Jeremías 3:25 - Li Santil hu

²⁵ Xban kaxuta̱n sachso kachꞌo̱l xocana. Takacubsi kib xban nak xuta̱nal xo-el. La̱o joꞌ eb ajcuiꞌ li kaxeꞌto̱nil yucuaꞌ, xoma̱cob cha̱cuu, at Ka̱cuaꞌ at kaDios. Chalen saꞌ kasa̱jilal toj anakcuan xkatzꞌekta̱na li chakꞌrab li xaqꞌue ke ut incꞌaꞌ xkaba̱nu li cꞌaꞌru caye ke, chanqueb.

Q'eqchi Bible

²⁵ Qakub'siiq b'i' li qawankil xb'aan qaxutaan, ut chookanaaq chi maak'a' chik qaloq'al, xb'aan naq xoomaakob'k chiru li Qaawa' li qaYos, chalen chaq sa' li qasaajilal, laa'o ut eb' li qana' qayuwa'. Ink'a' xoo'ab'ink chiru li Qaawa' li qaYos”.

Jeremías 3:25 ပူးပေါင်းရင်းမြစ်များ

Jeremías 22:21

La̱in quinyal inkꞌe chixqꞌuebal e̱naꞌleb nak toj sa cuanquex. Abanan la̱ex incꞌaꞌ queraj rabinquil li cꞌaꞌru quinye. Joꞌcan le̱ naꞌleb chalen saꞌ e̱sa̱jilal. Incꞌaꞌ quex-abin chicuu.

Jeremías 2:26

La̱ex aj Israel, xecꞌut e̱xuta̱n joꞌ nak nacꞌuteꞌ xxuta̱n laj e̱lkꞌ nak nataꞌli chi elkꞌac. Jun xiquic nak xecꞌut e̱xuta̱n la̱ex ut eb le̱ rey, joꞌ eb li cuanqueb saꞌ xcuanquil ut eb laj tij ut eb li profetas.

Romanos 6:21

¿Cꞌaꞌru le̱ kꞌajca̱munquil xecꞌul nak xeba̱nu chak li ma̱usilal? Ma̱cꞌaꞌ. Caꞌaj cuiꞌ xecꞌut chak e̱xuta̱n. Li cꞌaꞌru naxqꞌue li ma̱c, aꞌan li ca̱mc.

Daniel 12:2

Ut nabaleb li ac camenakeb teꞌcuacli̱k cuiꞌchic. Cuan li teꞌxcꞌul li yuꞌam chi junelic ut cuan li xuta̱nal teꞌxcꞌul nak teꞌxic saꞌ li tojba ma̱c chi junelic.

Ezequiel 36:32

La̱ex aj Israel, chenauhak nak moco xban ta nak e̱cꞌulub nak yo̱quin chixba̱nunquil li usilal aꞌin. Chexxuta̱na̱k ban ut chisachk e̱chꞌo̱l xban li incꞌaꞌ us xeba̱nu. La̱in li Ka̱cuaꞌ ninyehoc re aꞌin, chan li Dios.

Ezequiel 7:18

Teꞌxqꞌue kꞌes ru tꞌicr chirixeb ut yo̱keb xxiu. Jobilak rismaleb ut yo̱keb xxuta̱n.

Lamentaciones 5:16

Ma̱cꞌaꞌ chic kalokꞌal. Tokꞌob ku xban nak xoma̱cob.

Lamentaciones 5:7

Queꞌma̱cob li kaxeꞌto̱nil yucuaꞌ ut anakcuan camenakeb chic. Abanan la̱o yo̱co chixcꞌulbal li raylal xban li ma̱c queꞌxba̱nu eb aꞌan.

Jeremías 6:26

Li Ka̱cuaꞌ quixye reheb: —Ex intenamit, qꞌuehomak li kꞌes ru tꞌicr che̱rix ut qꞌuehomak li cha che̱rix. Texya̱bak chi cau joꞌ nak naya̱bac junak li xcam ralal li jun ajcuiꞌ chiru. Texya̱bak xban nak ac cha̱lqueb re li ani teꞌsachok e̱re.

Jeremías 2:19

Xebok raylal saꞌ e̱be̱n xban li ma̱usilal queba̱nu. Li incꞌaꞌ us li queba̱nu texqꞌue chixtojbal le̱ ma̱c. Anakcuan te̱qꞌue retal li raylal quebok saꞌ e̱be̱n nak quine̱tzꞌekta̱na, ut quecanab xxucuanquil cuu, la̱in li Ka̱cuaꞌ le̱ Dios, chan li Ka̱cuaꞌ li nimajcual Dios.

Jeremías 2:17

La̱in li Ka̱cuaꞌ le̱ Dios li quincꞌamoc chak be che̱ru. ¿Ma ma̱cuaꞌ ta biꞌ xban nak quine̱tzꞌekta̱na nak yo̱quex chixcꞌulbal li raylal aꞌin?

