Jeremías 3:23 - Li Santil hu

²³ Relic chi ya̱l nak ma̱cꞌaꞌ na-oc cuiꞌ li cꞌaꞌru xkaba̱nu chak saꞌ eb li tzu̱l. Junes choki̱nc xkaba̱nu. Relic chi ya̱l nak caꞌaj cuiꞌ la̱at li Ka̱cuaꞌ li kaDios naru nacatcoloc ke la̱o aj Israel.

Q'eqchi Bible

²³ Relik chi yaal naq maak'a' aj e li xik sa' xb'eeneb' li tzuul ut li ninq'ehik sa' xb'eeneb' li b'ool. Ka'ajwi' li Qaawa' li qaYos nakolok reheb' laj Israel.

Jeremías 3:23 ပူးပေါင်းရင်းမြစ်များ

Salmos 3:8

At Ka̱cuaꞌ, la̱at laj Colol ke. Choa̱cuosobtesi taxak la̱o la̱ tenamit.

Isaías 12:2

Li Ka̱cuaꞌ, aꞌan li nacoloc cue. Cau inchꞌo̱l riqꞌuin. Joꞌcan nak incꞌaꞌ tinxucuak. Li Ka̱cuaꞌ, li nimajcual Dios, aꞌan naqꞌuehoc xcacuil inchꞌo̱l ut aꞌan li ninbicha ru, chaꞌakeb.

San Juan 4:22

La̱ex aj Samaria incꞌaꞌ nequenau chi tzꞌakal ani nequeqꞌue xlokꞌal. La̱o aj judío nakanau chi tzꞌakal ani nakaqꞌue xlokꞌal xban nak li colba-ib riqꞌuineb laj judío xchal chak.

Oseas 1:7

Abanan eb li ralal xcꞌajol laj Judá tincuil xtokꞌoba̱l ruheb. La̱in li Ka̱cuaꞌ lix Dioseb. La̱in tincolok reheb. Incꞌaꞌ tebincol riqꞌuin tzimaj, chi moco riqꞌuin chꞌi̱chꞌ, chi moco riqꞌuin pletic, chi moco riqꞌuineb cui̱nk li nequeꞌchal chirix cacua̱y chi pletic, chan li Ka̱cuaꞌ.

Ezequiel 20:28

La̱in quincꞌameb saꞌ li cha̱bil naꞌajej li quinyechiꞌi reheb. Nak queꞌril li tzu̱l li najt xteram ut eb li cheꞌ li ni̱nk xmu, queꞌxqꞌue xmayejeb aran. Queꞌxchikꞌ injoskꞌil nak queꞌxqꞌue lix cꞌatbil mayej ut queꞌxqꞌue li vino chokꞌ xmayej ut queꞌxqꞌue ajcuiꞌ li sununquil pom.

Jeremías 17:14

At Ka̱cuaꞌ, china̱qꞌuirtesi re nak tincacuu̱k. Ut china̱col re nak tincolekꞌ xban nak caꞌaj cuiꞌ la̱at nacatinlokꞌoni.

Jeremías 14:8

At Ka̱cuaꞌ, la̱at li kayoꞌon la̱o aj Israel. La̱at li nacatcoloc ke chiru li raylal. ¿Cꞌaꞌut nak chanchanat jun li jalan xtenamit? ¿Cꞌaꞌut nak chanchanat jun li yal numecꞌ yo̱?

Jeremías 3:6

Quixye laj Jeremías: —Nak toj cuan chokꞌ rey laj Josías, li Ka̱cuaꞌ quixye cue chi joꞌcaꞌin: ¿Ma yo̱cat chixqꞌuebal retal cꞌaꞌru yo̱queb laj Israel? Eb aꞌan yo̱queb chintzꞌekta̱nanquil. Chanchaneb chic li ixk li nequeꞌxcꞌayi rib xban nak nequeꞌtakeꞌ saꞌ eb li tzu̱l. Ut rubeleb li cheꞌ li ni̱nk xmu nequeꞌxlokꞌoni li jalanil dios.

Isaías 63:16

At Ka̱cuaꞌ, la̱at li kayucuaꞌ usta laj Abraham ut laj Israel (Jacob) incꞌaꞌ queꞌxnau ku. La̱at li kayucuaꞌ. Ut la̱at laj Colol ke chalen chak najter.

