꞌajol eb li artal ut li yi̱banbil dios xAsera li quelokꞌoni rubeleb li cheꞌ li ni̱nk xmuheb ut saꞌ eb li naꞌajej li ni̱nkeb xteram.

Jeremías 7:24

Abanan eb aꞌan incꞌaꞌ queꞌraj xba̱nunquil li cꞌaꞌru quinye. Queꞌxcacuubresi ban lix chꞌo̱leb. Queꞌxba̱nu li ma̱usilal li queꞌraj xba̱nunquil xjuneseb. Incꞌaꞌ queꞌabin chicuu. Kꞌaxal cuiꞌchic nabal li ma̱usilal queꞌxba̱nu.

Jeremías 3:8

Laj Judá queꞌxqꞌue retal nak la̱in quintzꞌekta̱naheb laj Israel. Chanchan nak naxjach rib riqꞌuin li rixakil junak cui̱nk xban nak xtau xma̱c chiru. Abanan incꞌaꞌ queꞌoc xxiuheb laj Judá, usta queꞌril li cꞌaꞌru queꞌxcꞌul laj Israel. Queꞌxkꞌaxtesi ban ribeb chixlokꞌoninquil li jalanil dios.

Isaías 57:7

Nequexxic saꞌ eb li tzu̱l li najt xteram chixba̱nunquil li ma̱usilal. Ut aran ajcuiꞌ nequexxic chi mayejac.

1 Reyes 14:23

Queꞌxyi̱b li naꞌajej najt xteram re teꞌxlokꞌoniheb li jalanil dios. Ut queꞌxyi̱b riqꞌuin pec ut cheꞌ li yi̱banbil dios Asera ut queꞌxlokꞌoni saꞌ chixjunil li tzu̱l ut rubel chixjunileb li cheꞌ li ni̱nk xmuheb.

2 Crónicas 34:1

Cuakxakib chihab cuan re laj Josías nak qui-oc chokꞌ rey. Junlaju xcaꞌcꞌa̱l (31) chihab quicuan saꞌ xcuanquil aran Jerusalén.

Jeremías 1:2

Yo̱ oxlaju chihab roquic chi cꞌanjelac laj Josías ralal laj Amón chokꞌ xreyeb laj Judá nak li Ka̱cuaꞌ Dios quia̱tinac riqꞌuin laj Jeremías.

Jeremías 5:11

Eb laj Israel ut eb laj Judá xineꞌxtzꞌekta̱na, chan li Ka̱cuaꞌ.

Jeremías 11:10

Queꞌxba̱nu li ma̱usilal joꞌ queꞌxba̱nu lix xeꞌto̱nil yucuaꞌeb. Eb lix xeꞌto̱nil yucuaꞌeb incꞌaꞌ queꞌraj abi̱nc chicuu. Queꞌxlokꞌoniheb li jalanil dios. Joꞌcan ajcuiꞌ yo̱queb chixba̱nunquil eb laj Judá ut eb laj Israel. Nequeꞌxlokꞌoniheb li jalanil dios ut yo̱queb chi cꞌanjelac chiruheb. Queꞌxkꞌet li contrato li quinba̱nu riqꞌuineb lix xeꞌto̱nil yucuaꞌ.

Jeremías 31:22

¿Joꞌ najtil chic te̱beni e̱rib yalak bar, la̱ex li incꞌaꞌ nequex-abin chicuu? La̱in li Ka̱cuaꞌ tinqꞌue jun li acꞌ naꞌleb saꞌ ruchichꞌochꞌ. Aꞌan nak li ixk, aꞌan li ta̱ilok re li cui̱nk.

Ezequiel 23:4

Li asbej, aꞌan xAhola xcꞌabaꞌ, ut li i̱tzꞌinbej, aꞌan xAholiba xcꞌabaꞌ. La̱in xinsumla riqꞌuineb ut queꞌcuan cualal incꞌajol riqꞌuineb. Lix Ahola, aꞌan retalil li tenamit Samaria, ut lix Aholiba, aꞌan retalil li tenamit Jerusalén.

Oseas 4:13

Nequeꞌxic saꞌ li tzu̱l chi mayejac ut aran nequeꞌxcꞌat lix pomeb rubeleb li ni̱nki cheꞌ ji, álamo ut olmo, xban nak naque̱nac cua̱nc rubel lix mu. Xban nak la̱ex nequexcꞌamoc be chiruheb le̱ ralal e̱cꞌajol chixlokꞌoninquil li jalanil dios, joꞌcan nak nequecanabeb le̱ rabin chi yumbe̱tac ut nequecanabeb le̱ ralib chixmuxbal ru lix sumlajiqueb.

Oseas 11:7

Lin tenamit niquineꞌxtzꞌekta̱na. Junes kꞌetkꞌetil chic cuan saꞌ xchꞌo̱leb. Usta nequeꞌxye nak la̱in li kꞌaxal nim incuanquil, abanan ma̱ jun reheb naqꞌuehoc incuanquil.

Jueces 2:17

Abanan eb laj Israel incꞌaꞌ ajcuiꞌ queꞌabin chiruheb laj rakol a̱tin. Toj yo̱queb ajcuiꞌ chixlokꞌoninquil li jalanil dios. Eb aꞌan incꞌaꞌ queꞌxba̱nu li naxye lix chakꞌrab li Ka̱cuaꞌ joꞌ queꞌxba̱nu chak lix xeꞌto̱nil yucuaꞌeb najter.

Salmos 106:39

Queꞌxmux ajcuiꞌ ribeb aꞌan xban li ma̱usilal queꞌxba̱nu. Chanchan queꞌcoꞌbe̱tac queꞌyumbe̱tac xban nak queꞌxtzꞌekta̱na li tzꞌakal Dios ut queꞌxlokꞌoni li yi̱banbil dios.

Isaías 57:3

Quimkex la̱ex li nequeba̱nu li ma̱usilal, la̱ex li chanchanex li ralal xcꞌajol laj tu̱l. Chanchanex li ralal xcꞌajol li nequeꞌxmux xsumlajic malaj ut eb li ixk li nequeꞌxcꞌayi ribeb.

Ezequiel 16:35

Joꞌcan ut la̱at ixakilbej li nacamux ru la̱ sumlajic, chacuabi li cꞌaꞌru naxye a̱cue li Ka̱cuaꞌ.