Jeremías 2:2

—Ayu ut ye reheb laj Jerusalén chi cau xya̱b a̱cux nak la̱in li Ka̱cuaꞌ ninye chi joꞌcaꞌin: Jultic cue chanru nak xine̱ra saꞌ e̱sa̱jilal. Xine̱ra joꞌ jun li ixakilbej naxra lix be̱lom. Xine̱ta̱ke saꞌ li chaki chꞌochꞌ li incꞌaꞌ na-el cuiꞌ li acui̱mk.

Isaías 50:11

Abanan che̱junilex la̱ex li nequecꞌu̱b chanru nak te̱camsiheb le̱ ras e̱ri̱tzꞌin texsachekꞌ xban li cꞌaꞌru nequecꞌu̱b ru xba̱nunquil. Li Ka̱cuaꞌ ta̱ba̱nu̱nk re nak texsachekꞌ ut xban li raylal te̱cꞌul tex-osokꞌ.

Isaías 48:8

Incꞌaꞌ xerabi chi moco xetau ru. Chalen najter incꞌaꞌ nequetau xya̱lal. La̱in ninnau chanru le̱ naꞌleb. La̱in ninnau nak kꞌetkꞌetex chalen saꞌ le̱ yoꞌlajic.

Proverbios 5:13

¿Cꞌaꞌut nak incꞌaꞌ quinqꞌue xcuanquil lin cha̱bil naꞌleb li queꞌxqꞌue li queꞌtzoloc cue? Incꞌaꞌ quicuaj rabinquil lin tijbal li queꞌxqꞌue.

Salmos 109:29

Sachso̱queb ta xchꞌo̱l cheꞌcana̱k. Xuta̱nal taxak teꞌcana̱k chi junaj cua.

Salmos 106:7

Eb li kaxeꞌto̱nil yucuaꞌ incꞌaꞌ queꞌxqꞌue saꞌ xchꞌo̱leb li sachba chꞌo̱lej li caba̱nu nak cuanqueb aran Egipto. Quisach saꞌ xchꞌo̱leb nak cꞌajoꞌ nak cacuuxta̱naheb ru. Ut nak cuanqueb chire li Caki Palau queꞌxkꞌet la̱ cua̱tin.

Jueces 2:2

Abanan tento nak la̱ex incꞌaꞌ te̱ba̱nu junak contrato riqꞌuineb li cuanqueb saꞌ li naꞌajej aꞌin. Te̱juqꞌui ban lix artaleb.” Abanan la̱ex incꞌaꞌ xeba̱nu li quinye e̱re. Xekꞌet ban li cua̱tin.

Salmos 106:6

Ya̱l nak xoma̱cob cha̱cuu joꞌ queꞌxba̱nu li kaxeꞌto̱nil yucuaꞌ. La̱o xkaba̱nu li ma̱usilal ut li incꞌaꞌ us.

Jeremías 3:13

Caꞌaj cuiꞌ te̱qꞌue retal nak xexma̱cob chicuu la̱in li Ka̱cuaꞌ le̱ Dios ut te̱patzꞌ e̱cuybal. Xekꞌet li cua̱tin. Xelokꞌoniheb li jalanil dios rubeleb li ni̱nki cheꞌ. Ut incꞌaꞌ xeba̱nu li cꞌaꞌru xinye e̱re, chan li Dios.

Jeremías 8:14

Eb lix tenamit li Dios queꞌxye: —¿Cꞌaꞌut nak tocana̱k arin? Takachꞌutub kib ut toxic saꞌ eb li tenamit li cauresinbil chi us re takacol cuiꞌ kib. Aran toca̱mk xban nak li Ka̱cuaꞌ li kaDios quixye nak to-osokꞌ. Chanchan nak xqꞌue li haꞌ li banbil xsaꞌ chikucꞌ re toca̱mk xban nak xoma̱cob chiru.

Jeremías 14:7

Eb li tenamit nequeꞌxye: —Usta ya̱l nak cuan kama̱c ut aꞌan li najitoc ke, abanan choa̱tenkꞌa, at Ka̱cuaꞌ, saꞌ xcꞌabaꞌ la̱ rahom. Nabal sut xatkatzꞌekta̱na ut xoma̱cob cha̱cuu.

Jeremías 14:20

At Ka̱cuaꞌ, la̱o xoma̱cob cha̱cuu. Nakanau nak incꞌaꞌ us xkaba̱nu. Ut queꞌma̱cob ajcuiꞌ cha̱cuu eb li kaxeꞌto̱nil yucuaꞌ.

Jeremías 20:18

¿Cꞌaꞌut nak quinyoꞌla? ¿Ma caꞌaj cuiꞌ re trabajic ut cꞌuluc raylal? ¿Ma caꞌaj cuiꞌ re cꞌuluc xuta̱n nak quinyoꞌla? chan laj Jeremías.