Isaías 63:1

—¿Ani li cak rakꞌ li yo̱ chak chi cha̱lc Bosra li cuan aran Edom? ¿Ani li cꞌajoꞌ xchꞌinaꞌusal li rakꞌ li yo̱ chak chi cha̱lc riqꞌuin xcuanquil ut xlokꞌal? La̱in li Ka̱cuaꞌ li nina̱tinac saꞌ ti̱quilal ut nim incuanquil chi coloc.

Isaías 45:20

Li Ka̱cuaꞌ quixye: —Chꞌutubomak e̱rib ex tenamit. Quimkex che̱junilex li joꞌ qꞌuialex incꞌaꞌ xsacheꞌ e̱ru. La̱ex nequepako li yi̱banbil dios saꞌ be. Ma̱cꞌaꞌ e̱naꞌleb. Nequextijoc chiru li dios cheꞌ li incꞌaꞌ naru nequexcol.

Isaías 45:17

Abanan eb laj Israel teꞌcolekꞌ xban li Ka̱cuaꞌ. Junelic teꞌcolekꞌ ut incꞌaꞌ ta̱cꞌutekꞌ xxuta̱neb,” chaꞌakeb.

Isaías 45:15

Li Ka̱cuaꞌ, le̱ Dios la̱ex aj Israel, aꞌan laj Colol e̱re. Aꞌan incꞌaꞌ na-ilman ru.

Isaías 44:9

Eb li nequeꞌyi̱ban re li yi̱banbil dios ma̱cꞌaꞌ nequeꞌoc cuiꞌ. Ut lix dioseb li nequeꞌxyi̱b ma̱cꞌaꞌ nequeꞌoc cuiꞌ. Eb aꞌan nequeꞌxnau nak li cꞌaꞌru nequeꞌxba̱nu, aꞌan ajcuiꞌ nabalakꞌin reheb xban nak lix dioseb incꞌaꞌ nequeꞌiloc ut ma̱cꞌaꞌ nequeꞌxnau.

Isaías 43:11

Caꞌaj cuiꞌ la̱in li nimajcual Dios. Caꞌaj cuiꞌ la̱in nincoloc.

Salmos 62:7

Riqꞌuin li Dios nachal incolbal ut riqꞌuin ajcuiꞌ aꞌan nachal inlokꞌal. Aꞌan na-iloc cue ut caꞌaj cuiꞌ riqꞌuin aꞌan nincol cuib.

Proverbios 21:31

Eb li cui̱nk nequeꞌxcauresiheb lix cacua̱y re nak teꞌxic chi pletic. Abanan, aꞌ li Ka̱cuaꞌ, aꞌan li naqꞌuehoc reheb chi numta̱c saꞌ xbe̱neb li tenamit.

Jeremías 17:2

Jultic reheb le̱ ralal e̱cꞌajol eb li artal ut li yi̱banbil dios xAsera li quelokꞌoni rubeleb li cheꞌ li ni̱nk xmuheb ut saꞌ eb li naꞌajej li ni̱nkeb xteram.

Jeremías 31:7

Li Ka̱cuaꞌ quixye: —¡Bichankex xban xsahil e̱chꞌo̱l saꞌ xcꞌabaꞌeb li ralal xcꞌajol laj Jacob, li nim xcuanquil saꞌ xya̱nkeb chixjunileb li tenamit! Chi-abi̱k xya̱b le̱ cux nak te̱lokꞌoni li Ka̱cuaꞌ ut te̱ye, “Li Ka̱cuaꞌ xcoloc reheb lix tenamit. Aꞌan xcoloc ke la̱o aj Israel li joꞌ qꞌuial chic xocana.”

Isaías 10:20

Saꞌ eb li cutan aꞌan eb laj Israel, li ralal xcꞌajol laj Jacob, li incꞌaꞌ queꞌsach ruheb, incꞌaꞌ chic teꞌxcꞌojob xchꞌo̱l riqꞌuineb li cui̱nk li queꞌsachoc ruheb. Teꞌyoꞌoni̱nk ban riqꞌuin li Ka̱cuaꞌ, li Dios Santo, lix Dioseb laj Israel.