Jeremías 31:19

Nak ac xatkatzꞌekta̱na xkacꞌoxla nak incꞌaꞌ us xkaba̱nu ut xkajal kacꞌaꞌux. Nak ac xoa̱qꞌue chixtojbal kama̱c, xkatacuasi kib xban xrahil kachꞌo̱l. Xuta̱nal xkacꞌul xban li ma̱usilal xkaba̱nu saꞌ kasa̱jilal.”

Ezequiel 2:3

Ut li Ka̱cuaꞌ quixye cue: —At ralal cui̱nk, yo̱quin cha̱taklanquil riqꞌuineb li ralal xcꞌajol laj Israel. Eb li tenamit aꞌan kꞌaxal kꞌetkꞌeteb ut queꞌxkꞌet li cua̱tin. Eb aꞌan joꞌ eb ajcuiꞌ lix xeꞌto̱nil yucuaꞌeb yo̱queb chi ma̱cobc chicuu toj chalen anakcuan.

Proverbios 13:18

Li ani incꞌaꞌ naxqꞌue saꞌ xchꞌo̱l lix kꞌusbal tixcꞌut xxuta̱n ut ta̱cana̱k saꞌ nebaꞌil. Abanan li ani tixqꞌue saꞌ xchꞌo̱l lix kꞌusbal, ta̱qꞌuehekꞌ xlokꞌal.

Jeremías 7:19

Abanan, ¿ma cue ta biꞌ la̱in yo̱queb chixba̱nunquil li raylal? ¿Ma ma̱cuaꞌ ta biꞌ aꞌaneb li teꞌxsach ribeb riqꞌuin li cꞌaꞌru nequeꞌxba̱nu?

Jeremías 9:18

Eb li tenamit queꞌxye: —Cha̱lkeb chi junpa̱t chi ya̱bac chirix li cꞌaꞌru yo̱co chixcꞌulbal. Ut ocako chi ya̱bac. Choya̱bak toj retal ta̱tꞌuluk li xyaꞌal ku.

Jeremías 11:13

La̱ex aj Judá, kꞌaxal nabaleb le̱ jalanil dios joꞌ xqꞌuialeb le̱ tenamit. Ut la̱ex aj Jerusalén, kꞌaxal nabal li artal xeyi̱b joꞌ xqꞌuial li be saꞌ le̱ tenamit. Xeyi̱beb li artal re xcꞌatbal li pom chiru li dios Baal, li kꞌaxal yibru.

Jeremías 12:13

Eb lin tenamit teꞌrau li trigo, abanan saꞌ lix chꞌochꞌ ta̱e̱lk li qꞌuix. Teꞌxtacuasi ribeb chi cꞌanjelac, abanan ma̱cꞌaꞌak rajbal lix cꞌanjeleb. Incꞌaꞌ tinqꞌue chi e̱lc li racui̱mkeb xban nak la̱in yo̱ injoskꞌil saꞌ xbe̱neb, chan li Ka̱cuaꞌ.

Ezequiel 44:13

Incꞌaꞌ naru teꞌcꞌanjelak chicuu chokꞌ aj tij, chi moco naru teꞌnachꞌok riqꞌuin li cꞌaꞌak re ru santo, chi moco teꞌnachꞌok riqꞌuin li santil mayej. Junelic ban cua̱nk saꞌ xbe̱neb li xuta̱n xban li ma̱usilal queꞌxba̱nu.

Oseas 9:10

Joꞌcaꞌin quixye li Ka̱cuaꞌ: —Junxil kꞌaxal xsahoꞌ inchꞌo̱l riqꞌuineb laj Israel. Quisahoꞌ inchꞌo̱l riqꞌuineb joꞌ nak nasahoꞌ xchꞌo̱l junak chirilbal li cha̱bil uvas saꞌ tikcual chꞌochꞌ. Chanchan rilbal li xbe̱n ru li cha̱bil higos saꞌ xkꞌehil nak nau̱chin lix cheꞌel. Abanan nak queꞌco̱eb Baal-peor, queꞌxjal xnaꞌlebeb ut queꞌrisi ribeb cuiqꞌuin ut queꞌxtiquib xba̱nunquil li xuta̱nalil naꞌleb. Ut lix yibal ru lix naꞌlebeb, chanchan lix yibal ru li jalanil dios li queꞌxlokꞌoni.

Sofonías 1:17

Quixye li Ka̱cuaꞌ: —Tinqꞌueheb saꞌ raylal chixjunileb laj Judá ut eb laj Jerusalén. Chanchanakeb li mutzꞌ nak teꞌxyal raj xsicꞌbal bar teꞌxic chixcolbaleb rib, abanan incꞌaꞌ teꞌru̱k xban nak xeꞌma̱cob chicuu. Lix quiqꞌueleb ta̱hoyekꞌ ut aran ta̱osokꞌ saꞌ li poks ut lix tibeleb ta̱kꞌa̱k ut aran ta̱osokꞌ, chan li Ka̱cuaꞌ.